KIRCHGEMEINDE NYDEGG BERN Woran hängt mein Herz? Worauf verlasse ich mich? Was glaube ich? Glaubensbekenntnisse von Konfirmandinnen und Konfirmanden 2016
Glaubensbekenntnisse Woran hängt mein Herz? Worauf verlasse ich mich? Was glaube ich? KUW 9 Klasse von Vikarin Jasmin Zehnder und Pfr. Markus Niederhäuser. Die Glaubensbekenntnisse wurden im Februar 2016 formuliert. Die Sammlung umfasst nicht ganz alle Texte, die verfasst wurden. Die untenstehenden Bekenntnisse haben wir im Einverständnis mit den Autorinnen und Autoren aufgeschaltet. Ich glaube an etwas, das uns alle umgibt. Etwas, das man weder riechen, fühlen oder sehen kann. Etwas, das vielleicht überall oder nirgends ist. In unseren Körpern oder in der Luft. Was ist dieses Etwas? Ist es ein Nebel? Ist es ein Rauch? Ist es einfach Luft? Es ist ein Mysterium. Aber es hilft uns bei allen Belangen. Vielleicht besteht dieses Etwas auch aus mehreren Teilen. Aber dieses Etwas heisst nicht Gott. Es ist einfach eine Hilfe und eine Stütze im Leben. Zu diesem Etwas muss man nicht beten. Man kann... Vielleicht hilft es, vielleicht nicht. Das Etwas ist weder Gott noch Mensch weder Tier noch Gegenstand. Es ist einfach da. Florian
Gloubensbekenntniss Für mi cha z Wort Gloube mehreri Bedütigä ha. Es cha säge ds öppis wichig isch, wiä zum Bispiu, i gloube a mini Familiä. So cha mä no vo viu Sache säge, ds mä dra gloubt, eifach wiu si für eim ä wichtigi Bedütig im Läbe hei u me ni uf se verzichte wott. Ä anderi Bedütig vo Gloube cha o si, ds öppis für eim existiert. Ig säuber gloube as Guete i jedem einzelne Mönsch. Ha aber glich ni z Gfühl ds mä d Wäut i Guet u Bös ufteile cha. Es git ä Chräbs dä het im Oug acht Rezeptore im sichtbare Berich u vier im ultraviolette Berich. Mir Mönsche hei nume drei im sichtbare Berich. Wiä dr Chräbs d Wäut gseet cha me sech gar ni vorstelle. Mä cha sech ke Farb vorsteuä wo me no nie het gsee. U so gloub ig o isch es mit däm, wo nachem Tod chunnt. Es isch öppis, wo me sech gar nid vorsteuä cha, wiu ds i üsem momentane Läbe ni existiert. Z genau gliiche isch es für mi mit Gott oder was aus o immer s no usserhaub vo üsem Wäutall git. Aus geit über üses Vorsteuigsvermöge usä. Marlene Ig gloube zwar nid a Gott, aber a irgend öppis Grössers, wo d Ärde umgit I gloube zwar nid a Gott, aber mängisch gits Situationä im Läbe, wo mir umgäh si vo Schutzängle Schutzängle, wo üs beschütze, dass öppis nid no schlimmer wird Wes mir nid guet geit, hole ig d Chraft bi Fründe u Familie Ig bi aber o für mini Fründe da, wes ihne mau schlächt geit Mit ihne chani lache, weni glücklech bi, aber o d Wuet uselaa, weni verruckt bi Bi ihne chani so si wini bi Thierry
Gits Gott? Oder no schlimmer, was ischer für mi? Ig bi nid sone glöibigä Typ, es ligt mer eifach nid so. Aber itz äbä, was daser für mi isch, s isch keh eifachi Frag. Aber sicher isches nid, obsnä git, nei immer wider gits Gstürm um Gott und Religione, aber isches deswägä schlächt öppis z gloube? Nei, das gloui scho nid, itz aber zrügg zur Frag, waser für mi isch. Für mi sich Gott nid ä Person oder äs Objekt ou kes Tier. Für mi isch Gott e Gloube, wo Lütt verbindet und zämä bringt, öppis wo Lütt laht la nachädänkä und enang laht la respektiere. Linus Ich glaube nicht, dass es einen Gott gibt der einem Menschen oder einem anderen Individuum gleicht. Doch ich glaube auch nicht, dass es keinen Gott gibt, obwohl sehr viel dagegen spricht. Z.B. wieso kann Gott keine Gerechtigkeit oder Gleichheit auf unserer Welt schaffen, wenn er doch so mächtig beschrieben wird. Ich glaube eher an ein Karma, das dich auf irgendeine Weise bestraft oder belohnt, wenn du Böses oder Gutes tust. Ich glaube an einen Willen, der den Zufall formt, aber ich denke nicht dass es für diesen Willen eine Rolle spielt, ob jemand zu ihm betet oder ob sich die Menschen bekriegen. Julian
