Ech léieren sangen, Noute liesen an een Instrument spillen an der Musekschoul

Transkript

1 an Zesummenaarbecht mat de Musekschoule vun Déifferdeng a Péiteng, ewéi och der Gemeng Dippech Ech léieren sangen, Noute liesen an een Instrument spillen an der Musekschoul Dësen Depliant ass an Zesummenaarbecht mat der Iechternacher Musekschoul entstanen

2 D Famill vun den Holzblosinstrumenter Den Hautbois (die Oboe le hautbois) Den urale Virgänger vum Hautbois ass d Schalmei (eng Hiirdeflütt). Den Toun as héich (dofir den Numm hautbois ) a gläicht och e bëssen deem vun der Hiirdeflütt. D Mondstéck ass en duebelt Réierchen aus Bambusholz. Hautdesdaags fannen mer den Hautbois haaptsächlech am Symphonieorchester. (branche enseignée uniquement à l Ecole de Musique de Pétange) D Querflütt (die Querflöte la flûte traversière) D Querflütt war fréier aus Holz gebaut an obwuel si haut aus Metall as gehéiert si zu den Holzblosinstrumenter. Am 9. Jorhonnert gouffen et scho Flütten a China an och bei den Etrusker an Italien. D Querflütt déi mer haut kennen ass Mëtt 19. Jorhonnert vum Theobald Böhm entwéckelt gin. D Querflütt fannen mer am Symphonieorchester, Blosorchester an och an méi klengen Formatiounen an als Soloinstrument. De Fagott (das Fagott - le basson) Well de Fagott (och Fuerzbengel genannt) dat längsten Holzblosinstrument ass, klengt en och am Déifsten. De Fagott gëtt man engem Mondstéck mat duebelem Blietche gespillt. (branche enseignée uniquement à l Ecole de Musique Gemeng Käerjeng)

3 D Klarinett (die Klarinette la clarinette) D Klarinett huet hiren Ursprong am Altertum (Ägypten) an as am Mëttelalter an an der Barockzäit weider entwéckelt ginn. Mir kennen haut d Klarinett, déi vum Böhm perfektionéiert ginn ass. D Klarinett huet e Mondstéck aus Holz, wéi e Schniewel (bec). Um Mondstéck ass e Blietchen aus feinem Bambusholz. Mir f a n n e n d K l a r i n e t t a m S y m p h o n i e o r c h e s t e r a n o c h a m Blosorchester. De Saxophon (das Saxophon le saxophone) De Saxophon huet en ähnlecht Mondstéck aus Holz mat engem Blietchen wéi d Klarinett. Duerfir gehéiert hien och zu den Holzblosinstrumenter, obwuel en aus Metall gebaut as. De Saxophon gouf 1841 vum belge Adolphe Sax erfonnt an deen 1. Saxophon ass 1842 vun him gebaut ginn. De Saxophon gëtt et an 4 verschiddene Gréissten: de Sopran, den Alt, den Tenor an de Bariton. De Saxophon Sopranino (ganz kleng) an den Saxophon Bass (ganz grouss) si manner heefeg. De Saxophon ass een Soloinstrument an mir fannen en och an verschidden Formatiounen erëm, vum Duo bis zum Blosorchester. Ganz populär ass och den Saxophon 4tet. Den Saxophon gëtt och vill an der Jazz Musek gespillt.

