Das Arnsteiner Marienlied, in: Waag/Schröder, Dt. Ged. 2, S

Transkript

1 1 von 10 Das Arnsteiner Marienlied, in: Waag/Schröder, Dt. Ged. 2, S Elektronischer Text hergestellt (und lemmatisiert) in der Trierer Arbeitsstelle für das Mittelhochdeutsche Wörterbuch. Export aus der MWB-Datenbank am Lemmatisierungsverfahren (A=vollständig, B=mit Stoppwortliste, C=in Auswahl nach Glossar): A Datierung: Mitte 12. Jh. Schreibsprache:? Mittelrheinischer Dialekt Textsorte: Kodierung: $+ : Gegen die Ausgabe zusammengezogene Wortformen VL 1 (19), Sp.498ff 1...alle duse werlt. 2 van der sunnen iz geit 3 ane ser und an arbeit. 4 daz kint, daz himel und erden solde erfrowen, 5 daz ce storene quam unsen ruwen, 6 an aller slahte ser iz van dir quam, 7 als iz godes kinde alleineme gezam. 8 Van der sunnen geit daz dageliet, 9 si newirdet umbe daz du dunkelere niet. 10 nog bewollen ward din megedlicher lif, 11 allein gebære du daz kint, heiligez wif. 12 Sint du daz kint gebære, 13 bit$+alle du wære 14 luter unde reine 15 van mannes gemeine. 16 swenen so daz dunket unmugelich, 17 der merke daz glas, daz dir is gelig: 18 daz sunnen liet schinet durg mittlen daz glas, 19 iz is alinc unde luter sint, als iz e des was.

2 2 von durg daz alinge glas geit iz in daz hus, 21 daz vinesternisse verdrivet iz dar uz. 22 Du bis daz alinge glas, da der durg quam 23 daz liet, daz vinesternisse der werlde benam. 24 van dir schein daz godes liet in alle die lant, 25 do van dir geboren warth unse heilant. 26 daz beluhte dich und alle cristenheit, 27 du in den ungelouven verre was verleit. 28 iz vant dich, iz liz dich bit$+alle luter, 29 alse du sunne deit daz glasevinster. 30 Juden, die ug willen ce gode keren, 31 merket daz glas: daz mag ug leren. 32 In der buoche lese wir, 33 daz Ysaias vane dir 34 alsus havet gesprochen 35 (die wort die sint belochen): 36 Uz van Jesse sal wahsen ein ruode, 37 uffe der ruoden sal wahsen ein bluome, 38 an der bluomen sal geruon der heilige geist; 39 her sal sie gesterken bit$+allen sinen crefden. 40 van ime sal sie du godes craft entfan, 41 da mide sal sie den viant erslan.' 42 meinet du ruode dig, heilig megedin, 43 bedudet du bluome din drut kindelin. 44 Oug saget uns alsus 45 du buoch, du der heizet Exodus, 46 daz Moyses, ein heilig man, 47 sag einen busch, de der bran: 48 den busch du flamme bevienc, 49 ie$+doch her niet necegienc; 50 her bran unde louvede, 51 daz fur ime nine scadede.

3 3 von Schein van deme busche daz fur, 53 daz meinede, daz vane dir 54 got hie in erden 55 erberwet solde werden. 56 gruonede daz louf in deme fure, 57 bluode der din mageduom in der geburte. 58 der busch behielt du sine sconecheit; 59 so dede din heilig lif du sine reinicheit. 60 Dines mageduomes bluome grunet ie$+nog, 61 du heizes inde bis muoder ie$+dog. 62 daz is daz wunder, daz niene gescag, 63 daz nie ore negehorde nog ouge negesag. 64 Oug becechenede dich 65 wilen de mandelen zwig, 66 de vore gode bluode. 67 daz was Aarones ruode, 68 de sament bit den blumen 69 erounede die mandelen. 70 Du porce beslozzen, 71 gode alleineme offene, 72 du Ezechieli erschein, 73 si was oug diner ceichen ein. 74 Man liset oug ander 75 vil manig wunder, 76 da mide din geburd 77 wilen vore gekundet ward. 78 Hed ich dusent munde, 79 gesagen ich niene kunde 80 envollen des wunderes, 81 daz van dir gescriven is. 82 iz nemogen alle zungen 83 gesagen nog gesingen, 84 frowe, diner eren

