Richtspruch Hochverehrte Richtfestgäst ich grüß Sie hier zum Hebweihfest wias Brauch bei uns im Bayernland mit am herzlichen Grüaß Gott beinand. Wenn i, - des gib i zua - do net ganz durch blicka dua, wer namentlich, i woaß net g wiß als Bauherr anzusprecha is. Denn a bissl schwierig ist des scho, für an oafach n Zimmermo. So gilt mein Gruaß beim Richtfestfeiern den Herrn Vertretern des Freistaat s Bayern, der über allen, des is g wiß, der eigentliche Bauherr is. Ja, zu an Richtfest, so wia heit g hört a Richtspruch liabe Leit, in dem ma aa aus Bauleit Sicht kurz übern Bauablauf bericht. Des Spruch aufsong, des i jetzt dua, stand eigentlich mehr Herrn Kapfenberger zua, der als Polier hier ois hod gmeistert, doch is da Kapfenberger net begeistert, wird eam die Aufgab übertrong, beim Fest den Richtspruch aufzusong. Er arbat liabar wia a Stier und überloßt as Redn mir. Zum Bauwerk und seiner Funktion, glaub i, dass i mi kurz fassn kon, da ja meine Vorredner - die Prominenten - as Wichtigste scho erwähnten. Trotzdem gstattens mir vor Ort zum Bauwerk kurz no a paar Wort. Fürn Professor Schulte Körne errichten wir ein Haus, wo d Kinder krank neikemma und gsund wieder raus. In einem Satz, des wissn Sie, wir baun die Kinder- und Jugendpsychiatrie. Für so a Haus, des is ganz g wiß, a Hauffa zu beachten is, wia ma des und des bringt o, dass sich koana verletzen ko. Vorschläg, des ko ma net bestreitn, san guade kemma von alle Seitn. Oft kommas aa erst hinterher, 1
drum is baun mit de Psychiater schwer. So einfach iss ja manchmoi net, erst wenn dann des Bauteil steht, a Dokta sich was vorstelln ko, dann hoaßt s, wir woitens gor net so. Herrn Professor Dr. Schulte Körne ich dabei ausschließen muss! Er woaß Bescheid und schafft a oo, beim Architekt, am Montag no. Bis er dann von seim Herrn Bartling nach der Planerrundn hört, dass des doch net kummt, - weils z deier werd. Doch weil sich des beste Ärzteteam - des is weiters aa net schlimm - selber koa Krankenhaus baun ko, is as Bauamt dafür do. Dort hams d Leit, die des verstenga, die fachlich sowas steiern kenna. Beim Bauamt München 2, da iss bekannt, is so a Bau in bester Hand. Als Amts Chef nimmts mit dem Bau, der Herr Baudirektor Pfeufer sehr genau. Woaß immer wie die Lage steht, i glaub, dass eahm hier nix entgeht. Geht ma im Bauamt no weita, is der Herr Andris der Abteilungsleita. Er is a Mo der Tat, er is ja aa Bau-Oberrat. Dann draht no oana im Bunde, Herr Schwertl, hier no oft sei Runde. Mit seim fachmänischm Gschau, nimmt er oiss ganz gnau. Do wird aufs Goid vom Bauherrn gschaut und koa Euro umsonst verbaut. Die Bauleitung macht da Brüggemann auf den ma sich verlassn kann. Der losst sich, sie wern jetzt lacha, koa X net für a U vormacha, dafür is er zlang am Bau, woaß über ois Bescheid genau. Im Verhandeln zäh und hart, doch sei korrekte ruhige Art trug vui, - des sog i iena glei, zum guadn Arbeitsklima bei. Wia überoi auf dera Woid, so brauchts zum Baun aa a Goid. So is als Goidgeber gnannt, unser schönes Bundesland. Do dankma bsonders, des sei gwiss, weis aa von unsre Steiergoider is. 2
