Prill 2011 Përmbajtja Fjala përshëndetëse 1 Njoftime shkurt 2 Të reja nga anëtarët e DIHA-s 3 Përmbledhje e aktiviteteve të organizuara 5 Aktivitetet e planifikuara 10 Botues DIHA - Shoqata Gjermane e Industrisë dhe Tregtisë në Shqipëri Rruga Skenderbej, Pall. 4, Ap. 7 Tiranë Redaktore: Anette Kasten Admir Lleshi Shërbimi i ekspertëve seniorë 11 Lajme ekonomike nga Gjermania 12 Lajme ekonomike nga Shqipëria 14 Panaire në Gjermani 16 Tel: +355 (0)4 222 7146 E-Mail: info@dih-al.com Megjithë kujdesin e treguar në hartimin e këtij publikimi nuk merret asnjë përgjegjësi apo pozicionim mbi përmbajtjen ose gabime të mundshme.
Fjala përshëndetëse Të nderuar anëtarë të DIHA-s, Zëri i biznesit gjerman në Shqipëri po ndihet gjithmonë e më shumë, si në Shqipëri ashtu edhe në Gjermani. Tremujori i parë të vitit 2011 ishte një periudhë e ngjeshur me aktivitete. Presidentja e DIHA-s, znj. Andrea Gebbeken, përfaqësoi anëtarët e shoqatës në festimet e 150-vjetorit të Shoqatës Gjermane të Dhomave të Industrisë dhe Tregtisë (DIHK), shoqata që përfshin dhomat e tregtisë brenda Gjermanisë dhe jashtë saj në Berlin. Sekretarja e Përgjithshme, znj. Anette Kasten, bëri një ekspoze për Shqipërinë si destinacion investimesh në Ditën e Ekonomisë Shqiptare në Mynih. E pranishme ishte edhe Ambasadorja Gjermane dhe pesë kompani anëtare të DIHA-s, të cilët gjithashtu ofruan përvojat e tyre në lidhje me ekonominë shqiptare. Andrea Gebbeken u takua në Berlin me përfaqësues të nivelit të lartë të DIHKsë dhe rrjetit të Dhomave Gjermane të Tregtisë me Jashtë (AHK), pjesë e të cilit DIHA është që prej pranverës së vitit 2010 në kuadër të një marrëveshje bashkëpunimi. Shërbimet e Dhomave Gjermane të Tregtisë me Jashtë mund të ofrohen kështu edhe në Shqipëri për kompanitë gjermane dhe shqiptare. Për të përshtatur portofolin e shërbimeve, zyra e DIHA-s mori pjesë në takimin e fillimvitit me kolegët nga zyrat e Beogradit dhe Shkupit. Bashkëpunimi rajonal mendohet të jetë mënyra e duhur e zhvillimit të mëtejshëm të punës, çka tregohet edhe nga aktivitetet më të fundit të kompanive gjermane në Shqipëri, p.sh., Meggle në sektorin e përpunimit të qumështit ose Grupi Messer, si dy kompani që janë aktive prej kohësh në vende të ndryshme të Europës Juglindore. Të dyja janë të interesuara për zgjerimin e mëtejshëm të tregut të tyre dhe Dhomat e Tregtisë me Jashtë mund t u ofrojnë mbështetje në më shumë se sa një vend. Një projekt tjetër i rëndësishëm po realizohet me Agjencinë Bavareze të Nxitjes Ekonomike Bayern International. Aktualisht po përgatitet një vizitë me përfaqësues të sektorit të ujësjellës-kanalizimeve në Bavari në maj të këtij viti, ku do të zhvillohen takime me kompani gjermane nga ky sektor. Por ngjarja më e rëndësishme e këtij viti për DIHA-n është padyshim Asambleja e Përgjithshme më 18 maj 2011. Ju lutemi ta shënoni këtë datë në kalenderin tuaj. Sipas statutit të DIHA-s mandati i Kryesisë skadon pas dy vitesh, më saktë pas zhvillimit të dy Asambleve të Përgjithshme më 2009 dhe 2010, kështu që duhet të zhvillohen zgjedhje të reja për Kryesinë. Dëshirojmë t ju kujtojmë që pjesëmarrja juaj është shumë e rëndësishme për zhvillimin e mëtejshëm të DIHA-s. Një ngjarje tjetër e rëndësisë së veçantë në këtë vit për Shqipërinë janë zgjedhjet lokale më 8 maj 2011. E gjithë bashkësia ndërkombëtare do të shikojë me vëmendje se si do të paraqiten kampet politike para, gjatë dhe pas zgjedhjeve. Standard & Poor`s ka paralajmëruar në vlerësimet e saj, që nëse situata politike vazhdon të mos kapërcejë ngërçin e deritanishëm, atëherë ky do të ishte një rrezik serioz për ekonominë e vendit. Pavarësisht bllokimit të situatës politike, në vitin 2010 u arrit një rritje ekonomike prej 4%. Megjithatë, edhe nga kompanitë anëtarë të DIHA-s shprehet shqetësimi se shumë prej mekanizmave lëvizës në Shqipëri nuk funksionojnë. Ne shpresojmë për vendin, popullsinë, kompanitë lokale dhe njëkohësisht edhe për investitorët e huaj, që situata politike do të çtensionohet pas zgjedhjeve dhe ekonomia shqiptare do të vihet sërish në lëvizje. DIHA nga ana e saj vazhdon të rritet duke shënuar aktualisht 46 anëtarë dhe pret me kënaqësi takimin e radhës me ju! 1
Njoftime shkurt Rritja ekonomike në Shqipëri për vitin 2010 rreth 4% Parashikimet për rritjen ekonomike të Shqipërisë janë gjithmonë të ndryshme, në varësi nëse ato jepen nga qeveria ose nga institucionet financiare ndërkombëtare. Megjithatë, për vitin 2010 duket se të gjithë janë të mendimit se kjo rritje ka qenë rreth 4%, sipas edhe deklarimit të Institutit Vjenez për Studime Ekonomike Ndërkombëtare (www.wiiw.at). Instituti i Statistikave në Shqipëri jep një shifër për rritjen ekonomike prej 3,9% për vitin 2010. Parashikimet e Institutit Vjenez për 2011-tën janë paksa më pesimiste (3,2%), ndërsa për vitet pasuese shihet një përmirësim prej 4% (2012) dhe 5% (2013). Të dhënat më të rëndësishmë për Shqipërinë sipas Institutit Vjenez: Bie tarifa doganore prej 12,5% për industrinë e tekstileve Qeveria shqiptare në funksion të përpjekjeve të saj për të mbështetur eksportet dhe tërhequr më shumë investitorë të huaj në Shqipëri, ka njoftuar heqjen e tarifave doganore për të gjitha importet e lëndëve të para që përdoren në industrinë e tekstileve. Sipas të dhënave të INSTAT-it, në vitin 2010 tekstilet dhe këpucët kanë zënë vendin e parë në statistikat e eksporteve pas mineraleve, lëndëve djegëse dhe elektricitetit. Industria e tekstileve dhe ajo e këpucëve punëson në Shqipëri rreth 100.000 persona dhe e ka përballuar vitin e krizës 2009 relativisht me sukses duke përjetuar vetëm një ulje prej 8% të eksporteve të saj. Në vitin 2010 këto eksporte janë rritur me 13%. Destinacionet kryesore të këtyre eksporteve janë Italia, pasuar nga Gjermania, duke parakaluar kështu Greqinë. Links interesante Thesaret e Ballkanit Ky portal në internet është krijuar për nxitjen e turizmit në vendet e Ballkanit Perëndimor, Maqedoni, Shqipëri, Mal i Zi dhe Bosnje- Hercegovinë si edhe në Serbi për pjesën e qëndrore të Danubit. Këto vende janë afër gjeografikisht, por megjithatë larg për nga njohuritë që ekzistojnë rreth tyre. Ky rajon paraqitet në këtë portal si një i tëri dhe mendohet të tërheqë turistë individualë të interesuar për kulturën, natyrën dhe më tej. Edhe për të gjithë të huajt që punojnë e jetojnë në këto vend, kjo faqe është një burim i vlefshëm për zbulime të mëtejshme në Ballkanin Jugperëndimor. http://balkan-schaetze.com/home.1.0.html 2
