Woord vir die Week. Weekprogram DIE AKTUELE VRAAG OOR DIE VERBONDSKIND. Lukas 1:5-24, 57-66

Transkript

1 Weekprogram Sondag, 04 Maart DERDE LYDENSWEEK DOOP 09:00 Ds. David Botha Deuroffer: Magdalenahuis 18:00 Tienerkerk (Saal) - Ds. Karlien van Wyk 18:30 Caritasdiens - Ds. Heerden van Niekerk Maandag, 05 Maart 20:00 Mannebybelstudie (Kerk) Dinsdag, 06 Maart 09:30 Seniorbybelstudie (Saal) 09:30 Geen Vrouebybelstudie (Kapel) 17:30 Liturgiese werkgroep 18:30 Musiekbediening 19:30 Salomé-groep (Saal) Woensdag, 07 Maart 06:30 Gebed in die Kapel 09:00 Mirjambybelstudie 19:00 Gemeentebybelstudie Donderdag, 08 Maart 09:00 Vrouebybelstudie (Diasstr.) Sondag, 11 Maart VIERDE LYDENSWEEK 09:00 Ds. Heerden van Niekerk Deuroffer: Gideons 18:00 Tienerkerk (Saal) - Ds. Wouter van Velden 18:30 Stildiens - Ds. Nelis Janse van Rensburg Woord vir die Week Skriflesing: Joh. 13:1-17 Jesus was die dissipels se voete. Toe Petrus aan die beurt kom, vra hy vir Jesus: Here, gaan U my voete was? (vers 6) Petrus se vraag openbaar n misverstand in verband met die Here én sy kerk. Hy reken dat (Jesus se) heerlikheid en diensbaarheid teenoor mekaar staan; dat koningskap en knegskap mekaar uitsluit. Maar die Seun van die mens het nie gekom om gedien te word nie, maar om te dien (Mark 10:45). Sy diens bevry ons tot ware diens aan ander. Kom ons oordink die aard van die diens waartoe Jesus ons bevry. DIE AKTUELE VRAAG OOR DIE VERBONDSKIND Lukas 1:5-24, Ons weet vandag dat Johannes die Doper n besondere gawe van God aan die mensdom was. Hy was die voorloper en wegbereider van Jesus Christus, die Verlosser. As verbondskind in die geloofslinie van Abraham het hy die besnydenis ontvang net soos sy ander volksgenote. Hierdie besnydenis het so n groot indruk op die getuies gemaak dat hulle met verwondering gevra het wat hierdie kindjie eendag sou word. Dat die verbond van God met Abraham duidelik deur Johannes se besnydenis belig is, is onmiskenbaar. Die simboliek spreek duidelik. In die eerste plek was daar twee merkwaardige verbondsouers, Sagaria en Elisabet. In vers 6 beskryf Lukas hulle as albei getrou aan die wet van God en as onberispelike onderhouers van die gebooie en voorskrifte van die Here. In vers 7 deel hy mee dat hulle geen kind gehad het nie omdat Elisabet onvrugbaar was en hulle buitendien reeds op gevorderde leeftd was. Volgens vers 13 is dit duidelik dat hulle n biddende egpaar was wat net soos Abraham en Sara God om n kind gebid het (vgl. Rom. 4:18). Tweedens was daar n begenadigde verbondskind. God het die verbondsouers se gebede verhoor (verse 13-15) en aan hulle n seun met n naam en besondere gawes gegee. Die naam Johannes beklemtoon die genade van God wat die moederskoot open en sluit en kinders gawes van God maak (vgl. Ps. 128). Hierdie seun sou volgens God se belofte n bron van blydskap en vreugde vir sy ouers wees en baie mense sou bly wees oor sy geboorte (vers14). Hy sou n nasareer wees wat glad nie wyn of bier sal drink nie en reeds van sy geboorte af met die Heilige Gees vervul wees (vers 15). Derdens was daar die profetiese aankondiging van sy lewensroeping in verse Hy sou baie uit Israel laat terugkeer na die Here hulle God, deur in dieselfde gees en krag as Elia voor die Here uit te gaan om vaders en kinders met mekaar te versoen, om ongehoorsames op die regte pad terug te bring en om so vir die koms van die Here n volk voor te berei. Vir die verbondskind is daar dus n besondere opdrag. Hy moet n lewe van onverbondenheid t.o.v. welvaart, tegniek en organisasie lei. Sy ek/jy verhouding moet direk wees met God, die naaste en die skepping. En sy verbondsopdrag is die verkondiging van sondebelydenis en bekering en n waaragtige ommekeer van die ganse lewe, alles moontlik deur die bloedstortende verlossingswerk van Jesus Christus. Die besnydenis en kinderdoop verkondig beide die verlossingswerk van Christus. Daar is egter n verskil. By die besnydenis is daar profeties bloedstorting aanwesig omdat Christus nog nie gesterf het nie terwyl by die kinderdoop water dieselfde bloedstorting as die besnydenis simboliseer n bloedstorting wat nooit herhaal hoef te word nie (Hebr. 9:23-28). Die besnydenis is ook slegs aan die manlike geslag bedien, waarskynlik as gevolg die paternalisme na die sondeval (Gen. 3:16) terwyl die doop aan albei geslagte as gelykes bedien word op grond van die verdienste van Christus (Gal 3:26-29). Elke doopouer en gedoopte kind behoort die besnydenis van Johannes as die grondslag van n Godgewyde lewe te neem.

2 Ons nooi u vriendelik uit om na afloop van die erediens ʼn koppie tee of koffie saam met ons in die voorportaal te geniet. Nuwe intrekkers, ons verwelkom u by die gasvryheidstoonbank. Gasvryheidstoonbank Org en Diane Groenewald verwelkom julle Familiebediening Aandag alle Graad 1-3 s Dit is weer tyd vir julle spesiale oorslaap by die kerk. Datum: Vrydagaand, 23 Maart. Hou dié spasie dop vir verdere inligting. DOOP Izak Willem Botha, seuntjie van Andra en David Botha word vanoggend gedoop deur Ds. David Botha, sy oupa-grootjie Besoek aan "Disciples of Christ" gemeente in Khayelitsha. Volgende Sondag, 11 Maart om 10h30. Ons ry so 10h00 van die kerk af en sal so 12h30 terug wees. Belangstellendes kan vir Ds. Wouter kontak. Ons wil graag persone nooi om betrokke te raak by ons verhouding met die gemeente. Dit bestaan tans uit twee bene: Die een fokus op die jeug en hoe die jongmense van die gemeentes saam bedien kan word. Die ander been gaan oor die kweek van in-diepte verhoudings en vriendskappe tussen van die gemeentelede, met die oog op verdere projekte wat saam aangepak kan word. Prakties beteken dit tans: Die oor-en-weer bywoning van mekaar se eredienste (een 'n kwartaal) en 'n in-diepte ken mekaar sessie een Saterdag die tweede kwartaal waar ons verder sal beplan.

