CHNAPPLUFTLI. E lnfobleddli fir unseri Gönner. Uusgoob

Transkript

1 CHNAPPLUFTLI E lnfobleddli fir unseri Gönner Uusgoob

2 Vorwort S Faasnachtsmyggeli Iiberall uff dr Wält - ob in Rio, Venedig oder Düdo - wäärde 9 Mooned nach dr Faasnacht, Fasching oder Karneval ufffellig vyyli Kinder geboore; nid esoo in Basel, denn wäärend de scheenschte drey Dääg «het dr Bebbi kai Zyt». Esoo het dr verstorbeni Basler Schurnalischt Sten emool gschriibe - und esoo stimmt das au. Wäärend in Rio die blutte Lungefliigel regiere und dr dytschi Fasching wytgehend unter em Motto «Ringelpietz mit Anfassen» lauft, spiilt sich d Basler Faasnacht in erschter Linie uff dr Gass und nid in Hotel- oder sunschtige Better ab. Das haisst jetzt aber iberhaupt nid, dass Zwischementschligs zwische em Faasnachtsmäntig und -mittwuch absolut Tabu isch. Fascht jeede Dambuur und jeedi Pfyffere ka vomme «Faasnachts-Schätzeli» brichte. Doch in de maischte Fäll sinn die Beziehige seer zarti Bande, platoonisch, romantisch... und seer kurz; am Donnschtigmorge am fimfi isch au in dääre Hiisicht maischtens alles wiider verbyy! Aini vo dääne glayne Romanze soll doo stellverträttend fir all die viile Episöödli zem Theema Faasnachtsliebi Erwäänig finde. E Schatz fir Sekunde Ganz verhienered kunnt ain vo unserne Pfyffer - nenne mer en doo Beat - bym Halt vo synere Clique am Rümelinsplatz verspöötet ins «Hotel Basel». Glänzigi Auge und grööteti Bagge verroote, dass eppis Ussergweenligs muess bassiert sy. Syni Cliquekolleege hänns glyy gmerggt - schpeetschtens, wo dr Beat uff d Froog, ob äär au e Bächer well, nid reagiert, richtet sich s gsammledde Interässe uff sy Persoon. E diefe Süffzger entringt sich dr Bruscht vom völlig abwääsende Beat. «Bisch verliebt?» froggt en aine - und merggt drbyy, genau ins Schwarze droffe z ha, mit syynere scherzhafte Froog. Waiss dr Deifel, worum, dänggt er im noochhinain; s muess heecheri Gwalt syy. Statt inne Ruugeli z stiere, luegt äär verdräumt eme Pfyfferziigli zue, wo s «Brandeburgerli» spiilt und gmietlig Richtig Heubärg gässled. Drbyy gspyyrt dr Beat ufaimolo e samfti Birierig. Äär luegt nääbe sich uff e Myysli im Bajass- Goschdyym, wo - genau wie äär - däm Ziigli noocheluegt und drbyy an syyni Schultere aaläänt. Iiri Auge dräffe sich, sii lächled und ufaimool waiss dr Beat gar nimm, dass Faasnacht isch. Iire schyynts nid anderscht zgoo. Uss dr samfte Berierig wird e feschteri, fascht glyychzittig, wo sy Arm um iiri Schultere gryfft. Wort falle drbyy kaini, wääre au iberflissig. Gmainsaam gniesse die baide esoo die vo Pfyffe und Drummle erfüllti Luft. «Geend doch e bitzeli uff d Sytte!» e Dambuuregruppe verschafft sich Ghèèr und Platz. Fir weenigi Sekunde nur, mien und wänn sich die baide, wo sich eebe erscht gfunde hänn, wiider trenne. D Gruppe marschiert duure, isch wägg... und dr Bajass laider au. Dr Beat luegt verduttered umme, naime muess sy doch syy. Vergääbens! Wie uff Watte schlyycht äär zrugg zue synere Clique, iberleegend ob aigendlig wirgglig eppis gsi isch. Velicht isch jo alles numme e faasnächtlige Daagdraum gsi? Immer no lyycht verduttereed schmeggt iim jetzt aber au s Bier wiider langsaam besser und d Faasnacht goot iire gwoonte Gang. Ob sichs doodrbyy ume woori oder e erfundeni Eoisoode handled iberlosst dr Schryyberling de Lääser. s Obmännli, dr Marco

3 Faasnachts Rüggbligg «Woodstock», so het s Suschéé 2010 abkirzt ghaisse. Mit dr Idee vom Marco und em Fix, sin d Luftschnapperli extreem hippimässig in Basel unterwägs gsi.