4 D Famill vun den Blechblosinstrumenter D Trompett (die Trompete la trompette) D Trompett huet hiren Ursprong an der Antike a war am Mëttelalter e ganz beléift Instrument um Haff bei den Kinneken. D Trompett huet 3 Ventilen, mat deenen een all Téin spille kann. Si huet en hellen a feierleche Klang a get an der Klassik an och am Jazz gebraucht. D Trompett get als Soloinstrument, am Symphonieorchester, am Blosorchester an och an der Kammermusek gespillt. Den Cornet (das Kornett le cornet à pistons) Den Numm kennt aus dem franséischen Cornet à Pistons an deen éischten Cornet ass am Joer 1828 gebaut ginn. Den Cornet fënnt een haut haaptsächlech an Brass Bands an en huet och eng ganz wichteg Roll gespillt an der aaaler Jazzmusek. Den berühmten Jazzmuseker Louis Armstrong huet och Cornet gespillt ënner anerem. Populär ass den Cornet och als Schoulinstrument fir Trompetteschüler well den Toun méi liicht usprécht wie bei der Trompette an en ass och méi liicht ze spillen well en méi kleng ass. Den Bigel/Flügelhorn (das Flügelhorn le bugle) Een scheinbaren Verwandten vun der Trompett as d Flügelhorn, wat awer zu enger anerer Famille gehéiert wei d Trompett. Et gehéiert zur Famille vun den Bigelhörner, déi ëm 1825 nom Erfannen vun den Ventiler entstanen ass. Den Bigel ass en bëssen méi breed gebaut wei d Trompett an huet och en bëssen mei een mellen an waarmen Klang wei d Trompett. Et ass een ganz wichtegt Instrument an eisen Blosorchesteren.

5 De Kor (das Horn le cor) De Kor huet sech no a no aus Juegd- a Militärhörner entwéckelt. De Kor en fa ass dee geleefegste Kor. Et ass en Instrument mat schéinem, waarmem Klang. Genau wie d Trompett gëtt den Kor och als Soloinstrument, am Symphonieorchester, am Blosorchester an och an der Kammermusek gebraucht. D Trombonn / D Posaun (die Posaune le trombone) D Posaun as eent vun deenen eelsten Instrumenter. Mir kennen haut virun allem d Zugposaune, déi am Symphonie-orchester, am Blosorchester an och an der Bigband gebraucht gëtt. Mam Zugstéck, wat een eran- a erauszéie kann, gëtt d Instrument méi kuerz oder méi laang gemaach, an sou ginn déi verschidden Téin produzéiert. Den Tuba (die Tuba le tuba) Den Tuba as dat déifste Blechblosinstrument an ass e wichtegt Instrument am Symphonieorchester an am Blosorchester. Den Euphonium (das Euphonium l euphonium) Den Euphonium gëtt mat därselwechter Technik gespillt wei d Trompette mä huet awer tëscht 3 an 6 Ventiler. En huet en mellen an waarmen Klang an gëtt als Soloinstrument gespillt an och am Blosorchester agesat.

6 D Famill vun den Tasteninstrumenter De Piano (das Klavier le piano) 1709 huet den Cristofori d Hummermechanik (en Hummer schléit op eng Säit) erfonnt, mat der een piano a forte (lues an haart) spille konnt. Dohier kënnt de Numm Pianoforte, och einfach Piano genannt. Et gëtt den einfache Piano («piano droit») fir doheem, an et gëtt de Flügel («piano à queue») am Concertssall. Den Cembalo (das Cembalo le clavecin) Den Cembalo huet eng ähnlech Form wéi de Flügel an ass dem Piano och soss ganz ähnlech. Wann eng Tast gedréckt get, da schléit net en Hummer op eng Säit, wéi dat beim Piano de Fall as, mä d Säit gëtt vun engem Fiederkiel ugezupft. Am 17. an 18. Jorhonnert war den Cembalo e ganzt beléifte Solo- a Begleedinstrument. (branche enseignée uniquement à l Ecole de Musique Gemeng Käerjeng) D Uergel (die Orgel les orgues) D Päifenuergel (d Kirchenuergel) ass e grousst Instrument, bei deem Loft, déi hautdesdaags elektresch produzéiert gëtt, déi verschidde Päifen un d Klénge bréngt. Ganz besonnesch an wichteg sinn bei der Uergel d Pedallen fir d Féiss. Mat dësen Pedallen ginn déi ganz déif Téin, d Basstéin, gespillt. En Organist muss also oft gläichzäiteg mat zwou Hänn an zwee spillen. (branche enseignée uniquement à l Ecole de Musique Gemeng Käerjeng) Féiss Den Akkordeon/d Ziehharmonika (das Akkordeon l accordéon) Beim Akkordeon gëtt den Toun duerch Metallzongen produzéiert déi duerch Loft a Bewegung gesat ginn. Andeems een d Instrument auserneenzitt an zesummendréckt beweegt sech d Loft déi bannendran ass déi dann des Metallzongen zum schwéngen bréngt. Den Akkordeon ass géint 1830 erfonnt ginn an ass gläichzäiteg an Europa an Amerika weiderentwéckelt ginn. Mir fannen den Akkordeon an der Volleksmusek aus der ganzer Welt an och ganz vill an der südamerikanescher Musek, besonnesch am Tango aus Argentinien.