Të reja nga anëtarët e DIHA-s Profarma përuron mjediset e reja të prodhimit Tiranë, 30.03.2011 - Festa e përurimit të mjediseve të reja të prodhimit të Profarmës në rrugën Myslym Keta përveç fjalëve të rastit u shoqërua edhe nga një spektakël i vërtetë. Profarma, si kompania e vetme shqiptare prodhuese e medikamenteve, është blerë në vitin 2008 nga grupi gjerman Dermapharm dhe ka rinovuar tërësisht mjediset e prodhimit në Tiranë. Ambasadorja Gjermane, znj. Carola Müller-Holtkemper, në fjalën e saj, u shpreh se tashmë në Shqipëri vijnë shumë investitorë nga sektori i prodhimit. Profarma ka rreth 200 punonjës dhe mund të vlerësohet aktualisht si investimi i dytë më i madh gjerman pas atij në aeroportin e Rinasit. Përfaqësuesi i investitorit gjerman, Dr. Hans-Georg Feldmeier, sqaroi se Profarma ka sjellë medikamente të reja në tregun shqiptar. Z. Edi Grabocka, drejtori ekzekutiv i Profarmës, theksoi se kompania do të vazhdojnë të investojë në teknologji dhe se do të futen edhe linja të reja prodhimi. Kryeministri, z. Sali Berisha, i ftuar në aktivitet, theksoi rëndësinë e investitorëve të huaj për Shqipërinë dhe mbështetjen që qeveria e tij u siguron atyre. Ai gjithashtu u shpreh veçanërisht për vlerën e këtij investimi për jetën dhe shëndetin e popullsisë. Rossmann hap filial të ri në Tiranë Të premten, më 25 mars 2011, kompania Rossmann & Lala ka hapur një filial të ri në qytetin e Tiranës, në zonën e ish-bllokut. Pas dyqaneve të kësaj kompanie në dy qendrat tregtare QTU në Tiranë dhe Fier si edhe në City Park në autostradën Tiranë-Durrës, ky është tashmë dyqani i tyre i katërt në Shqipëri. E reja për Rossmann-in ishte që ky filial nuk ndodhet brenda një qendre tregtare me infrastrukturë ekzistuese. Të gjithë punimet arkitektonike, ndërtimore dhe elektronike si edhe struktura e teknologjisë së informacionit janë marrë përsipër nga Rossmann. Rezultati i këtij projekti fliste vetë. Problemi i sipërfaqeve të një madhësie të caktuar për mjedise shitjeje nuk është një problem vetëm për kompaninë Rossmann. Në qendrat urbane në Shqipëri, ndarja e sipërfaqeve në shumë njësi të vogla me pronarë të ndryshëm është një prej arsyeve të një zhvillimi të dobët të këtij biznesi sipas standardeve perëndimore. 3
Të reja nga anëtarët e DIHA-s BOGA shkruan për Business Monitor International Business Monitor International ( BMI ) ka botuar së fundmi Raportin 10- vjeçar për Parashikimin e Biznesit (10 Year Business Forecast Report) për 175 shtete. Për Shqipërinë nga BMI është përzgjedhur Boga & Associates për të ilustruar zhvillimin e kuadrit ligjor dhe sistemit gjyqësor. Në analizën e raportit të BMI-së thuhet: Zhvillimi i tregut ligjor është një sinjal pozitiv për sistemin gjyqësor në Shqipëri. Zyra vendase si Boga & Associates dominojnë tregun dhe po fitojnë shpejt eksperiencë në çështje kyç të fushës së drejtës tregtare duke përfshirë dhe çështje të së drejtës bankare, privatizimet, bashkimet me perthithje si dhe të drejtën për pasuritë e paluajtshme. Gjithashtu ka një pjesëmarrje të vogël por në rritje në tregun ligjor të vendit me zyra ligjore të huaja kryesisht nga Austria dhe Italia, të cilat janë të pranishme në Tiranë. BMI është një shoqëri lider në fushën e kërkimeve ekonomike, e cila ofron mbulim të plotë dhe në kohë të 175 shteteve dhe 23 industrive. PBM bëhet anëtare e BDO-së Shoqëria shqiptare e kontabilitetit, auditimit dhe konsulencës financiare PBM, anëtare e DIHA-s që prej vitit 2009, përfaqësuar nga z. Petrit Malaj, është bërë më 18 shkurt 2011 anëtare e BDO-së. BDO është një prej shoqërive lider në fushën e kontabilitetit, auditimit dhe konsulencës financiare. http://www.businessmonitor.com/ Rrjeti ndërkombëtar BDO është në traditën europiane i vetmi prej pesë rrjeteve aktivë ndërkombëtarë të shoqërive audituese. Rrjetit BDO i përkasin shoqëri të pavarura juridikisht me firma anëtare në mbi 100 vende. Në vitin ekonomik 2009/2010 (30 shtator), ky rrjet me rreth 47000 punonjës dhe partnerë në mbi 100 vende ka realizuar një xhiro prej 3,9 miliardë Euro. Në renditjen e shoqërive ndërkombëtare lider, BDO International Limited zë vendin e pestë. Për shoqërinë PBM ky është një hap i madh përpara, çka vërtetohet edhe nga transferimi i zyrave në një prej kullave të kompleksit të zyrave Twin Towers. http://www.bdointernational.com Anëtarë të rinj Përshëndesim anëtarët tanë të rinj, të renditur më poshtë në mënyrë alfabetike: Firma Person kontakti Telefon Vendi Website Veprimtaria 1 ALTIMEX Timea RAKOS +355 (0)68 6037213 Tirana www.altimex.al 2 Berlin-Chemie Payan PAYMAN +355 (0) 2259908 Tirana 3 4 Ernst & Young Albania ILF Consulting Engineers Anisa FEZOLLI +355 (0) 2419575 Tirana www.ey.com Andreas DIENDORFER Tregim portave dhe sistemesh automatike (Hörmann, Sommer) Produkte farmaceutike (Zyrë përfaqësuese) Shërbime auditimi, taksash, transaksione dhe konsulencë +355 (0) 42 236489 Tirana www.ilf.com Shërbime inxhinierike 5 intermed Anila MAHO +355 (0) 42250463 Tirana www.intermed.al Tregtim produktesh farmaceutike 6 Plan-Consult Daniel RICHTER +355 (0) 42 273590 Tirana 7 Raiffeisen BANK www.berlinchemie.de www.planconsult.com Shërbime inxhinierike Alexander ZSOLNAI +355 (0)4 2275575 Tirana www.raiffeisen.al Shërbime bankare dhe financiare 4
