Vytrynli 1/16.

Transkript

1 Vytrynli 1/16

2 Ihr Spezialist für... Kopien aller Art - CAD-Plots - Datenmanagement - Plotfabrik - Grossformatkopien - Farblaserkopien - Plakate - Grafikplots - Displays - Aufziehen - Laminieren - Scannen - PVC-Kleber - Gratis Abhol- und Zustelldienst Kolibri Reproline AG Bruderholzstrasse Basel Tel Fax info@krl.ch Wir sind in Ihrer Nähe Neubauten Umbauten Renovationen Fassaden Kundenservice Chiaravalle Maleratelier AG Dornacherstrasse Basel T F chiaravalle@chiaravalle.ch

3 Inhalt Mir zwai maine Syte 4 Fasnachtszeedel Stamm Syte 6 Fasnachtszeedel Jungi Garde Syte 8 Baseldytsch-Väärsli Syte 12 Allergattigs Syte 14 s Offizielle Syte 15 Schiiweekend Syte 15 Wäär bisch aigendlig du? Syte 16 Fasnachtswäägwyyser Syte 19 Faarblaan Mändig und Mittwuch Syte 25 Schnoogge-Kaländer Syte 28 Vorstand und wyteri Funggtione Syte 30 Passiv-Bydrittsergläärig Syte 31 Liebi Rhyschnoogge Mir hoffe, Ihr sind alli guet ins Neyi Joor yynegschlitteret und händ no gnueg Speiz fir die letschte Aarbede bevors denn äändlig vieri schloot! Numme no schnäll dr neyi Marsch usswändig leere, nonemoll ins Atelier go hälfe baschtle und velicht no s Moorgeschtraich- Goschdyym e weeneli ussloo... Im Fasnachts-Vytrynli findsch alles, was De wisse muesch rund um die drey scheenschte Dääg. Mir fraie is yber alli Frinde, Familie oder Passive, wo mr am Strooserand oder in dr Pause deerfe dräffe! In unserer neye Rubrigg Allergattigs mache mr Eich uff bsunderi Aggtualitäte uffmerggsam. Falls ebber ebbis waiss, simmer um jeeglige Hiiwyys danggbar. Mit vorfasnächtlige Griess Anja C. und Daniela C. Redaggtion 3

4 Mir zwai maine Liebi Rhyschnoogge D Frau Fasnacht stoot vor dr Dyyre. Am 46. Daag im Neye Joor heissts scho: Morgestraich vorwärts marsch. Alles lauft uf Hochtuure; dr Blaggeddeverkauf, wo das Joor fascht scho am Silvester gstartet isch, dr Atelierbetriib, die letschte Proobe in dr Buebemuusig, d Vorbereitige fyr e Familieoobe und die kalte Marschiebige in dr Lange Erle. Mir freue uns sehr und alles wo ihr fyr die drei scheenschte Dääg mien wüsse findet ihr in däm Vytrynli. Mit unserem Sujet: Augering, also bin i! het sich unseri Sujetkommission e gsellschaftskritisch Sujet ussgwäält. Alles isch schnälllääbig, unverbindlig, mer mien immer und überall erraichbar si, alles muess immer no besser und rentabler wärde und niemer findet meh Ruhe. Fyr drei Dääg löhn mer die Wält hinter uns und löhn uns triibe und diens gniesse. Jetzt blibt uns nur no ains: Euch alle, eb Binggis, Jungi, Stamm oder Rhyserva und alle Aaghörige und Fründe e wunderbari, unvergässligi und zfriideni Fasnacht 2016 z wynsche, mit fasnächtlige Griess, Daniela und Andrea

5 Aqua- Maler GmbH Maler- und Tapeziererarbeiten Blotzheimerstrasse 19a, 4055 Basel Natel Thomas Hügin malen tapezieren sanieren renovieren 5

