Oileitung. Prost ihr Leit, ich merk es is eich net entgange, die Kerb hot widder ogefange. Amo im Johr muss des soi, es is jo ah gesund,

Größe: px

Ab Seite anzeigen:

Download "Oileitung. Prost ihr Leit, ich merk es is eich net entgange, die Kerb hot widder ogefange. Amo im Johr muss des soi, es is jo ah gesund,"

Heinz Meyer
vor 5 Jahren
Abrufe

2 Oileitung Prost ihr Leit, ich merk es is eich net entgange, die Kerb hot widder ogefange. Amo im Johr muss des soi, es is jo ah gesund, zum Trinke ham mer jetzt wenigschdens widder en Grund. Ah dies Johr ham mer widder recherchiert, was vun de Bockremerstroß bis in de Bachstade bassiert. Wir ermittelten wie Harry und Derek, heit Obend kriet jeder sei Fett weg. Aber mer kanns net fasse, oner hot sich dies Johr werklich benumme Un mer ham wahrhaftich nix Peinliches übern gefunne. Seit Johre schmückter eigentlich unser Redd, vielleicht kummter langsam zur Vernunft, mer woses net. Eine Frage stellt sich uns also bloß, Hans Jürgen Was war los? Sowas gibt zu denke, also ham mer seniert De Jan hot letschd Johr sein eigene Kerwespruch kreiert. 1

3 Den kann mer nix hóse! Mir in de Kerwejugend hän so unser Bräuche un Sitte. Wenn ihr jetzt denken es geht ums Saufe, treffen ner genau in die Mitte. Dies ist wohl unsre größte Tugend, drum steht stets der Kerwespruch im Fokus unsrer Jugend. Oner vun uns hot des direkt erkannt, en gestannene Mann Ihr werns vielleicht net glabe ich red vun unserm Jan. De Kerwespruch is so lang, des hotter direkt kapiert Un hotten ufs Wesentliche runnereduziert. Also ich hoff ihr wern eich jetzt net dro stere, ihr krien den misratene Spruch nommo se here. Des war jo ganz schee aber nemmens uns net krumm, dies Johr gucke mer uns libber nom e anner Krischer um. Un das ihr den jetzt ah mo lernen, un es Litkies ihn diesmo hoffentlich kennen, hält die Kerwejugend eich dies Johr permanent fit, also gröhln doch jetzt alle mo lautstark mit! 2

4 Dieterix Heinz & seine Hinkelsteine Zur Verschönerung des Ortes wurde schon vieles getan, Bushäusje un Bürgerhaus war nur der Anfang, den wir sahn. Eine Steigerung hat wohl niemand erwartet, aber unsre Freie Wähler sin widder durchgestartet. Wochelang hännse sich besproche Un täglich in meetings die Kepp zerbroche. Un ons kann ich eich verspreche, es is groß, ne des langt net es is genial, ofach famos! Isses e Kurbad, vielleicht en Bahnhof oder en Flughafe? Nó! Ei viel besser es sin zwo riesische Stó! In Beton gebettet stehn sie nun dort, schmücken die Ausfahrte vun unserm Ort. Wenn ich se seh wird mers ums Herz ganz warm, hässlich wie die Nacht, aber en rustikale Charme. Ich mon mer ham viel bezahlt fer die kostbare Ware, aber jetzt ham mer ah zwo besonders schöne Exemplare. Also ich hab jo en fable fer so rustikale Sache, aber so en schöne zu ergattern tut nur selten gelinge, vielleicht kennt de Dieterix mir jo oner bringe, er tät sich nemmlich verdammt gut in deim Wohnzimmer mache. 3

