Es gilt das gesprochene Wort!

Transkript

1 1 Es gilt das gesprochene Wort! Die Rede ist in Sprechkölsch abgefasst und entspricht in der Orthographie nicht den Regeln Prof. Wredes bzw. der Akademie för uns kölsche Sproch. Rede des Oberbürgermeisters Fritz Schramma für die Proklamation des Dreigestirns 2003 am 11. Januar 2003,19 Uhr Hommage an mie Neppes Mir kom vör kootem ens en Idee, als ich vun 50 Johr Tagesschau los; e half Jahrhundert weede mehr schon teleinformeet un gebildet, ungerhale och bloß. Do dach ich, wat hätten die uns jesät; wenn et domols schon ene lokale Sender us Neppes un Kölle jejevve hätt, Nohrichte für die Ahle un für Kinder. Drom jeiht an mie Neppes virtuell ming Hommage, wo ich doch och wie die 3 jebore bin; die zweite Halbzeit vun dä orange Bagage die loß mer uns jetz ens jemeinsam ansinn. Die Frog, die sich bei dem Röckblick stellt, is vielleich rhetorisch - för de Medienwelt: Wör dat all nit jewäs en Meldung wäät; Schade deiht ne Blick zoröck jewiß nit, zomol wammer us dem, wat all es passeet för de Kinder, de Zukunft e Stöckelche liert. 50 Johr is et her, vür de neu Glotze ich soß, dä eeschte Scholldag en Neppes wor jelaufe 50 Penning enjeworfe, für 1 Std. Irene Koss Kinderfunk op Rate, denn en Äujelskess ze kaufe wor domols kei Jeld do un et Steinjaß Terzett wor beim Jubiläum der Närrischen Bürgerwehr wie och Karl Berbuer jenau esu nett, opzotredde för nix oder wenig Salär. Dann die WM un dat Wunder vun Bern sorgten für Aufschwung un Selbstbewußtsin, alle Fernseher rasch verjriffe, vun noh un vun fän strömten Fußballfans och zum Eigelstein hin: Met Vatter un hundert andere Männer luurten ich Rahn s Tor mer sind widder wer! jubelten als Weltmeister un Fußballkenner em Winghus Vogel: hundertein Zimmermänner.

2 2 E nett Mädche us Neppes wod 1 Johr drop en d r Hitlist der Schöne vun Erfolg jekrönt: Margit Nünke wod jekürt als Miss Jermany top! vürher schon im Kaiserhoff als Miss Kölle verwöhnt. Später als Miss Europa se dann Filme driht met Albers, Birgel un Bertelsmann s Fred, als Winkler sing Halla nom Gold-Sieg ritt he nom Kreeg de 1. Dienstagszoch jeht. En Ruine un Trümmer spillte mir Pänz Abenteuer, de Russe em All mem Sputnik, de Amis Explorer. Do wore uns de Petticoats noch nit janz jeheuer. Ävver en Neppes weed Prinz Dietmar jebore! En d r Klinik jitt et jleich e Fastelovends-Ständche de Schwester danz mem Chefarzt Rock n Roll om Karnevalsdienstag jon ald huh Diddis Hängkche, als de Hevamm Hula-Hoop wibbelt raderdoll. Engk de Fuffziger erblüht he d r Wohnungsbau Heinz Köpcke erscheint om Bildschirm schwatz-wieß, vun Heinrich un Kunigunde kütt nix en d r Tagesschau, obwohl deren 1. Sprecher täglich Meldunge lies. Wör dat all nit jewäs en Sendung wäät, De wilde Sixties jeven sich revolutionär se rüme un se klären op, se haue drop op Konventione, Traditione, - anti-autoritär. Sujar de Marktfraue mache jetz de Karneval op, om Wilhelmsplatz an Wieverfastnacht. Ob et Zofall es, dat em Viktoria läuf ne Kino-Farbfilm om halver acht Jefährdete Mädcher un zugleich weed jedäuf uns Jungfrau Mareike als Markus jebore, dat is jedenfalls keinesfalls jeloge. In Neppes de Lück Armin Hary fiere, dä in Rom hölt Jold als schnellste Mann, in Berlin don se en Muur zementiere, dat sich keiner mieh frei bewäge kann. De Postleitzahle un eeschte Türke kumme, se wonne in Köln 60 und wirke bei Ford. Dä Jugendchor St. Rochus hät jrad he jesunge, wohin ich dann trok, vun St. Marien fott.