6 Fasnachtszeedel Stamm Augering, also bin i! Bisch Mitgliid imme Stammverain, D Rhyschnoogge sinn zem Byspiil ain, Denn hesch, was mir am beschte gfallt, Frind und Kolleege, jung und alt. E Querschnitt isch s dur alli Schichte; S isch spannend, was si amme brichte, Was men am Stammdisch als so gheert, Was si so frait, was si so steert. Men isch im Räbhuus am Verzelle, I sag nit, welli, sag nit, welle, Doch zuegstimmt hänn im Fall die maischte: I halt s kuum uus! Was hitt muesch laischte, Das bringt aim doch, wie wämmer saage?, Wenn nit in s Grab, denn uff dr Schraage, Me het z vyyl z due, het nie bitz Rue Au d Schnuure deerf me nit uffdue! Dr Luggi isch e Business Guy! Nikkei, Dow, DAX, SMI, Die Zaale sinn s, d Kursgwinn, d Rendite, Wo alles iim im Job bedytte. Männgmool, uus Schiss, es kääm dr Bäär, Fyylt er sich uusbrennt, hool und läär. Er git s nit zue, wär no so froo, Sy Seel kennt er mool bambele loo. Dr Doggter Max isch Assistänt; Dämm fääle glatt e Dotzed Händ, Acht Päärlli Augen und zää Fiess Fir alles, won er mache miess. So kan er nur bym beschte Wille À discrétion verschryybe Pille; S wurd, hofft er, kai Patiänt lut steene Sym Hobby mues er au no freene! Au s härzig Mimi schafft im Spittel. S isch kääsblaich wie dr Spittel-Kittel. S Mimi mänätscht by gringschtem Loon Ass Granggeschweschter sy Station. S gaschiert mit Make-up d Augering, S lächlet voll Zwyyfel, eb s äs au bring Drnääbe pfläägt s, so mache s vyyl, Me mues es schyynts, s Facebook-Profil! S Debbie, e Jimpferli, kuum dryssig, Schafft wien en Immli gschwind und flyssig Vom Morge frie bis spoot am Oobe; Es gheert kai Dangg, me duet s nie loobe! Uus iirem Kopf d Idee spruudle; Fuul gseet s niemerts umme duudle. S ka d Ziigel uff kai Fall lo schlyffe, Wil a) dr Schatz, b) d Biez, c) s Pfyffe!

7 Au s Evi, s isch scho vier Mool Mamme, Het s aifach nimm wie d Mammen amme: Drei Mool mues s Lara ins Ballett, S Lea spiilt Tennis; by Nordstärn wett Schutte dr Leo, drum wird dr viert, Wo halt no glai isch, mit chauffiert So setzt sich d Mamme Laischtigszyyl, E ganz e Huffe. Hyffig z vyyl! Im Räbhuus wird s druff programmatisch, Fascht theoretisch, was nie schaad isch: S sinn d Laischtigsuffdrääg schlicht by gwise, Also de maischte!, iiberrisse, So Zaale ka kai Mentsch erraiche Erschepft wagglen aim d Gnei, die waiche, S Gryz, wo me drait, isch hailoos schwäär, D Aastellig verdelli! sau prekäär! Verwirrt, konfuus han i denn gschwiige, Still fir mi dänggt, dasch iiberdriibe. Statt IO! TUTT! SUBITO! Wird gjoomeret; s deent eppe so: Mit git sich uus, bis me nimm maag, Het Augering dr lieb lang Daag, Me duet wie oobe, isch glyych unde Zem Gligg schmaisst aine doo in d Runde: Du bisch doch imme Stammverain, Mir Schnoogge sinn zem Byspiil ain, Läbsch, wenn s am Mäntig vieri schällt, Drei Daag lang in re Geegewält Und d Augering am Donnschtig frie, Die kasch dir laischte, nundedie, Bisch druurig-gligglig, zfriide-mied Kumm, loos, dr Vogel singt sy Lied! Augering hii! Augering häär! Mache mues me no: 1. Ladäärne-Uusstellig (Minschter: MÄ-MI), 2. Die 1. Lektion (Seibi: FR- SA), 3. Zeedel-Lääsede (am 1. Bummelsunntig) 7

8 Fasnachtszeedel Jungi Garde Hakuna Matata keine nimmt ys die Philosophyy, drey Dääg König z sy. Hesch s au gseh, das Musical uss Afrika, wo Basel sone Freud hett dra? Lion King eso duets heisse und tout Bâle isch es go gnaisse. E Märli vo Tier uss Dschungel und Savanne, uff d Bühni brocht vom Disney syne Manne. Die farbeprächtig Wält vo Afrika wird do uff d Bühni gholt, und vo Afrika e grandiose Bilder-Booge gmoolt, mit Tier wo tanze und au singe und so e einzigartig Bild erbringe. Mit Leue, Leoparde und mit Affe, mit Nashorn, Elefante und Giraffe, es git e Härde Gnus wo über d Bühni jage, s git Vögel, s git Hyäne es isch kuum zum sage - e Orgie vo Kostüm, Farbe, Forme, das Musical sprängt alli Norme und entfiehrt eim vehemänt in e andere Kontinänt. Es isch e Gschicht vo Intrige, Liebi und Macht, wo in dr Tierwält Strytt entfacht. Notürlig isch dr Leu s isch sunneklar in däm Stück dr Superstar. Är herrscht über alli Tier, wo sich tummle in sym Revier. Doch wies halt so isch mit däre Macht, Nyyd und Missgunscht wird entfacht. E Nyyder erkämpft für sich dr Thron und verstosst dr Königssohn. Vermeintlich tot, kehrt dä denn zrugg nach Johre, als stolze, junge Leue-Maa, wie früsch gebore. Är entlarvt em Nyyder sy Intrige