Glaubensbekenntnis A was gloubi eigentlech? Chamä überhoupt genau sägä, a was mä gloubt oder wiä mä a öpis gloubt? Und wenn mäs cha sägä, würds de äch o öper verstah? Ig weisses nid, ig weisses würklech nid. Natürlech, mä cha ja scho sägä I gloube a Gott, aber chame de ou sägä, was Gott für eim isch? Dä Gott, woni ig dra gloubä, isch ke Person. Nei ä Person ischer für mi ganz sicher nid, ender sonä Macht. Ä Macht, wo überau isch, i jederä Person, i jedem Tier u i jeder Pflanze. Mä cha diä Macht nid gseh u scho garni verstah, aber mä chas probierä. Für mi isch si ä Art Schicksau, wo üsi Läbä länkt. Doch das heisst nid, dassi immer für üs da isch u üs immer hiuft, nei das nid. Denn für mi isch si nid mönschlech, sondern ender logisch. Ig weiss oni, wiso dasi so dänkä, vilicht wüu diä abwäsendi Mönschlechkeit würd häubwägs erklärä, warum s Chriägä, Rassismus, Diskriminierig und au di angerä schlimmä Sachä uf derä Wäut git, ohni dass Gott öpis dergägä macht. Vilicht isch das nid so verständlech für anderi, aber bi mir machts Sinn. Ig gloubi oni anä Gott, wo d Wäut erschaffe het oder si Suhn zu üs gschickt het, nei das wott mer nid inä, das gloubi nid. Doch dass nä gar nid git, dases nüt git, das gloubi no weniger. Lena Ich glaube an Gott in Form einer höheren Macht. Für mich ist Gott eine Kraft, an die ich mich in guten und in schlechten Zeiten wenden kann. Sie hilft mir wieder auf die Beine zu kommen und neue Kraft zu tanken. Ich habe mir aber auch schon die Frage gestellt, wo ist Gott bei den vielen Unglücklichen auf der Welt? Gibt es ihn wirklich? Ich glaube auf jeden Fall fest daran. Luc
Ich glaube nicht, dass es eine Religion unter allen gibt, die richtig ist. Für mich ist die Religion etwas, an dem man sich festhalten kann, etwas, das Menschen Hoffnung gibt. Religion ist aber nicht das einzige, wo man Halt findet. Wie viele Menschen finde ich zum Beispiel meine tägliche Motivation in der Beziehung zu Menschen, die mir nahe stehen. Ich finde, dass es wichtig ist, jeden Glauben so zu respektieren wie er ist. Man kann einem Menschen nicht vorschreiben, an was er glauben soll. Leider führt genau dieser Versuch immer wieder zu grossen Konflikten. Glaubens Bekenntnis Ah was gloube ig? Jasper Ih weiss ni genau, ah was ih gloube, aber irgendwie gloube ig ah öppis höchers, wo eim i schlechte u guete zite hiuft. Ah öppis, wo eim beschützt u guet für eim isch. Ih gloube ah öppis, wo oh d Wäut erschaffe het, aber ih gloube ni konkret ah Gott. Ih gloube ender ah d Natur, wo aus so het planet, wis isch und wis passiert isch. Aber ih gloube oh, das meh seuber cha entscheide, wi sache passiere u me für ds meischte seuber verantwortlech isch. Ih finde, dass jede ah das cha gloube, wo er wott U dass me das, wome gloubt ni cha vorgschribe becho. Ih gloube/finde, dass jede Mönsch glich viu wärt het, egau was er für nä Religion oder Hutfarb het. Mira