Wettstai-Blatt. Dr Iebigsdaag vom Stamm. Jetzt zellts!

Transkript

1 1. Wettstai-Blatt S Kääsblettli vo dr Wettstai-Clique Uusgoob vom Dezämber 2015 Nummere 16 wettstaiblatt@gmx.ch Redaggtion: Andy Refer, Adrian Plachesi _MG_ jpg Editorial Dr Iebigsdaag vom Stamm Liebi Lääserinne und Lääser Diggi Boscht, s isch Wettstai Boscht. D Herbschtmäss isch scho wider Gschicht und mer befinde uns zmitts in dr Adväntszyt. Au in däm Joor het me quasi glychzytig wie s Maagebroot im Consi scho kenne d Chrischtstolle kaufe. Wenn das eso wyter goot, denn gits am Morgestraich in 10 Joor zue dr Määlsuppe scho e Grättimaa. Bevors aber so wyt isch, winscht eych d Redaggtion vom Wettstai Blatt vyyl Spass bim Lääse vo däre Ussgoob, scheeni Feschtdääg und e guete Rutsch ins 2016! D Fasnacht 2016 kunnt in grosse Schritt nöcher. Iebe nit vergässe... Redaggtion Andy Jetzt zellts! Scho gly isch s neye Joor Y hör uff mit myne Laschter, y nimms mer ganz fescht vor! Y hör uff rauche, hör uff suffe, es isch so gruusig und tritt ändlig uus us däre Guggemuusig. dr Schnuuderi Au in däm Joor het sich dr Stamm vo dr Wettstai Glygge im Novämber wider zem traditionelle Iebigsdaag zämmegfunde. Aer het, wie in de letschte Joor, im Iebigslokal vo Top Secret im Nordstärn stattgfunde. D Dambuure hänn sich bereits am Morge troffe zem no e weeneli ellei an de Drummelmärsch z schlyffe, bevor denn uff dr Midaag au d Pfyffer drzuegstosse sinn. Wo d Pfyffer denn ko sinn, hänn d Dambuure s Fäld gruumt und hänn sich dr Midaagspause gwidmet, dermit au d Pfyffer no die geniale Rüümligkaite hänn kenne nutze zem an ihre Piccolokinscht z schaffe. Mer sinn au in däm Joor wider vo unserem Vortrab verweent worde. Es isch aifach e woori Fraid gsii, wie sy sich um uns kimmeret hänn. Es het ys wiirgglig an nüt gfäält. Vo Nissli, Manderinli, Schoggi über Hot Dog mit Sänf und Kätchup bis hi zu Kaffi, Bleeterli Wasser, Bier, und sogar Prosecco, hets an nyt gfäält. Eso losst s sich nadirlig mit vyyl Elan und Fraid am Repertoir schlyffe. E grosse Dangg an unseri Vorträbler won ys so guet umsorgt hänn! Au d Instruggtore derfe mer nit vergässe! Au si opfere e ganze Samschtig vo ihrer Zyt dermits an dr näggschte Fasnacht und vor allem generell immer wie besser deent bim Stamm. Ich muess sage, son e Iebigsdaag isch aifach Gold wärt. Aer bringt e jede Ainzelne wyter und duet e Jedem guet. Nadyrlig isch näben allem Drummle und Pfyffe au s Gsellige nit zkurz koo und mer hänn in de Pause jewyle e huffe glatti Gspröch und Diskussione gha. Mer hänn am Iebigsdaag sogar s erschte Mool dr ney Marsch zämme gspiilt. Woby zämme spiile ka me däm nonig sage. D Pfyffer kenne dr Calvados jo scho syt Joore und das im Schloof und wunderschön. Do mien mir Dambuure scho no e bitzeli an uns schaffe. Ich bi aber zueversichtlig, dass das scho sehr bald sehr guet koo wird! Ai Randnotiz gits no zem Iebigsdaag: au in däm Joor isch es nadylig wider nit glunge, dr ganz Daag z iberstoo ohni ass e Kalbfäll kaput gange wär. Nonem flyssige Proobe sinn denn die wo no Luscht gha hänn ins Volta Breu go eppis trinke und e glaini Gruppe vo ca. 14 Nase isch no zämme go Znacht ässe und het dr Obe uusklinge loh. Ych frey mi scho uff dr näggscht Iebigsdaag. Hoffentlig au wider in de Rümligkeite vo Top Secret. D Redaggtion Andy