9 und ka jetzt, als Königssohn, dr Trohn bestyge. Jetzt kehrt, wie s für e Happyänd muess sy, im Tier-Ryych wider Fride y. Au musikalisch duet alles basse, dr Elton John duet extra Songs verfasse. S einti Stück mit tollem Drive, dr Titel isch: Circle of life, zue Baseldytsch: dr Kreis vom Läbe, au can you feel the love tonight isch nit drnäbe, Songs mit sehr viel Poesie und wunderschöner Melodie. In Hamburg lauft das Musical s isch wohr sage und schreibe s zähnte Johr und schloot drmit findsch keini Wort sämtligi Musical-Rekord. S git kuum e Samschtig-Obe-Show, wo nit e Teil vom Lion King ufftritt. Doch nit nur Tanz und Poesie, naj au no e bitz Philosophyy: Hakuna Matata wird besunge und beschwört, es bedütet: alles roger, alles wie sich s ghört, nur keini Sorge s Läbe isch doch schön, Hakuna Matata : s git kei Problem. Zwor sin so Sprüch hütt eher gwogt, wenn me seht, was d Ärde alles plogt, Konflikt, wo kuum me z löse sin, d Auge verschliesse macht kei Sinn. Es wär naiv und au vermässe, würdsch die Problem eifach vergässe. Doch drey Dääg soll das trotzdäm unser Motto sy, mir fyyre Fasnacht - z Basel an mym Rhy - und vergässe drey Dääg d Sorge vo dr Wält, sin sälber König und pfyffe uff Macht und Gäld. Hakuna Matata kei Problem, drey Dääg Fasnacht, isch das nit scheen. 9

10

11 Suchen Sie eine neue Brille? Wir haben sie! A U G E N O P T I K U H R E N S C H M U C K Mitten in Oberwil - 7 Parkplätze vor dem Haus - Vis-à-vis Tramhaltstelle M + M Wagner AG Inhaber Reto Padrutt Hallenstrasse 2, 4104 Oberwil Tel: info@wagner-oberwil.ch Fax: MEHR NIKLAUS IN REINACH. Mehr Kraft, mehr Ausdauer, mehr Wellness. Neugierig? Rufen Sie uns an: Telefon Fitnesstreff Niklaus Am Bruggrain Reinach 11

12 Baseldytsch-Väärsli Dr Fasnachts-Knigge (Gwelle: Facebook, Verfasser unbikannt) D Frau Fasnacht meecht gärn Ordnig ha, drum biete mir dr Knigge aa. Dr BFK git Root und Hilf, bisch informiert, stoosch nit im Schilf. Dr Eerger foot im Herbscht scho aa, wenn ain syy Latz nid halte ka. S Sujet isch nit zem umeschnuure, das sott doch glaar syy naimeduure. D Marschiebig isch au sone Punggt, wo mängge nääbesächlig dunggt. Drbyy wärs amme schambaar wichtig, deert leert me nämlig s Laufe richtig. Zedel schryybt me Baseldytsch! Glaar und aifach - ohni Kitsch. Dien Silbe zelle, Ryym abglyyche, sunsch kenne Fääler yyneschlyyche. D Ladäärne isch d Visitekarte, wo uffe Morgestraich soll warte. Si gheert bim Yypfiffe verdeggt, so blyybt das Kunschtwärgg guet versteggt. Wenns denn am Määndig vieri schloot, und jeede uff sym Plätzli stoot, sott s Kopfladäärnli funggtioniere, es sygg denn, wottsch di grad blamiere. D Gugge mache nonig mit, wills fir si dr Zyschdig git. Wo denn d Glygge sotte wyyche, und dur d Hintergässli schlyyche. Liebi Gugge, dängged dra, bim Konzäärt het me d Larve aa. Mir sin do z Basel, nit z Lozärn, deert hän sis ohni Grinde gärn. Das goot speziell die Grosse aa, wo immer sovyyl Platz mien ha: s het au glaini Glygge in de Stroosse, dient die nit nur uff d Syte stoosse. D Blaggedde gheert uff jeedi Bruscht, drey Dääg lang ohni ischs e Fruscht. Und macht e ganz e schlächti Falle, das duet im Comite nid gfalle. Mählsuppe isch e bsundre Gnuss, wenns so richtig kalt isch duss. Kääs- und Ziibelewaie-Duft, gheert drey Dääg in d Basler Luft.

