Hula-Hula, laat rocken! (Hula-Hula, let's rock!)

Transkript

1 Hula-Hula, laat rocken! (Hula-Hula, let's rock!) Lustspiel aus dem Bayrischen von Regina Harlander Plattdeutsch von Heino Buerhoop Karl Mahnke Theaterverlag Große Str. 108, 27283Verden/Aller 1

2 Inhalt: Bernhard soll auf Drängen seiner Frau Renate auf dem alljährlichen Kirchenfest eine kurzfristig ausgefallene Mitwirkende ersetzen und mit den Damen des Landvolks als Hawaii-Tänzerin auftreten. Dies bereitet ihm große Bauchschmerzen, denn er ist sich des Gespötts seiner Kumpel sicher. Sein Freund Andreas versucht ihm zwar nach besten Kräften den Rücken zu stärken, doch sieht dieser ebenfalls ein, dass sich eine Absage des Auftritts äußerst ungünstig auf den ohnehin angespannten Hausfrieden auswirken würde. So wollen er und Bernhard wenigstens für einen einzigen Abend die alten Zeiten aufleben lassen, als sie noch deftige Draufgänger waren und sich nicht um Konventionen scherten. Als sich die Gelegenheit bietet, setzen sie sich kurz entschlossen zu einem Konzert jener Rockband ab, der sie in ihrer Jugend als große Bewunderer anhingen. Dies hat ungeahnte Folgen, denn Rockstar Ryan de Jones beschließt spontan, seinem treuen Fan Bernhard einen ganz privaten Besuch abzustatten. Und er macht zu Renates Unmut keinerlei Anstalten, die gemütlich-bürgerliche Stätte so bald wieder zu verlassen Personen: Bernhard: Familienvater, ca. 50 Jahre (190 Einsätze) Renate: seine Frau, ca Jahre (140) Kathi: gemeinsame Tochter, 23 Jahre (90) Thomas: Kathis Freund, ca. 25 Jahre (55) Rieke: Renates Mutter, ca Jahre (90) Andreas: Bernhards Freund, ca. Mitte 50 (105) Ryan Le Jones: Rockstar, ca Jahre (65) Rosa: dessen Mutter, ca Jahre (10) Dekoration: Bürgerliches Wohn-/Esszimmer, darin ein Sofa mit diversen Kissen, ein Esstisch mit Stühlen, ein Fenster. An der Wand gut sichtbar das gerahmte Bild eines älteren Herren mit Trauerflor; dahinter befindet sich ein Guckloch. Tür Mitte führt nach draußen, Tür links zu den weiteren Wohnräumen, Tür rechts zu Riekes Wohnbereich. Weitere Ausstattung je nach Belieben. Zeit der Handlung: Gegenwart Ort der Handlung: Irgendwo in Norddeutschland Spieldauer: ca. 100 Minuten 2

3 1. Akt 1. Szene Bernhard, Renate Bernhard steht auf einem Stuhl, trägt über seiner normalen Kleidung ein Hawaii-Baströckchen. Renate steht neben ihm und misst mit einem Schneider-Maßband die Rocklänge, an ihrem Handgelenk trägt sie ein Nadelkissen. Auf dem Tisch liegen zwei leere Kokosnusshälften. Bernhard (ungeduldig, dreht sich schwungvoll zur Seite): Hebbt wi dat nu endlich? Renate: Wenn du nich stännig rümwackeln würrst as een Kohsteert, denn weern wi dor al lang mit kloor. (fängt wieder an zu messen) Bernhard (hält kurz still, dann mit einer erneuten Drehung): Wo kümmst du dor op, dat ik wackel? Renate (entnervt): Bernhard! Ik heff villicht ok noch wat anners to doon! Also do mi den Gefallen un stah endlich mal still. Oder aver du hest dat dorop afsehn, dat ik di in'n Mors pieks! Bernhard (nervös): Worüm, woso? Wat maakst du dor denn noch allens? Renate: Den Bund afsteken. De Kittel is di doch veel to wiet. Un wi wüllt opletzt nich, dat du bi dien Optritt miteens naakt dor steihst! Bernhard: Du snackst dor her, as weer de Saak al afmaakt! Renate: Is se doch ok. Bernhard: Dorbi harr ik blots seggt, dat ik mi ünner Ümstännen dorto henrieten leet, mittomaken. Renate (schmeichelnd): Aver Bernhard, denk dor doch mal an. Dat hele Johr över bün ik stännig för di dor. Denn kannst du mi doch würklich mal düssen lierlütten Gefallen doon! Bernhard (weinerlich): Man dat is mi so gräsig pienlich, Renate! Renate: Dat mutt di nich pienlich ween. Pienlich weer dat villicht, wenn de Froons van't Landvolk bi dat Karkenfest as eenzige ut`n Dörp ahn een Optritt dor staht! Noch dorto, wo wi al so lang för usen Hula-Danz proovt hebbt! Bernhard: Man woso mutt sik düsse Uschi utgerekent nu een Been breken! De harr doch noch goot bit tokamen Week dormit töven kunnt! Renate: Wenn du Pech hebben schallst, seggt dat nich jümmer vörher Bescheed. Man nu freut wi us bannig, dat wi di as Uschis Ersatz hebbt. Bernhard: Man mien Kumpels, de lacht mi doch all ut, wenn se mi so to sehn kriegt. Ik mit den neckischen, söten Rock, midden ünner de Krampfader-Granaten! 3

