Rede der Oberbürgermeisters Fritz Schramma für die Prinzenproklamation 2002 am 5. Januar 2002, 21 Uhr

Transkript

1 1 Es gilt das gesprochene Wort! Die Rede ist in Sprechkölsch abgefasst und entspricht in der Orthographie nicht den Regeln Prof. Wredes bzw. der Akademie för uns kölsche Sproch. Rede der Oberbürgermeisters Fritz Schramma für die Prinzenproklamation 2002 am 5. Januar 2002, 21 Uhr Wenn einer liest: Prinzenproklamation, dann heiß dat in Amtsdütsch, ihr weßt et schon: PRIPRO 2002 su bündig un koot, dat hat ihr letz Johr bestemp schon jehoot. Nu hürt ens jod zo und paßt ens all op, wat mir jing beim Schrieve für hück durch dä Kopp. Zick 14 Dag publizeet överall steiht doch en unserer Rathus-Hall en Expo-Globus riesengroß: High-Tech-Erdball! Wat sull dä bloß? dät ich mich froge, doch bald wood klor dat hä Symbol für t Science Center wor. Unser CSC, su et avjekööz heiß is en Zukunftsmuseum, wie jede Nas weiß. Do luurt mer met d r Wessenschaff, dat mer sich noch mieh Wesse schaff. Jod zorteet, vernetz un jarnit stiev informeet et weltwick, och interaktiv. Över Minschheit un Gott un över de Welt, över Öko und Bio und Gene und Geld. Jetzt schon global an de Euro denke? Bei dem Haushalt hammer leider nix zo verschenke. Ävver uns Sparkass hät et jo Kölle jeschenk, dat de Stadt och an däm sing Jebootsdag denk. Et neue Museum kütt op de Schäl Sick, genauer: noh Kalk für dä Ort ech e Glöck! Denn mallich Lück, von noh un vun fähn, besöke su nen Zukunftstempel janz jähn.

2 Zoröck zu d r Kugel vom Wissens-Center. Ich ston dovür und drück neugierig Enter. Do schwuppdiwupp bin ich och schon drin, unger 5 Sekunde, in dä Zeitmaschin. Nu denk ich halt na, wenn schon, denn schon: dann frögste die ens noh d r Proklamation. Wie mach die weede, mach die fluppe? Rasch die Johreszahle noch en-tippe. 2 Zweie un 2 Nulle wo es dat Problem? Su ne Future-Computer, dä es schon bequem! Ruck-Zuck met Browser un online Mus bes do em Nu dinger Zick wick vorus. Un luurs en de Zukunft, häs en Vision, z. B. von der heutigen Proklamation. Met alle kölsche Pöppcher danz ich, doch irjendwie land ich bei Zwanzig! Statt Ziffer un die Zwei han ich mich wohl vertipp owei! Köln 2020 wor enjejevve, jetzt künnt Ihr ävver jet erlevve! Dä Blick in de Zukunft syntax error weed he für Üch zu nem kleine Horror. Och ich krät ne deftige Schock um et Hätz die PRIPO Zwei - Zwanzig zeitversetz: Et Anke Brunn dät kölnisch proklameere, un ich moht do unge noch met appplaudeere. Doch met der Stroof noch nit jenoch et jeiht glich wigger: Zoch öm Zoch Im Metrorapid kütt anjeschosse ein Düsseldorfer Weggenosse als Herr der Ringe kostümeet schleicht sich Prinz Erwin unjeneet met Enkelin Olympia als aktuelles Prinzenpaar in unsere schöne Jözenich un plaudert övver nix als sich. 2

