Der Märtyrerdud vum Gereon

Transkript

1

2 Der Märtyrerdud vum Gereon Avjeschrevve us : Vum aale Kölle B. / J. / R. (J.P.Bachem Verlag ) Vür dä Stadtmuur vun Kölle hät dä Gereon met 318 Mann un `ner maurischen Einheit, 360 Mann stark, unger däm Föösch Gregorius e Lager opjeschlage. De Zaldate woren e Deil vun ener thebäische Legijon jewäs un hatte offe bekannt, se wöre Chresteminsche. Se wore och anders wie die andere römische Zaldate. Ovends stundte se vör ehre Zelte un däte bedde. Och sproche ehr Offiziere met inne, wie met Kamerade un nit wie Vürjesetzte. Eines Morgens, et wor noch düster, hoote se de Trompete blose. Et wood inne befolle, us dä Zelte ze kumme un sich in Reih un Jliet opzestelle. He wood inne klor jemaht, dat se ehrem Christejodd avzeschwöre hätte un denne römische Jödder offere sollte. Dä römische Jeneral, dä Ricitus, leet sing Zaldate hinger dä Legijonäre opmarscheere, su dat keine fottlaufe kunnt. Fottlaufe dät och keiner, op in hüre dät ävver och keine vun inne. De zwei Einheite han dä Befehl verweijert un sin ehrem Jläuve treu jeblevve. Se wöre Zaldate un däte `nem militärische Befähl folje, ävver als Chreste künnte se de römische Jödder nit verehre. Wie dä Ricitus no soch, dat se all standhaff blevve, wie ehr Jefährte en Jallien, de ald de Märtyrerdud jestorve wore, leet hä jede zehnte Mann köppe. Jetz weede se sich wal besenne, su dach hä. Ävver do wor Hä fies op de Fott jefalle. Stumm un stiev, de Köpp jesenk, de Häng för ze bedde jeffalde, däten se op et Schwäät waade. Un dann, blodüvverströmp feelen se us dä Reih op de Boddem. Wie de Ricitus soch, dat dat Köppe üvverhaup kein Wirkung hatt, wood Hä wödich, dat et nor esu en Aat hatt, dann de andere däte se als Bekenner vum chrestliche Jläuv priese un ihre. Wat dozo kom : Dä Gereon un dä Gregorius hoote nit op, ehr Zaldate opzerofe, wigger standhaff ze blieve un an dä Mauritius un sing Helde ze denke, de för ihre Jläuve en de Dud jejange wore. Un wie de dann noch aanfinge ze singe un sich en de Ärm ze falle, do jov et kein Halde mih för dä Ricitus un nochens wood jede Zehnte jeköpp. Un su jing dat Moode wigger, alles wor voll Blod, bess de Mieste vun dä Thebäer dud op dä Äd loge. Zeletz stallte sich dä Gereon un dä Gregorius vür dä Ricitus un reckten im ihre Hals hin. Jenau esu dät et dä Ress vun ehre Zaldate, se han ihr Waffe fottjeworfe un sin en de Dud jejange. De mieste vun dä Liche wood en ene Pötz jeworfe un noch hück heiss dä Oot, wo dat Blobbad am 10. Oktober 286 stattjefunge hät : Moodhoff. Wie de Kaiserin Helena, däm Konstantin sing Mutter, an de Rhing noh Kölle kom un he e paar Jöhrcher levve dät, hät se de Jebein vun dä hellije Märtyrer us däm Pötz holle losse un dodrüver en Kirch jebaut. De Kirch wood met Jold un andere Kossbarkeiten usstaffeert un de Jewänder vun dä Dude met Jold jeschmück.

3 21. Regimentsmesse Für die Lebenden und Verstorbenen der Kölner Funken Artillerie blau weiß von 1870 e.v. Mess op Kölsch Kölle, Samsdach 20. Apprill 2013

4

5 Pooschdagsmorje De Naach versink, dä Nevvel dämp. Ne finge Strohlekranz läht wärm et fröhe Sonneleech op Balke, Näl un Lanz. Et ess jedon, uns Schold jelösch. Do nohms dem Dud de Maach. Meer dürfe hoffe un Dich sinn en Dinger Joddespraach. En Leev strecks Do de Ärme us. Kumm, Här, un pack och mich. Et wähs am Krütz, us drüjjem Holz, ne fresche, jröne Zwich. (Heinz Heger) Hä es Här, vun de Dude opjestande, es de Här. Jedes Knee weed jebeuch, jede Mungk bezeuch, dat Jesus Chrest es Här.