2 2 Die Junge. Knorzi Kuecheverkauf Wettstai Blatt D Knorzi hänn am Samschtig vom 9i bis ca. am 2 am Nomidaag wider emoll e Kuecheverkauf organisiert. Unsere Stand isch bi dr Mittlere Brugg, uff dr Glaibaslersyte, bi dr Helvetia uffbaut gsii. E wunderschöne Stand. Dangge an alli wo gholfe hänn, sigs mit Kueche backe, Kueche verkaufe oder Stand uff und abbaue und allne wo an unserem Stand verbyykoo sinn. Obfrau Knorzi Nora Oertli Mässbummel 2015 In dr zwaite Herbschtmässwuche sinn mir, wie jedes Joor, mit unsere Knorzi an d Mäss. Dangg de grooszügige Spände vom Stamm und dr Alte Garde, het jede Knorzi e Mässbatze bikoo und het dä uff dr Mäss dörfe uusgää. Mir hänn wider glaiini Grüppli gmacht, dermit jede uff syni Köschte koo isch. Die meischte Knorzi sinn derby gsii und alli hänn ihre Spass gha. Zem Schluss hänn mir uns wider am Mässeplatz troffe und sinn zämme zem Wettstaischuelhuus zrugg Obfrau Knorzi Nora Oertli!! Infos und Terminkaländer!! D Goschdyymaaproob findet woorschynlig am statt (also grad am erschte Donnschtig no de Wienachtsferie). Das isch aber vo dr Schnydere nonig definitiv. D Knorzi griege aber sicher no e Mail mit allne Termin. 02. Jänner 2016 Blaggedde Uusgoob 09. Jänner 2016 Wettstai Oobe Jänner 2016 Marschiebig in dr Lange Erle Uhr bis ca Uhr / Träffpunkt 6er Tramstation Riehen Dorf 24. Jänner 2016 Marschiebig in dr Grien 80 Abmarsch Uhr 04. Hornig 2016 Goschdyymuusgoob

3 Dr Stamm. Dr Obmaa sait! Liebi Wettstai Familie Wettstai Blatt 3 Dr Winter isch noch däm ussergwenlige Novämber doch no ko und mir luege enere normale Wienachtszyt und eme standesgmässe Jooresänd entgege. Es isch wie allwyl die Zyt, wo me au zrugg luegt, was alles gange isch und versuecht in d Zuekunft luege, was so alles uff ain zuekunnt. Mir hänn wider e tolls Joor gha, wo doch mänge Ydrugg hinterlo het. Me hätt kenne meine, dass d Wettstai uff dr Drummeli Bihni im Wald gstanden isch, und vor luter Bäum ebbe dr Wald nimm gsee het, aber das isch e gwaltige Irrtum. Mer sinn gradlinig uff unserer Route zem e sensdationelle Ufftritt gfolgt. Denne e gigantischi Fasnacht, mit em Turmbau zu Babel. Dass mir dennoch nit abghobe und uffem Olymp glandet sinn, doderfyr het s Wätter gsorgt und laider e mänge grössewahnsinnige Turm e bitz gstutzt. A propos Stutz e riise Dangg nomoll an alli, wo an dr Tattoo Baiz mitgholfe hänn und somit dr Glygge e huffe Stutz ybrocht hänn. Dass sich in Basel s Bierbraue nit nur uff e Amsle zruggfiere losst, hänn jo alli gwüsst. Dass aber so ne Vylfalt herrscht, isch em Ainte oder Andere bi unserem Bierbummel doch mächtig yygfaare oder besser gsait yydrungge Mit em Reto, unserem ehemoolige Obmaa und Drummelkolleeg, em Alfred, unserem alte Stammbaizer und em Dr. Wettstai, unserem treue Passivmitgliid und Gönner, hänn mir ys laider das Joor vo mehrere liebe Frind miesse verabschiide. Was im Momänt so uff däre Wält vor sich goot, duet mi scho stargg beschäftige. Y bi do vermuetlig nit dr Ainzig. Eb das jetzt gwalttätigi und hirnrissigi Uuswyggs sinn oder ob me gäldgyrig quasi iber Lyche goot und sich e Drägg um s Wohl vo Andere schert. Wie