Theatertext Rundgang durch das Hotel Victoria Jungfrau Interlaken

Transkript

1 Seite 1 Theatertext Rundgang durch das Hotel Victoria Jungfrau Interlaken Text Hanspeter Kissling Regie Gilbert Thélin Kostüme Timea Rusz 12. Januar 2015 Szenen Spieler/Spielerinnen Station 1 Weinkeller (Gäste stehend) 2 Herren ( von heute, von damals) Station 2 Zimmer Nr. 469 (Gäste sitzend): damals Zeit: 1896 Nicolas (), Marco () 2 Herren (Ehemann, ), 1 (Ehefrau), alle von Nicolas (), Max (Ehemann), Pamela (Ehefrau) Station 3 Küche (Gäste stehend): heute, ausser 1 (Küchenmädchen), 2 Herren (Küchenchef, ), alle von Nicolas (), Sarah (Küchenmädchen), Marco (Chefkoch) Station 4 Salon Rouge (Gäste sitzend): 1 Herr (), 3 n ( und, ), alle von damals Zeit: 1907 Nicolas (), Pamela (), Sarah (), Marlis () Station 5 Intermezzo Bar (Gäste stehend): heute, ausser 3 Herren, 2 wie Station 1, aus Russland, alle von Nicolas (), Max (), Marco ()

2 Seite 2 Station 1 Weinkeller (Gäste stehend) 2 Herren ( von heute, von damals) Nicolas (), Marco () Wärti und Here. My Name isch Jürg Lauener. Anlässlich vo üsem hundertfüfzgjährige Jubiläum Hotel Victoria Jungfrou, begrüesse ig euch ganz härzlech zu üsem gschichtleche Rundgang. Es isch nid nume e Rundgang, es isch o e kulinarischi Rundreis mit füfne Gäng het der jung Gschäftsma Eduard Ruchti d Pension Victoria, es ehemaligs Arzthuus, a prominänter Lag am Höhewäg, mit freiem Blick uf ds Jungfraumassiv, gkouft. Acht Jahr später het er de de bekannte Architekte Friedrich Studer und Horace Edouard dr Uuftrag für ne Neubou ggä. Nach nume nünmonatiger Bouzyt isch das grosszügig konzipierte Hotel Victoria im 1865 eröffnet worde. Übrigens isch den grad der amerikanisch Bürgerchrieg z Änd ggange. (kommt aufgeregt von der Seite herein) Heit dir myner Ross eme ne Ort gseh? Was für Ross? E wysse Schimu u e schwarze Choli. Zletscht wo se gseh ha, si si hie i däm Stall gstande. Wie dir gseht, isch hie ke Rossstall, sondern e Wychäller. I schwöres. Zletscht mal wo ni da bi gsy, bi ni genau a däm Ort da gstande. Wenn isch de das gsy? Wartet emal. Geschter am 3. März !? Da cha öppis nid stimme. Guete Ma, jitz hei mir ds Jahr säget dr? Wo bi ni de ömu o so lang gsy? Das nähm mi o wunger. Still! (schliesst die Augen) Jitz dämmerets mr. Me het mi verzouberet u i Tiefschlaf versetzt. Wie, was, vo wäm? Das isch e so: I ha hie lang als gschaffet. I ha ir Gägend mit de Gescht Kutschefahrte gmacht. Aber o Stadtrundfahrte. Zu myre Zyt isch 1890 Bärneroberlandbahn nach Luuterbrunne u Grindelwald boue worde u 1893 sogar e Bahn uf die chlyni Scheidegg. So ha ni albe o d Gescht vom Bahnhof abgholt u hie i'ds Hotel bracht. Was isch jitz mit däm Tiefschlaf? Also: Der Stallchnächt u hei eme ne Aabe no es Hardermannlischnaps zur Sterkig gnoh. Eis, zwöi, drü Glesli u no eis u no eis. Plöztlech hei mir Krach wägem Trinkgäld vo de Gescht übercho. Er het bhouptet, i heig ne scho mänggisch bschisse u nihm nume e Bruchteil gä vo däm wo ner z'guet heigi. I ha nihm eini gklepft das ihm fasch dr Chifer furtgfloge isch. Er het ne wider ygränkt u gseit er holi jitz Versterkig. U hachhär? Es isch nid lang ggange, chunnt er mit emene chlyne dli zrügg u seit das syg der Brueder vom Hardermannli. Dir wüsst ja wär ds Hardermannli isch? De scho sicher. Das isch doch das steinige Gsicht wo vom Harder obe uf ds Bödeli abe luegt. Wüsst dir de warum das so isch? Eigentlech nid. Ds Hardermannli isch ursprünglech e Mönch gsi. Dä isch schyns nid grad der brevscht gsi u het gäng de junge Meitli nachegstellt. O so einisch im Gebiet vom Harder. Das Meitli isch voller Angscht dervo grennt u über d Flue uusgheit u isch sofort tod gsi. Dr Mönch het über d Flue uusgluegt u i däm Momänt hets blitzt u donneret u sys Gsicht isch versteinert worde. Syt denn luegt er als Hardermannli i ds Tal abe.