13 Halt di zrugg mit Bier und Wyy, wenn de gnueg hesch, los es syy. Ain wo pletzlig aafoot schwangge, gheert haim ins Näscht, statt wyter ztangge. Isch Pausehalt, denn hesch jo Zyt, die näggschti Baiz isch nit so wyt. Renn nid dur Glygge oder Gugge, wart bitte uff die näggschti Lugge. Und stohsch emol am Stroosserand heb s Schreyholz, d Schlegel in dr Hand. Blyyb still und loos de Andere zue, gniess die Vordrääg und gib Rue! Gheersch e Missdoon gits nyt zlache, jeede ka e Fääler mache. S sin alli an dr Iebig gsi, drum bhalt die fuule Sprich fir Di. De muesch au kaine parodiere, wo anderscht duet im Zug marschiere, als das fir di Gschmagg richtig wäär, sigg tolerant, es isch nid schwäär. Stoosch widder yy, lauf scheen graduss, drambb nit an jeedem Egge druss. Lipf nie di Larve, due nid wingge, sunsch kennts dim Noochber afo stingge. Yystoo haisst nit afo drummle oder an de Gläbbli fummle. Wart bis dr Major e Zaiche git, und jetzt fang a, mach richtig mit. Sobald dr Zug afoot marschiere, hesch kai Zit mee zum handiere. Und s Schälle zwischeduure steert, wells rächts und linggs e jeede gheert. S Sujet-Goschdyym vo däm Joor, isch fir an Cortège, das isch woor. Am Zyschdig und am Morgestraich, sottsch es nit draage, s wäär e Saich. Normal isch s an dr Fasnacht kalt, me brucht den waarmi Goschdyym halt. Fosch du als Dambuur afo schwitze, muesch d Eermel glych nid uffelitze! Zletscht isch d Lämbbesitzig wichtig, wo diskutiert wird, was isch richtig. Was soll me kinftig anderscht mache und no anderi intärni Sache. Am Bummelsunndig, dängged dra, sott me au Stil und Haltig ha. Eb lessig oder schwarz mit Huet, hauptsach isch s Glyggebild wirggt guet. Durchs Band gilt Toleranz und Respäggt, nur so blyybt unseri Fasnacht pfläggt. S brucht Vorsicht, Ruggsicht und Humor, mir mache is do gar nyt vor. Wenn alli sich an d Regle halte und kaine meh uff stuur duet schalte, blyybt d Fasnacht glaubets, s isch kai Gfaasel, die scheenschti Zyt im Joor vo Basel! 13

14 Allergattigs Liebi Gliggwintsch zer Verloobig: Christine Bürgler und Benjamin Balmer Yberall = Overall Härzligi Gratulation zem runde Geburtsdaag: Lio Wyss 10 Joor Lynn Maurer 10 Joor Selina Wengi 25 Joor Jeannine Rensch 30 Joor Offiziells Pryyspfyffe Groosse Respäggt an unseri Pfyffergrubbe und an d Kathrin Tschudi, wo im Ainzel mitgmacht het! No mee Fotteli vom Schi- und au vom Deff-Wucheändi findsch uff unsere Internetsyte! Eine neue Uhr? Wir haben sie. A U G E N O P T I K U H R E N S C H M U C K Mitten in Oberwil - 7 Parkplätze vor dem Haus - Vis-à-vis Tramhaltstelle M + M Wagner AG Inhaber Reto Padrutt Hallenstrasse 2, 4104 Oberwil Tel: Fax: info@wagner-oberwil.ch

15 s Offizielle Schiiweekend 15

16 Wäär bisch aigendlig du? Namme Raphael Kohler Ych bi Dambuur Geburtsdaag Woonort Basel Bi de Rhyschnoogge syt ych siibe Joor alt bi Namme Lukas Gmür Ych bi Vordrääbler Geburtsdaag Woonort Basel

17 Raphael Kohler Wie bisch Du zu de Rhyschnoogge kho? Ych bi durch e Flyer uff d Rhyschnoogge uffmerggsam worde. Was gfallt Dir bi de Rhyschnoogge bsunders guet, worum sinn d Rhyschnoogge Dini Glygge? Mir gfallt dr Zämmehalt sehr guet, ych bi syt ych glai bi drby! An dr Fasnacht wääri gärn emoll e Waggis uffeme Waggiswaage. Was kasch Du bsunders guet? Ych bi sehr vyylsytig. Wie verdiensch Du Dini Breetli? Ych bi Schryyner im zwaite Leerjoor (vo vier). Was machsch Du in Dynere Freizyt, was sinn Dyni Hobby? Ych bi in dr Pfadi und due drummle. Welli drey Weerter beschryybe Di am Beschte? Gmietlig, vyylsytig und groos. Was wurdsch mache, wenn De ai Daag Keenig vo Basel wärsch? Luege, ass d Fasnacht nit eso frie im Joor isch! Was kunnt Dr spontan in Sinn bim Stichwoort: Vytrynli Yiebigsstunde Marschyiebig Lieblingsmarsch Fasnacht Bummel WC-Leggdire Grubbezämmekunft kalt Let s go s Töllschti im Joor Abschluss 17

