Jemütlich setz me em Fernsehsessel on hät de

Transkript

1 Hans Heinz Eimermacher Wie de Zek verjeht Jemütlich setz me em Fernsehsessel on hät de janze Technik, ohne die me sich hökzedaach net komplett fürkütt, nävve sich lieje. Do es de Fernbedienung für et Fernsehn, für de CD-Player, für de Dolby-Suround-Aanlach, für de komplette Radio-Aanlach, dat Handy, on net ze verjesse, de Bedienung für de Sessel, domet me emme en de jünstichste Laach alles jenieße kann. Alles Jeräte, op die me net mie verzichte will, on die me och als aale Landbewohner komplett met denne englische Bezeichnunge benennt. Me moss de Ore zumaache, domet me dat alles, wat me en denne Joore, en den me he jroß jewurde es, metjemaat hät, ze verstonn. Sen et jetz jod sechszich Joor her. De domolije Zegge lossen sich nur verzälle, on de jong Lök können et kaum ver stonn, dat me su zerääsch jekomme es, on dobei och noch zefredde wor. Als klein Pänzje moot me sich beim Spelle met vell Fantasie selvs beschäftije. De Spellsaache woren meistens von de Eldere selve jemaat oder von de Jeschwistere jeärv. Ich dät am leevste met de Bauklötz spelle on am Engk jov dat emme et selve Huuß, äve ich meinte en menger Vorstellung, et wör en anderes Bauwerk, weil de Fenstersteen jet anders aanjeordnet wore. Em Winter wor menge Spellplatz emme onge 34

2 Irdische und himmlische Geschichten dem kleine Deschelche, dat am Offe stond, weil et do am wärmste wor. De Offe wor de Köcheherd, der emme jestoch werde moot, ejal op et drusse kalt oder wärm wor. De Jlud wurd met Briketts aanjehalde, on wenn et schnell wärm werde soll oder rasch jekoch werde moot, wurd jet Holz drop jelaad. Manchmol wurd su jefeuert, dat de Offeplaat rut jlühend wor. De Winter wore jet strenger wie hökzedaach. Weil et äve en Huuß met Zentralheizung nur janz selten jov, on op dem Land suzesaare net ze fenge wor, wurd em alljemeine on bei uns och, nur de Köch jeheizt. Die wor zejlich och de Wohnraum, en dem sich dat janze Levve am Daach avspellte. De Fenstere wore met einfachem dönnem Jlas versehen on morjens dek met Eisbloome belaad. Me moot se kräftich aanhauche, öm se opzetaue, domet me raus sehen konnt. En der Zek moot me besonders oppasse, dat dat Wasser net enfrierte. Wenn dat passierte, wor et net nur schlemm, dat me ken Wasser hat, sondern me moot och drusse op de Holzklo jonn. Dat wor dann emme en janz kaal Aanjelejenheit. Als Klo papier hängk en op Stücke jeschneddene Zeidung, die me vür dem Broche jet ribbele moot, domet se net ze hatt wor. Me hat de selvsjestreckte Wollsaache aan. Von de Ongebotz bes zum Pullover. Die woren meistens uß 35

3 Hans Heinz Eimermacher Schoofswoll on kratzten ze Aanfangk, wenn se neu wore, am Liev. Dat kom och villeich doher, weil mir die selve jesponne hatte. De Fadem wor jet on jlich, weil de Knöspele net all erußjeplök wore. Och de Jonge hatten, bes dat se met ze Kommunion jejange wore, Strömp aan. De lang Strömp wore uß jet dönnere Woll, maschinenjestrick. Aan denne Kneepatien woren se äve meistens emme deck jestopp, weil bei jedem Falle, on dat jeschah öfters, en Loch aan der Stell wor. Hat me em Winter emme de lang Strömp aan, moot me och noch en Lievje drare. Dat wor en klein Wöbsche met lange Jummibengel, die verschiedene Schlitze für de Strömpknöpp hatte. Je nachdem op de Strömp ze lang oder ze kurt wore, konnt dat met verschiedentlichem Knöppe ußjejliche werde. Emme blev äve am Engk jet Been bläck, on dat wor besonders fies, wenn me domet en de Kirch op denne kaale Bänk setze moot. Et jov Sonndaachs- on Werkdaachskleider. Dat dät domet och heeße, dat sich sonndaachs besonders en Aach jenomme werde moot. Morjens wurd noh de Kirch nur schön jespellt. Et wurd sich also net en de Dreck jekniet oder nohjeloofe, sondern in en Booch jelurt oder en Bildche jemohlt. Meddaachs, beim Esse, moot me sich en Handdooch öve de Schuuß lääje, domet me net de Botz beschlevert. 36