4 Renate: Also, erstmal danzt du in de drüdde Reeg, dor warrst du wohrschienlich sowieso nüms opfallen. Un wat de charmanten Damen angeiht, op de du woll anspeelst, de harrn di fröher seker gefullen. Bernhard: Dor harrn diene beseggten Damen ok noch mehr Hoor op'n Kopp as op de Tähn. Renate: Nu swieg endlich mal still! Tokamen Sünndag warrt hula-hulat... of di dat passt oder nich. Wenn du dat goot henkriggst, denn maak ik di een Week lang dat, wat du jümmer an'n leevsten eten muchst. Bernhard: Un wenn nich? Renate: Denn lehrst du mi aver mal richtig kennen! Bernhard: Na, denn velen Dank. Bernhard, Renate, Kathi 2. Szene Kathi (von links, trägt etwas freizügige Ausgehkleidung, sieht Bernhard, ironisch): Ui heet! Bernhard: Ha, ha! Laat düssen Spijöök un segg dien Mudder endlich, dat se mi to'n Gespött van de hele Gemeende maakt! Kathi: Ik glööv, dat weet't de ok so al. Renate: Kathi, nu fall du mi ok noch in'n Rüch. Dien Papa harr sik jüst so fein dormit affunnen (macht sich an der Rückseite des Rückens zu schaffen). Bernhard (entrüstet): Wat heff ik? Affunnen? Leevst du villicht in een Parallelwelt? Kathi (spöttisch): Och, is dat nich fein, wenn een sik na 23 Ehejohrn noch so veel to seggen hett? Bernhard: Nu warr blots nich frech! Un överhaupt... wo sühst du egentlich ut, an'n hellichten Namiddag? Kathi: Dat kunn ik di aver ok fragen, Papa! Wat mi angeiht, ik heff nu een Date! Bernhard: Een Date? (ungehalten) Doch woll nich wedder mit den langzottligen Bernhardiner? (zuckt zusammen) Aua (fasst sich schmerzverzerrt ans Hinterteil)! Renate (hinter seinem Rücken hervor): Upsi! Dor is mi doch ut Versehn de Nadel beten afrutscht (steht auf). Kathi will sich unbemerkt hinaus schleichen. Bernhard: Ut Versehn, wer't glöövt! (steigt vom Stuhl, zu Kathi) Du bliffst hier, Frollein! Ik tööv noch op ne Antwoort! 4

5 Kathi: Also, erstens is Thomas keen Hund un tweetens sünd sien langen Hoor eenfach sexy. Man dorvan versteihst du jo sowieso nix. Bernhard: Dat glöövst ok blots du! Ik weet nipp un nau, wat opstunns anseggt is. Ik kenn nämlich de Trends, dor maakt mi nüms wat vör! Ik kiek nich ümsünst de Modezeitungen dör, wenn ik op't Klo sitt. Renate und Kathi (zugleich, angewidert): Igitt! Schaam di! Bernhard: Nix igitt! Wenn ik de Lektüre weg legg, wasch mi achteran ok jümmer de Hannen! Renate: Na, denn bün ik jo beruhigt. Bernhard: De Tiet mit lange Hoor weer tominst al güstern, wenn nich sogar al ehrgüstern! Na, dor fallt di nix mehr to in, wat? Kathi: Thomas speelt aver in een Rockband, un dor höört dat praktisch to dat Utsehn van de Spelers! Dormit bi dat Headbanging wat flüggt! Renate: Bi dat wat? Bermhard: Ik glööv, dat hett jichenswat mit Bungeejumping to doon. So Springen an Gummi- Strippens. Kathi (spöttisch): Jo, ik seh al, Papa kennt sik vull ut! Passt mal fein op dat is Headbanging: (tut, als spiele sie Gitarre und schüttelt dazu ihren Kopf, dass die Haare fliegen). Bernhard: Jo, denn wunnert mi ok nich meer, wenn de Keerl all Daag sien Brägen dör'nanner klötert. Mi is düsse Umgang mit em afsluuuts nich recht! Kathi: Jo, Papa, dat heff ik nu langsam begrepen. Un ik würr ok würklich geern noch beten mit di snacken, man ik mutt nu los, wiel nämlich mien Bernhardiner op mi töövt. (will gehen, hält noch mal inne, nimmt die beiden Kokosnusshälften vom Tisch): Och, Papa, vergitt düsse beiden nich (drückt Bernhard die Hälften gegen die Brust)! Also denn Hula-hula, laat rocken (geht lachend ab)! Bernhard, Renate, Rieke 3. Szene Bernhard (presst perplex die beiden Hälften gegen seine Brust): Also also Dat se so opsternaatsch is dat hett se heel alleen van di! Renate (ironisch): Is jo kloor, kann jo gor nich anners ween. Man segg mal, mööt ji beiden egentlich Dag för Dat mit'nanner kabbeln? Bernhard: Wenn doch de Deern nix anners as Tüünkraam in'n Kopp hett. Renate: De Deern is 23 Johr oolt! 5