betrifft mi das und was ka ych drgege mache? Eb ich mi jetzt politisch engagiere soll oder doch besser ebbis in ere humane Richtig mach. Aber au d Fuscht im Sagg mache und sich im Mainstream (e tolls Baseldytsches Wort!) andere Meinige aaschliesse due, hilft nit immer. Mir sinn als Glygge politisch und konfessionell neutral und das muess so blyybe. Aber ains weiss ich, dass es wichtig isch, dass mir so e Netzwärgg wie unseri Glygge in däne Zyte bruche. Dass mir unseri Wärt, wo au in däre Glygge verankeret sinn, hoch schätze und drnoch läbe. Dass mir dr Stamm pfläge mit gute Gschpröch und dass mir s au luschtig hänn. Dass mir enand unterstitze, wo und wie s immer goot. Und denn mache mir jo no Fasnacht und bringe do unsere Gaischt voll zem trage, die kommendi Fasnacht umso mehr. Und uff das freu ych mi wider wie e glai Kind. E grosse Dangg an alli Wettstailemer und Frinde, wo in däm Joor wider e Bydraag ans Wohl vo dr Wettstai Glygge glaischtet hänn. Ich wynsch eych allne und eyre Aagherige scheeni Feschtdääg, e erfolgrychs 2016 und vorallem blybet gsund. Eyre Obmaa Pius Keller Herbstbummel 2015 Wettstai Clique Basel S Motto: d Basler Glaibrauereie oder die uffsträbend Bierkultur in Basel Pinggtlig wie yyglaade hänn mer ys by herrligem Herbschtwätter, gspannt uff das wo kunnt, im Reschtorant Brauerei an dr Gränzacherstroos troffe. Dert sinn mer vo de baide Organisatore Luc und Kevin begriesst worde. Ibers Programm hänn sy, usser em Hiiwyys es wurd ys e bierigi Noomidaag erwarte, nit vyyl verroote. Gschtartet sinn mer mit eme glaine Spaziergang em Rhy entlang mit em Ziel Solitudepark. Dert aakoo het ys beraits dr Braumaischter vo dr Brauerei Luusbueb mit ainige vo syne Bier Spezialideete erwartet. Är het uns erkläärt worum as är dä isch wo s bescht Bier in Basel, und das erscht no in dratitioneller Handwärggskunscht, wurdi braue. Alles hänn mer nit verstande. Wie me aber d Ergäbnis vo synere Glaibraukunscht deguschtiert, das het är uns nit gross miesse erklääre. No dr erschte Deguschtationsrunde sinn mer uff e 36er Bus und sinn bis an d Lehemattstroos gfaare. Dert sinn mer beraits vo de baide Braumaischter vo dr Brauerei Schluggspächt erwartet worde. Au die hänn non eme kurze Exkurs in d Braukunscht d Zapfhääne uffgmacht und hänn uns (und das nit z knapp) s Produkt vo ihrer Brauerei deguschtiere loo. No zwai Brauereie hänn mer jo bereits Verglyychsmeegligkaite, und dodermit au e Grund, zem no ain z Deguschtiere, ghaa. Aber au do het uns dr Kevin kai Rueh gönnt. Är het dr Abmarsch zer Bushaltstell uff e Bus in Richtig Gundeli befoole. Gstoppt hänn mer an dr Dornacherstroos vor dr Bierbrauerei BIRTEL. Emfange worde sinn mer im scheen uusbaute Hinterhöfli, hänn e Bligg in die blitzsuuberi Brauerei gworfe, vo de Brauer Ainiges iber d BIRTEL ufffassig vom Braue deerfe erfaare und sinn dernoo, sälbverständlig ooni die glainscht Regglamtion, in die dritt Deguschtationsrunde gschtartet. Zem Uffdungge hets feyni Bierbrätzel und Yyglemmti gää. Well im Hinterhöfli au e Döggelikaschte gstanden isch, het zem Teschte vo dr Reaggtionsfähigkait e Mätschli statt gfunde. Wär am Schluss gwunne het, das het allerdings niemerts me so gnau kenne saage!