4 Irdische und himmlische Geschichten Am Nomeddaach wurd nur met de Eldere spaziere jejange. De Wääch jing emme en de Wald. De Vatte spingste, wo ne dörre Boom stond, öm den dann en aller Still als Brennholz ze stebitze. Vür Weihnachte wurd op de jliche Art on Wies ne Weihnachtsboom ußjesok. En de Kirch wurd mehr jejange. Jeden Sonndaach jing me en de helije Mess. Dat wor selvsverständlich. Mir Kinder mooten en de Kindermess, weil do jet uß de Bibel verzällt wurd, su dat me dat och ver stonde. Sonndaachnomeddaachs wor emme Chris tenlehre als Aandaach. Och he moot me hinjonn. En de Woch hat me dann noch zweimol Schollmess. Die fing natürlich vür de Scholl aan. Em Mai wor noch jeden Ovend Maiaandaach, on dann jov et noch em Joor de Rosekranzaandaach. Die wor äve net su wichtich. Mindestens alle vierzehn Daach moot me samdaachs beichte jonn. Besonders festlich wor et, wenn die Prozessione jinge Himmelfahrt, Fronleichnam on Kirmes. De Prozessionswääch wurd met Bloome bestreut on vür denne Altäre och noch en Muster jelaad. Met sechs Joor kom me, wie och hökzedaach, en de Scholl. De Ranzen wore net emme neu on meistens von de äldere Jeschwistere oder Kusine övenomme. En de Klasse stonde Bänk, en denne me setze on jleichzeitich op dem aanjebaute Desch 37

5 Hans Heinz Eimermacher schrieve konnt. De Bänk für de Kleine, bes zum drette Scholl joor, woren bes zu sechs Plätz breit, für de äldere on domet jrößere Kinder, met zwei Plätz ußjelaad. Aan jedem Platz jov et en Tintepöttche, denn Schönschrieve wurd met nem Federhalter jeübt on dann en ne dofür extra vorjesehenen Schollheft jeschrev ve. Für alles andere hat me de Schiefertafel. De Seck met Linien zum Schriefe on de Seck met Käsje zum Rechne. Einfach wor et, he drop de Aufjabe ze maache, denn hat me sich verschrevve, dann nahm me de Finger met jet Spucke on konnt et wedde ußputze. Wenn me janz fleißich wor, jov et en Fleißkätche. Die wurden jesammelt, on bei ne bestimmte Aanzahl dovon jov et en Bildche. Dat wurd dann janz stolz en et Heft jeklev. En jede Klass woren meistens zwei bes drei Scholljoore ongejebraat. Et jing do net emme janz ruhich her, äve de Lehrer däten dat dann met nem Stock reguliere. Verschiedene mooten jeden Daach ihr Klöpp avholle. Die kome schon dofür freiwillich uß de Bank on stellten sich vür de Klass. Jede Klass hat ne Kohlenoffe. Der wurd vom Huußmeister em Winter schon vür dem Scholl bejinn aanjemaat, domet et schön wärm wor. Kome mir vom Räjen oder Schnie naaß aan, konnte me de naaße Saache am Offe trocknen. Kleiderprobleme, wie 38