Aktivitetet e organizuara Ambasadori i OSBE-së i ftuari i DIHA-s Tiranë, 16.02.2011 - Pamjet e protestës së dhunshme të 21 janarit në Tiranë kanë bërë xhiron e botës duke shkaktuar shqetësim edhe në Gjermani në lidhje me stabilitetin politik të vendit. Pamjet sollën sërish në kujtesë trazirat e 14 viteve me parë, duke tërhequr edhe vëmendjen e sektorit të biznesit. Por si do të zhvillohen më tej ngjarjet? Ku ndodhet politikisht Shqipëria tani, dhe si mund të integrohet ajo në politikën dhe ekonominë ndërkombëtare? Lidhur me këto tema Ambasadori i OSBE-së, z. Eugen Wollfahrth, bëri një prononcim në takimin mes anëtarëve të DIHA-s në mesin e shkurtit në Hotel Xheko Imperial. Fillimisht, Ambasadori u shpreh në lidhje me përshtypjet e tij pas mbërritjes në Shqipëri në shtator 2010, duke shprehur entuziazmin e tij për shpirtin sipërmarrës si dhe qëndrimin pozitiv e shpresëdhënes të popullit shqiptar. Si shumë të huaj të tjerë që shkelin për herë të parë Shqipërinë, edhe ambasadori arriti të njohë potencialet e mëdha të Shqipërisë në shumë sektorë. Por ngërci politik dhe paaftësia për të arritur në një kompromis ndërmjet dy partive të mëdha kundërshtare mund të ngadalësojnë hapat e zhvillimit, duke rënë kështu ndesh me pritshmërinë e popullit shqiptar dhe biznesit vendas e të huaj. Thirrja e ambasadorit për rishikimin e mundësive me qëllim dhënien fund të kësaj situate u pasua nga diskutime të shumta mes anëtarëve të DIHA-s dhe të ftuarve. Dita e Ekonomisë Shqiptare në Mynih Mynih, 22.03.2011- Dita e Ekonomisë Gjermane e cila u mbajt në Dhomën e Industrisë dhe Tregtisë për Mynihun dhe Bavarisë së Sipërme (Oberbayern) pati një frekuentim të nivelit te lartë. Ministri i Jashtëm Shqiptar, z. Edmond Haxhinasto, së bashku me një delegacion prej 50 pjesëmarrësish promovuan Shqipërinë si një vend investimesh. E pranishme në këtë takim ishte edhe Ambasadorja Gjermane, znj. Carola Müller-Holtkemper, e cila ishte në dispozicion si të pjesëmarrësve gjermanë ashtu edhe të delegacionit shqiptar. Fjala e përshëndetjes për të pranishmit u mbajt nga Zv. Presidenti i Dhomës së Industrisë dhe Tregtisë në Mynih, Dr. Eberhard Sasse dhe Sekretarja e Shtetit për Ministrinë Bavareze të Ekonomisë, Transportit dhe Teknologjisë, znj. Katja Kessel. Duke bërë edhe një krahasim të shkëmbimeve tregtare me vendet e tjera, të dy folësit vunë në dukje potencialin ekzistues në marrëdhëniet ekonomike shqiptaro-gjermane. Zv.Ministri Shqiptar i Ekonomisë, z. Enno Bozdo, shpjegoi drejtimet e reja te politikës ekonomike shqiptare, të cilat janë fokusuar qartë në investimet e huaja dhe zgjerimin e mëtejshëm të infrastrukturës, reduktimin e procedurave burokratike si dhe luftën ndaj korrupsionit. Kompanitë shqiptare pjesë të delegacionit vinin nga sektorë të ndryshëm si import-eksport, ndërtim, energji, mobileri, sigurime, tekstile, transport, industri ushqimore, media dhe karburante. Në emrin e tyre u foli Kryetari i Dhomës së Industrisë dhe Tregtisë së Tiranës, z. Nikolin Jaka. 5
Aktivitetet e organizuara Dita e Ekonomisë Shqiptare në Mynih Dy organizatorët e tjerë të aktivitetit ishin DAW (Shoqata Ekonomike Gjermano-Shqiptare) me qendër në Berlin, përfaqësuar nga Drejtori Ekzekutiv i saj z. Michael Alber, si dhe DIHA (Shoqata Gjermane e Industrisë dhe Tregtisë në Shqipëri) nëpërmjet Sekretares së Përgjithshme znj. Anette Kasten. Kjo e fundit u shpreh për të pranishmit se biznesi gjerman ka qenë i vonuar në gjetjen e rrugës drejt Shqipërisë, por tashmë në vend janë të pranishme më shumë kompani se sa mendohet. Të pranishëm nga biznesi gjerman ishin rreth 50 pjesëmarrës, kryesisht nga sektorë si teknologjia mjekësore, automjeteve, industria ushqimore, logjistikë, konsulencë, manaxhim projekti, elektronikë si edhe import-eksport i pjesëve të këmbimit. Përfaqësues të kompanive anëtare të DIHA-s referuan gjithashtu gjatë këtij aktiviteti. Znj. Anduena Stephan (Sprint Marketing) shpjegoi kulturën e ndryshme të sipërmarrjeve dhe mentalitetin e biznesit në Gjermani dhe Shqipëri. Z. Alexander Zsolnai (Raiffeisenbank) shprehu optimizmin e tij të kujdesshëm për zhvillimin e mëtejshëm te ekonomisë shqiptare, ndërsa në anën tjetër z. Stefan Weiblen (Pricewaterhouse Coopers) vuri theksin te klima e leverdisshme e biznesit per shkak të taksave të ulta. Z. Heiko Luikenga foli në emër të kompanisë ASC-së (Albanian Stevedoring Company) e cila ushtron aktivitetin e saj të ngarkim-shkarkimit te mallrave në Portin e Durrësit. Si rezultat i ecurisë pozitive të biznesit është vendosur edhe krijimi i një shoqerie të re logjistike në Shqipëri (GALA - German Albanian Logistic Agency). Z. Berndt Tiemeier (Rossman & Lala) shpjegoi ecurinë shumë të suksesshme të linjës Rossmann, e cila përuroi degën e saj te katërt disa ditë pas aktivitetit të Mynihut. Prezantimet dhe referimet sollën në vëmendjen e firmave gjermane te pranishme, se tregu shqiptar nuk është i vlerësuar sa duhet dhe që potencialet e tij janë ende të pashfrytëzuara. Megjithatë u përmendën edhe problemet që hasin investitorët e huaj, që mund të përmblidhen në tre pika: pasiguria ligjore, tregu informal dhe burokracia në administratë. Nga ana tjetër DAW dhe DIHA u shprehën për shtypin gjerman, se ekzistojnë potenciale në infrastrukturë dhe tregti, por gjithmonë e më shumë edhe ne fushën e