3 3 Us dä Närrische wod die Nippeser Wehr närrisch un bürgerlich se jeblieve sin. Als Kleopatra vun Neppes glänz et Trude Herr bevür Kölle besök weed vun Englands Queen. Bei dä Sturmflut en Hamburg tritt op ene Mann, da später Bundeskanzler weede kann. 40 Jahr später passeet fast datselbe, met andere Name, nun an der Ost-Elbe. Wör dat all nit jewäs paar Bilder wäät, wammer domols ald Neppes TV jehatt hät? Eins hat die Nation schon lange jeraff do brochs och beim Fernsehen en Alternative jefällt dir die Sendung nit, schaltste nur aff, oder, do kriegs ZDF, kanns de blieve. Of do nun met dem Zweite besser siehs? of Beat-Club, Flipper, of Käptän-Blaubär? Doch sovill ich us der Politik jo jod wieß: Se all unger ene Hot bränge, dat es schwer! Jetzt kunnt mer wähle zweschen 2 Sender Bonanza, Beatles oder Spiegel der Länder. Dat Minsche später kriege bei 30 Kanäl Krach hätten weder Sebus noch Eilemann je ens jedach. Zick 63 kütt de Bundesliga frei Hus se jetz schon uns 4 Johrzehnte bejlöck 66 wirf uns dat Wembley-Tor erus der russische Schiri, dä maht uns verröck wesst Ihr noch England? naklor! dat 3. Tor, dat jar keins wor. Dann spielte der FC jäge Nippes 12 sing Match mit ner anderen Elf als die, die 48 d r eeschte Jegner wor un trotz 18 Treffer jov et kein Wembley Tor. Als dann 67 noch die Färv dozokom, wood Color TV zum Pantoffelkino. Fernsehen dem Veedels-Kino et Levve nohm et letzte Neppeser, die Filmburg mäht zo. Do wo mer fröher als Pänz jinge hin für 5 Jrosche in de Sundachs-Matinee trok nun en Supermarkt-Kette en. Vill los em Konsumtempel sundachs nie. Dann fiert der Männerchor 100 Johr un sich, janz Neppes, festlich, he em Jürzenich.

4 4 Neil Armstrong setzt als eeschte Minsch ne Foß op d r Mond un säht: Ne jroße Schritt für die Minschheit, doch ich freu mich bloß dat koot nohm Honeymoon, bejinnt et Levve zu dritt. Wat sulle mer op andere Planete jonn, wammer he dä Himmel op Ääd kann han? Wor dat all nit jewäs e Berichtche wäät, Die 70jer ordneten Neppes janz neu: U-Bahn-Bau un en Einkaufszentrale, Krawalle, Demos, och en Schlägerei, zwesche zwei Extreme jov et Randale En unserem Veedel de Bläck Föös sunge wullte erhalde, wat nit zo halde wor. Protest överall jäge manche Änderunge, die nüdig wore noh all dä Johr. Doch ein Reform, die 75 dann kom, de Gemeinde schuf 9 Stadtbezirke vum 13. Stock em Lego-Turm däht em SB 5 de Verwaltung nun wirke. Wammer su n huh Position als Highlight sieht, litt bald en zweite Attraktion nit fähn: Et Appelsine-Corps 75 Johr jung weed - De Bürgerwehr stellt et eeschte Dreijestirn. Da Prinz mäht de Haie-Chef, Landens Heinz, Hans Mirbach wor ne echte kölsche Buur, Heinz-Josef, dä wor sich met de andere eins: Jungverdorben hieß domols die Jungfrau nur. Dat Trifolium begegnete in dä Session vill andere Jesellschafte un Vereine die fierten och ihr Jubiläum schon die Große Mülheimer war davon eine. Ävver och da Festausschuß om Ihrefeld, die große KG der Sülz-Klettenberger, die TG met Ehemalige us aller Welt, allen jratuleeten die 3 vun der Bürgerwehr. Wör dat all nit jewäs paar Szene wäät, Alternaiv dann och widder die 80jer Johre met vill rude Kappes of jrön Jemös, autonome Fahrradläde un Vollkorn-Schrot wore, waffenfrei Bio Schuppe un ander Jedöns.