6 Bernhard: Jau genau! In dat Öller heff ik di domaals al heiraadt. Renate (lakonisch): Jo, wiel ik schwanger weer. Bernhard: Wat würklich nich jedeen wat angeiht. Renate: Ik bidd di, Bernhard! Du glöövst doch woll nich eernsthaftig, dat us de Geschicht van dat acht Pund swore Achtmonatskind jichenseen glöövt hett?! Bernhard: Woso denn nich? Renate: Nu höör aver op! Un wat Kathi ehrn Fründ angeiht Bernhard: Aha, dat is nu also al ehr Fründ? Wi hebbt doch vör körte Tiet noch van een lockere Bekanntschupp snackt! Renate: Segg doch, wat jümmer du di denkst. Man dien stännige Stänkeree deit ok nich nödig dat geiht nämlich blots Kathi wat an. Un överhaupt, denk eenfach mal trüch, wat du in dat Öller för een weerst! Bernhard: Woso? Wat weer ik denn domaals? Renate: Een langzottligen Bernhardiner üm bi dien Wöör to blieven. Un wenn du nu wohraftig glöövst, dat mien Öllern sik över di freut hebbt, denn mutt ik di leider seggen, dat weer afsluuts nich so... ehrder dat Gegendeel. Rieke (kommt in diesem Moment von rechts) Jau genau, dat kann ik betügen! (schaut auf Bernhard): Aloahe! Renate (erschickt, tadelnd): Mama! Segg mal, musst du di jümmer so anslieken? Rieke: Wenn sik een anmellt, verpasst he faken dat Beste. (zu Bernhard): Smuck sühst du ut! Bernhard (zähneknirschend): Velen Dank, Swegermudder! (abgewandt, halblaut) Leider kannst du van mi nich so een Kompliment kriegen. Renate (leise zu Bernhard): Also bidde, fangt ji hier nich ok noch an, jo to kabbeln, ik bün för vundaag al bedeent. (laut): So, nu haal ik gau Neihtüüg, dormit wi wieter kaamt. Un laat di jo nich infallen, di to rögen, anners is mien Arbeit wedder to'n Düvel (links ab)! Rieke (umkreist Bernhard, schüttelt immer wieder den Kopf): Ne, ne, ne Bernhard: Denk di eenfach dien Deel un verschoon mi mit dien dösigen Kommentar. Rieke: Woso dösig? Ik meen doch, dat Kostüm steiht di eenfach wunnerbar, Bernhard! Bernhard: Och meenst du? Rieke: Wenn ik dat doch segg! Besünners, wat du dor baven hest (deutet auf die Kokosnusshälften)! 6