4 4 Au dä gmietlig Halt isch vom Kevin gnadelos abbroche worde. Ab uff e Bus und uusstiige vor em Schützematt park. Grad näbem Pavillion sinn e baar jungi Bursche in griene Liibli mit em Uffdrugg Basiliske Bier hinter em e Tisch gschtande und hänn uff uns gwartet. No dr Begriessig hänn sy uns iber iri Art vo Braukultur uffkläärt und e weeneli glailut gstande, sy wurde im Momänt wääge Blatzmangel und au uus Keschtegrind nit z Basel sondern uff em Land braue. Das isch zwor schlimm. D Qualideet vom Bier wo sy mache, gheert aber wääge däm glaine geografische Uusrutscher nit glitte, im Gegedail die drey Bier won y deguschtiert haa sinn Wältklass gsii. S het kuum glänggt zem dr Hoffnig Uusdrugg gää, s Basliske Bier käm bald wider zrugg uff Basel und däne junge Bursche zue irem Bier z gratuliere. Dr Oberhetzi Kevin het scho wider zem Uffbruch dränggt. Dasmool nit uff e Bus sondern uffs Drämmli in Richtig St. Johann. Glandet sinn mer bi Volta Bräu. E Runde dur d Brauerei und e baar Begrindige worum s Volta Bräu s bescht Bier in Basel isch, hänn au do nit deerfe fääle. Dr Deguschtationsdail isch do aber, wär wunderets mer hänn jo scho vier Brauerzignis uusgibig teschtet ditlig kirzer uusgfalle. Die Maischte hänn sich uff ai Brauereispezialideet beschränggt. Mit em Dursch het sich au s wunderscheen Herbschtwätter verabschiidet und het em Rääge Platz gmacht. Dr Kevin het ys trotzdäm uuse ghetz und isch mit ys uff d St. Johann Fääri. Dr Remy Wirz het ys mit sym Ueli drogge und unfallfrey iber dr Bach brocht. E kurze Dippel und scho sinn mer an dr Öttlinger stroos in dr näggschte Brauerei, nämmlig dr Braubude Basel aakoo. Do wird in ere ehemoolige Baggstuube braut. Au do isch ys vom Braumaischter nomool s Ghaimnis vom guete Bier neecher broocht worde. Teschtet hänn mer s Ergääbniss nadirlig au. No säggs Brauerei und eme Bierduurenander im Buuch und Darm hänn sich, die wo no hänn meege,mit em Drämmli an d Rhygass veschoobe und sin vo deerte per Pedes in d Fischerstube go z Nachtässe. Was maine iir hets zem Dringge gää? Gott sei Lob und Dangg, ändlig en Ueli Bier. Bim Nachtässe, es het Wettstain lemere und Wettstainlemer gää wo tatsächlig e Bierfondue gässe hänn, hänn mer dä Bierherbschtbummel uusbambele loo. E Dail het sich bierseelig uff e Haimwääg gmacht und die ibrig Verdächtige snin no via em Schiefe und em Schoofegg wyter durs Glaibasel zooge. Es isch jo verständlig, e sone aasträngende Bummel git halt Durscht! E grosses Danggscheen an Luc und Kevin fir die glungeni Idee und s Organisiere. No däm Bummel gits jetzt sicher ainigi Wettstainlemere und Wettstainlemer wo in Zuekunft nimme uusschliesslig Heineken oder Fäldschlössli dringge. e Neo Kenner vo dr Basler Bierbrauszene Jürg Refer Wenns im Käller Hailige Oobe isch e