3 n Groei oor grense projek Die Gastehuis-Trust vir seniors Die doel is om bekostigbare huisvesting aan selfversorgende bejaarde persone te voorsien. Drie huise word gehuur vir huisvesting van inwoners. Tans 17 inwoners waarvan die meeste finansieel deur die Trust gesubsideer word. n Groep vrywilligers van Welgemoed ondersteun inwoners met: Voorsiening/uitdeel van kos, toiletware en skenkings Vervoer na kliniek/hospitaal Vervoer na haarsalon Persoonlike ondersteuning aan inwoners Onderhoud van huise Jaarlikse afsluitingsfunksie #Imagine is hier! Van 6-8 April, vir tieners en volwassenes (as groepleiers, vrywilligers en gebedsstasie helpers) Inskrywingsvorms by die Kerkkantoor en Ds. Wouter (moet asseblief nie op die Internet inskryf nie). Tente word benodig vir die tieners van Khayelitsha wat saam gaan. Ons ondersoek die moontlikheid om verantwoordelikheid vir ʼn gebedsstasie te neem. Besoek of kontak Ds Wouter vir verdere inligting of as jy iewers wil uithelp. Die dienste van n maatskaplike werker en verpleegsuster word ingekontrakteer vir gespesialiseerde ondersteuning, NGK Welgemoed is hoofborg van die Trust. Fondse word aangewend vir: Huur van huise Huursubsidie van inwoners Betaal van dienste en belasting Onderhoud en tuindienste Salaris van skoonmaker en skoonmaakmiddels Kos en toiletware Groei oor Grense - Die Trusthuiseprojek is die ideale geleentheid vir gemeentelede om prakties Welgemoed se leuse uit te leef! Wie kan betrokke raak? Individue Gesinne Kleingroepe 40 dae groepe Bybelstudie groepe Ons besoek weer Maandag, 05 Maart Tygerberg Hospitaal. Ons vertrek 10:00 vanaf die kerk. Belangstellendes kan vir Ds. Karlien of Nicola kontak. Hoe kan ons betrokke raak? Gaan kuier by n huis se inwoners Neem eetgoedjies vir inwoners en kuier saam Geestelike en emosionele ondersteuning van groep of individue Meld aan om n vrywilliger te word Help met klein onderhoudstakies Kontakpersoon: Banus Baard selnommer:

4 22 Februarie Liewe Vriende, Die Wildekus is die ideale plek om jou batterye na ʼn lang jaar te herlaai, en ons het die afgelope vakansie saam met die kinders by The Haven terdeë geniet. Nou is ons weer terug in die tuig en die jaar alweer by die derde maand. Op 6 Januarie is ʼn nuwe kerkgebou geopen op Camsholo buitepos naby Lusikisiki. Die Meth familie het die nuwe kerkie daar gebou uit dankbaarheid teenoor die Here. Hulle ouers was in die laat 1950`s van die eerste bekeerlinge van Lusikisiki gemeente. Die nege Meth kinders het in die kerk grootgeword en hul lewens is gevorm deur die Christelike geloof. Van hulle het ook hul eerste skoolopleiding ontvang in die kerkskole wat destyds ontstaan het. Hulself het ver in die lewe gekom vyf het hoog gevorder in die onderwys, twee het verpleeg, een is vandag ʼn grootkop in die polisie, en die ander het besighede. Hulle kinders en kleinkinders dien ook vandag die Here, en glo hulle, sal die Here steeds dien in die nuwe kerk na hulself nie meer daar is nie. Die Lig van die Evangelie het hulle en hul nageslagte se lewens en toekoms totaal verander. Uit dankbaarheid teenoor die Here, die kerk en die sendelinge is die pragtige kerkie gebou op Camsholo. Die ringskomitee van ons jeugvereniging het besluit om in Maart die jongmense van Sipetu gemeente te gaan besoek. Dit gaan baie swaar met hierdie afgeleë gemeente, wat al jare vakant is. Die jongmense daar is nie meer aktief in die kerk nie, en ons komitee is baie bekommerd oor hulle. Vanaf Kokstad, Rietvlei, Lusikisiki/Bambisana en Mount Ayliff wil ons jongmense na Sipetu toe gaan op Sondag 4 Maart. Vir sommige gaan dit ʼn rit van vier tot vyf ure beteken per taxi, en dan nog weer huis toe. Ek