3 Seite 3 5:40 Min Das ma ja no knapp stimme, aber dass das Hardermannli no e Brueder söll gha ha, das gloube dr nid. Das passt o zytlech nid zäme Um ehrlech z'sy, i weiss es o nümm so genau wie's gange isch. Es isch irgendwie e Geischt gsy wo mi i Tiefschlaf versetzt het. I cha mir guet vorstelle wele Geischt. Wele de? Das isch sicher der Wachholdergeischt gsy. Nid der Wachholdergeischt, sondern ds Hardermannli. Also i meine sy Schnaps. Lueget da uf em Gstell. Nähme mir zäme e Schluck? Eigentlech ha ni dene Herrschafte da us dyre Zyt wölle verzelle. Machet nume. I überlege de sider wo myner Ross chönnte sy. Dank der Wytsichtigkeit und em Gloube a Fortschritt, het me das Hotel da loufend erwyteret und de nöischte technischen Errungeschafte apasst. So het me scho 1875 e hydroulische Lift ybout. Für e Atryb het e Wasserdruckpumpi im Chäller dienet. D Erfindig vom Lift het o erloubt d Hüser höcher als drü Stockwärk z boue. Im 1875 isch o dr Abou Jungfrou West boue worde, im Parterre mit Gsellschaftsrüüm für ds Ploudere, Läse und Spile. I d obere Gschoss hets wyteri Zimmer gäh. Dir, was meinet dr, söll i myner Ross no wyters sueche? Die fingsch sicher nümm. Bruucht me de hüt kener Ross me? Hie by üs nümm. Mir hei Outo für schnäll u bequem vorwärts z'cho. Outo? Bruchts da o Ross? Nei, das si im Grund gnoh Kutsche mit eme ne Motor. Nume viel moderner. Am Afang hei d Outo o uusgseh wie Kutsche. Hüt cha me das nümm verglyche. (sieht an die Decke) Jitz bi ni ganz sicher, dass i im Rossstall bi. Wiso? Lueget mal da ufe. I gseh nüt. E mou, d Tili. Und? Das isch genau Tili vo mym Rossstall wo ni sueche. Stimmt tatsächlech. Die isch no us dere Zyt. Wärti und Herre, gniesset jitz dr Crevetten Cocktail Moscovite. I gah de sider em üser Outo gah erkläre.