5 5 Anwohnerparke, ävver nit ungerm Maat, vill Schikane für da beruhigte Verkehr. Us Neppes wood langsam Alt-Hubbelrath. Ein Lichtblick: da Fackelzoch der Bürgerwehr. Em Fernsehen wuchsen die Dritten dozo se hatten vorwiejend nen Bildungsauftrag, un dann die Private noh un noh, für Soaps un Serien, Musik jeden Dag. Hück hammer Big Brother von morjens bis ovend Fun, Talk-Shows, Quiz un Container hin un widder och jet vill Fastelovend, ich froge mich ernstlich: Wullt dat su einer? In Berlin de Muur fiel Jott sei jedank se all zo uns en de Freiheit kome, en Neppes bald de eeschte Trabbi stank, manch ener jän e voll Näsche sich nohm vun dem hellblaue Qualm us da Tätarätä. Jrad hatten die Ossis ihr Vopos överwunde, ihr Minefelder un Sperre endlich ade! drihten se jetzt över uns Stroßeschwelle paar Runde. Wör dat all nit jewäs en Nachricht wät, Jetzt jeiht et in Neppes Schlag op Schlag die Äujelskeß hätt uns jezeigt, wat los wor, wenn och nit wie die Schau von jedem Dag dofür die Top-News us de letzte 10 Johr. Als et 2. Trifolium vör 11 Johr avjenick weed, jov et öm 3 Uhr naaks ene decke Knall En Beben rüddelt och en Neppes de Äd: Et Bürgerwehr-Dreigestirn gefällt och em All. Als Wicky domols singend dräumpte Einmol Prinz zo sin und et wirklich wor, Jungfrau Artura titschend de Sääl avräumte met Buur Karl e super Dreigestirn nit wohr? Neppes neu Postleitzahl hieß och en neu Frog is ja nit su doof: Es de Bürgerwehr nit doch älter als 1903? Denn bei dä Sanierung om Alteberger Hof fung mer et Festkomitee verliert schon de Färv die Reste vun ner römischen Villa N.B. (Punkt) op ner terra-orangiata Scherv. bedück dat en Römer-Wehr of us Neppes en Billa?

6 6 Bauer Manfred weed Appelsine-Senator. Ähzebär scheck us Neppes dä Jeisterzoch, von he dringe Liebesjröß nom Millowitsch vör De eeschte Marathonläufer han 11 km noch. Vum Neppes us dä janze Bürgerwehr-Knubbel läuf en New York met de Steubenparade Ne blaue Clown kläut uns ner Kneipe dä Nubbel zom neue Rothus stich der OB de Spate. Schumi jewinnt erstmalig de Formel eins un bliev met Ferrari bes hück an d r Spetz. Us England droht BSE he wolle mer keins Dä Berliner Reichsdag em Christo-Silver bletz. Ne opjeblosene Sex-Skandal em Weißen Haus, es noch immer jod jejange, lachten dä Bill över Insider-Tips stolpert he Kandidat Klaus, dann schwazze Kasse un Spende zovill. Eets rud, dann schwazz, dann widder rud met Jeldwäsch-Praxis un Korruptomanie muß endlich Schluß sin, dat es nit jod für Politik, Vertrauen un Demokratie! Wör dat all nit jewäs en Filmche wäät, Mer fiert Jubiläen en Stadt un Land 111 Johr is Köln-Nippes nun och schon jeck, dat Millenium ußer Rand un Band dä Brunne om Schillplatz, ne herrliche Fleck! Noh 40 Johr sin ich mieh Jebootshus widder, dat ich als Teenager met 14 verloße han, de Baudristroß 4, als OB kom ich widder: en en ander Veedel, manches ich erinnere kann. Neppes em Wandel, do kennst et fast nit mieh, met bunte Kulture un manchmal jet hektisch, nette Kneipe, Cafés, jod Jastronomie, international Veedel met Flair, sympathisch. Em Golde Kappes kehr ich noch ein, wo ich einst för Vatter ne Krug Kölsch jeholt, drink hück selver e Glas und dobei weed e Bild us d r Kindheit op d r Deckel jemolt. Ich bezahle met DM wie et sich jehürt bald weed die neu Währung enjeführt.

7 7 Dann DM raus un Euro rein, wor des Jahreswechsels Thema gewäse, zwittrig wie Ginkgo wor 2002 von vüre wie hinge glich zo lese. Sowie die Blüte vom Ginkgo-Baum jlatt weiblich und männlich in einem sind su verzählt ich von Goethes Wunder-Blatt beim Nickovend üch doch janz jeschwind. Wore mer em Johr zuvor an der Ahr mer uns diesmol heimlich am Bosporus trofe, noh jod 2 Stund Vortrag sagte ich Ja, dat Trifolium wor fast enjeschlofe. Dann ävver hatten alle noch ihre Spaß Da Prinz, dä Buur, die Jungfrau un ich, beim Nickovend en d r Wiggejass Et Festkomitee broht Sekt op d r Desch. Jetz hammer schon widder e Jahr vorbei 90. Jebootsdag fiert de Goldene Kappes 100 Jahr weed de Bürgerwehr 2003 un mer fiere dat Dreigesteen us Neppes, met Manfred Wolff als Präsident, an d r Spetz noch dozo 40 Mann erfahren, witzig un kompetent mer sich op en dolle Session freue kann. Die ahl Easy Riders sin nun Orange Angels, brohten die drei noh d r Hofburg hin. Wat meinen Sie, Herr Präsident Engels? Die Serie kammer bald he em Fernsehn sin! Nun luurt üch an die 3 staatse Junge us dä joldige Neppeser Bürgerwehr, es dem Herjott wahrlich jod jelunge esu e Top-Dreigestirn. Kölle wat willst do mehr? Wör dat all nit hück ens en Meldung wäät ävver ich denk, dat d r WDR dat schon määt. Dreimol Kölle Alaaf!