Transkript

1 Schnägge Go West duet üses Motto heisse Chömet mit üs und düet i Wilde Weste reise Oder dir chöit üs verfolg uf üsere Twitter-Domain Üse Wahlspurch dört lütet «Make Fasnacht great again» «Fasnacht First» das düe mir durestiere Dir müesst jetze alli nach däm Gsetz präschtiere Und wär sich nid nach dere Vorgab loht lo leite Über dä wärde mir «Fake-News» verbreite Ig muess säge mit Go West si mir chli voreilig gsi Wiel wäg däm Trump wett ig nid dört hi Doch au dr Oschte dä duet üs nid locke Dört düe dr Kim Jong Un und dr Putin hocke Dr Bud Spencer isch gstorbe mir wärde ihn nid vergässe Er het aube d Bohne diräkt us dr Pfanne gfrässe «Eine Faust geht nach Westen» er hät mi sine grosse Klaue Dä Trump i d Schranke gwiese und ihm eis uf e Dechu ghaue

2 Sehr schwär chrank duet dr Polo Hofer si Er bechund jetzt e Cannabis Therapie Wiel mit dere duet ke Gfahr bestoh Dass er e Überdosis chönnti übercho Nach em Schneider Amman isch Doris Leuthard cho All Jahr e neue Bundespräsidänt das isch ir Schwiz eso Dr Naturpark Thal duet sich das zum Vorbild näh Dört duets au ständig gäng e Wächsu gäh Bim Stärne isch wieder Läbe inecho Us Wirt isch neu dr Francesco do Dä macht dir Pizza, dieä isch nid emal so schlächt Nume wenn er off het das weis me nid so rächt Ar EM gäge Pole usegheit das isch doch verschisse Und vorhär gäge Frankrich siebe Puma-Shirts verschrisse Do meint dr Shaqiri zu rächt mit emne breite Lache Zum Glück duet PUMA keini Pariser mache Lied (Dr Ferdinand isch gstorbe) Dr Fidel Castro dä isch gstorbe oh je oh je oh je Dr Fidel dä isch gstorbe me het ne zletscht im Trainer gseh E Adidas Trainer ischs natürlich gsi Weil dä duet viel stabiler als Puma si Ir Zitig hani gläse, due mini Auge fasch nid troue Z Welscherohr wott eine, es Luxushotel boue Fredy Grimm heisst dä Initiant, do hani sofort gwüsst derbi Grimm - jo das cha nume, es Chindermärli si Lied (Hotel California) Welcome to the Hotel Welscherohr Hesch du gar nüt vor De reis uf Welscherohr Plenty of room at the Hotel Welscherohr Di Rueh wirsch finge gli Du wirsch alleini si Live am TV duet dr Jogi Löw, s isch zum Erschrecke Sini Hand ganz töif, i sini Hose stecke Domit noni gnue, denn duet er ziemlich strack Am Schnäbi ume chnübli und chratzt sich no am Sack D Hang nimmt er use, und jetz fohts Gruse a Er füehrt die Hang zur Nase, und duet no schöcke dra Er het vo Coop d Wärbig gseh, het dänkt es isch eso D Wätterschmöcker dieä hei rächt, chli stinke muess es scho Dr Flury Dani het si VW LT müesse bringe, weil mit däm schiins öpis nüm so rächt duet stimme Dr Garagist het gseit ig due dr VW repariere Und duet druf abe s Schweissgrät zum schweisse präpariere Wo dr Dani wieder chunnt cho hole si VW Seit dr Garagist, jo dä, dä isch niene me Wo mir hei afo schweisse het dä VW eifach so Füür afo foh, isch abebrönnt denn lichterloh Drum chaufet nie e VW das isch dr gröschti Plunder Hei schlächti Abgaswärt und brönne grad wie Zunder Das mit dene Horror Clowns isch e übli Gschicht Verschrecke alli Lüt mit ihrem Horror-Gsicht Vo üsem Bundesrot duet me das scho kenne Dört duet me dä Clown Ueli Muurer nenne Dr Peach Weber het es neus Kinderbuech usegäh Zwärg Stolperi duet er däm dr Name gäh Dr Petkovic meint: «Weisch ig säge gäng zum Schiri» Mi Zwärg Stolperi, heisst Xherdan Shaqiri