18 Lukas Gmür Wie bisch Du zu de Rhyschnoogge kho? duure Namme Was gfallt Dir bi de Rhyschnoogge bsunders guet? Mi Unggle! Hesch Du moll e Ämtli kha in dr Glygge? Ych bi Dambuurmajor gsi in dr Junge Garde. An dr Fasnacht wääri gärn emoll... niechtern! Was kasch Du bsunders guet? Ych kha guet fettele. Wie verdiensch Du Dini Breetli? Ych bi Schälledramper bi dr BVB. Was machsch Du in Dynere Freizyt, was sinn Dyni Hobby? Ych due gärn fettele, raise und im Summer gangi no go bike. Welli drey Weerter beschryybe Di am Beschte? Luschdig, offe und spontan. Was stoot no uff Dinere to-do-list? Ych wurd gärn moll no ganz Amerika beraise. Was wurdsch mache, wenn De ai Daag Keenig vo Basel wärsch? Ych wurd mr e scheene Daag mache. Was kunnt Dr spontan in Sinn bim Stichwoort: Vytrynli Marschyiebig Lieblingsmarsch Fasnacht Bummel lääse Tee Washington Post Freihait Suffe

19 Fasnachtswäägwyyser Marschiebige Jungi Garde D Marschiebige sinn am 20. und 27. Jänner sowie am 3. Hornig Abmarsch isch jewyyls am 19 h bi dr Drammstation Niederholz in Rieche. Die Jungi Garde lauft denn zur Drammschlaufe Eglisee und wider zrugg zem Niederholz. D Eltere könne ihri Kinder jewyyls am 20 h bi dr Drammstation Niederholz in Rieche kho abhoole. Am 3. Hornig 2016 laufe die Junge ab em Eglisee gmainsam mit em Stamm und dr Rhyserva. Rhyserva Die separati Marschiebig findet am 20. Jänner 2016 statt. Abmarsch isch am 19 h bi dr Drammschlaufe Eglisee. Die gmainsami Marschiebig isch am 3. Hornig 2016 (d Infos gsehsch unde). Stamm Die separate Marschiebige sinn am 20. und 27. Jänner sowie am 10. Hornig Abmarsch isch jewyyls am h bi dr Drammschlaufe Eglisee. Die gmainsami Marschiebig isch am 3. Hornig 2016 (d Infos gsehsch unde). Unsere Dambuurmajor luegt vorgängig, dass mr jewyyls für e Pause au Blatz hänn im MELSA bim Niederholz. Dangge vyylmoll! Gmainsami Marschiebig 3. Hornig 2016 Dr Stamm und d Rhyserva dräffe sich an dr Drammschlaufe Eglisee und empfange die Junge uff die h. Denn laufe alli gmainsam in Richtig Niederholz. D Eltere könne ihri Kinder am 20 h bi dr Drammstation Niederholz in Rieche kho abhoole. Dr Schluss vom Stamm und dr Rhyserva isch denn wider am Eglisee. 19

20 Kopfladärnli Wär vo de Junge und vom Stamm no kei Kopfladärnli het, söll sich umgehend bim Matthias Schwab (Handynummere ) mälde. Är wird euch denn eins barat mache. Bi dr Goschdymussgoob wird euch denn s Ladärnli gege e Depot vo CHF übergäh. Bi dr Rhyserva isch dr Rico Braun (Handynummere ) für d Kopfladärnli zueständig. Achtung: Unseri LED-Lämbbli bruuche handligi 9V-Batterie! Und wenns Ladärnli kurz vor de Viere nimmi sötti funggtioniere, bietet sich dr Matthias Schwab eimoll mehr als Notfall-Lämbblidoggter aa. Viele Dangg drfür! Dambuure äxtra Weli Drummle sölli mitnäh? Nadürlig hoffe mir uff Holzdrummle-Wätter! Ass mir am Cortège und au Zobe e guets Bild abgänn und vor allem s Drummle perfäggt döönt, hänn mir für d Fasnacht die folgende Reegle: Am Morgestraich kasch sälber wähle, ob du mit Medall oder Holz duesch laufe. Nachem Morgestraich mache mir bim Zmorge ab, weli Drumle mir alli am Nomidaag bim Cortège und Zoobe derby hänn. Dr Dambuurechef wird schlussändlig d Entscheidig allne mündlig mitdaile. Für am Mittwuch gilt, dass weme nüt anders hört, mir d Holzd rummle drby hänn. Falls es doch Blääch sötti wärde, wird dr Dambuurechef per SMS kurzfrischtig alli orientiere. Lueget also bevor dr usem Huus gönd, nomoll kurz s Handy aa. Bi Frooge erreichet ihr dr Dambuurechef, Beni Balmer, ufem Handy unter Wenn dr s Drummelfäll rysst Wenn dr s Fäll sötti rysse oder dr Drummle anderwytig usenanderbricht, bietet dr Schlebach au an dr Fasnacht 2016 e Notfalldienscht aa. D Öffnigszyte sinn an allne 3 Dääg vo 8 h bis 20 h. Bim ne Ryss im Fäll während dr Fasnacht und em Bummel kasch es folgend diräggt em Dambuurechef mälde. Wenn de den dr Beleg em Kassier duesch schigge, krieggsch vo dr Clique 2/3 vo de Unköschde zruggerstattet.