weeneli e anderi Wienachtsgschicht Es git in eme Basler Altstadthuus e Käller wo sich allerlai Gspässigs abspiilt. Aigentlig ischs e Fasnachtskäller wo ame Vorstandssitzige vo enere Stammclique iber d Biini geen. Me waiss au, ass in däm Käller am Fasnachtszyschtig syt vyyle Joor e Zyschtigsziigli vo ebe däre Stammclique, wo dr Vorstand sich an de Sitzige allerlai Glunges yfalle losst, immer Zoobe sy Yykeer abhaltet. Das Zyschtigszigli macht das scho lang und die wo mit drby sinn fraie sich immer wiider uff d Heernli mit Ghaggts und Epfelmues wo aine vo iire Kamerädli, zämme mit synere Frau, koche duet. Friener, vor mee as zwanzig Joor, sinn amme no d Kinder vo de Pfyffer und Vorträbler drby gsii. Die Gnäggis hänn en aigene Disch gha und nach em Aesse amme scheeni Fasnachtshelge gmoolt. Die Helgeli hange immer no an dr Källerdiire und wegge scheeni Erinnerige an d Kinderfasnacht vo friener. Es hets au gää ass die ainti oder anderi Mamme iire Knirps im Buschiwaage im Zyschtigsziigli mitgstosse het. Dr Vortrab het au emool e Maitli, wo sich kurz vor dr Fasnacht dr Fuess broche het, im Rollstuehl mitgstosse. Dr Spalebuggel duruff isch doodrby au dr uusgwaggseni Blätzlibajass ins Schwitze koo. Hit sinn die synerzyt glaine Maiteli sälber Mami worde und geen mit iire Goofe au an d Fasnacht. Eso isch das Zyschtigsziigli au zue Grossbappene koo wo sich jetzt scho druff fraie, wenn iiri Grosskinder au emool am Zyschtig mitlaufe. Ass d Fasnacht au allewyyl e weeneli Wienacht isch waiss me joo. Ass sich in däm Fasnachtskäller aber au am Hailige Oobe ebbis bsunders abspiilt het dä alti Maa, wo dr Käller gheert, erscht im ene Draum in dr Nacht zem 4. Advänt erläbt. Es isch langsam Nacht worde iber dr Stadt. D Lääde hänn zue gmacht und d Lyt sinn mit volle Däsche haimes zue. Die Däsche sinn au nimm gfillt gsii wie friener. Statt Schüfeli und diire Boone hets gfrores Flaisch dinne gha, fir e Fondue Chinoise, wie das hit halt Bruuch isch. Statt gstriggty Sogge hets fir dr Bappe ebbis vo "Prada" als Gschänggli gää. D Mamme wär mit ere Kaffimaschiine nimme z friide gsii. Si het sich die sindhaft dyyri Anti Aging Crème im Grosstopf gwunsche und das in däre Modedäsche fir achtdausig Stutz wo me scho im Mai het miesse bschtelle. Die Glaine sinn mit em neyschte Tablet uusgstaffiert worde. Jetzt aber zrugg in Käller wo vyyli Fasnachtsfigure steen e baar drvo vo bekannte Kinschtler modelliert. Wie verzauberet het sich aini no dr andere Figure aafoo bewege und eso sinn sy noodysnoo zem Lääbe verwacht. Dr Pierrot isch dr Erscht gsii wo ebbis gschwätzt und zue de Andere gsait het: so liebi Frindinne und Frinde es isch wiider hailige Oobe und wie jedes Joor dien mir zämme Wienacht fyyre und ys derby verzelle was underem Joor eso gloffen isch."