het hul gewaarsku dat hul heel moontlik al die pad gaan ry net om niemand by die kerk aan te tref nie. Dit maak nie saak nie, het hul my geantwoord. Ons gaan dan in elk geval ʼn diens hou in die leë kerk, en ernstig bid vir die jongmense van Sipetu. Miskien raak die Gees van die Here weer ʼn paar harte aan by Sipetu! Die behoefte aan voorskoolse onderrig is baie groot in die plattelandse dele van ons gemeente. Daar is baie kinders wat onder moeilike omstandighede grootword, en nie veel blootstelling het nie. Dit is egter nie so maklik om kleuterskole in afgeleë gebiede te vestig nie, soos ons ook al met ons jongste skooltjie by Aloekop ondervind het. Om ʼn geskikte perseel te vind en te voldoen aan al die vereistes van die departement, raak ʼn groot gestoei. Die opleiding van toegewyde onderwyseresse is ʼn moeisame proses. Stadig maar seker vorder die skooltjie egter by Aloekop, en dit was bemoedigend om einde verlede jaar tydens die gradeplegtigheid die vordering by die kinders waar te neem. Die ouers en gemeenskap is baie dankbaar vir die geleenthede wat die kerk vir hul kinders skep. Die vrouevereniging van Rietvlei het verlede Sondag, net soos laas jaar, op eie inisiatief ʼn spesiale diens gereël. Vroue van al 14 buiteposte van die gemeente het die diens op Rietvlei bygewoon. Tydens die diens het nog 260 vroue, wat nie meer so gereeld die kerk besoek het nie, na vore gekom en weereens hul lewens aan die Here toegewy. Bogenoemde gee mens weer nuwe moed vir die jaar wat voorlê. Dit is nou 89 jaar gelede dat die eerste sendelinge uit die NG Kerk in Transkei begin werk het. Dit is wonderlik om vandag steeds die vrug op hul arbeid te kan aanskou. En, ter wille van interessantheid: Die Metodiste Kerk het reeds in 1827 met sendingwerk in Transkei begin. Die NG Kerk het al in die tweede helfte van die 1800`s sendingwerk in Malawi, Zimbabwe en Zambië begin doen. Dit is een van die dae weer Paasfees, die grootste jaarlikse gebeurtenis in ons kerk. Dienste moet op Kokstad en ook al die vakante gemeentes gehou word. Bid asseblief vir groot seën in hierdie tyd. Baie dankie weereens vir u getroue steun. Hierdie sal ook ʼn jaar vol groot uitdagings wees, en ons het u ondersteuning en gebede baie nodig. Mag 2018 ook vir u elkeen ʼn baie geseënde en vreugdevolle jaar wees. Vriendelike groete. Christo en Delesté Wooding

5 Meelewing en Ondersteuning Groep: Marthie Jv Rensburg Ondersteuning: Ansie Barry Baie geluk aan Johan en Karin Smith met die geboorte van hulle babadogtertjie (Hillsidestraat 9, , C22). Ons dink aan Marisa Claassen, haar pa gaan in vir ʼn baie ernstige hartoperasie (Chavonnestraat 18, , C06). Meelewing Ds. Pieter Hurter, voormalig leraar van die gemeente (Mei 1979 Februarie 1982), is oorlede. Ons dink met dankbaarheid terug aan ds. en mev. (Anneke) Hurter se arbeid in die gemeente. Ds. Kobus Venter, n kollega van ds. Hurter gedurende sy bediening in Welgemoed, verwoord sy goeie herinneringe van ds. Pieter soos volg: Hy was n gemoedelike kollega met n skerp sin vir humor. Hy was besonder hulpvaardigheid met die uitvoering van take. Almal wat die gemeente se veertigjarige viering in 2011 bygewoon het, onthou nog sy treffende orrelspel by dié geleentheid. Ons innige meegevoel met Anneke en hul seuns, Johann en Karl. Die gedenkdiens vind plaas op 10 Maart om 9:30 by die Durbanville gedenkpark. Vir elke nuwe intrekker in die gemeente... dat hulle die warmte en liefde van Jesus Christus deur ons sal ervaar! Vir vandag se doop. Dat die verbond met ons Hemelse Vader vir elke kleinding n werklikheid mag word. Elkeen wat die komende week n jaar ouer word. Mag die teenwoordigheid van die