21 Ladärne-Apéro und Lambbe-Yypfyffe vom Sunntig, 14. Hornig 2016 Alli Rhyschnoogge, wo am Nomidaag scho alles barat hänn, könne ab de 15 h im Kornhüüsli an dr Kornhuusgass 10 scho moll ein go schnappe. D Rhyserva het für alli Rhyschnoogge, wo Luscht hänn, bereits jetzt e baar Tisch reserviert. Wie allewyyl dräffe sich denn alli Rhyschnoogge ab de h bim Hauptyygang zer Universidääd am Petersplatz zem Ladärne Apéro. Bsunders willkomme sinn dört au unseri Passive sowie alli Verwandte, Fründe und Bekannti. Dr Apéro wird daas Joor vo dr Rhyserva organisiert beschde Dangg drfür. Bim ne feine Gleesli Wysse oder em ne kiehle Bierli kame denn unseri 3 Lambbe bestuune. Spöteschtens am 18 h stöhn alli Pfyffer yy zem Ständeli für unseri Lambbemooler: Thomas Thüring (Stamm), Niggi Friedli (Jungi Garde) und Freddy Oettli (Rhyserva). D Rhyschnoogge laufe denn zem Spaledoor, via Spalevorstadt an dr Lyss verby, yyber e Spalebuggel aabe zem Schnabel. Am h gohts wyter über die Mittleri Brugg diräggt vor unser Stammlokal em Räbhuus. Fürs Nachtässe sinn im Räbhuus Disch für unseri Clique reserviert. Es isch en Ehresach derte z ässe, wo mir s ganzi Joor derfe gratis iiebe! Und denn gohts wirgglig nimmi lang und d Vorfreyd wird fascht unerdrääglig bis es z Basel vieri schloot! Wenn und wo kasch d Rhyschnoogge an dr Fasnacht am beschte gseh? Do sinn 4 Tipps für alli Passive, Pausierende und unseri Fründe: Stand am Morgestraich am vieri in d Utegass und loss d Rhyschno ogge an dir verby laufe. Drugg dr unser Fasnachtsbläänli uss und driff uns am ne Halt wäh rend em Cortège. Oder de kunnsch Zoobe an e Halt, nimmsch ein mit uns und laufsch denn de Dambuure hindedryy. Kumm am Donnschdig am Morge an Ändstraich (am vieri) vor e Schnabel und sag mit uns dr Fasnacht 2016 gmainsam: Adie und bis bald! 21

22 s Wort vom neue Stamm-Zugchef Johrzähnte hän mir derfe uf dr Toni Kellerhals als Zugchef an dr Fasnacht zelle, leider ischs im letschte Joor s leschte mol gsi und dorum übernimm ich, dr Cyrill, jetzt das Amt. Aber kai Angscht, es bliebt aigendlich alles bim alte und es gälte wieterhin no die drei Abmachige us dr Spielsitzig: Stand pünggtlig yh. Lueg und los uff e Dambuurmajor. Dr Dambuurmajor sait ah und mir laufe los au wenn non nig alli sotte do si. Y freu mi uf die erschti Fasnacht mit euch als Zugchef Cyrill Dr Morgestraich, 15. Hornig 2016 pünggtlig am vieri!!! Am 3.15 h erwartet d Vordrabchefin ihri Vordräbler zem Stäggeladärne fasse im Atelier. Dr Räscht vo dr Glygge stoot am 3.45 h hinder dr Lambbe vom Stamm in dr Utegass, Hööchi Lindebärg, yy. Dr Dambuurmajor wird wie allewyyl dangg sinere Fungguhr eimoll mehr pünggtlig am vieri: Morgestraich, vorwärts, marsch riefe. Dr Morgestraich drummle und pfyffe mr au daas Joor 2 Moll zerscht im Stooh und laufe denn bim 2. Moll ab. Mir laufe am Morgestraich durch d Utegass, denn über die Mittleri Brugg bis zem Storche, unserem erschde Halt. Zämme mit de Junge und dr Rhyserva göhn mr denn wyter an Seibi. Vo do uss göhn die Junge ins Stadtcasino go Zmorge ässe. Ab de 6.30 h könne denn d Eltere die Junge im Stadtcasino kho abhoole. Dr Stamm und d Rhyserva gniesse denn die bsunderi Ambience none bitz und laufe zämme an Rümmeliblatz. D Rhyserva goht denn uff die 7 h in d Haseburg und dr Stamm am 7.30 h ins Stadtcasino go Zmorge ässe. Nachem Zmorge gits denn no e glatts Zyygli vom Stamm und dr Rhyserva, bis sich denn die Letschde schlussändlich no in d Riobar verirre!