6 Begrüßung durch den Präsidenten der Kölner Funken Artillerie blau weiß von 1870 e.v. Theo Jussenhofen Der Organist eröffnet die Messe mit einem Choral. Einzug Während des Einzugs der Fahnenträger, Messdiener, Kreuzträger, Kerzenträger Funkenkerze mit Ständer und Zelebrantensingt der MGV : An wä soll ich mich wende (Franz Schubert/ Johann Philipp Neumann) Am Anfang säht dä Pastur e paar Wööt zor Bejrößung. Gemeinde und MGV singt mit Orgelbegleitung : Melodie : GL 862 Das Grab ist leer 1. Si Jrav ess leer, wat för en Freud, dä Heiland ess erstande; hät üvverwunde Krütz un Leid, jesprenk de Dudesbande. Freut üch, ehr Chreste, su wie nie, noh stechendüst`re Naach; jläuv et och mäncheiner nit mihess widder hellen Daach, ess widder hellen Daach. Halleluja, Halleluja, Halleluja 2. Si Jrav ess leer, wat för en Freud, meer künne widder hoffe; dat, wann uns Sünd un Unrääch reut, de Himmelspooz steit offe. Hä hät jeledde för uns all, am Krütz de Kopp jesengk, Versproche, dat op jede Fall meer finge e jot Engk, meer finge e jot Engk. Halleluja, Halleluja, Halleluja Text : Fritz Häck*

7 Schuldbekenntnis Meer luren en uns Hätz un denke dröver noh, wat meer falsch jemaat han. Jeder bedd för sich : Herrjott, ich ben nit esu, wie Do mich han wells, ich weiß, dat ich joot sin soll. Ävver wat brängen ich op de Bein? Ich dun, als köm ich ohne Dich zerääch, maachen Undauch un Unfridde, un manchmol ben ich e richtig Bies. Do kanns nit met meer zofridde sin. Dat jevve ich Deer zo, leeven Här, och üch ehr Engele un Heilije, un üch, ehr Bröder un Schwestere. Keinem andere well ich et en de Schohn däue: Ich ben et jewäs, un dat deit meer leid, ärch leid. Wat soll ich no maache? Jot Mutterjoddes, ehr Engele un Heilije, un ehr, leev Bröder un Schwestere, doot für mich bedde, dat dä Herrjott mich widder opnimmp wie en Mutter ehr Kind. Amen Kyrie P.: Här, schenk uns Di erbarme. A. : Här, schenk uns Di erbarme. P.:Chrestus, schenk uns Di Erbarme. A.:Chrestus, schenk uns Di Erbarme. P.:Här, schenk uns Di erbarme A.:Här, schenk uns Di erbarme

8 Gloria Gemeinde und MGV singt mit Orgelbegleitung Melodie: GL 864 Erschalle laut Meer freue uns all, dä Här hät jeseeg! Triump, meer welle jubileere! Hä hät uns leev un deit uns föhre Vun Krütz un Dud zom iwije Leech. Do Sonnesching, Halleluja, Halleluja Meer han kein Angks vör Krütz un Leid, uns Ahne han jebäv met Zidder. Kraff, Truß un Mot jovs Do uns widder, Schenks selvs dich uns en Iwichkeit, Häs fruh uns jemaat, Halleluja, Halleluja ( Peter Sistig 1988 )* Tagesgebet vum Pastur Pr.: Dä Här soll met üch sin! A.: Un och met Deer et janze Levve Lesung Vörjedrage vun : Nick Pelzers Pr.: dat well dä Här uns sage! A. : Herrjott meer danken Deer

9 Zwischengesang Gemeinde und MGV singt mit Orgelbegleitung : Melodie GL 865 Wahrer Gott Hellop juhze meer deer zo, Här üvver Levve un Dud bess Do. Do bess dä Seejer op Golgatha, Meer lovven dich, Här, Halleluja Helf, dat meer met Deer uns Wäje jon, un och wie Do, Här zom Levven opston ( Peter Sistig 1988 ) * Pr.: Dä Här soll met üch sin! A. : Un och met Deer et janze Levve Pr.: Meer höre de Wööt us de Fruhebotschaff! A. : Ihr un Dank dem Här en Iwichkeit Evangelium vum Pastur Pr.: Woot Joddes A.: Meer röhme et en Iwichkeit Predigt Meer setze uns un hüre andächtich zo. noh dä Predich Ludwig Sebus singt : Romanische Kirchen