4 Faasnachts Rüggbligg Sicherlig e Hai-light das Joor isch unser Requisit gsii: In viile Arbetsstunde isch dä VW-Bus entstande. Um s Baue hänn sich wie immer d Vordrääbler und dr Major kümmert. Und bim letschte Schliff bi dr Deko und em Bemoole hänn au d Pfyffer viil drzue bydrait. Resultat: e extrem ufffelligs Gfäärt, wo au bim Faasnachtspublikum super guet akoo isch!

5 Faasnachts Rüggbligg

6 Faasnachts Rüggbligg Wie immer, uff em Märtplatz z Oobe nachem Cortège isch Träffpunkt mit Frinde und Gönner. Danggerscheen, dass dir koo sind!!

7 Faasnachts Rüggbligg

8 Faasnachts Rüggbligg

9 Faasnachts Rüggbligg

10 Faasnachts Rüggbligg Und Tschüss, bis bald.. hoffentligg am Musiggfescht in Muttenz vom 18. bis 20. Juni.

11 dr Zeedel Joor «Wood...» und au mir (und s Comité), geen langsaam am «... stogg»!. 40 Kèèrze uff em Kueche und derzue beschte Rock, fyyre au mir Geburtsdaag vom legendääre Woodstock. Faarbig, bekifft, zem Dayl au scho e lyychte Suff, unseri Konzäärtbsuecher sinn aifach alli guet druff. Under em Motto «Love, Peace, Druggs and Rock n'roll», gueti Muusig loose und d Lampe fille isch halt aifach scho toll. Mit gaile Pille, Zucker, Schnee oder e Wasserpfyffe, kenne sogaar mir dää wirgglig ainzigartig Sound begryffe. Schittle, gumpe und denn au no um mi umme drille, gsee irgend wie alles vernääbled, dùùr mi Sunnebrille. In Schaare sinn sii aagraist, in dr Hoffnig scheeni Fraue z f... inde, in de kurze Nächt, sogaar in verrissene Zält, im Pfludder go ligge. Herrligi Rock-Deen dien doo in unseri Oore dringe, drzue singe und d Määne im Wind wild ummeschwinge. D Janis Joplin, dr Jimi Hendrix und und und... alli sinn sii koo, wo sii dr Lockruef vom Friide und iberhaupt dr Sach, hänn vernoo. Denn sinn halt scho no friidligi Zytte gsi, jää aber nùndefaane, wääge Gwalt und Littering bekunnsch daas hit sicher nimm aane. Zem Schluss e bittere Bligg in Spiegel, e Runzle deert, e Falte doo, sinn halt au nimm die Jüngschte und hänn iis glaub lyycht ibernoo. d Luftschnapperli syt anne 1983 Faasnacht 2010

12 Diverses Mir gratuliere! Grad baidi Eehremitglieder vo de Luftschnapperli (mir hänn nur zwei bis jetzt ) hänn im Jänner e Runde Geburtsdaag kaa. Nämmlig s Lotti am (75) und d Beatrice am (70). Und am 1. April het denn au unseri Pfyffere, d Jaqueline no gjuublet (50). Wyter het d Marianne Hügli (s Mami vom Claudia Eigenmann) ihre 70igschte dörfe bejuuble. Und mir danke! Folgendi Persoone hänn uns an dr Faasnacht no mit eme Batze oder mit suscht ebbis beglüggt. An däre Stell, euch nomol ganz liebe Dangg! dr Gerry dr Albi (vom Jölleli) d Sandra Freudiger Margot und Hampe Müller s Memmele (vom Sändi) Daniela und Michel Hartmann Liselotte und Hans Sommerhalder und dr Pratteler Waageclique Sumpfbrieder mit Ralph Suter, Steingruber & Co.

13 D Luftschnapperli sinn drby: am «Musikfest beider Basel» in Muttenz FR SO 18. bis 20. Juni 2010 Mir wirte und feschte zämme mit eych am liebschte und beschte! Kreisel Tram 14 Mir sinn do! Rest. Bajazzo Uff dr folgende Syte hets e Bon! Ussschnyyde und mitbringe!! Kirche