3 Bir Talk-Show Anne Will muess me konsterniere D Nora Illi duet sich ir Burka präsentiere Sie verzellt e huufe dummi Sache Me sött bi dere d Burka no schalldicht chönne mache Chère maladeur, je suis Schneider Amman Conseil Federal C est la jour du maladeur, c est pas bon vous êtes mal Rire c est bon pour la santé, ca applique a tous Und was ig jetz do gseit ha, chumi sälber au nid drus Lied (Ganz in Weiss) Ganz in schwarz, dur ne Schlitz luegsch du drus So gsehsch du i dire Burka us Mit dine Auge luegsch mi komisch a Zum Glück duesch du e Burka ane ha Ganz in schwarz laufsch du näbe mir Me gseht Gott sei Dank gar nüt meh vo dir Jo denn gisch du mir di Hand Und du gsehsch so dunku us Ganz in schwarz, zum ne Schlitz luegsch du dört drus Dr Mike Shiva dä duet ufhöre I glaube fasch das duet niemer störe Er goht i d Pension und ig ha vor AHV vernoh Er wird e Rente vo 4.50 pro Minute übercho D Monika Fasnacht darf nüm dr Samstigjass moderiere Dr Mike Shiva hät jetz zit, me chönts mit ihm probiere Für e Telefonjasser wäre das Höllequale Dä müessti drum 4.50 pro Minute zahle S IOK fingts gar nid sympathisch D Russe dope und zwar staatlich systematisch E huufe Testosteron heige si de Athlete inegloh I glaub die gröschti Dosis het dr Putin übercho Bir Eröffnig vom Gotthard-Basis Tunnel, het me e huufe Sache gseh Barbusigi Engle, Geissböck, komischi Wäse und no viel meh Leuthard, Merkel, Hollande, Renzi - si bi dere Eröffnig au derbi Glaub d Leuthard isch dr Engu und d Merkel dr Geissbock gsi Lied (Hecht Adam und Eva) Schneider Ammann duesch mängisch, chli müeh ha Rede vor Lüt - jo das, isch nid dis Me chund nid drus was wotsch säge, es isch es Drama Du hesch es sprachpädagogischs - Hindernis Fang mit em ABC no einisch a dis Dütsch das isch so mies Fang mit em ABC no einisch a dini Wort si nid präzis Lied (Bligg Lah si redä) Wo dr Schneider Amman wieder as Rednerpult isch cho Und er wieder unverständlichs Züg het usegloh Wo er sich im ne Interview wieder mal het verhedderet Wo er am TV italienisch und französisch gredet het Wo er geseit het er sig dr Bundespräsident Us Wirtschaftsminister lueg er guet für e Konsumänt Er sig e Persönlichkeit und überus kompetänt Er setzi gäng sehr dütlichi Aktzänt Lied (Babysitter-Boogie) Ig bi der Schneider Ammann es isch ganz bekannt Vor Lüt cha ig nid rede das weiss s ganze Land Wenni vo afo rede ischs nid elegant Weil denn tönts (Babysprache) Und muess i es Interview uf Französisch gäh De dörft dir mir das doch nid übel näh Wenn ig mis Französisch muess zum Beschte gäh Denn tönts (Babysprache) Grad vo letztscht het mir eine aglüte gha Dä het mir gseit er sig dr Trump vor USA Denn het dä afo schwafle und foht mit rede a Das het dönt (Babysprache)