prodhimit. Volumi tregtar prej 191 milionë Euro në vitin 2010 nuk pasqyron potencialin e vërtetë të vendit. Në dhjetë vitet e fundit Shqipëria ka bërë përparime të rëndësishme në zhvillimin e infrastrukturës si dhe në ristrukturimin e ekonomisë së saj. Sidoqoftë ka ardhur momenti që këto arritje të zgjerohen me tej. Reforma të tjera janë të nevojshme. Veçanërisht, çështja e gjykatës administrative duhet të marrë rrugën e zgjidhjes. Administrata tatimore duhet të vazhdojë reformat dhe të sigurohet rimbursimi i TVSh-së. Procedurat e doganore duhet të jenë më transparente dhe eficente dhe si dhe të forcohet siguria ligjore për pasuritë e patundshme. Pavarësisht kritikave, bindja e DIHA-s dhe DAW-së është se zhvillimi i ekonomisë në Shqipëri është në rrugën e duhur. Në fund të aktivitetit pas një përmbledhje të shkurtër të Z. Michael Alber, Drejtori Ekzekutiv i DAW-së, u shpreh se interesi i kompanive gjermane nga sektorë si industria, tregtia dhe shërbimet për të qenë prezent në tregun shqiptar për shkak të shanseve që vendi ynë ofron, është në rritje. Ai shtoi se Dita e Ekonomisë Shqiptare duhet të jetë një pikënisje për biseda dhe kontakte të mëtejshme. Një mundësi konkrete mund të ofrohet në vjeshtë 2011, ku në kuadër të Tetorit Gjerman një delegacion ekonomik gjerman do të udhëtojë në Shqipëri, i cili do organizohet nga DAW dhe DIHA. 6
Aktivitetet e organizuara Shoqata e Dhomave Gjermane të Industrisë dhe Tregtisë (DIHK) feston 150 vjetorin e krijimit Presidentja Andrea Gebbeken përfaqëson anëtarët e DIHA-s në Berlin Berlin, 21.03.2011 Me rastin e 150-vjetorit të Shoqatës së Dhomave Gjermane të Industrisë dhe Tregtisë (DIHK) u zhvillua në selinë në Berlin një ceremoni festive me shumë të ftuar nderi. Për t u veçuar është përshëndetja e Presidentit Federal Gjerman, Christian Wulff si edhe e Viktor Klima, ish-kancelari austriak federal dhe sot president i Dhomës Gjermane të Tregtisë me Jashtë në Argjentinë. Në këtë festë, DIHA ishte e përfaqësuar nga Andrea Gebbeken së bashku me Michael Schmidt, të Deleguarin e Biznesit Gjerman për Serbinë, Maqedoninë dhe Shqipërinë. Shoqata e Dhomave Gjermane të Industrisë dhe Tregtisë (www.dihk.de) është organizata që përfshin 80 dhoma industrie dhe tregtie në Gjermani. Të 80 dhomat e industrisë dhe tregtisë në Gjermani janë subjekte të pavarura publiko-juridike, institucione të ekonomisë për ekonominë dhe në këtë mënyrë përfaqësuesit më të rëndësishëm të të gjitha bizneseve. Të gjitha kompanitë gjermane në vend, me përjashtim të sektorit të zejtarisë, profesioneve të lira dhe fermave, janë të përcaktuara me ligj si anëtare të një prej dhomave të industrisë dhe tregtisë. Ato kontribuojnë në dhomën e industrisë dhe tregtisë ku janë anëtarë nëpërmjet një kuote të detyrueshme, e cila përcaktohet sipas madhësisë të secilës kompani. Njëkohësisht, DIHK koordinon edhe të gjithë rrjetin e dhomave të tregtisë me jashtë (www.ahk.de). Në vitin 1861 themelohet në Heidelberg Allgemeine Deutsche Handelstag nga 91 dhoma tregtie dhe bashkëpunimesh nën flamujt me ngjyrë të zezë, të kuq dhe të artë, ngjyrat e një Gjermanie ende të pabashkuar në atë kohë. Që në mbledhjen e parë u diskutuan dhe u propozuan përmirësime për ekonominë: monedha të përbashkëta, njësi matëse dhe peshe të njësuara, heqja e tarifave doganore ekzistuese për lëvizjen e mallrave dhe anijeve në vend dhe futjen e një kodi tregtar të përgjithshëm gjerman për të gjitha shtetet federale, kërkesa që sot gjithashtu diskutohen në nivel më të gjerë në komisionet e BE-së ose OBT-së. Hans Heinrich Driftmann, presidenti i DIHK-së (foto majtas) u shpreh në një interviste me Handelsblatt se anëtarët e Dhomave të Industrisë dhe Tregtisë nuk kanë humbur asnjë prej të drejtave të tyre: Detyrat, të cilat biznesi mund t i organizojë në përgjegjësinë e tij, nuk duhet t i lihen shtetit. Ky vetëorganizim ka çmimin e tij, i cili është krejt transparent për çdo kompani anëtare. Thënë thjesht, shpesh bëhet fjalë për shuma krejt të arsyeshme. Kompanitë anëtare marrin kundrejt kësaj nga dhomat e industrisë dhe tregtisë (IHK) shërbime mjaft të rëndësishme dhe mund të diskutojnë probleme të shumta me ekspertët tanë. Përveç kësaj, ne i lehtësojmë autoriteteve shtetërore punën. Mund të përmendet si shembull dokumenti Carnet, pra pasaporta e mallrave, të cilën ne e lëshojmë për kompanitë, e vazhdohet deri në sektorin e arsimit profesional, ku marrim përsipër detyra të ndryshme, si p.sh. në pjesën e provimeve.- shpreh me tej Driftmann. Intervistën e plotë në gjermanisht mund ta lexoni në faqen e internetit të DIHK-së: http://www.dihk.de/presse/meldungen/2011-03-21-interview-habla 7
Aktivitetet e organizuara Prezantim i KfW-së dhe GIZ-së Tirana,31.03.2011- Drejtueset e zyrave përfaqësuese të GIZ-së, znj. Ulrike Gantzer-Sommer si dhe KfW-së, znj Ute Rodrian nën temën Bashkëpunimi Gjermano-Shqiptar në Ekonomi & Infrastrukturë, Shfrytëzimi i Potencialeve të Infrastrukturës si dhe Mbështetja e Zhvillimit Ekonomik, ftuan anëtarët e DIHA-s për një mbrëmje informative pranë Hotel Rogner për të prezantuar aktivitetet dhe fushat ekonomike ku veprojnë këto institucione. Ky takim shërbeu për informimin e pjesëmarrësve në lidhje me fushat e aktivitetit të dy institucioneve më të rëndësishme të bashkëpunimit për zhvillim në Shqipëri. Shoqata Gjermane Ndërkombëtare për Zhvillim (GIZ) Sh.p.k. është krijuar si institucion i ri që prej datës 1.01.2011 si rezultat i bashkimit të Fusion zur GIZ TZ aus einer Hand tre institucioneve, përkatësisht GTZ me fokus në zhvillimin e qëndrueshëm, DED përgjegjëse për dërgimin e ekspertëve për zhvillim, Kernkompetenz: Capaci ty Development dhe Inwent e fokusuar ne fushën e