4 Seite 4 Station 2 Zimmer Nr. 469 (Gäste sitzend): damals 2 Herren (Ehemann, ), 1 (Ehefrau), alle von Nicolas (), Max (Ehemann), Pamela (Ehefrau) Zeit: 1896 beide Ma Sie sitzt an einem Tischchen und kämmt die Haare. Er sitzt auf dem Stuhl liest in einem Buch. (Stossen mit den Weingläsern an). Gsundheit, uf üse Hochzytstag. Isch das e wunderschöne Tag gsy. Ja, die Reis mit der Bahn nach Grindelwald isch einmalig gsy. Ds letscht mal wo mir da gsy si im 1890 isch si grad ygweiht worde. Was so ne Bahn uusmacht. Sit das es die git, wärde überall Hotel boue, sygs ds Grindelwald, ds Müre aber o hie ds Interlake. Jitz chöme mir scho so mängs Jahr i das Hotel u gäng isch öppis um oder nöi bout worde. Ja, d Konkurränz schlaft nid. Me seit ja nid vergäbe, wär nid mit der Zyt geiht, geiht mit der Zyt. We me dänkt was da alles syt 1865 gange isch. So isch es. Schyns si scho im Jahr 1866 beidi Hüser a ds Gasnetz agschlosse worde. Allerdings hets nume i de Gemeinschaftsrüüm u im Parterre Gasliecht gäh. Süsch het me nach wie vor Cherze u Petrollampe bruucht. Gott sei Dank, ha ni di by Tagesliecht lehre kenne, süsch hätti di villech müesse gah umtuusche. Du bisch doch gäng dr Glych. D Chance für di besser z gseh si mit dr Yfüherig vom Elektrische Liecht gewaltig gstige. Wenn isch de das gsy? 1882 het's ds erschte elekrische Liecht im Bärner Oberland gäh. Hie im Victoria Jungfrou het me 1888 vo dere tolle Erfindig chönne profitiere. es klopft (). Beide erschrecken. Um Himmelsgottswille, wär chönnt das sy? Hesch du der Zimmerservice bschtellt? Nei, Gang ga luege! (es klopft wieder) E Momänt! (geht zur Tür und öffnet, platzt herein) Heit dir myner Ross e me ne Ort gseh? Was fallt euch y, üs mitz i dr Nacht derewäg z'erchlüpfe. Heit dir se niene gseh? Wie dir gseht, hie si si emu nid. Weli meinet dr de? I bi nech doch hüt Namittag am Bahnhof cho abhole mit emene wysse Schimu u e me ne schwarze Choli. Das stimmt. Was dir aber nachhär mit eune Ross gmacht heit isch nid üses Problem. U jitz göht bitte! Übrigens, heit dir scho mal e schwarze Schimu gseh? (Türe zu) Wie cha eine nume syner Ross verlüüre. So ne Frächheit. Dä mit syne Ross. Hoffentlech stürmt dä nid no lang im Gang desume, i sött de no uf ds WC. Dank em Umbou isch das jitz o gäbiger als früecher. Jitz gits immerhin pro Etage zwöi Bad u vier WC. Das isch nid immer e so gsy, gäll? Das stimmt. Em Afang hets im Chäller nume grad eis einzigsbad ggäh. U bevor s der Wasseraschluss 1870 gäh het, hets o no PC ggä. WC, PC, was heisst das eigentlech? Dr Begriff WC chunnt vo de Ängländer und heisst wotercloset. U de PC?

5 Seite 5 4:15 Min Das isch vo mir u heisst Plumscloset. Typisch di. Jitz ohni Witz. Weisch du warum d WC o mit 0 oder 00 agschribe si? Ke Ahnig. Zimmer wärde ja düre numeriert vo 1 bis irgend e Zahl. Wüu d WC meischtens ir Nöchi vom Lift bout wärde, schribt me se äbe mit 0 oder 00 a. Drmit o das gseit wär. Vori bym Nachtässe am Näbetisch, dä Ma mit dere Frou, isch das nid dr Buechhändler Geiser gsy? Ja ja das isch ne gsy, er het üs so verunsicheret zugnickt. I ha ds Gfühel das syg nid syni Frou wo ner by sich het ggha. Warum meinsch? Die am Tisch isch doch viel jünger gsy als är. Das stimmt. Warum het ächt dä e angeri? Villech het er d Frou müesse umtuusche wüu er se by Cherzeliecht het lehre kenne. Du bisch mir eine. So, i wott gah schlafe. Ohni Bett? Dr Zimmerboy het ja gseit, we ds nöie Doppelbett bis nach em Nachtässe nid da sygi, chönni mir i ds Zimmer näbedra gah schlafe. I ds zwöiezwänzgi. Also göh mr. (beim hinaus gehen) I muess de no schnäll uf ds nullnull.