Here vir elkeen n belewenis wees. Ons is saam met jou dankbaar! Ons bid vir lidmate wat gebuk gaan onder siektes, wat operasies of behandeling moet ontvang tel hulle op HERE en dra hulle dag vir dag. Vir Magdalenahuis. Here U ken elkeen van daardie inwoners se hart. Laat ons hulle ook aan Hom opdra. Ons bid vir elke kommissie in ons kerk dat U wil sal geskied. Die droogte laat ons ERNSTIG pleit! Ons bid vir vertroosting vir die naasbestaandes van Ds. Pieter Hurter, voorheen leraar van ons gemeente. Vir die gebedstydjie Woensdagoggende (6:30 7:30) in die kapel kom en ontmoet die Here. Verlede week het ons gebid tot God die Alomteenwoordige. Die week bid ons tot Hom as die Bron van Hoop. Die omstandighede in Sirië. Laat ons die komende week nie net met n lysie van versoeke na God toe kom nie, maar kom ons LOOF en PRYS HOM saam met die hele skepping, alles in die hemel en op die aarde en onder die aarde en op die see, ja, alles wat daar is het ek hoor sê Aan Hom wat op die troon sit, en aan die Lam behoort die lof en die eer, die heerlikheid en die krag, tot in alle ewigheid (Lees Open 5:1-14). Loo van Zyl se gebed Here, wat vra U van ons anders as om reg te doen en liefde te betrag en ootmoedig te wandel met U, ons God? Help U ons asseblief daartoe in Jesus Naam, Amen Gebedsversoeke: Kaartjies is in houer op die tafel in die voorportaal beskikbaar. Skryf asb. gebedsversoeke op die kaartjie neer en plaas dit in die gebedsposbus. Huisgeloof Hierdie week behandel ons les 7 in die "Real Lewe" reeks. Dit is te vind op bladsy 12 van die "Huisgeloof" boekie en ons gesels oor die rede en oorsprong van gehoorsaamheid: Is dit iets waartoe ons gedwing word, of iets wat uit 'n innerlike drang na vore kom?

6 Barmhartigheid TERUGVOERING: Ruyterwacht basaar: 125 stukke wors en 125 patties, rolletjies en koek ter waarde van altesaam R kon aan die gemeente geskenk word. NUWE PROJEKTE: Sop-en worsbroodjies: Dankie aan al die wyke wat tot op hede baie goed reageer het op ons versoek tot hulp vir hierdie projek! Wyk B07 is hierdie week aan die beurt en Wyke A04 en A16 volgende week tussen 11 Maart en 18 Maart. Laerskool Bellville: 40 leerlinge benodig drie maal per week toebroodjies of worsrolletjies. Dit is hul hoofmaal van die dag. Indien kleingroepe of Bybelstudiegroepe kans sien vir n beurt een maal per maand, kontak asseblief vir Annette Hansen by BEHOEFTES: Daagliks benodig kinders die hulp van volwassenes. Corné, n vier-jarige seuntjie is so n kind. R word benodig vir sy assessering. Kontak Suné Smit by indien u n bydrae wil maak. Every child deserves a champion - an adult who will never give up on them, who understands the power of connection and insist that they become the best that they possibly can be Rita Pierson Op Vrydagaand, 20 Julie word n heerlike bal by Eensgezind aangebied ten bate van BADISA Trio. Tema: Alice through the looking glass. Hou gerus hierdie datum oop! Vrouediens Volgende aan die beurt vir voorportaaltee op 11 Maart is Maria 4 Karin Hofmeyr, Sienie Malan, Heike Pretorius, Deniël Rademeyer, Clara Schmidt, Cobus van Zyl 5 Rea Greyling, Alet le Grange, Koos Louw, Jan van Wyk, Mieke Wiehman 6 Bertha Bastiaanse, Paul de Wet, Hester Gey van Pittius, Jacques Kruger, Antonia Louw, Elza Oberholzer, Chloë Valentine, Norinda van der Westhuizen, Karen Vergeest 7 Ria du Toit, Johan Smith, Nika van Taak 8 Noelle de Jager, Christopher Kuun, Irene le Roux, Suzanne Nell, Floris Steytler, Estelle van Tonder, Heyne von Maltitz, Pieter von Maltitz 9 Nicola Laubscher, Liezl-Mari Reid, Lorraine Viljoen 10 Wessel Dickason, Cornelia Gerber, John Kennedy, Mardine Marais, Piet Matthee, Mark van Deventer