arsimimit. Kernkompetenzen: Kernkompetenzen: GIZ vepron në 130 vende me më shumë se 17.000 punonjës, duke Entsendung von Berufsspezifische Entwicklungshelfern Beratung zum ofruar mbështetje teknike dhe konsulencë, nën emërtimin Bashkëpunimi Weiterbi ldungen Unterstützung Engagement i n berufli cher Seit 01.01.2011 Transformationsländern Teknik Gjerman. Në vitin 2010 arriti të realizonte një xhiro prej 1,9 Bildungssysteme milionë Euro, ndërsa nënkontraktoi kompani konsulente të jashtme 23.04.20 11 Seite 3 (gjermane dhe ndërkombëtare) me kontrata në vlerë prej 454 milionë Euro. GIZ vepron në Shqipëri që prej vitit 1988 dhe ka realizuar 132 projekte me një vlerë prej 113 milionë Euro. Fushat kryesore të këtyre projekteve janë zhvillimi ekonomik i qëndrueshëm (mbështetja e kompanive të vogla dhe të mesme në sektorët e tekstileve, TIK-ut, turizmit dhe bujqësisë) mbështetja e procesit të integrimit në BE dhe mbështetja e arsimimit profesional dhe refomat ne sektorin e ujësjellësit. Banka Gjermane për Rindërtim dhe Zhvillim (KfW) u krijua pas Luftës së Dytë Botërore me fondet në kuadër të Planit Marshall, si bankë zhvillimi për Qeverinë Federale dhe Landet për rindërtimin e Gjermanisë së pasluftës. Sot KfW-ja mbështet jo vetëm zhvillimin brenda vendit, por financon edhe nxitjen e eksporteve dhe projekte në vendet në zhvillim. Në mbarë botën ajo numëron 4500 punonjës dhe me një bilanc në vlerën 400 miliardë Euro është rreth 2 herë më e madhe se Banka Botërore. Banka Gjermane për Rindërtim dhe Zhvillim (KfW) zbaton KfW im Vergleich Bilanzsumme vs. Förderbanken Bashkëpunimin Financiar për Qeverinë Federale Gjermane, pra jep konsulencë dhe ndjek projektet për zhvillim, të cilat janë Bilanzsumme der KfW Bankengruppe per 31.12.2009: 400 Mrd. EUR përcaktuar në marrëvëshjet qeveritare. KfW shfrytëzon fondet nga In Mrd. EUR (2009) 500 buxheti federal si edhe fonde, të cilat KfW i siguron në tregun e 465 400 400 362 kapitaleve, dhe financon programe dhe projekte. Këto financime 300 256 mund të jenë në formën e granteve, krediteve me kushte 200 227 193 lehtësuese për periudha të gjata kohore, huave me kushtet e tregut 100 0 ose aksioneve. Fondet e dhëna nga qeveria gjermane që prej vitit CDB (China) KfW (D) EIB (EU) CDC (F) CDP (I) Weltbank 4 1989 për Shqipërinë konsistojnë në vlerën e 573 milionë Euro. Sektorët ku ndërhyhet janë infrastruktura sociale (furnizimi me ujë të pijshëm, ujrat e zeza, rrugët rurale), energjia (energjitë e rinovueshme, transmetimi i energjisë, eficenca e energjisë) dhe zhvillimi i sektorëve financiarë (p.sh., Banka ProCredit, Fondi Europian për Europën Juglindore, Eficenca e Energjisë). Projektet e tjera të ardhshme të rëndësishme janë përfitimi i energjisë nga uji dhe sigurimi i kaskadave të hidrocentraleve në lumin Mat dhe Drin si dhe linja e transmetimit të energjisë (400 kv) ndërmjet Shqipërisë dhe Maqedonisë. Znj. Ute Rodrian theksoi se edhe pse parimisht nuk ka preferenca për kompanitë gjermane për kontraktime, këto të fundit mund të kenë shanse të shumta në tenderat që zhvillohen. Kjo vërtetohet më së miri me faktin se pikat e forta të ekonomisë gjermane përputhen mjaft mirë me prioritetet e mbështetjes, për të cilat është rënë dakord me Shqipërinë. 8
Aktivitetet e organizuara Banka ProCredit fton anëtarët e DIHA-s Tiranë, 14.04.2011 Znj. Flutura Veipi, Drejtuese e Drejtorisë Ekzekutive e Bankës ProCredit, një prej anëtarëve themelues të DIHA-s, ftoi anëtarët e DIHA-s në një drekë në restorantin Juvenilja Castello. Qëllimi i kësaj ftese ishte përforcimi i kontakteve mes kompanive anëtare dhe njëkohësisht prezantimi i zhvillimeve më të fundit në këtë bankë. Znj. Veipi u bëri të ditur të pranishmëve përurimin së shpejti të një qendre të re biznesi në Laprakë, në afërsi të zyrave qëndrore. Kjo qendër biznesi është godina e parë në Tiranë e cila është ndërtuar mbi bazën e Green Technology. Gjithashtu, ajo sqaroi që ProCredit ka iniciuar një program kredie të veçantë për nxitjen e eficencës së energjisë në ndërtime dhe aktivitete të kompanive apo personave privatë. Kjo nismë përkon edhe me atë të Qeverisë Gjermane dhe aktiviteteve të Ambasadës Gjermane në Tiranë, që në vitin 2011 Eficencën e Energjisë e kanë shpallur si temë kryesore. Dëshironi të na dërgoni njoftimet tuaja, të cilat mund të paraqiten në buletinin e DIHA-s? Kanë ardhur drejtues të rinj në kompaninë tuaj? Po ndërtoni një fabrikë të re? Keni lajme interesante nga sektori juaj? Ne i paraqesim me kënaqësi të rejat e anëtarëve tanë. Mjafton të na dërgoni njoftimin tuaj! info@dih-al.com 9
Aktivitetet e planifikuara Teknologji për sektorin e ujësjellës-kanalizimeve në Shqipëri Një delegacion prej 12 përfaqësuesish nga ndërmarrjet e ujësjellës-kanalizimeve të rajoneve të ndryshme, kompanive private si edhe persona vendimmarrës nga Ministria e Punëve Publike dhe Transportit si edhe Drejtoria e Përgjithshme e Ujësjellës-Kanalizimeve do të vizitojnë nga data 15 deri më 20 maj 2011 kompani bavareze të angazhuara në këtë sektor. Vizita zhvillohet në kuadrin e programit Bayern Fit for Partnership, një program ndërkombëtar trajnimi dhe ndërmjetësim, financuar nga Ministria Bavareze e Ekonomise dhe zbatuar nga agjencia zbatuese Bayern International. Ky projekt do të shërbejë për t u njohur me standardet europiane të cilësisë të ujësjellëskanalizimeve dhe teknologjitë moderne, që duhet të kontribuojnë në modernizimin e sektorit në Shqipëri. Kjo është një mundësi mjaft e mirë, për të realizuar në mënyrë të drejtpërdrejt kontakte personale mes vendimmarrësve nga Shqipëria dhe kompanive në Bavari dhe për të lidhur më pas marrëdhënie biznesi të suksesshme. Projekti zbatohet nga em&s