5 5 Jä das mache mir", het jetzt die Alti Dante, wo dr Tambourmajor isch, gsait. "Es isch mir zwoor gar nit ums Fyyre. Vo Oh du Freeligi ka jo kai Reed mee sy wenn me waiss ass erscht kirzlig e baar Verruggti in Paris e Huffe unschuldigi Lyt aabegschosse hänn und eso vyyl Laid iber e mänggi Familie brocht hänn. As Alti Dante ka ych die Wält nimme verstoo!" "Du hesch scho rächt", het sich jetzt au dr Waggis z Wort gmäldet. "Uusgrächnet by uns im Franggrych isch so ebbis Schreggligs passiert. Und das no in dr Stadt vo dr Liebi und dr guete Luune". "Jä waisch ", het dr Dummpeter zuenem gsait, "das ka hit in Paris und morn naime anderscht passiere. Me sait mir zwoor Dummpeter, aber y ha scho gmerggt as d Wält vyyl schlächter worden isch und sich jetzt zaigt ass die wo nyt hänn, däne wo vyyl hänn, dr Maischter wänn zaige". "Du hesch rächt Dummpeter", het dr Harlekin gmaint. Mir ischs au nit ums Wienacht fyyre es waiss jo au kuum me epper woorum me aigentlig Wienacht fyyrt. Mir hänn friener amme no gwisst ass an däm Daag dr Hailand geboren isch und in dr Mitternachtsmäss het me gsunge "Christ der Retter ist da...". Hit goot jo kuum me epper in d Kirche und an Christus glaubt me eebe so wenig wie as är dr Retter kennt sy. Dooderfir glaubt me eender an d Angela Merkel oder an dr Obama. Sinn das jetzt d Retter vo dr Wält? Ich ha doo myni Zwyfel! "Jetzt haidebritsch!! Dien doch nit eso missmuetig, sait d Pipi Langstrumpf vom oberschte Tablar oobenaabe. "Me muess au in schwiirige Zyte ans Guete vo de Mensche glaube. Ych glaub ämmel dra, ass dr Sepp Blatter nie bschisse het. Uff dr Beckenbauer stoo ych sowiiso. Dä het sich au nyt z schulde koo loo. Aber, schaun mer mal..". " Das isch wiider typisch Frau", het aine vo de vier Latärneträger zer Pipi gsait. Iir lueget wiider numme druff eb aine guet uusgseet und scho sinn ir im siibte Himmel. Do sinn mir Männer scho anderscht. Bi uns zelle die innere Wärt vo de Fraue". "Genau", sait dr Latärneträger linggs hinde. Du hesch rächt, d Narre und d Leggins sage d Wooret!". "So jetzt länggts", sait dr Pierrot wo die Diskussion aagfange het. "Nur mit em sich Gedanngge mache und grossem Gschwätz kunnt me au nit wyter. Lueget doch by unserer Regierig. Die mache sich laufend Gedangge, schwätze vyyl und kemme au nit wyter. Dummerwyys au nit dert aane wo iiri Wääler gmaint hänn ass sy aanestyyre. Au wenns die Dame und Herre vorhär no so versproche hänn. Wägedäm schloo ych Eych vor mir maches wie dr Morin und nämme zerscht uffs Wool vom Hailige Oobe e Cüpli. Leend ys fyyre, immer und iberall, au wenns nyt z fyyre git!" Dr alti Maa wo dr Käller geheert isch pflätschnass verwacht und sy Draum het em z dängge gää. "Hit isch dr vierte Advänt", het är dänggt und bald isch Wienacht. Zoobe het er die vierti Kerze am Adväntskranz aazunde wo är vo dr Frau vom e Cliquefrind gschänggt bykoo het. Mit fiechte Auge het er in die vier Kerze gluegt wo iim Liecht und Weermi gää hänn. "Oh du fröhliche, oh du