6 Seite 6 Station 3 Küche (Gäste stehend): heute, ausser 1 (Küchenmädchen), 2 Herren (Küchenchef, ), alle von Nicolas (), Sarah (Küchenmädchen), Marco (Chefkoch) Küchenchef (spricht mit französischem Akzent) Liebi Gescht. Hie si mir also hie i dr unteriridische Chuchi. O da het sich während dene 150 Jahr einiges verändert. D Chuchi isch quasi mit der Anzahl Hotelbett ständi gwachse. Stellet nech vor, bereits im 1909 hei hie 56 Mitarbeiterinne und Mitarbeiter gschaffet. Hüt si das 42 Mitarbeitendi (inkl. 11 Mitarbeiter für Stewarding/Abwäsche), sowie zuesätzlich 8 Koch-Lernendi. Die abnähmendi Zahl zeigt, das Hüt viel meh Rüscht- und Chochgrät zur Verfüegig stöh. Dennzumal het e Chuchichef i dr Stund Fr verdienet. Hüt verdient e Chochlernendi Fr Küchenmädchen (kommt von hinten, mit Schüssel und Schwingbesen in der Hand) Excusé Monsieur Miaux, darf i schnäll störe? Küchenchef Dir gseht ja, dass i ke Zyt ha. Küchenmädchen Aber isch dringend. Küchenchef (zu den Gästen) Entschuldiget liebi Gescht. Um was geits? Übrigens darf i vorstelle üsi Lernendi Gaby Blaser. O das het im Louf vo dr Zyt geändert. Früecher hets Chuchimeitschi geheisse, speter Lehrtochter u jitz Lernendi. Also was isch so dringend? Küchenmädchen I muess zur Vorspys no Mayonaise mache u jitz isch si mir (zeigt Schüssel) Küchenchef düregheit. Dir sit nid die Erschti wo das passiert. Da gits verschideni Gründ derfür. Küchenmädchen Weli de? Küchenchef Villech het Tämperatur vo Eigälb u Oel nid gstumme oder dir heit ds Oel zweni langsam zum gschlagne Ei gäh. Aber halt, es chönnt no öppis ganz anders tschuld si. Küchenmädchen Was de, Chef? Küchenchef Dir kennet doch üser beide Stäge wo da hinde parallet da abe führe? Küchenmädchen Sicher ja. Küchenchef Die Stäge hets o scho 1903 gäh. Wo dir ufe sit gah d Eier hole, weli Stäge heit dir gnoh, die Linggi oder die Rächti? Küchenmädchen Die Linggi. Küchenchef Da hei mrs! Dir hättet müesse die Rächti näh. Links oder rächts isch nid nume im Strasseverchehr wichtig, sondern o für d Mayonaise. Küchenmädchen Wär's gloubt. He nu, de mach ig halt e nöii Mayonaise. Die glingt mir de ganz sicher. (geht ab) Küchenchef Ja, liebi Gescht. We dir nech hie e chly umelueget gseht dir überall Chromstahl. Us hygienische Gründ isch das ds beschte Material. Früecher het me verschideni Materialie brucht, zum Byspiel Chochlöffel us Holz, O Schale us Holz aber o Porzellan, Steiguet oder lierts Yse isch bruucht worde. (kommt von hinten) Excusé, heit dir myner Ross e me ne Ort gseh? Küchenchef A dir syt dä Was dä? Küchenchef My Kolleg wo im Wychäller d Füehrig gmacht het, het vo nech verzellt. Dir rennet schyns ir faltsche Zyt desume. Das stimmt. Zum Glück ha ni vori es Ehepaar us myre Zyt troffe. Sie hei zwar nid grad Fröid gha a mer. Wo bi ni da überhoupt? Küchenchef Ir Chuchi. (erstaunt) Ir Chuchi!? So öppis ha ni no nie gseh. Das het de zu myre Zyt de scho ganz anders uugseh. Küchenchef Wie de?