5 Ich kennt noch e Wasser Der Name Mike Dinger ist allseits geläufig, ob mer will oder net, de Mike sieht mer häufig. Wenn mer Feschde hän in Wachrem, kannsche druff wette, unsern Mike geht an dem Dah spät zu Bette. Denn ah er gehert zum harte Kern, bis zum Schluss zu bleibe des hotter gern. Ah ledschd Johr an de Kerb konnt mer des widder sehe, de Dinger wollt ofach net Hom gehe. Nadirlich wurd er als voller, sei Portmonee leer, besser wärs gewes wanner Hom gang wär. Ihr kennt des jo bestimmt no so ner Zeit am Woistand, ob mer will oder net kriet mer do langsam en Brand. Ich brauch jetzt e Wasser, mehr hotter net im Sinn, doch bis uff e paar Knepp hotter nix in seim Portmonee drin. Er is jo kreativ un ihm fällt immer was oi, also ziehter die Blumme aus de Vas un kippt sich es koschdelos Wasser noi. Do saht jo koner was, ich mon des kann jo mo bassiere, aber was mer eich jetzt verzähln des wird eich intressiere. Denn froht mer die Pia, em Mike sei Fraa, kriet mer se here dasses net es erschte mo war. De Mike hotten Tick in späte Stunne, trinkter halt gern es Wasser vun Blumme. Aber Mike heit net, tu uns den Gefalle, unser Blumme missen noch bis Mondah Obned halle. 4

6 Pizza Tutti Kaputto Wenn die Wachremer mo de Hunger quält, werd glei die Nummer vum Taormina gewählt. Fer Pizza, Pasta oder en Woi geh de Brand, do fer sinnse ibber die Grenze vun Harschem bekannt. Ah mir vun de Kerwejugend sin gude Kunne, un hatten uns Kerwesamschdahs zum Pizzaesse oigefunne. Die Pizza war gut, de Hauswoi war Dreck, eh mer uns versahn war de Pizzamann widder weg. Er macht sich auf zurück in die Zentrale, die Reife quietschen, er drückt durch die Pedale. Ufm halbe Weg hotter vor sich en Trecker, en alde Bekannde, unsern Hans-Jürgen den alde Querulande. De Pizzamann hots eilisch un wird schun ganz kirre, de Hansi aber tuckert wieder un losst sich net beirre. So fährter zum Meinke um e paar Bänk zu hole, wie er widder Retour fährt, hautsen aus de Sohle. Im Acker leiht e Audo mehrfach ibberschlah, uff de Heckscheib steht Taormina, mehr brauch ich ned sah. Sei italienisches Temperament wurdem zum Verhängnis, er musst aber weder ins Krankehaus noch ins Gefängnis. Un Sunndahs hatte mer schun widder Luscht uf Pizza un hän uns gedenkt, hätt der Depp sei Audo mo ned in de Grabe gelenkt. 5

7 Besser schlecht gefahr wie gut geloff Die Volksfeschde in Wachrem sin allseits beliebt, ganz besonders sin mer froh dasses unser Knutfeschd gibt. Sunsch hätte mer zwische Weihnachtsmarkt un heit, zum Saufe ko Gelegenheit. Ah unsern Protzel denkt sich Sergia, loss mer die Ruh Un zieht sich ufm Knutfeschd als die Kutt zu. Mit Gliewoi, Brotworscht un Punsch aus Eier amüsiert sich die Gesellschaft ins Hofmans ährer Scheier. Un der harte Kern bleibt un trinkt, bis ibber Wachrem die Sunn versinkt. Die Tasse wern leerer, de Protzel als voller, besser ich geh hom ich wer jo als doller. Er saht noch schnell tschüss un stolpert glei fort, Richtung Diehlgartestroß runner ins Ort. Er laaft also raus, sieht sei Audo dort stehe, ibberleht korz: Soll ich werklich Ach des wird schun gehe. Korz druff denkt es Knappe ihrn Schnapsi: Ich mach ah mo de Riss, besser schnell hom sunsch macht die Ald noch geschiss Er laaft aus de Hall, bieht in de Feldweg oi, guckt runner ins Dorf un denkt des kann doch ned soi. E Audo liggt im Grabe, de Motor kreischt laut, Sah mo, hot der Pizzamann schun widder en Ufall gebaut? Ne diesmo wars de Protzel er fuhr nur zwo Meter, 6