seelige, gnadenbringende Weihnachtszeit" do dra het er immer no fescht glaubt! Vyyl Liecht, Weermi, e bsinnligi Wienacht und e guets neis Joor winscht Dr Grien Blätzli Terminkaländer 02. Jänner 2016 Blaggeddeuusgoob Details kemme no 07. Jänner 2016 Neujoorsstamm Stadtkäller / Uhr im Aschluss and Iebigsstund 09. Jänner 2016 Wettstai Oobe Allmendhaus / Uhr 21. Jänner 2016 Marschiebig Lange Erlen / Uhr Besammlig, Bachtelenweg 24. Jänner 2016 Marschiebig Grien 80 / Uhr (Mit de Knorzi und dr Alte Garde) 28. Jänner 2016 Marschiebig Lange Erlen / Uhr Besammlig, Bachtelenweg 11. Hornig 2016 Zugsdailnähmer Sitzig Rheinfelderhof / Uhr 13. Hornig 2016 Wagen Vernisage Ammedysli Schönenbuch / Uhr (Träffpunkt Restaurant Krone, Schönenbuch) 14. Hornig 2016 Ladärnevernisage Waisenhaus / Uhr Hornig 2016 Fasnacht 06. Merz 2016 Bummel 10. Merz 2016 Lämbbe Sitzig 21. Mai 2016 Plausch GV (Stamm)

6 6 Die Alte. Wettstai Blatt Nochruef Erich Wettstein Am 2. Oggtober 2015 isch in Netstal im Kanton Glarus unser langjöörigs und üsserscht aggtivs Passivmitgliid, Dr. Erich Wettstein, im Alter vo 84 Joor gstorbe. Im e friehnere Wettstai Blatt het sich under em Titel Ein Wettstai in der Wettstai Clique dr Erich uns vorgschtellt. Näbe sym Läbenslauf beschrybt är dr ängi Kontaggt zue unserer Clique wie folgt: Als ich in den 50er Jahren in Heidelberg studierte, besuchte ich Basel zum ersten Mal an der Fasnacht. Ich war begeistert vom Cortège und wurde dabei auch auf die neu gegründete Wettstai Clique aufmerksam. In meiner Zürcher Oberländer Heimat betätigte ich mich aktiv als Fasnächtler und liebte es, die Schwächen örtlicher Würdenträger auszuloten und sie an den Fasnachtsbällen und in der Strassenfasnacht mit beissendem Spott zu überschütten. Seit den 50er Jahren besuchte ich die Basler Fasnacht regelmässig. Mit der Wettstai Clique kam ich jedoch erst 1967 in Kontakt, als ich auf einer Fernöstreise Gusti und Helene Fischer kennen lernte und durch sie mit Richard und Elisabeth Peyer bekannt gemacht wurde. Von der Wettstai Clique mit ihrem hohen Niveau und der guten Kameradschaft war ich von Anfang an begeistert. Seit diesem Zeitpunkt unterstütze ich nun die Clique mit meinen bescheidenen Kräften. Schade, dass ich wegen meinen künstlichen Gelenken und in früheren Zeiten aus beruflichen Gründen nicht aktiv in der Clique mitmachen kann. Dr Erich isch aber glych e rächt aggtivs Passivmitgliid gsii und an jedem Fasnachtsbummel drby gsii, wie au an divärse Herbschtbummel und au Cliqueraise. Unvergässe fir wohl alli wo derby gsii sinn, sinn zwai Bsiech bi ihm im Glarnerland gsii, nämlig emoll am e Herbschtbummel und nadyrlig em Erich sy grosszigigi Yylaadig an die Alti Garde zue sym 80igschte Geburtsdaagsfescht im Glarnerhof vor erscht vier Joor. Mir wärde dr Erich vermisse, wenn mir ihn an dr näggschte Fasnacht nimm am Strooserand begriesse dörfe. Heinz Grolimund Schryyber Alti Garde