7 Seite 7 Überall si Holztische mit Taburettli desume gstande. Da het me no mit Holz u Chole gfüüret. D Kochherde hei so verschidene Yseringe gha wo me verschide grossi Pfanne het chönni ysetze. Nachhär hets Gasöfe ggäh. Küchenchef So öppe ab 1930 hets de elektrischi Chochhärde ggäh. Scho gäng hets das Hotel e guete Ruef beträffend vorzüglecher Chuchi gha. Das stimmt. Lueget mi doch mal a. (streich über den Bauch) Küchenmädchen (kommt zurück, mit Schüssel in der Hand, darin versteckt eine Tube Mayonaise) So da bi ni wider. Küchenchef Und? Het's klappet? Küchenmädchen De scho sicher. Küchenchef Bisch das mal über die rächti Stäge gange? Küchenmädchen Wie dir mir gseit heit. Küchenchef Zeig emal! Küchenmädchen (zieht eine Tube Mayonaise aus der Schüssel) Die glingt immer. (geht raus) Küchenchef 4 Min. (geht ihr nach) Wartet, ich chume o grad. Dir chöit mir hälfe myner Ross suche. Luusmeitli. Wärti Gescht, de wünsch i euch e Guete mit de Seezungeröllchen Maconnaise, nid z'verwächsle mit Mayonaise.

8 Seite 8 Station 4 Salon Rouge (sitzend Hauptgang): 1 Herr (), 3 n ( und, ), alle von damals Nicolas (), Pamela (), Sarah (), Marlis () Zeit 1907 ( und sitzen am Tisch und trinken Kaffee) Emelie, wo bisch dä Morge so lang blibe? Im Café Schuh. Hesch öpper troffe? Ja, der Christian. Isch aber nid wahr. Dr Christian von Allmen, dr Bärgfüehrer? Ja, dä. (kommt herein) Grüessech mitenand. Heit dir öppis dergäge, wen i e chly zu öich sitze? Im Gägeteil, nähmet nume Platz. (sitzt ab) Darf i mi vorstelle: von Tscharner Sehr agnähm. Von Fellenbärg, u das isch my Emelie. Fröit mi. (Schaut sich um) I muess scho säge, es isch wunderschön hie i däm Salon rouge. Wem e dänkt was da alles isch bout worde nach em Brand vom Turm im Zum Byspiel ir Zwüscheachs vom Hotel zum Turm hets e nöii Stäge, e Lift u nöii WC Aalage ggäh. Aber o dr Wintergarte vor em Turm het me nöi gemacht. U äbe dä Salon da. Wunderschön die Maroko Usstattig. Dir meinet allwä Rokoko Usstattig. Das ha ni grad wölle säge. O dr Saal jaune isch prächtig worde. Hoffentlech überchunnt me da nid Gälbsucht. Wie redsch o Chind. Mama, mir isch's längwylig. Bis so guet! Me isst hie übrigens sehr guet. Geschter dä Fisch, eifach délisieux. Wüsst dr, my ma Ma isst d Forälle nume blau. Myne isst se o we när nüechter isch. Sit dir viel da? Mir chöme fasch all Jahr, gäll Emilie? Mir isch es längwilig. (zischt sie an) Emilie! - Und dir? Ab und zue. Letschts Jahr si my Ma u ig in Rom gsy, i dr sixtynische Kapälle. Isch doch schön,we me zäme cha Musig mache. Mama! (platzt herein) Excusé gschetzti, heit dir myner Ross e me ne Ort gseh? Was fallt euch y, hie ine z cho! Wüsst dir de nid, dass sich hie inne nume ufhalte? Nei, das weiss i nid. Wo si de d Here? Die si im Näberuum am rouke. Dir störet mi hie nid. Mir isch lieber es rösselet eine als das er röikelet. Emelie! Göht doch mal gah luege, villech si öii Ross o am rouke. Mache ni. (bei der Türe) Witzig u hübsch. Die gfiu mir o no. (geht hinaus) Dä gfiu mir jitz emu o no. Jitz isch's dr pötzlech nümm längwilig, gäll? Dä luschtig Typ het emu Läbe i ds Huus bracht.