10 Credo Ich jläuven aan dä Herjott, unse Vatter, dä en singer Allmaach Himmel un Äd us nix jemaat hät. Un aan unsen Här Jesus, däm Vatter singe leeve Son; Hä ess op uns Äd jekumme durch dä hellije Jeis, gebore vun däm Mädche Maria; hä hät jeledde unger Pontius Pilatus, se hann in aan et Krütz jeschlage, hä storv un ess bejrave woode;hä wor, wo dä Dud et Rejalt hät, ävver hä ess us dem Dud opjestande. am dretten Daach un heimjejange en de Himmel; do ess hä de räächte Hand vum Vatter, vun do kütt hä un hält Jereech üvver die Minsche us alle Zigge. Ich jläuven aan de Hellije Jeis Un uns Kirch, die hellich un katholisch ess, dat meer met alle Hellije Fründe wäde, dat de Här all uns Sünde verjevve kann, dat de Dude us dem Jrav opstonn un dann zosamme mem Här iwich levve Amen. Gemeinde und MGV singt mit Orgelbegleitung : Melodie : GL 220 Das ist der Tag, den Gott gemacht Dat ess dä Dach, dä Jott jemaat, Hä hält de Welt vill Freud jebraht. Meer jläuven an dich Jesus Chreß, do unse Truß un Hoffnung bess. Meer sin jedäuf op singe Dud, vorüvver ess all Angks un Nut. De hellije Jeis ess uns jeschenk : et neue Levve ohne Engk. Dröm singe meer dat neue Leed, de Welt ess luuter Freud un Freed. Dat Wunder hät de Här jedon, zom iw`je Levve meer opston. H. Bone 1851, F.Dörr 1972, Peter Sistig 1988 ) *

11 Fürbitten Vörjedrage vun : unserem Tanzpaar Nathalie un Livio un 2 Jgdl. us der Jugendgruppe Meer dun antwoode : Hür et aan un dun et jevve Gabenbereitung Ludwig Sebus und MGV singt : Us kölsche Siel Refrain: Us kölsche Siel, die kann uns keiner nemme, die hät dä Herrjott deef in uns jelaht. Un wä die söhk, moß bess zom Hätze klemme, denn do allein, do litt dä Schatz verwahrt. Gabengebet Pr.: Schwestere un Bröder, doot bedde, dat ming un ör Offer dem Herrjott, unsem allmächtije Vatter, jefällt. A.: Dä Herrjott soll esu jot sin, dat Offer us dinge Häng anzunemme, öm singe Name ze lovve un ze röhme, zom Sän för uns un sing janze heilije Kirch Präfation Pr.: Dä Här soll met üch sin! A. : Un och met Deer et janze Levve Pr.: Hevvt de Hätze en de Hüh! A. : Meer sin met Hätz un Siel beim Här! Pr.: Meer welle dä Herrjott röhme un ihre! A. : Su es et rääch in Iwichkeit

12 Sanctus MGV singt : Hellich aus der Schubert- Messe Hellich, hellich, hellich, hellich eß der Här. Hellich, hellich, hellich, hellich eß nor hä. Hä. dä nie jewoode, Hä, dä immer wor, iwig eß un bliev Hä, alle Minsche noh. Text : P. Sistig ov meer bedde: Hellich, hellich, hellich ess Jott, unsen Här. Hä ess hellich all de Engele dun im deene Hä ess hellich sing Maach un Prach zeije Himmel un Äd. Hä ess hellich meer juhzen im zo en alle Iwichkeit. Dich, Chrestus, jrösse meer, Dich scheck uns dä Här. Do bess hellich meer juhzen im zo en alle Iwichkeit. Hochgebet Noh de Wandlung Pr.: Meer jläuven aan dat Jeheimnis! A.: Dat Do för uns jestorve bess, bekenne meer; dat Do vum Dud opjestande bess, röhme meer, dat Do küss en Maach un Praach, dat hoffe meer.