7 Bernhard (bemerkt erst jetzt, dass er die Schalen immer noch gegen seine Brust presst, lässt die Hände rasch sinken): De warr ik förwiss nich drägen! Ik maak mi jo so al to'n Apen! Rieke: Denk dor an... jedeen Apen sien Kokosnööt! Un dorto verdeckt de doch goot wat. Bernhard: Wat meenst du denn mit verdecken? Rieke: Nu jo, ik segg mal so... de Tiet mit een stramme Bost is för di doch al länger vörbi. Bernhard (ironisch): Dor snackt woll de Expertin, oder? Rieke (fasst sich rasch an ihr Dekolleté): Du Flegel! Ik heff al domaals foorts wusst, wat du för een büst, as Renate di dat erste Mal mitbröcht hett. Mien Richard-selig, de wull jo al glieks usen Hasso op di hissen; man ik heff seggt, laat man erst noch, wenn Bernhard (unterbricht sie, mit hoher, piepsiger Stimme): Wenn ik em nich afschrecken kunn, denn kriggt dat us Scheperhund, de jo keen Tähn mehr hett, erst recht nich hen. Rieke: Pah! Dor geev ik eenfach keen Antwoort op! Bernhard (reibt sich die Hände): Een to null för mi! Rieke (herablassend): Düsse Slacht hest du villicht wunnen, man de Krieg is noch lang nich vörbi (rauscht nach rechts ab). Bernhard (ruft ihr süß hinterher): Jo, ik heff di ok geern, Swegermudder! Bernhard, Andreas, Renate 4. Szene Bernhard (lässt sich seufzend auf den Stuhl fallen): Ik glööv, ik bün eenfach to goot för düsse Welt. Wat hett mien Vadder domaals noch seggt: Wees jümmer fründlich un acht jedermann, denn nützt di de Lüüd ut dien Leven lang... Un wo recht he dormit hett! Andreas (ohne anzuklopfen in Einsatzkleidung der Feuerwehr durch die Mitte, den Helm unterm Arm, aufgeregt) Gau, du musst nödig mit mi kamen! Bi Buur Schnitzler brennt de Schuppen un de annern Füürwehrlüüd sünd all tohoop bi dat Karkenfest! Bernhard (gelassen): Un du büst dormit acht Daag to fröh, Andreas! Andreas: Wat? Woso? Bernhard: Kiek doch mal op'n Kalenner! Dat Karkenfest is erst tokamen Wekenenn, du Waldesel! Andreas (legt den Helm auf den Tisch): Donnerkiel, sowat aver ok! Dor heff ik mi anschienend bannig versehn, wat? Hm... denn kann ik woll annehmen, dat du de Kist Beer nich betahlst, oder? Bernhard: Denk di dor nix bi, Andreas. Ik glööv nu al, dat mi ok dat gröttste Inferno nich vör den Schiet-Optritt retten kann. Mien Renate lett sik dor nich van afbringen. Dor kiek mi doch an! 7

8 Andreas: Du dröffst di dat nich gefallen laten, Bernhard. Dat geiht gegen dien männliche Ehre! Bernhard: Männliche Ehre... pah! De heff ik al vör 23 Johrn op'n Stannesamt afgeven. Man dor kann een Junggesell natürlich nix van weten. Andreas: Mutt ok nich. Düsse Kelch is Gottseidank an mi vörbi gahn. Man dat will ik di seggen... ik an dien Steed weer förwiss nich so bekloppt un würr düt Theater mitmaken. Bernhard: Du hest jo recht; man Renate meent, ik heel alleen harr dat Ansehn van de Landvolk- Froons nu in de Hand. Un nu verkloor du mi mal, woans ik ehr schonend bibringen schall, dat ik bi dat Gehopse nich mitmaken will. Andreas: Wat heet hier schonend? Dor musst du doch nich stünnenlang üm faseln An'n besten seggst du ehr, wat Saak is. Dat du di nämlich vör dien Frünnen nich to'n Gespött maken lettst. Bernhard: Dat heff ik doch al versöcht, man jümmer, wenn ik dormit anfang, kickt se mi mit ehr gleuhnigen Ogen so grannig an, dat mi dat Hart meist in de Büx rutscht. Andreas: Herrje, büst du een Bangbüx worrn! Ik harr dor afsluuts keen Problem mit. Ik würr Renate glatt seggen, du kannst mientwegen so grannig kieken, dat dorvan de Melk suur warrt. Ik heff nämlich noch een Orsch in'ne Büx! Renate (kommt mit Nähkästchen zurück, bemerkt Andreas): Ah, Andreas, lettst du di ok mal wedder sehn? Moin! (deutet auf seine Kleidung): Fehlt dor wat an? Andreas: Moin, Renate! Worüm? Woso? Bernhard deutet verstohlen auf den Helm. Andreas (rasch): Och so, ne! Ik dacht mi, de Kledaasch müss mal wedder beten an de frische Luft. Renate: Aha. (stellt das Nähkästchen auf den Tisch, entnimmt Nadel und Faden.) Andreas (zieht Bernhard zur Seite, leise): Los, nu hest du de Gelegenheit, dat du de Saak een för allmal kloor stellst. Je ehrder, ümso beter! Bernhard: Meenst du? Andreas: Aver seker! Un keen Angst, ik stah di bi! Renate (hat eingefädelt, resolut) So, Bernhard, nu kumm al her! Andreas (gibt Bernhard einen kleinen Schubs) Nu kumm, giff di een Ruck! Bernhard: Ähm... jo... (räuspert sich): Du, Renate Renate: Jo, wat is denn? Bernhard: Dat mit dat Engermaken, dat dat kannst du di egentlich sparen. 8