8 halb im Grabe halb uf de Brick stehter. De Schnapsi ruft die annere un all warnse froh, als se de Protzel un sei Audo hän ausm Grabe gezoh. Doch eh mer sich versieht un ich kanns selbsch kaum fasse, steihter widder ins Audo oi, er kanns net lasse. Er saht nur noch Ich wohn doch glei do unne Protzel sei mer ehrlich, du hättsch dei Haus es Lebdah nemmer gfunne. Doch sie konnten ihn beruhige, es is jo eigentlich en brave, er hot sich dann doch entschiede, hom se laafe. Mir vun de Kerwejugend legen dir nur nah, es wird nur noch nüchtern Audo gefahr! 7

9 Der fliegende Hirsch Letzschd Johr an de Kerb is so einisches bassiert, doch o Malheur hot uns besonders fasziniert. In Wachrem gibt s e Grupp, die is allseits bekannt, sie wird Die fliegenden Hirsche genannt. Eine Rige von Koriphäe, sie werden meist im Zollhaus gesehe. Des o oder annere Weize tun se dort kaafe, wenn se rauskummen, kennen se als kaum noch grad laafe. Ufm Umzuch war des net nedisch, sie hatten jo e Roll, Nadirlich warnse trotzdem all hacke voll. Un als de Umzuch dann irgendwann war rum, drehten die Jungs mit de Roll Richtung Brubachers Scheier um. Die Miehlbrunnestroß fahrnse e nuff, die ganz Mannschaft als noch hinne druff. Doch uf amo muss de Trecker stoppe, des tut de Stimmung kon Abbruch,sie hän jo genuch Schoppe. Nebebei sollt mer vielleicht erwähne, de Thommi Keth tut sich grad hinne in sei Stühlche lehne. Es gibt en Ruck, de Trecker fährt o am Hang, em Thomi hinne uf de Roll werds ganz bang. Uf amo machter en Salto rückwärts, Note 9.8, des hätt en Spitzeturner net besser gemacht. Zum Glück issem dobei nix bassiert, 8

10 im Gehteil, zum Präsident der Hirsche wurder nominiert. Wen hätts gewundert Thomi das du jetzt de Präsident bist, weil noch kein Hirsch vor dir so schön geflogen ist. 9

11 Schluss So ihr Leit, des wars mer machen jetzt Schluss, es is zwar schad, aber was muss des muss. Ich hoff mer konnten eich die Zeit vertreibe, es Beschde is rum, aber ihr kenn jo trotzdem noch bleibe. Mer wolln eich net wieder zum Zuhere zwinge, drum lasse mer noch einmal de Kerwespruch erklinge. Mer gehen jetzt zum Woistand, do ibber die Trebbe, vielleicht will oner vun eich de Kerwejugend was ausgebbe. Aller bis glei, mer sin so weit dorsch Es grießen eich die Kerweborsch. (Moritz Müller und Tobias Hess) Die Wachremer Kerwejugend bedankt sich bei allen Helfern, Sponsoren und natürlich auch bei den zahlreichen Gästen! Alexandra Hofmann Andrea Lösch Christof Wegerle Dave Dierdorf Dennis Cretti Ellen Weber Florian Berger Friedericke Schendel Gunda Bornschein Helen Emig Jacqueline Kaege Jan Litkie Julius Finck Manuel Hess Marcel Borger Marina Heinz Martin Dangmann Matteo Stabel Michael Rissel Mona Emig Moritz Müller Natascha Schmidt Nils Litkie Sandra Gießen Simone Gießen Tobias Hess 10

Ähnliche Dokumente

Fröhlich wird gefeiert oder korz- FWG

Fröhlich wird gefeiert oder korz- FWG Oileitung G nobend ihr Leit, was bin ich so froh, e Johr is rum, mer sin widder do. Mer ham am Puls der Zeit gehange Un ko Geschicht is uns entgange. Mer ham unser Spitzel iwwerall, egal was ner machen