13 Pr.: Meer wäde Kinder Joddes jenannt un dat si`meer och. Doröm dörfe meer voll Vertraue zo unsem Vatter em Himmel spreche: A.: Unse Vatter em Himmel, Dinge Name welle meer hillich halde, Di Rich loss zo un kumme. Alles soll esu sin, wie Do et han wells, em Himmel un op de Äd. Jevv uns hück un alle Dach, wat meer bruche för ze levve, un dun uns verjevve, wammer Unräch jedon han, wie och meer denne verjevve welle, die uns Unrääch dun. Halt vun uns fän, wat uns schade künnt, un dun uns vör allem Schläächte bewahre. Stell uns nit zo ärch op de Prob un erlüs uns vun allem Üvvel. Denn Do häss et Rejalt un de Maach un steihs üvver allem en Iwichkeit Amen Friedensgruß Wann dä Här uns singe Fridde jevve soll, dann müsse meer selvs Fridde halde, Fridde maache, Fridde wünsche, jrad do, wo et sich nit vun selvs versteiht : Däm do, däm ärmen Höösch, dä Kadangks vör meer hät, weil ich jet ze sage han; däm do. dä meer nor jo us em Wääch jon soll; däm Frembche, däm Freese, däm, dä ich et leevs vun hinge besinn, däm Knieskopp, däm Flabes, däm, dä meer schwer em Mage litt, däm, dä noch jet bei meer em Salz lije hät: däm well ich de Hand jevve, met däm well ich Fridde maache, däm wünschen ich de Fridde Pr.: Dem Här singe Fridde soll met üch sin! A.: Un met deer et janze Levve Pr.: Un jetz jevvt üch de Häng un fangkt mem Fredde an

14 Agnus Dei MGV singt: O Herrjott, Här un Meister Pr.: Här, Do häß wie e unschöldich Lamm de Söndeschuld vun de janze Welt op Dich jelade. Och uns Sünd dröck Dich nidder. A.:Här dun uns doch verjevve. Pr.: Här, Do häß wie e unschöldich Lamm de Söndeschuld vun de janze Welt op Dich jelade. Och uns Sünd dröck Dich nidder. A.: Här dun uns doch verjevve. Pr.: Här, Do häß wie e unschöldich Lamm de Söndeschuld vun de janze Welt op Dich jelade. Och uns Sünd dröck Dich nidder. A.: Här dun uns doch verjevve. Kommunion Pr.: Loort, unsen Här es medden unger uns A.: Här, Do häss uns enjelade, dat mäht uns ärch fruh. Meer sin et nit wäät, dat Do unse Jass wees, ävver Do bruchs vor e Woot zo sage, dann es alles widder jot. Während der Kommunionausteilung singt Ludwig Sebus: Romanische Kirchen Schlussgebet Pr.: Dä Här soll met üch sin! A. : Un och met Deer et janze Levve Verabschiedung durch den Präsidenten

15 Verabschiedung durch den Zelebranten MGV und Ludwig Sebus singen: Kutt jot heim Schluss-Segen Pr.: Dä Här soll met üch sin A.: Un och met Deer et janze Levve Pr.: Joht jetz un brängt Fridde! A.: Meer danken Jott, unsem Här Auszug und Ausklang Gemeinde und MGV singen mit Orgelbegleitung : Melodie : GL 864 Erschalle laut, Triumpfgesang Met Trööte un met Trumme laut, doot hück e Freudleed aanstemme, us fruhem Hätze all metsinge. De Heiland hät et wohrjemaat: Hä lääv, trotz Dud, wie hä jesaat. Halleluja No bruche meer kein Angs ze han, deit uns et letzte Stündche schlage, wat uns besher lohch schwer em Mage. Dä för uns storf, vum Jrav erstundt, schenk Levve noh der letzte Stund Halleluja Text : Fritz Häck *

16 Schlussgedanken Ov se et wesse, wie rich se sen, die ville Minsche, denne nix fählt? Ov se Deer danke, Här, för dat Jlöck? Ov se et wesse, wie rich se sen, die ville Minsche, die nit allein? Ov se Deer danke, Här, för dat Jlöck? Ov se et wesse, wie rich se sen, die ville Minsche, met Dingem Krütz? Ov se Deer danke, Här, för die Jnad? ( Cilli Martin ) Allmächtije Herrjott, meer sagen deer Dank för die Meß op kölsch, die meer zosamme jefeet han. Meer han nit nor vun Hätze metjemaat, meer wesse, do häs uns och allemolde vun bovve vill kraff jejevve. Sorch do, dat meer su wigger maache; meer jevve uns Möh un wellen der deene. Doröm bedde meer durch Chrestus unsen Här. Amen

17 För alle Dach Vun Engele, die uns en Treu ömjevve, behödt, jetrüs, jehalde stark un klor, su mööch ich stell die Däch jetz met üch levve, un met üch jonn dann en e besser Johr. Noch well dat dat ahle uns em Hätz verwiele, noch quält uns mänch en Lass jrad wie de Pess. Helf, Här, jevv unse opjeschreckte Siele dat Heil, för dat Do uns jeschaffe häs. Loß wärm un hell de Kääze hück opflamme, et Düster he öm uns verle`t sing Maach; föhr, wenn et jeit, bal widder uns zesamme: meer wessen et, Di Leech schingk en der Naach. Wann et no stell weed, dat meer bang künnt wäde, un uns dat Düüster wie en Kette hält; Meer wesse, meer sin nit allein op Äde ; Di Lovv singk, wä zo Dinge Kinder zällt. Vun Engele met steller Maach jeborje, verwade meer jetrus, wat kumme maach. Der Här ess do am Ovend un am Morje, op unser Sick, aan jedem neue Daach. Dietrich Bonhöffer, kölsche Übertragung: Hilde Ströbert und Heribert Hilgers