4 4 von nog dines loves envollen. 86 Der himelischer hof 87 singet aller dinen lof. 88 lovet dig Cherubin, 89 eret dig Seraphin, 90 allez daz herie 91 der heiliger engele, 92 die in godes andouge 93 stent von aneginne. 94 propheten und apostolen 95 und alle godes heiligen, 96 die frowent sig iemer din, 97 kunenclichez megedin. 98 Wale muozen sie dig eren: 99 du bis muoder ires heren, 100 de der himel und erden 101 van eres hiez werden, 102 de bit eineme worte 103 gescuof du werlt alle, 104 dem alle dinc sint underdan. 105 dem niet nemag widerstan, 106 dem alle craft gewichet, 107 dem niet negelichet, 108 den der eret und vortet 109 alle duse werlt. 110 Daz is mir lanc ce sagene, 111 wie her du sis ce himele; 112 iz nis oug niemanne kunt 113 ane den sæligen, die da sint. 114 Des eines bin ig van dir gewis, 115 daz, frowe, sus geret bis 116 durg die dine groze guode, 117 durg du dine otmuode, 118 durg du dine suvercheit, 119 durg du dine groze mildecheit.

5 5 von Van du ane ruofen ig dich, 121 frowe, nu gehore mig! 122 aller heiligeste wif, 123 vernim mig sundigez wif! 124 allez daz min herze 125 daz fled dir bit flize, 126 daz du mir willes genaden, 127 ce dineme sune helfen, 128 daz er durg sine guode 129 miner missedæde 130 vergezze bit alle 131 unde mir genaden wille. 132 Leider mine lidicheit 133 du hat mig dikke verleit, 134 daz ig van minen sculden 135 verworte sine hulde. 136 frowe, daz is mir engestlich; 137 her umbe so vorten ig, 138 daz er sine genaden 139 van mir sule keren. 140 Van du flien ig ce dir; 141 nu muoze daz stan ane dir, 142 wie du mir, maged milde, 143 gehelfes siner hulde. 144 hilf mir wares ruwen, 145 daz ich mine sunden 146 muoze geweinen 147 bit inneclichen trenen. 148 Hilf mir bit flize, 149 daz ig du hellewize 150 niemer inrelide, 151 dad ig oug vermide 152 hinne vord alle dinc, 153 die wider godes hulden sint.

6 6 von Unde ruoche mig gesterken 155 in allen guoden werken, 156 daz ig bege minen lif 157 alse die heilige wif, 158 die uns aller dugende 159 gegeven havent bilede: 160 unser muoder Sara du otmuodige, 161 Anna du geduldige, 162 Hester du milde, 163 Judit du wizzige 164 und andere die frowen, 165 die in godes forhten 166 hie sig so bedrageden, 167 daz sie gode wole behageden. 168 Oug na diner guode, 169 na diner otmuode 170 muz ig gescheppen minen lif, 171 des hilf mir, heiligez wif! 172 an dine hant ig begeven 173 mig und allez daz min leven; 174 dir bevelen ig alle mine not, 175 daz du mir willes sin gereit, 176 in swelechen minen noden 177 ig dich iemer ane geruofen. 178 Frowe, diner hende 179 bevolen si min ende, 180 und ruoche min gewisen 181 und mich erlosen 182 uz van der grozer not, 183 swanne so der leide dot 184 ane mir sal gescheiden 185 den lif van der selen. 186 In der grozer engeste 187 cum du mir ce troste 188 unde hilf, daz min sele 189 werde ce deile