7 7 Nochruef Reto von Salis Am 21. Mai 2015 isch dr Reto von Salis nach langer, schwärer Grangged in sym 67. Altersjohr gstorbe. Mir verlieren e wunderbare Fründ, wo sich immer mit vyyl Härzbluet für d Wettstai Clique yygsetzt und si vo als Obmaa umsichtig gfiehrt het. Dr Reto het in sym Läbe näbe vyyle grossartige Zyte au Tief erläbt. In de letschte Johr sicher e baar mehr als die Meischte vo uns. Är het sich wäge däne Schicksalsschleeg aber nit beklagt und gjoomeret, sondern är het in synere typischen Art dr Kampf drgeegen uffgnoh und dä au fascht immer gwunne. So isch är gsii, muetig, kämpferisch, realistisch optimistisch. En anderi Syte vo ihm isch sy Gradlinigkait, sy Offehait, sy Diräggthait gsii. Är het immer gsait, was är dänggt het, aber är hets nie so gsait, dass är sy Gäägenüber verletzt hätt. Är het nie uff dr Maa gspiilt, sy natürligen Aastand het ihm das nit erlaubt. Diskussione mit ihm sinn nie aifach gsii, är het gärn in dr Sach provoziert und anderi so zem Dängge uusegfordert. Aber intressant und fruchtbar sin so Gspröch allewyl gsii. Mit ihm het me in fründschaftligem Ton kontrovärs könne diskutiere. So isch är gsii, hart in dr Sach, mänggmool provokativ, aber immer fair, aaständig und aareegend. Wenn dr Reto erfahre het, dass e Person uss sym Fründes oder Bekanntekreis Schwiirigkaite gha het, denn het är nit lang überlegt. Är het gmacht, was är für opprtun ghalte het, är het gholfe, sygs mit Wort, mit Daate oder mit finanzielle Mittel. So isch är gsii: hilfsbereit, sälbschtlos, grosszügig. Mit em Zyschtigs Zügli het är no im Februar vo däm Johr Fasnacht gmacht. Zum 41. Mool simmer zämme unterwägs gsii. Trotz synere Grangged isch är vom Morgen aa bis lang no Mitternacht mit uns dur d Gasse und Gässli zooge und mr hänn e mänge Halt gmacht. Und wie immer mit em Zyschtigs Zügli isch är dr Mittelpunggt gsii, wenns drum gangen isch, luschtig z sy, fröhlig z sy, z lache und Witz z mache. Wär ihn kennt het, dä het luschtigi und fröhlige Erinnerige an Reto. Sy ganz spezielle Humor het uns alli immer wider erfreut, syni Zwüschebemerggige sinn träff gsii, e baar vo syne Gschichte legendär. So isch är gsii, humorvoll, witzig, fröhlig. Syni letschte Wuche uff däre Wält sinn sehr beschwäärlig gsii und dorum finde mir Troscht im Wüsse, dass sy Doot für ihn en Erlösig gsii isch. Synere Familie entbiete mir unser härzlig Bylaid. Teddy

8 8 Terminkaländer uff dr Internetsyte findsch wyteri Infos Daag Datum Aaloss Mo Blagettenuusgoob ab 11h in dr Rumpelstube Do Sa Mä So h no dr Iebigsstund Neyjoorsstamm im Stadtkäller zämme mit em Stamm 16.30h-23.45h Cliquenoobe im Allmändhuus - lueg die separati Yylaadig 19h - 1. gmainsaami Marschiebig mit de Rumpler und Birli bi Safruits in Münchestai gemäss Info vo de Rumpler gmainsaami Marschiebig mit em Stamm und de Knorzi Abmarsch 10.15h bim Pargghuus vo dr St. Jakobshalle Mi Vogel Gryff Mä h - 2. gmainsaami Marschiebig mit de Rumpler und Birli bi Safruits in Münchestai gemäss Info vo de Rumpler Mä Fasnachtssitzig im Rumpelhuus Mä- Mi FASNACHT So Fasnachtsbummel Sa Passivedaag