6 Irdische und himmlische Geschichten hökzedaach, hat me net. Jeder zoch aan, wat er aanjedonn krääch. Natürlich jov et och he Ongescheede. Em janze Dorf kannt me sich. Jeder woss öve jeden Bescheid on dat bes en de weiterste Famelijejeschichte eren. Keiner konnt also feiner donn, wie er wor. Als meng Jroßmotte jestorve es, wor se, wie dat domols su üblich, drei Daach noch ze Huuß opjebahrt. Aan denne Daach wor ovends Dudewaach. Et wurd de schmerzhafte Rosenkranz jebed on andere Jebedde. Für uns Kinder jing dobei de Zek jet langsam vorbei on menge Vette maat, öm dat er woss, wann me bald ferdich woren, noh jedem Gegrüßt seiest du Maria met dem Dammennarel ne Schromm op de Tapet. Am Beerdijungsdaach wurd de Jroßmotte vom Leichenwaren avgehold. Zwei Pferd woren vür de festliche Waren jespannt, on om Bock sooß de Führer em Jerock on Zylinder. De Pastur wor och met de Meßdiener metjekomme on hät de Jroßmotte ußjesähnt. De Sarch wurd dann von de Dräje op de Ware jesetz on all Kränz on Bloome dodröm jelaad. All Lök, die konnte on meng Oma jekannt han, dat wor dat halve Dorf, hatte sich engefunden. De Leichenzoch nohm dann de Wääch zu de Kirch, wie se en all de Joore en Wind on Wetter jejange wor. 39

7 Hans Heinz Eimermacher Die Huhaanjesehne em Ort woren: de Pastur, de Lehrer on de Dokter. Die wurden och met Hootavtrecke jejröß. De meiste Lök hatten jet Eijentum on konnten sich doher für de bessere Levvensunterhalt en paar Dier halde. Mir hatten emme zwei Schoof, en paar Kneng on ne Stall voll Höhner. De Schoof wurden jeden Morje aan de Stroß, die net ußjebaut wor on doher noch ne Haufe Jras aan de Seck hat, aan ne lange Kett festjemaat. Ovends wurden se jemolke. Von de Melech wurd vür dem Verbroche emme de Rahm avjeschäpp. Wenn en jewisse Menge dovon do wor, wurd doruß Butter jekiernt. Su kurz vür Weihnachte es dann emme ein Schoof jeschlaach wurde. Für mich wor dat emme ne schlemme Daach. Ich hät mich am leevste verkroche, domet ich dovon nix metkräächte. Em Fröhjoor wurden de Dier jeschoore. Dat jov de Woll für uns Saache. Kommunion es ne besondere Daach für jedes Kind en sengem Levve. De Vorbereitung wurd besonders intensiv jemaat. Domet jet Jodes om Desch aan dem Daach wor, jing meng Motte met mir öve Land bei de Bauern hamstere. Et wurden eigene Saache jäje Botte, Mell oder andere Essenssaache enje tuusch. Am Kommunionsamsdaach wurde me noh de Beichte zu de Schwestere en et Heim jebraat, domet me och nix aanstelle konnte, wat eventuell en Sünd sen 40

8 Irdische und himmlische Geschichten konnt. Wedde de Heem jing et dann direk en et Bett. Vür den Kommunionsdaach krääch me en de Regel de irschte Aanzoch. Dafür moot de Jerock vom verstorvene Jroßvatte oder vom Patühm herhalde. En de Nut wurd och ne andere Stoff jenomme, on der hät me dann versök schwaz ze färve. De Nopesch hät dat met Tinte jemaat. Am Kommunionsdaach soh der och jod uß, äve wie et ens aan enem Sonn daach am rähne wor, leef dem ärme Kärl de schwaze Bröh am janze Liev erav. Uns Jäjend wor en de Hauptsaach katholisch. On su wurd och en de Famelich jelääv. Morjens, Meddaachs, vür dem Esse on ovends vür dem Schloofe wurd jebed. Bei nem Jewidde en Kerz aanjemaat on bei jedem Blitz leis Gott, bewahre uns vür sich her jesaat. Esse däte me dann och net, denn et dät heeße: Den Fresser schlag tot. Do me dat Fernsehn jo noch net kannte, blev me em Somme länge drusse. Mir Kinder spellten dann wegge Höppekäsje, Nohloofe, Verstecke oder Seilchensprenge wie de janze Daach. De Eldere maaten, wenn se net jet zedonn hatten, met de Nopere ne Klav. Sonndaachs wurden dofür sojar de Stühl eruß jehollt. Em Winte sooße me zesamme, on et wurd meistens jet von de aal Zegge verzällt. Och wurd ad ens en Leedche jesonge oder Mensch ärjere dich net 41