7 7 von den lieven godes engelen, 191 niet den leiden duvelen; 192 daz sie mich dare brengen, 193 da ig muoze vinden 194 du eweliche frowede, 195 die da havent ce himile 196 die fil sælige godes kint, 197 die dar zuo irwelet sint. 198 Daz ig muoze scowen 199 den unsen lieven herren, 200 den unsen scheppære, 201 den unsen heilære, 202 der uns gescuof van niwete, 203 der uns oug gecoufte 204 bit sines sunes bluode 205 van deme ewigeme dode. 206 Wer sal mir des gehelfen, 207 wer sal mig so geluteren, 208 daz ig des wirdich muoze sin? 209 daz saltu, Jesus, herre min. 210 gif mir, herre, dinen geist, 211 wantu selbe wale weist 212 alle mine crancheit 213 und alle min unwizigheit, 214 daz ig muoze scowen 215 bit den minen ougen 216 din unverloschen liet, 217 daz newere du mir niet. 218 daz is der ewige lif, 219 daz is, daz ig armez wif 220 bit diner helfen suochen: 221 daz la mig, herre, vinden! 222 Des sie min bode ce dir 223 dines selves muoder. 224 o wie sælig bin ich dan, 225 of sie mig willet fore$+stan!

8 8 von Maria, godes druden, 227 Maria, trost der armen, 228 Maria, stella maris, 229 zuofluht des sundæris, 230 porce des himeles, 231 burne des paradises, 232 dan uns du genade uz gefloz, 233 du uns ellenden entsloz 234 daz unse rehte vaterlant: 235 nu gif uns, frowe, dine hant. 236 Wise uns uz gehelfen 237 van dere grozer dufenen: 238 daz is des duveles gewalt, 239 dar uns in hat gevalt 240 Eva, unse muoder. 241 nu flie wir alle zu dir. 242 Wir weinen unde suften 243 ce dinen lieven vuozen; 244 la du dich irbarmen 245 die not, die wir armen 246 in dirre dale helden 247 manege wis verdulden. 248 Stella maris bistu genant 249 na deme sterren, der an daz lant 250 daz muode schif geleidet, 251 dar iz ce rasten beidet. 252 geled uns an Jesum, 253 dinen vil guoden sun; 254 der sal uns alle genade duon, 255 in ime sole wir geruon. 256 der sal uns erledigen 257 van allen unsen noden, 258 uz allen diefen sunden: 259 daz sint des meres unden, 260 da wir leider inne sin.

9 9 von nu hilf uns,... megedin! 262 Hilf dinen armen luden, 263 die dig van allen landen 264 widene ane ruofent 265 unde des an dir gesuochent! 266 kere daz din ouge 267 ce dinen diernen, frowe, 268 gehiden unde megeden 269 und allen guoden widewen, 270 die sich ce dir kerent, 271 die dinen... erent, 272 die dir bit vorhten dienent, 273 die dig bit hercen minnent. 274 Nu muoze dine mildicheit 275 bedenken unse brodicheit. 276 al unse not du is dir kunt, 277 da mide wir armen alle begriffen sin. 279 nu hilf uns,... megedin. 280 Ich bevelen dinen hulden 281 die mine sunderholden, 282 die mir sint alse lief 283 alse min selves lif. 284 daz du unsen herren 285 gewerdes des gewillen, 286 daz er sie behuode naht unde dach 287 van aller slahten ubele, daz in gewerren mach, 288 daz er in geven wille 289 die sine lieven hulde 290 unde ce lezzes uns gesamene 291 in deme ewigeme levene. 292 Maria, milde kuningin, 293 nu muozestu gelovet sin 294 der diner otmuote 295 und aller diner guode!

10 10 von dar umbe dig Crist genam 297 ce muoder, als iz wale gezam, 298 daz den aller bezzesten man, 299 der ie in duse werlt quam, 300 daz bezzeste wif gebære, 301 du in wives kunne wære. 302 Nu muozestu gelovet sin, 303 Maria, unse vogedin, 304 trost der cristenheide, 305 schilt der unser brodecheide. 306 Maria, gratia plena, 307 du bis vol aller gnaden, 308 des heiligen geistes ercornez vaz, 309 daz er ce disen eren sunderliche erlas 310 uz van allen wifen, 311 die der ie geboren wurden. 312 Milde Maria, 313 genædige Maria, 314 suoze Maria, 315 dinen lof muozen singen 316 aller slahte zungen 317 und alle du gescheffede, 318 du der is in erden of in himele. 319 din lof is alse suoze, 320 der gefrowet al min herce; 321 he getrostet mig, 322 he gesterket mich, 323 din lof der is eweclih, gelich dem brunnen, der iemer fluzet, 325 gelich deme krude, daz iemer gruonet. 326 Benedictus fructus ventris tui, 327 gelovet unse here si