18 Rückblick Regimentsmesse Mai 2011 Melodie Heimweh noh Kölle von Willi Ostermann, Kölsch-Mess gerechter Text : L.Sebus Dich Herrjott welle meer jitz lovve, uns Funke Korps, dat vör Dir steiht, met all dä Fründe, die ald bovve bei Dir sin en d`r Iwigkeit. Meer bedden Dich öm Dinge Säje, aan däm uns all jeläje ess, bejleit uns Korps op alle Wäje loss spöre, dat Do bei uns bess. Jevv Herrjott, dat meer uns nit scheue, ei Aug zo han för all de Lück, de nit wie meer sich künne freue, weil sei et Leid zor Äd jedröck. Schenk uns de Kraff, sei jet zo stötze, un jevv uns Blaue Funke Mot. Loss uns d`r Fruhsenn dozo nötze, dat deit su manchem Hätze jot. Un mösse meer ens Kölle losse, meer kütt als Funk zo Dir erop, sän wigger dann de Jässjer, Strosse, sän jedes Mädche, jede Stropp. Dann maach et föje Dinge Welle, dat unser Korps noch lang besteiht. Schenk Dinge Säje uns`rem Kölle, denn Do bess Här en Iwigkeit. Übertragen : W.O

19 Impressum Kölner Funken Artillerie blau weiß von 1870 e.v. Präsident und Kommandant: Theo Jussenhofen Zelebrant : Professor Gerhard Herhenrath Organist: Gerhard Hoffs Mitwirkende: Funken aus Korps, Senat, Reservekorps und Kinder-Jugendgruppe Standarten und Fahnenträger aus allen Abteilungen Solisten: Ludwig Sebus Männergesangverein Eintracht 1880 Köln Stammheim, 1. Vorsitzender: Bernd Weiß Chorleiter: Karl-Heinz Kremer musikalische Begleitung: Dirk Straube Gestaltung des Liederheftes: Jürgen Stelter Organisation und Auswahl der Texte: Wilfried Ottersbach

20 Danke sagen wir bei: der Pfarrgemeinde St. Gereon, Pfarrer Andreas Brocke für die Gastfreundschaft in der Basilika, der Inaktiven Gruppe der Blauen Funken für die Stiftung des Blumenschmuckes, allen stillen Helfern, ohne die eine solche Veranstaltung nicht möglich ist. Liedertexte und Gebete sind entnommen worden : Us Leev zom Herrjott 1989 und Dem Här zo Ihre * Dem Ehrenfelder AK Meß op Kölsch c/o Hans Fey ein herzliches vergelts Gott Die Kollekte ist bestimmt für : Kinderhaus St. Alban

21

22

23 Em 5.Jahrhundert kome de Hunne un han de Kirch vum hellije Gereon usjeraub. Wat se nit kapott gemaht han, han de Normanne 882 dann nohjehollt. Eesch wie dä Anno Ääzbischoff von Kölle woode es, hät sich dä älende Zostand öm Zint Gereon jeändert. Dä Anno hatt nämlich ene Draum, en däm im die maurische Kreeger un dä Gregorius vör de Auge kome. Se däte sich beklage un beschwere, dat de Märtyrer en Kölle nit mih verihrt woodte un Zint Gereon am Boddem läjen un sich keiner dröm kömmere dät. Wie dä Anno aanfing sich zo exküseere, wood hä jejeisselt. Do hät hä op et Hellijste versproche, dat hä sich dröm kömmere wollt un wat se versäump hatte, en Kölle, nohholle wollt. Am nächste Morje, wie hä wach wood, soch hä, dat singe Liev voll Striefe un Blod wor. Hä leet tirek jrave un fung och en Hääd vun dä thebäische Liever. Wie hä dann enem Baumeister us Italiedö Opdrag gov, sich öm de Kirch ze kömmere un se ze verschönere, han se dä Lichnam vum hellije Gregorius ungerm Chor jefunge. Am Engk wood de Kirch dann fädich un met Pomp un vill Besök geweiht.

24