GmbH dhe DIHA (Shoqata Gjermane e Industrisë dhe Tregtisë në Shqipëri), me mbështetjen e Zyrës Përfaqësuese të Biznesit Gjerman në Maqedoni. http://www.bayern-international.de/aktiv-in-bayern/bayern-fit-for-partnership.html Konferencë për Europën Juglindore në Berlin Me datë 15 dhe 16 qershor 2011, nën temën Kapërcimi i kufijve, Forcimi i Bashkëpunimit, do të zhvillohet në Berlin Konferenca e pestë Ekonomike. Organizatori i Konferencës është Shoqata Gjermane e Dhomave të Industrisë dhe Tregtisë, me mbështetjen e Ministrisë Gjermane për Bashkëpunim Ekonomik dhe Zhvillim. Gjithashtu, në këtë konferencë te pranishëm do te jenë edhe institucione të rëndësishme gjermane nga fusha e biznesit dhe politikës. Qëllimi i këtij aktiviteti është prezantimi dhe trajtimi i temave aktuale të zhvillimit ekonomik dhe të mundësive të rajonit të Evropës Juglindore së bashku me përfaqësues të qeverive, kompanive dhe shoqatave të ndryshme. Në fokus do të jenë sektorë të ndryshëm si infrastruktura e transportit dhe logjistika, energjia dhe eficenca e saj, shërbimet komunale, menaxhimi i mbetjeve, sektori i ujit, industritë furnizuese, sektori agroushqimor. Temat kryesore të mundshme do të jenë çështjet e financimit (përshirë Green for Growth ), koncesionet, partnereriteti publik privat (PPP), zhvillimi i biznesit, personeli i kualifikuar dhe arsimi profesional. Të interesuarit, të cilët dëshirojnë të marrin pjesë ne konferencë, mund të kontaktojnë për informacione te mëtejshme zyrën e DIHA-s. 10
Shërbimi i ekspertëve seniorë (SES) Kush janë ekspertët seniorë? Ata janë pjesë e një grupi specialistësh, të cilët kanë përfunduar jetën e tyre aktive profesionale dhe tashmë janë në rolin e konsulentëve. Ekspertët seniorë u ofrojnë falas kompanive dhe institucioneve njohuritë dhe aftësitë e tyre të fituara gjatë veprimtarisë së tyre shumëvjeçare. Shërbimi i Ekspertëve Seniorë mbështetet financiarisht nga Qeveria Federale Gjermane dhe biznesi. SES është një organizatë jofitimprurëse e cila nëpërmjet ekspertëve seniorë u ofron kompanive dhe institucioneve si në Gjermani ashtu edhe jashtë saj konsulencë dhe mbështetje praktike. Drejtimet kryesore janë fushat teknike dhe ekonomike. Ekspertët seniorë angazhohen kryesisht nga kompani të vogla dhe të mesme, institucione arsimore, komuna, administrata publike si edhe institucione të tjera. Si mund të kërkoni një ekspert senior në rolin e konsulentit për kompaninë ose institucionin tuaj? Fillimisht duhet të bëni një kërkesë. Kusht për marrjen në shqyrtim të kërkesës është një përshkrim i qartë i problemit dhe ndërhyrjes së kërkuar. DIHA është një prej partnerëve lokalë të SES-it në Shqipëri. Në zyrën e DIHA-s do të gjeni informacionet e nevojshme dhe konsulencë në lidhje me këtë shërbim si dhe mund të dorëzoni kërkesat, të cilat përcillen prej nesh në qendrën e SES-it në Gjermani. Në këtë të fundit kërkohen nga baza e të dhënave ekspertë të mundshëm dhe diskutohet mundësia e angazhimit të tyre. Aktualisht në regjistrin e SES-it gjenden mbi 7000 ekspertë të fushave të ndryshme. Në rast se gjendet një ekspert i përshtatshëm, atëherë ky i prezantohet kërkuesit dhe koordinohet afati se kur mund të angazhohet eksperti. Dorëzimi në kohë i kërkesës, por edhe një përshkrim i detajuar i problemit për t u zgjidhur ose konsulencës së dëshiruar rrisin mundësitë për të pasur një ndërmjetësim të suksesshëm. Nga kompanitë kërkohet gjithashtu fleksibilitet në lidhje me periudhën e angazhimit, pasi ekspertët bashkëpunojnë falas. Kohëzgjatja minimale e angazhimit është dy javë, ndërsa mesatarisht ato zgjasin nga tre në katër javë. Në shumicën e rasteve në Shqipëri ekziston mundësia që kostot e angazhimeve të financohen pothuajse plotësisht nga fondet e projektit. Kompania që paraqet kërkesën duhet të marrë përsipër vetëm kostot lokale (strehim, ushqim, transportin lokal dhe shuma minimale shpenzimet ditore për ekspertin). Të gjitha kostot e tjera të udhëtimit si edhe kostot e tjera të përgatitjes së projektit dhe kosto dytësore financohen nga projekti. Pikë kontakti për të gjitha pyetjet dhe informacionet e nevojshme rreth Shërbimit të Ekspertëve Seniorë në çdo kohë është zyra e DIHA-s. http://www.ses-bonn.de/ 11
Lajme ekonomike nga Gjermania Rritje e volumit tregtar me Europën Lindore Eksportet gjermane në rajon rriten me rreth ¼-tën Viti 2010 ishte një vit i suksesshëm për eksportuesit gjermanë. Sipas të dhënave të Institutit Federal të Statistikave, eksportet gjermane janë rritur në krahasim me vitin krizë 2009 me rreth 19,5 % në një vlerë totale prej 960 miliardë Euro. Ndërsa importet kanë pësuar një rritje prej rreth 21 % në vlerën e 806 miliardë Euro. Volumi i përgjithshëm tregtar i Gjermanisë kap kështu shifrën e 1766 miliardë Euro. Bilanci për Europën Lindore ishte mbi mesataren pozitiv, ashtu siç tregojnë edhe shifrat e vlerësuara nga Komisioni i Bashkëpunimit me Lindjen i Ekonomisë Gjermane. Sipas tyre, në vitin 2010 janë lëvruar mallra në vlerë prej 146 miliardë Euro nga Gjermania për rajonin e Evropës Qëndrore, Lindore dhe Juglindore. Kjo i korrespondon një rritjeje përkundrejt vitit 2009 prej 27 miliardë Euro ose 22,6%. Në këtë mënyrë, ky rajon ka fituar terren në nivelin ndërkombëtar dhe ka arritur tashmë të zërë rreth 17 % të totalit të eksporteve gjermane. Është për t `u theksuar që tregtia e Gjermanisë me Europën Lindorë është pothuajse e ekuilibruar, eksportet kanë kapur vlerën e 146 miliardë Euro, ndërsa importet nga rajoni janë rreth 141 miliardë Euro. Nga pikëpamja ekonomike, 29 vendet e këtij rajoni janë për eksportuesit gjermanë po kaq të rëndësishme sa superfuqitë ekonomike ShBA (65 miliardë), Kina (53 miliardë), Japonia (13 