23 Am Cortège isch z beachte Es isch en Ehresach, dass mir uns bi de Rhyschnoogge geegesytig dien interstütze - dorum e Bitt an alli: Am Fasnachtsmändig und mittwuch dien d Pfyffer vom Stamm au daas Joor die Junge ufem Cortège unterstütze. Wenn also öbber duet fähle bim Yystoo, eifach uffrugge und d Lugge schliesse! Am Fasnachtsmittwuch wärde wider 4 Dambuure vom Stamm d Rhyserva bim groosse Riehme vom Luftgässli (Rest. Rubino) bis zem Lälle Keenig musikalisch unterstütze. Au do bi de Dambuure, wie s letschti Joor, eifach d Lugge schliesse es isch jo denn genau ei Reihe, wo fählt. Vyyle Dangg! Dr Zischdig, 16. Hornig 2016 S traditionelle Jungi Garde- und Noomidaagszyygli Am Fasnachtszyschtig sinn vor allem unseri Junge Vordrääbler, Pfyffer und Dambuure drby. Und es gilt wie jedes Joor Charivari (d.h. e Jede zieht das Goschdym aa, wo är oder sie Luscht druff het). Yglaade sinn au alli Eltere, Frinde, Noochbere und Bikannti im Goschdym - mit oder ohni Instrumänt. Mir hoffe am Nomidaag au uff e grossi Unterstytzig vom Stamm und dr Rhyserva; dorum sinn alli Rhyschnoogge ganz härzlig yglaade, drby z syy. Achtung: Fyr das Zyschtigszyygli gits kai offizielli Zugsbegleitig. S Zyygli wird jedoch dur dr Dambuurmajor vom Stamm nach Blaan bis zem Schluss durch dr Noomidaag gfiert. Yystoo ka me ganz eifach an folgende Zyte und Ort: am 14.00h am 15.00h am 15.30h am 16.00h simer uff em Andreasblatz bym Bruune Mutz am Seibi gits am Münschderblatz 11 für Jung und Alt en Apéro laufe mir am Münschderblatz 11 gsterggt wider ab 23

24 am 17.00h am 17.30h simer vor em Gifthyttli Schluss vom Noomidaag vor em Schnabel Sälbschtverständlig dörf me jederzyt zem Zyygli drzuestoosse. Wies und wenns am Oobe wytergoot, wird kurzfrischdig bekannt gäh. Traditionelli Dräffpünggt vo de Rhyschnoogge am Zischdig: 14 h bim Andreasblatz Ab em h dräffe sich alli Zyschdigszyygli vor em Adler in dr Oggsegass im Glaibasel. Dr Abmarsch vom groosse Zuug isch wie immer am 23 h diräggt vorem Adler. Dr Morgegruess (Daagwach) d Stimmig no e ledschts Moll gniesse An dr Fasnacht und em Bummel dörfe mir 2 Moll unsere Morgegruess zelebriere: am Fasnachtsändstraich (inkl. Lambbe) und am Ändi vom Bummel. Denn gilt jewyyls nomoll vollschdi Konzentration für e wunderscheene, musikalische Abschluss. Am beschde luegsch dr Morgegruess grad nomoll aa, damit de die letschde Momänt vo dr Fasnacht und em Bummel ussgyybig kasch gniesse Donnschdig, 18. Hornig 2016 e druurige Daag, aber nach dr Fasnacht isch jo bekanntlig vor dr Fasnacht! Zem Abbaue vo de Lambbe und de Requisit drifft me sich am 16 h im Hof vom Schuelhuus Mugge am Schlüsselbärg bim Münschderblatz. Nach getaner Arbeit gömer denn alli zämme no e feins z Nacht go ässe und klinge dr Oobe gmainsam uss.

25 Faarblaan Mändig und Mittwuch Dr Mändig Zyt (h) Stamm Zyt (h) Jungi Garde Zyt (h) Rhyserva Ladärne und Requisit Besammlig bim Besammlig bim Adler im Glaibasel Stadtkäller Abmarsch Abmarsch Halt 1 Gifthyttli Halt 1 Bruune Mutz Halt 2 Tinguely Brunne Halt 2 Tinguely Brunne Halt 3 Wettschtaiplatz (Abmarsch bim Räbhuus) Halt 3 Wettschtaiplatz Nachtässe in dr Manor Halt 4 Räbhuus Nachtässe in dr Manor Gmainsame Umgang Jungi Garde und Stamm Nachtässe in dr Brauerei Geddidrungg im Räbhuus Abmarsch zem Räbhuus Abmarsch bim Räbhuus; gmainsame Umgang Jungi Garde, Stamm und Rhyserva Schluss vo de Junge bim Hotel 3 Keenig Abmarsch bim Hotel 3 Keenig Spaleburg Rio Bar Haseburg nochhär wyter noch Aasaag nochhär wyter noch Aasaag 25