9 Hans Heinz Eimermacher jespellt. En Radio hatte me och. Mir mooten emme janz leis sen, wenn de Nachrichten kome. De Vatte wollt emme alles jenau hüre, domet er aanschließend öve de Politik schenge konnt. Öm Strom on Holz ze spare, jing de janze Famelich früh en et Bett. Kinderzimme woren net emme enjerich on su schlefen se all, su lang de Kindere klein woren, em jroße Famelijebett. De Mädche bei de Motte on de Jonge beim Vatte. Öve dem Bett heng en jroß Engelsbild. Dat wor su üblich. Ich han jejlöv, die däten öve Naach op uns oppasse. Alle vierzehn Daach wor Wäschdaach. Do durf me de Motte net aanredde. Se wor, wie me dat och verstonn kann, dann schlecht jelaunt. Sonndaach ovend wurden de janz dreckije, weiße Saache en Siel enjeweich, on mondaachs, en aller Früh, jing et los. De Kuhl wurd aanjeheiz on zeirscht de weiße Wäsch zum Koche jebraat. Dreckich wor se all, denn de Saache wurden länge jedrare wie hökzedaach. Alles, mindestens een Woch, wenn nix Ußerjewöhnliches passiert wor, bes dat se eben ördentlich dreckich wore. Noh dem Koche wurd se jestampft. Datselbe wurd dann och met de bunte Wäsch jemaat on alles op de Leng jedrüch. Wenn et janz schön on drüch wor, wurd de weiße Wäsch zum Bleiche en et Jras jelaad. De Fingere von de Motte woren von de scharfe Looch meistens blodich. De Wäschdaach wor emme aanfangks 42

10 Irdische und himmlische Geschichten de Woch, domet am Wochen engk alles erledich wor. Öve Sonndaach durf ken Wäsch hänge. Dat dät me net on bedök och Pech für de nächste Zek. Samsdaach wor Badedaach für de janze Famelich. Noh Meddaach wurd Holz jesääch, su vell, dat et für de janze Woch on och für de Kuhlekessel en de Wäsch köch reichte. Wenn dat Wasser dorin ördentlich heeß wor, wurden zeirscht mir Kinder en de Bütt jestopp. Nohdem mir ferdich wore, moote me janz schnell em Schloofaanzoch dorch de Hof en de wärm Köch loofe. Die noh uns zum Wäsche dran kome, ließen sich dann noch jet wärm Wasser en de Bütt nohloofe on badeten dann och. Et wurd nur emme su vell jenomme, dat de Letzte och noch jet wärm Wasser uß de Kuhl krääch. Wie me jrößer wurden, hät sich dat janze Levve langsam, ohne dat me dat jemerk han, verändert. Me hät sich met dem wirtschaftlichem Fortschrett metbewääch. Och em Ort konnt me dat bemerke. Weil et met einmol mie Autos jov, wurden de Stroße ußjebaut. Wo fröher de Jädens wore, stonn jetz de Hüüse. Et trooken fremd Lök en et Dorf, on me kannt sich ongeeinander net mie su wie fröhe. Su verjeht de Zek, me määt et all met on es letzlich doch zefredde. 43