9 Seite 9 und 5 Min Du mit dyne e. Apropos e, du hesch also dä Christian von Allmen wider troffe? Ja. I ha halt längi Zyti ggha. Obschon i dir letschts Jahr gseit ha du söllsch ein für alle mal Schluss mache?! Er gfallt mir halt. Was isch es de was dr so gfallt a nim? Er gseht guet uus, weiss vil über d Natur u de Bärge. Vo däm chame emel nid läbe. Er macht viel Bärgtuure mit Gescht. Ab und zue e Ängländer im Schlepptou, das chas ja nid sy. Dä kennt jede Bärg im Oberland. Die meischte gseht me sogar vo hie vom Hotel uus. U wüsst dir wäm mir das verdanke hei? Kei Ahnig. Stellet nech vor, scho 1864 hei Hotel- u Gaschthofbsitzer, aber o Verschoufsbudebsitzer hie die Matte vor em Hotel, d Höhematte, kouft. So sorget no hüt die 14 Hektar grossi Matte für die wunderbari Uussicht. Da wird no mänggi Generation dankbar sy drfür. Weler Bärge gseht me de zum Byschpiel? Ds Wätter-, Schreck- u Schwarzhorn, ds Breit-, Tschingel- und Gspaltenhorn u de natürlech Eiger, Mönch u Jungfrou. U de ds Matterhorn? Mama! Wüsst dir übrigens wenn d Erschtbestygig vor Jungfrou u em Eiger gsy isch? Nei. D Jungfrou isch anno 1811 u der Eiger im 1858 zersch mal bestige worde. Das isch ja alles schön u guet. Aber dä Christian isch nüt für di. Dänk doch a dy Existänz. Dr Notar Burger wär doch eine für di. Was so ne Paragraphemürggu, sicher nid. Was machsch de wen er z tod gheit? Me muess o nid grad gäng a ds Schlimmschte dänke. Mir rede de nomal drüber we o dr Papa derby isch. Excusé Frou von Tscharner, we mir öich mit Familieaglägeheite beläschtige. Was si muess, muess si. I ga sowieso grad. I muess mi no für ds Nachtässe gah zwäg mache. (steht auf) Mir chöme o grad mit. Übrigens mir fahre am Frytig zrügg nach Bärn. Mir wöi am Samschtig no gah Tannhäuser luege. (im Hinausgehen) Ah, wöit dir es Huus choufe? Mama!

10 Seite 10 Station 5 Intermezzo Bar (stehend): ausser 3 Herren, 2 wie Station 1, aus Russland, alle von heute, Nicolas (), Max (), Marco () ( und kommen herein) Das hie isch d Intermezzo Bar Herr Choderov. (mit russischem Akzent) Sehr schön. Ich bin beeindruckt von den vielen schönen Räumen die sie mir gezeigt haben. Was isch eigentlech dr Grund, dass dir by üs weit bueche? Die Armee Russlands war an den Olympischen Spielen in Sotschi verantwortlich für die Sicherheit. Da alles so gut geklappt hat, darf eine Delegation in der Schweiz Ferien machen und etwas von der perfekten Schweizerhotellerie lernen. Das fröit üs natürlech. (zeigt auf die Gäste) Aber sagen sie, wollen diese Leute auch alle Ferien buchen? Muss ich mich beeilen? Nei, das si üser Gescht. Mir fyre ja ds 150 Jahr Jubiläum vo däm Hotel da. Ich sehe, ihr Haus hat eine grosse Tradition. Das stimmt. Aber säget e mal, wiso verstöht dir e so guet bärndütsch? Meine Grossmutter stammt aus Schwarzenburg. Dort sprechen die Leute so: Mi nimmt nume wunner, wie dä Hunn unne Brunne unnere cho isch. I verstah. Das isch aber de no e bsundere Dialäkt. Ich kann nur diesen Satz. Vielleicht noch Chuchichäschtli. Was dir no nid gseh heit, Herr Choderov, isch üses SPA. Sie haben diese auch in der Schweiz? Ja sicher, das gits doch überall uf dr Wält. Überall glaube ich nicht, aber ganz sicher in Russland, China und Kuba. Mir rede allwäg nid vom Glyche. Doch