26 Dr Mittwuch Zyt (h) Stamm Zyt (h) Jungi Garde Zyt (h) Rhyserva Ladärne und Requisit Besammlig hinter dr Theodorskirche (Kirchgass) Abmarsch - via Wettschtaibrugg, Rittergass, zem Rubino (Luftgässli/Bäumligass) Halt 1 Egge Luftgässli/Bäumligass Besammlig bim Rubino (Luftgässli/Bäumligass) Alli Junge sinn vo dr Rhyserva für Ebbis z dringge und e Crèmeschnitte im Glunggi-Käller yyglaade Halt 2 Halt 3 Abmarsch vo dr ganze Clique, zerscht die Junge, d Rhyserva und denn dr Stamm Globus/Lälle Keenig Pub "The Fish Inn" - Egge Clarastrooss/Clarahofwäg Halt 4 Balade Nachtässe in dr Manor Nachtässe in dr Manor Gmainsame Umgang zem Hotel 3 Keenig für e Geddidrungg Abmarsch vom Hotel 3 Keenig - Jungi und Stamm laufe gedrennt Stadtcasino Nachtässe in dr Brauerei noch Aasaag Spaleburg Schluss vom Vortrab - d Eltere hoole die Glainschde ab Breeddlibar Andreasblatz Lambbe vo de Junge abgäh im Hof vom Schuelhuus Mugge am Schlüsselbärg Gmainsame Umgang zem Schlüssel - Jungi und Stamm Schluss Jungi Garde Restaurant Schlüssel 0.30 Schlüssel - denn gmainsame Umgang vom Stamm und dr Rhyserva 1.30 Rosshof/Harmonie - denn gmainsame Umgang vom Stamm und dr Rhyserva 2.45 Haseburg Schlüssel 4.00 Ändstraich mit dr Lambbe vorem Schnabel Ändstraich vor dr Spaleburg

27 Teamwork zahlt sich aus: Viessmann Brennwerttechnik mit Solarsystemen. Wir beraten Sie gern: Viessmann (Schweiz) AG Herr Stefan Schürmannn 4127 Birsfelden Tel Kostenlose Sonnenenergie als optimale Ergänzung zum Gas-Brennwertkessel Vitodens 300-W: Brennwertkessel der Spitzenklasse Langlebiger Inox-Radial- Edelstahlwärmetauscher Energieeinsparung bis zu 35 % durch solare Warmwasserbereitung und Heizungsunterstützung Schont die fossilen Ressourcen 27

28 Marschyiebige Jungi Garde/Stamm Vogel Gryff Gmainsami Marschyiebige Lambbe-Yypfyffe FASNACHT 19./ Leggzion uffem Barfi Bummel Stamm Impressum Fasnachts-Ruggligg Stamm Bummel Jungi Garde/Rhyserva Yyschriibe Neymitgliider Jungi Garde (Atelier) Jass-Turnier Kaigel-Turnier Spiilsitzig Stamm GV Stamm ZTPF Möhlin Redaktion Anja Casanova Daniela Cereghetti Druck Kolibri Reproline, Bruderholzstrasse 40, 4053 Basel Herausgeber Rhyschnoogge, Postfach 469, 4005 Basel Poschtkonto Redaggzionsschluss fyr die näggschti Usgob:

29 29

30 Vorstand Präsidentinnen Andrea Furlano Daniela Werren Vizepräsident Benjamin Balmer Aktuarin Annina Baumann Kassier Simon Spichtin Tambourenchef Benjamin Balmer Pfeiferchefin Janine Matzenauer Vortrabchefin Sciuma Clare Tambourmajor Markus Gmür Obfrau Sujetkommision Stefanie Gloor Obfrau Junge Garde Micheline Rensch Obmann Rhyserva Rico Braun Wyteri Funggtione Materialverwalter Matthias Schwab Instruktor Tamboure Patrick Stalder Instruktorin Pfeifer Manuela Rieder-Willi Blaggeddechefine Andrea Furlano Miriam Caselle

31 RHYSCHNOOGGE- PASSIV / BEITRITTSERKLÄRUNG nur Passiv Passiv in Verbindung mit Vortrab Pfeifer Tambouren Name Vorname Strasse / Nr. PLZ / Ort Telefon Privat Geburtsdatum Telefon Geschäft Adresse Geworben durch Datum Unterschrift Passiv- Anmeldung ausschneiden, ausfüllen und dem Präsidenten (Adresse auf der Rückseite) abgeben oder schicken. RHYSCHNOOGGE- RHYSERVA PASSIV / BEITRITTSERKLÄRUNG neu Passivmitglied bin auch Aktivmitglied beim Stamm bin auch Passivmitglied beim Stamm Name Vorname Strasse / Nr. PLZ/ Ort Telefon Privat Geburtsdatum Telefon Geschäft Adresse Geworben durch Datum Unterschrift Rhyserva- Passiv- Anmeldung ausschneiden, ausfüllen und dem Präsidenten (Adresse auf der Rückseite) abgeben oder schicken. 31

32 PASSIV Bydrittsergläärig Bitte frankieren Frau Andrea Furlano Ringelhof, Petersgasse Basel Bitte frankieren Herr Rico Braun Gassenbrunnen Ramlinsburg