miliardë), Brazili (10,5 miliardë) dhe India (9,3 miliardë) të marra së bashku. Gjithsej, volumi tregtar me Europën Qendrore, Lindore dhe Juglindore kap shifrën e 287 miliardë Euro. Mallrat gjermanë më të rëndësishëm të eksportit janë tradicionalisht makineritë dhe pajisjet, automjetet dhe pjesët e tyre si edhe produktet kimike. Në importet gjermane nga rajoni dominojnë lëndët e para. Partnerët më të rëndësishëm tregtarë në Europën Lindore janë Polonia me një volum tregtar prej 66,5 miliardë Euro (nga këto 38 miliardë eksporte gjermane), Rusia me 58 miliardë Euro (nga këto 26 miliardë eksporte), Çekia me 56,5 miliardë Euro (nga këto 27 miliardë eksporte) dhe Hungaria me 31 miliardë Euro (nga këto 14 miliardë eksporte). Për vitin 2011, Komisioni për Europën Lindore pret një rritje të mëtejshme të eksporteve prej 10% dhe një rritje ekonomike të qëndrueshme në të gjithë rajonin prej rreth 4%. 12
Lajme ekonomike nga Gjermania Rritje e volumit tregtar me Europën Lindore Eksportet gjermane në rajon rriten me rreth ¼-tën Burimi: http://www.ost-ausschuss.de Rënie e konsiderueshme konstatohet në Armeni (-16%), Shqipëri (-20%), Mal të Zi (-16%) si edhe Kirgistan (-16%), e cila është megjithatë parë në kontekstin e volumit të përgjithshëm tregtar me këtë rajon, është në përgjithësi shumë i ulët. Shqipëria, me një volum tregtar të përgjithshëm prej 191 milionë Euro, zë një prej vendeve të fundit në statistikën tregtare me Gjermaninë, e cila furnizon mallra në vlerën e 151 milionë Euro dhe blen mallra në vlerën e vetëm 40 milionë Euro nga Shqipëria. Volumi i përgjithshëm tregtar në vitin 2010 është ulur me 16% në krahasim me vitin parardhës. Mallra më të rëndësishëm të importuar nga Shqipëria janë tekstile dhe veshje 59,9 %, lëndë të para 7,6 % (para së gjithash lëndë të para të origjinës bimore, mbeturina dhe skrap të metaleve ngjyrë), produkte 4,9 % (veçanërisht bimë medicinale, fruta), të tjera 27,6%. Eksportet gjermane drejt Shqipërisë kanë një strukturë të ngjashme me vendet e tjera me automjetet dhe pjesët e këmbimit (25,9%) në vend të parë, ndjekur nga makineritë (19,2 %) dhe produktet kimike (9,2 %), elektronikë (7,6 %), medikamente (5,2 %), produkte ushqimore (4,4 %), tekstile dhe veshje (4,2 %), elektroteknikë (3,4 %), metale (1,7 %) dhe të tjera (19,2 %). Burimi: www.gtai.de 13
Lajme ekonomike nga Shqipëria Regjistër i ri kombëtar për pasuritë e paluajtshme Regjistri i ri kombëtar për pasuritë e paluajtshme në Shqipëri do të përpunohet nga e para. Sipas një prononcimi për mediat të drejtuesit të projektit z Rezart Turdiu, drejtor i projekteve në Zyrën e Regjistrimit të Pasurive të Paluajtshme, kjo nismë do të mbështetet nga Banka Botërore. Procesi i riregjistrimit dhe përpilimit të të gjithë pasurive të paluajtshme ka filluar në 73 bashki e komuna duke përfshirë 320000 pasuri të paluajtshme. Në fazën e ardhshme do të përfshihen edhe 100.000 te tjera duke arritur shifrën 420.000, -u shpreh Turdiu duke deklaruar se faza përgatitore ka nisur muaj më parë. Pas përfundimit të riregjistrimit do të bëhet publikimi i të dhënave dhe të gjithë shtetasit do të njoftohen për afatet e rishikimit të dokumentave. Rastet problematike do të shqyrtohen nga gjykata. Problematika e njohur mbi paqartësine e pronësise ne Shqipëri vështirëson shpesh projektet ndërtimore. Burimi: www.nov-ost.info Shqipëria anëtarja e 37-të e Organizatës Europiane të Patentave Kryeministri shqiptar Berisha priti në javën e parë të shkurtit 2011 një delegacion të Organizatës së Patentave Europiane (EPO) të kryesuar nga Presidenti i saj Benoit Battistelli. Arsyeja e vizitës nga Mynihu ishte anëtarësimi i Shqipërisë në EPO në maj të vitit të kaluar. Shqipëria dhe Serbia janë anëtarët më të rinj të këtij institucioni të rëndësishëm, ku përfaqësohen 38 vende europiane. Kryeministri shqiptar duke falenderuar Z Bastelli për vizitën e tij, u shpreh se Shqipëria po e trajton me seriozitet të madh çështjen e pronësisë industriale dhe intelektuale. Ai theksoi se patentat dhe funksionimi i mbrojtjes së markës përbëjnë gurët e themelit për inovacione dhe janë kushte të rëndësishme si për sipërmarrësit vendas ashtu edhe ata të huaj. Bashkëpunimi me EPO-n si dhe ngritja e një Zyre Shqiptare të Patentave janë rruga e duhur, duke forcuar kështu edhe kapacitet e Shqipërisë për t u zhvilluar si destinacion për investime. Në Organizatën e Patentave Europiane bëjnë pjesë 27 vende të BE-së si dhe ish-republika Jugosllave e Maqedonisë, Islanda, Kroacia, Lihtenshtajni, Monako, Norvegjia, San Marino, Zvicra, Turqia, Serbia, dhe Shqipëria. EPO kontrollon nëpërmjet një procesi të centralizuar regjistrimin e patentave për vendet anëtare të Organizatës Europiane të Patentave. Regjistruesit e patentave mund të përfitojnë në këtë mënyrë mbrojtje me anë të një regjistrimi në një zyrë për të gjitha shtetet anëtare të kërkuara prej tyre. Ky institucioni i ngritur në vitin 1977 me qendër në Mynih si dhe zyra në Hagë, Vjenë, dhe Bruksel numëron rreth 7000 punonjës. Foto: Godina e EPO-s ne Mynih http://www.epo.org/about-us/organisation_de.html 14