4 Dr Donald Trump gäge Clinton Hillary Dr Würfel sch gfalle, d Wahl isch verbi Ig finges guet, dass dr Wähler wähle cha Zwüsche dr Pescht und dr Cholera Hät nie dänkt, dass dä würklich so wiit wird go Jetzt bout doch dä die Muur ar Grenze zu Mexiko Für d Wäutlag wärs besser, süsch hört das gar nieä uf Ganz Amerika imuure und no e Dechu obedruf Lied (Da sprach der alte Häuptling der Indianer) Schön war sie, die Prärie Alles war, wunderbar Mit Donald Trump, kam die Trauer Der will bauen, grosse Mauer Er sprach zum Präsident der Mexikaner, zahle Mauer selber aus eigene Portemonnaie Olé Lied (Go West, Pet Shop Boys) Go West, nach Amerika Go West, ab i d USA Go West, jo nei das schiisst mi a Go West, wiel dä Trump het gwunne gha Go West, duesch du Moslem si Go West, ireise isch verbi Go West, chunsch vo Mexiko Go West, muesch über d Muur jetz cho Dr Donald Trump kommuniziert mit em Handy über Twitter Was dä dört schriebt das fing i ziemli bitter Me sött ihm es Samsung Note 7 gäh zum Kommuniziere Und hoffe das es diräkt vor sim Gring wird explodiere Dr Erdogan duet gäge Böhmermann e Strofazeig ireiche Dä duet ihn im ne Schmähgedicht us «Ziegenficker» bezeichne Das goht scho chli zwiit, und isch politisch heiss Ig finde das beleidigend, für dieä armi Geiss Dr Schneider Ammann, dä verzellt noch schnäll Dr Bau und d Entstehig vom Gotthard-Basis-Tunell Merkel, Hollande, Renzi - düe a sine Lippe hange Leider hei dieä drei, überhaupt kes Wort verstange Ig luege uf mis Handy, das isch ständig ON Das füehrt mi diräkt uf Bauschthu, ig sueche Pokemon Ig stoh bir Tennishalle, s isch Delegierteversammlig vor SVP Ha no nie so viel Pokemon uf eim Huufe gseh Ha mi für dieä Fasnacht müesse entscheide Ob ig mi söu, us Donald Trump verchleide Hät chönne lüge, drohe, poltere, mi Wille durezwänge Und ungstroft allne Fraue, as Füdle chönne länge Lied (Cowboy und Indinaner) Ig bi dr Donald Trump Chum mir spiele Cowboy und Indianer Ig bechume di do wett i Das isch hüt mit grosse Ziel Ig ha di umzinglet du bisch mir ergäbe Ig zeige dir mi Marterphal Ig bi dr Donald Trump Bis zum nächschte Mal Es pfifft e herte Wind unger em Guy Parmelin Sogar dr Armeechef het dr Huet müesse näh Bodluv het er gstoppt, d Hoffnig duet bestoh Das er witer dure grifft und sich selber wird entloh England wird regiert vor Theresa May Britannie seit Europa jetz de gli Goodbye Wie sie Europa wei verloh, über das müesse sie no dänke Sie sölle doch ihre Insle eifach im Meer versänke Gwüssi Fasnachtsmotto, dieä si kurios Zum Bispiel Laupersdorf: «d Minions si los!» Cha das laupersdörfer Motto eifach nid verstoh Wiel das isch bi dene s Ganze Johr eso

5 S Fluri Marianne isch mit em Auto grad hei cho, drückt denn dr Chnopf - s Garagetor das duet ufgoh Im Garage stoht dr Kusi wo grad s Tor gschlosse het, er chund nid drus wieso sich s Tor nach ufe bewegt. Um däm Abhilf z schaffe loht er ke Zit vergoh, drückt sofort dr Chnopf dass das Tor duet abegoh Dusse hocktet d Marianne duets gar nid begrüesse, jetz duet sich doch das Tor plötzlich wieder schliesse Jo nei dänkt d Marianne das isch gar nid guet, drückt nomal dr Chnopf so dass sich s Tor öffne duet Dinne dr Kusi cha sich d Wuet nüm verchlemme, duet sich mit sim ganze Gwicht gäge das Tor stemme d Lehr us dere Gschicht, wotsch vo dire Frau chli Rueh, versteckt di doch im Garage, und mach eifach zue Mir si am Endi wie dr Barack Obama au Üsi Präsänzzit isch verbi, mir säge jetze Tschou Acht Johr het er gwürkt, er isch mit Härz und Bluet ufs Ganze Do chund dr Donald Trump, nach zwöi Täg isch alls am Ranze Definitiv isch Schluss, Finito Aus Vorbei Mir göh ab dr Bühni und löh euch jetz allei Merci viel Mal, Danke zum Schluss no Bussi Bussi Mir höre uf wie dr Hüppi und dr Bärnhard Russi Texte: Thomas Schliimschiisser Melodie Verse: TAM TAM Stroossewischer Striggede Jole Blon, Gary U.S. Bonds Ensemble : Thomas Kurt, Gesang Fredy Jorns, Gitarre und Gesang