doch. SPA heisst für mich Sozialistische Partei. Das isch halt so ne Sach mit de Abchürzige. I erkläre nechs grad. ( kommt herein) A da syt dir ja. Was isch de jitz scho wider? I ha nech überall gsuecht. Dir syt allem a duurend uf der Suechi, Zersch suechet d Ross, de Zyt u jitz no mi. I ha nech nume wälle säge, i gib es uuf dä mit de Ross. Het o ke Sinn. Aber eigentlech ha ni em Herr Choderov wölle erkläre was SPA isch. (zu sich) So wet i emu nid heisse "Choder-ov". Was isch es de? So ab de Füfzgerjahre hei Gescht i de Hotel nid nume wölle guet ässe, Läse u wandere, sie hei öppis für ihri Fitness wölle tue. So het ds Hotel Victoria Jungfrou scho 1967 e Schwümmhalle bout. Speter het de dr Tennisbuum ygsetzt u me het de im 1978 e Tennishalle bout. Nit vergäbe het vori die nobli gäng gseit: Es isch mir längwilig. Was heisst SPA? Dr Name leitet sich vom belgische Badeort namens Spa ab, wo britischi Tourischte scho im 16. Jahrjundert Heilbäder bsuecht hei. Es git aber o no e Härleitig us em Latinische 'Sanus Per Aquam' oder 'Sanitas Per Aquam', was soviel heisst wie 'Gesundheit durch Wasser'. Das het nüt z'tüe mit Spa-lier stah, Herr. Sie sind wohl ein kleiner Witzbold, hm? Was cha me de da alles mache? Syt em Jahr 2003 het ds Hotel Victoria Jungfrou mit emene SPA vo 5'500 qm eis vo de gröschte und beschte Wellness-Yrichtige vo Europa. Ds Angebot isch gewaltig. Ich cha

11 Seite 11 5:30 Min. das nume zämefassend ufzelle. Schwimmbäder, Warm- und Chaltwasserbecki, Whirlpools, Saunas, Entspannungszone, Fitnessbereich und Massageangebot. Im Wytere Ernährigsprogramm, Körper- und Gesichtsbehandlige und so wyter. Da freue ich mich aber sehr. Meine SPA ist nicht so spannend. I ha fasch nüt verstande. Was isch Sauna? Das isch e Chammere wo me so richtig cha schwitze. Das bruuche ni sicher nid. We ni myner Ross muess strigle, chume ni gnue zum schwitze. I höre immer Ross. Haben sie Pferde? Gha. Jetzt nicht mehr? I ha äbe yre andere Zyt gläbt. Das isch aber e anderi Gschicht. Bei uns in Russland hat man noch viele Pferde. Wenn sie wollen können sie mit mir kommen. (zum ) Söll i ächt? Jitz müesst dir nech entscheide. Entweder jitz wyterläbe oder zrügg i Schlaf, aber das mal für immer. I wage's. I chume mit euch nach Russland Herr Choderov. Ir hütige Zyt chume ni allwäg nümme z rank, aber mit Ross kenne mi uus. Süsch cha mer ja de gäng no es Outo choufe. Fröit mich sehr Herr - wie ist ihr Name? Hans Schild. Me seit mir nume dr hannes. Herr Lauener, ich möchte jetzt buchen. 11 Gästezimmer und 1 Junior Suite für mich. So jung gseht dir emu o nümme uus. Sie sind und bleiben wohl ein Witzbold. Herr Lauener, erhalte ich für die Buchung einen Jubiläumsrabatt? Sie wissen ja, der Rubel ist leider nicht mehr viel wert. Mir rede de nachhär drüber. Wartet mir däne ir Reception. Dir hannes göht am Beschte o grad mit. (beide gehen hinaus) Ändleche het das Rossgschtürm es Änd. Liebi Gescht, dermit wäre o mir am Änd. Es gäb no vil z'verzelle. Uf der Homepage vom Hotel Victoria Jungfrou findet dir no ganz vil wyteri Informatione. U jitz chöme mir no zum Dessär: Omelette surprise Norvegienne, flambiert. Die nöii Volksbühni Bärn dankt euch für öii Ufmerksamkeit. (holt die andern herein, alle verbeugen sich)