Lajme ekonomike nga Shqipëria Messer zgjeron aktivitetin e saj në Shqipëri Firma Messer Albagaz ka blerë në shkurt të këtij viti Sofigaz, kompania shqiptare pjesë e grupit italian SAPIO. Në këtë mënyrë, grupi gjerman Messer nga Sulzbach kërkon të përforcojë pozicionin e tij në tregun shqiptar. Sofigaz, pjesë e grupit italian SAPIO, është një nga kompanitë kryesore në tregun shqiptar për gazet teknike dhe ato të përdorura në shëndetësi. Messer po zgjeron tregun në Europën Juglindore Nëpërmjet rrugëve të shkurtra të furnizimit nga fabrikat tona prodhuese në vendet fqinje ne besojmë se jo vetëm mund të furnizojmë mjaft mirë klientët tanë ekzistues dhe ata të rinj të fituar nga blerja e Sofigaz, por presim para së gjithash krijimin e sinergjive te rëndësishme dhe një përforcim të ndjeshëm të pozicionit tonë konkurues në tregun shqiptar. Në të njëjtën kohë nëpërmjet blerjes së Sofigaz ne pozicionohemi kështu si kompania e dytë në tregun e vogël por me potencial në rritje në Shqipëri, duke plotësuar më tej portofolin tonë në Europën Juglindore, - u shpreh Ernst Bode, Drejtor Rajonal i Grupit Messer për Europën Juglindore. Messer Albagaz, e cila vepron që prej vitit 2006 në tregun shqiptar, është,e specializuar në tregtimin e gazeve të lëngshme, të cilat transportohen te klientët nëpërmjet autocisternave. Me blerjen e Sofigaz, kompanisë Messer do t i kalojnë të gjitha aktivitet e biznesit, duke përfshirë impiantin e mbushjes së gazeve në shishe, një impiant për prodhimin e acetilenit si dhe i gjithë parku i mjeteve transportuese. Stafi prej 21 punonjësish dhe drejtuesit ekzistues do të jenë gjithashtu pjesë e firmës Messer. Shqipëria është një nga vendet e vetme në Europë, krahas Polonisë, e cila gjatë krizës financiare që prej vitit 2008 mundi të shënonte rritje ekonomike. Edhe për të ardhmen, Messer parashikon rritje ekonomike pozitive. Burimi dhe foto: www.messergroup.com FERLAT, tani nën emrin MEGGLE Albania Me blerjen e kompanisë më të madhe shqiptare të përpunimit të qumështit FERLAT në Rrogozhinë, koncerni gjerman MEGGLE në gusht të vitit 2010 ka zgjeruar sërish tregun e tij në Europën Juglindore. Prej fillimit të vitit 2011 kompania quhet MEGGLE ALBANIA. Ferlat, e themeluar në vitin 2003 me 50 të punësuar dhe kapacitet vjetor përpunimi prej 40 milion litra qumësht, zë rreth 40% të tregut të kësaj industrie në vend. Në të ardhmen produktet do të tregtohen me markën MEGGLE. Nepërmjet kësaj blerjeje, MEGGLE Eastern Europe GmbH, e cila ka nisur aktivitetin e saj 20 vjet me parë, prodhon dhe tregton kryesisht produkte lokale si qumësht, djathë, kos etj. përveç Shqipërisë edhe në vende si Bosnje-Hercegovinë, Bullgari, Kroaci dhe Slloveni për tregjet rajonale. Grupi MEGGLE numëron në të gjithë botën rreth 2.000 punonjës, me një xhiro prej 600 milionë Euro. Pavarësisht prezencës së saj ndërkombëtare MEGGLE vë theksin në rrënjët bavareze me seli qëndrore në Wasseburg/Inn. Burimi: www.meggle-group.com 15
Panaire në Gjermani DIHA përfaqëson në Shqipëri zyrtarisht kompanitë organizatore të panaireve në Mynih dhe Këln, përkatësisht Messe München dhe Koelnmesse. Ne ju ofrojmë informacionet e nevojshme dhe konsulencë për pjesëmarrje në këto panaire. transport logistic 2011 (Organizator: Messe München) 10 13 maj 2011, Mynih www.transportlogistic.de Panairi Ndërkombëtar për Logjistikë, Mobilitet, Teknologji Informacioni dhe Supply Chain Management Panairi transport logistic, organizuar për herë të parë në 1978, është kthyer në panairin më të rëndësishëm ndërkombëtar në fushën e logjistikës, mobilitetit, teknologjisë së informacionit dhe supplychain management. Ky aktivitet mbledh vizitorë nga e gjithë bota për t u njohur me zgjidhjet më inovative dhe moderne të kompanive ekspozuese. EXPO REAL 2011 (Organizator: Messe München) 4-6 tetor 2011, Mynih http://www.exporeal.net Panairi i 14-të ndërkombëtar për pasuritë e paluajtshme komerciale dhe investime Panairi më i madh B2B për pasuri të paluajtshme komerciale në Europë është vendi i duhur për t u orientuar në treg dhe lidhur kontakte biznesi të vlefshme. 1645 kompani janë të pranishme me stendat e tyre në 64000 m². Pjesëmarrësit e EXPO REAL vijnë nga i gjithë spektri i industrisë imobiliare: zhvillues dhe menaxherë projekti, investitorë dhe financues, konsulentë dhe ndërmjetësues, arkitektë dhe projektues, menaxherë të korporatave të agjencive imobiliare si edhe rajone të ndryshme apo qytete. Shfrytëzoni panairin ndërkombëtar për pasuritë e paluajtshme, për të prezantuar kompaninë tuaj dhe për të takuar aktorë të rëndësishëm të tregut. EXPO REAL 2011 zhvillohet menjëherë pas Oktoberfest-it të famshëm në Mynih (17 shtator deri 3 tetor) interzum 2011 (Organizator: Koelnmesse) 25 05 maj, Këln www.interzum.de Panair ndërkombëtar për furnizuesit e industrisë së mobiljeve dhe dekorimit të brendshëm Interzum është aktiviteti më i rëndësishëm global për këtë industri. Këtu prezantohen tendencat dhe vizionet për projektimin e hapësirave të banimit në të ardhmen në formën e materialeve moderne, dizajn modern dhe zhvillimet më të reja ekskluzive. Një tipar i veçantë i këtij panairi është pjesëmarrja e lartë nga shumë vende të botës si nga kompanitë ekspozuese ashtu edhe vizitorët. Anuga 2011 (Organizator: Koelnmesse) 08 12 tetor 2011, Këln www.anuga.de ANUGA panairi lider për industrinë, tregtinë, kateringun në sektorin e ushqimeve dhe pijeve 10 panaire të specializuara të këtij sektori nën emrin Anuga. Tregje dhe grupe të synuara të reja. Mijera inspirime, ide dhe inovacione. Panairi më i madh në botë për ushqimin dhe pijet është njëkohësisht edhe ai më i rëndësishmi: Anuga në Këln. Mbi 6500 kompani ekspozuese dhe rreth 150000 vizitorë të fushës e kthejnë këtë panair në platformën më të rëndësishme të biznesit dhe komunikimit. Takoni personat vendimmarrës në nivel kombëtar dhe ndërkombëtar nga tregtia, gastronomia dhe Dining out industry. Lidhni kontakte në nivel global dhe zhvilloni biseda të rëndësishme. Dhe çfarë është më e rëndësishme: zhvilloni biznese lukrative. Anuga 2011 është vendi më i mirë për ofertën tuaj! Për të gjithë panairet e tjerë, që zhvillohen në Gjermani dhe në botë, mund të gjeni informacion në faqen e AUMA-s, Shoqata e Organizatorëve të Panaireve: http://www.auma.de 16