3 3 In singer Botz dat Handy pieps. Hä schwaat: The city never sleeps! Su coole Spröch hät hä overall drop. Selvs Japan fass sich mit Stäbche an d r Kopp. Dä Prinz strahlt övver alle Zäng: I ve got the whole world in ming Häng. Dat Dreijesteen es avjeschaff un och dä schöne Roof: Alaaf! Helau es längstens Tradition dat hammer jetzt vun dä Fusion! Zig Gardedänz, nur edel, nur fein, un su jet soll dann Fasteleer sein? De rude Funke müsse en blau un wieß et Rädche schlage wie am Spieß. Stippefötche es verbodde, un och et Wibbele, et Falschbier fängk an, fies röm zo kribbele, em Mage es et de Funke janz flau von Killepitsch, Alt un däm ville Helau. Nix mieh met Schunkele un met Laache, nur Nas huh drage, öm Schau zo maache. Vum Prinz en d r Red hürt mer nur Ich, da Beste un Jrößte em Land dat stich! Nodem WM un Spille im Dorf sin fott sprüht hä op de Domstadt noch jet Spott: Die jotisch ahl Kirch met dä 2 Spetze, wat es dat schon, für mich sin dat Wetze. Dann will hä noch dreist für sing Motto werben: Unser Dorf soll schöner werden! (Musik: Ach wärst Du doch in Düsseldorf geblieben...)

4 An einer kütt hä ävver nit elans: Marie-Luische hätt ihm op d r Nas jedanz. Denn Nikuta hatt schon im letzte Advent die Motto-CDs för 30 Sessione jebrennt. Vum Festkomitee-Chef Lienen dä Kommentar: Ich stehe zu Joachim und Erwin als Prinzenpaar, sulang wie dä Caspers he Domprobst bliev und Schneider Wibbel für Malchers Thiater schriev. De Hännesche Pöppcher als Roboter, o je!, kritt mer nur noch övver De Huhstroß es deefer jelaat, eng weed de Breite, Frau Schock-Werner baut noch en Moschee, die 102. Alles jeiht drunger un drüvver, weed vill so vill. Wirklich: Janz Kölle es e Poppespill! (Musik: Mottolied) Geißbock Hennes trainiert die Fortuna D. Un der FC übt Freistöß op d r Kö. Die Haie spille em Winter play off om Rhing Metin Kaplan kritt Wohnjeld em Knast von Sing Sing. Bevür jetz da Hermann von der Domes Plaat noch zum Ultra-Ehrenbürger weed jemaaht, do weed ich wach, mit einem Knall: Ne blöde Alptraum war dä janze Fall. Schuld wor nit dat Science Center, dat nit log, et wor ne schlächte Draum, dä mich bedrog. Woröm ich so wirr nachts jedräump han erklärt ene Blick op minge Terminplan. Do stund janz boven für dä nächste Morje: Besuch aus D-Dorf Doher ming Sorje! (Musik: Trink, trink, Brüderlein trink, lass doch die Sorgen zu Hause...) Doch eines noch zum leeve Jochen, och der kann nur met Wasser koche. Un janz esu schläch es dä Jung jo nit, wie hä sich manchmal in de Medien jitt. Ich halden ihm de Hand jän offen hin. Zesamme stark! Hä möht et doch insinn! 4

5 5 Jetzt bin ich ävver widder richtig dobei bei unserer PRIPO Zweitausendzwei. Wat kommt mir do bloß en et Jeheen? Vor Schreck steiht mir noch der Schweiß op dr Steen. Zom Jlöck es et lang noch nit esu wick, un mer han Jott sei Dank noch reichlich Zick alles zo don un zo losse, damit esujät nit övver uns Kölle kütt. Loß mer also et Hännesche fiere, uns KVB sowie de Haie, d r Geißbock un Cologne Energie. Die Müllemer Junge un Spinat met Ei och Grielächer un Euro, grad in Un su drinke mer lever doch unser Kölsch fiere Fastelovend wigger janz unverfälsch. Blieven bei Prinz, Boor un Jungfrau brav vor allem natürlich bei unserem Kölle-Alaaf! (Musik: Lied des Dreigestirns oder Dat Hätz vun dr Welt ) Selvs wenn och manche Prognose schläch, heiß et jrad he en Kölle: Jetz ech räch! Maht nit in Resigneere un in Jammere, doht Üch an Hoffnung un eigene Stärke klammere! Ene Kölsche Nohkreegs-Spruch em Rahme hängk en mingem Büro un will uns mahne: Drom für et Neue Johr vun alle Spröch, da eine ich Üch jän metjevve möch: Kölle läv un deit sich räge wenn sich alle Häng bewäge. Drom sag nit: Ich ben et satt. Denk: et eß ding Vatterstadt! (Musik: Heimweh noh Kölle)