- Will nach dem ersten Glas nun fassen um unsern Bauherrn hochlem zu lassen. Meng sich seine Investitionen zum Wohle all der Menschen lohnen, die bald, die Zeit is nimmer fern, des Haus betreten wern. - Ich trink den edlen Rebensaft zum Wohle unsrer Bauherrschaft: - sie lebe - hoch.. hoch hoch.. Es konnt natürlich net nach Gfui, a Jeder arbatn wia er grad wui. Den Planern sei hiermit gedacht, die dieses zu Papier gebracht. Ja, so ein Planer, zuagegem, hat doch mitunter sein Problem. Er muaß die Sonderwünsche sichten, muaß sich nach die Kosten richten, Sparsamkeit duat äußerst Not, und is meist oberstes Gebot. Der Bau soll d Gegend net verschandln, mit den Behörden muaßt verhandln, bis so a Planung dann baureif steht, scho a Zeit ins Land nei geht. Herr Jobst, vom Bauamt München 2 hat, wie wir wissen, als Architekt die Sach hervorragend geschmissen. Er überlegt si jeds Detai genau, des segt ma aa an diesem Bau und laft moi was net so perfekt ist er, wenn i recht im Buid, an der Sache nie dro schuid. Des Büro Sütfels stellt mit m Herrn Godel an schlauen Mo, der des was geplant is, aa ausschreim ko. A so a Bau, sigt jeder ei, muaß statisch no berechnet sei. Des Büro Mayr und Ludescher hat für oiss an Rat und steht mit Herr Slapnicar und Herrn Duffner grad. Da fehlt aa nix, so wie ich denke, denn Prüfstatiker is des Büro vom Dr. Henke. Für die Sicherheit am Bau, nimmt s Herr Van Ginkel ganz genau. Koischeinz und Partner fertigten an, fürs Bauwerk den Elektroplan. Herr Weise dahinter steht, dass jedem s rechte Licht aufgeht. Die Firma Zschopau führt s aus, und da geht s doch allawei guat naus. 3
Heizung, Lüftung, Sanitär, Abwasser und dergleichen mehr macht ganz g wiß nemand genauer, wie as Planungsbüro Bergbauer. Herr Roland und Kollegen machan d Pläne so, dass ma danach arbatn ko. A Reihe von Fach - Ingenieuren G wiß noch zu erwähnen wären. Ich darfs bei den Genannten lassen und alle Planer zammafassn und trinken auf des Wohl der Gscheiten, die nur mit m Kopf am Bau arbeiten. Auf sie will ich dies Glas erheben All unsere Planer sollen Leben hoch... hoch... hoch... Was nützt der schönste Plan, wenn net die Bauleit gwesen warn, de kemma san um Hand anzlegn, sonst datns heit nur d Pläne seng. Drum lob i aa die Bauleit no, san ä damit als Letzte dro. Dabei ham sie sich wia i find wahrhaft a ehrlichs Lob verdient. Des geht von oben scho, beim Bauleiter Herrn Wenig o. Der wirklich äußerst ongagiert, für die Firma Mader hier die Baustell führt. Der kämpfa muaß um jeden Cent und im LV jeds g Satzal kennt. Muaß schaun, dass er sich net verhaut, dass am End für d Firma no was außi schaut. Ein Lob dem Polier den i am Anfang scho erwähnt, mit seiner Mannschaft insgesamt, die weitgehend aus Bayern stammt, fleißig warn, des sigt a jeda und garbat ham bei jedem Weda. Zimmerei, i heit koa nenna konn, weil as Dach ist aus Beton. Dafür deaf i die Leit der Firma Faco nenna, ihr Metallfassad im Garten hint, is ja bsondrer Renna. Es san natürlich, wia i merk, vui Ausbaufirmen scho am Werk Sie verstehnga, aus Zeitgründen Konn i si net eigens alle erwähna. 4
Drum deaf zum Schluß i langsam kemma Und alle Bauleut zammanehma. Eana sei nach harten Arbeitswochen Besonderer Dank heut ausgesprochen. Mein letztes Glas wui i erhem, mit dem soin die Bauleit lem. Hob i sie auch zuletzt genannt, so ist uns allen doch bekannt, dass sie, i derfs stoiz verlesen, die Wichtigsten am Bau san gwesen. - Ich leer das Glas zu Eurem Wohl - Auf dass das Handwerk leben soll. - alle am Bau beteidigten Firmen, - die Firmen-Chefs und all ihre Mitarbeiter - sollen leben hoch..., hoch..., hoch... Mein Spruch is z End, i her jetzt auf, wünsch noch an guatn Bauverlauf. Von Unfällen, des sei no betont, blieben wir Gott sei Dank verschont. Mögen wir beschützt von Gottes Händen, den Bau auch unfallfrei vollenden. Mög weiterhin Sein göttlich Tun und Segen auf dem Hause ruh n. 5