7 D Famill vun der Perkussioun D Famill vun den Perkussiounsinstrumenter as immens grouss. Mir ënnerscheeden tëscht 3 verschiddenen Gruppen : 1.Déi nëmmen fir den Rhythmus zoustänneg sinn wei zum Beispill d kleng Tromm, d grouss Tromm, d Tom-toms, d Conga, d Timbales,..) D Batterie, oder och nach Drumset genannt, gehéiert och zu dësem Grupp an et fënnt een se an all Rockband, Jazzband am och ganz oft am Blosorchester hautdesdaags. 2. Déi melodesch Perkussiounsinstrumenter (och nach Claviers genannt). Déi meeschtgebrauchten dovunner sinn den Xylophone, den Vibraphone, den Marimba an d Glackenspill. 3.Déi kleng Instrumenter déi ganz verschidden Klangfaarwen hierstellen kennen. Déi bekanntesten sinn den Triangel, den Gong, den Holzblock, den Tambourin,...

8 D Famill vun de Sträichinstrumenter D Gei (die Geige/Violine le violon) D Gei staamt vun der Fidel of an ass am 16. Jorhonnert entwéckelt ginn. E ganz berühmte Geiebauer war den Antonio Stradivari aus Italien an ee ganz berühmten Geiist war den Paganini, deen ëm 1800 an Italien gelieft huet. D Gei huet 4 Säiten an ass dat klengsten Instrument aus der Famill vun den Sträichinstrumenter. D Gei ass e Soloinstrument a mir fannen se och am Symphonieorchester, wou bis zu iwwer 40 Geien zesummespillen. Den Cello (das Cello le violoncelle) Den Cello gouf am 17. Jorhonnert entwéckelt. E get op de Buedem gestalt an zweschen de Knéien gehaal an am Sëtzen mat engem Bou gespillt. Den Cello as e Bassinstrument an huet och 4 Säiten. (branche enseignée uniquement à l Ecole de Musique de Differdange) D Mandoline (die Mandoline - la mandoline) D Mandolin gëtt ähnlech wéi d Gittar mat engem Plektron gespillt. Anescht wéi d Gittar, huet si en éischter ronnen Resonanzkierper. (branche enseignée uniquement à l Ecole de Musique Gemeng Käerjeng et Differdange)

9 D Famill vun den Zupfinstrumenter D Harf (die Harfe la harpe) D Harf huet eng laang Traditioun. Schonn déi al Ägypter haten verschidden Harfen. Am Orient war d Harf ganz beléift, an Europa war se am Mëttelalter d Begleed-instrument vun de M i n n e s ä n g e r. H a u t a s s d H a r f e w i c h t e g t I n s t r u m e n t a m Symphonieorchester. (branche enseignée uniquement à l Ecole de Musique de Pétange) D klassech Gittar (die klassiche Gitarre la guitare classique) D Gittar ass eigentlech en orientalescht Instrument a koum vun den Araber a Spuenien. Do ass si och nach haut e ganz populärt Volleksinstrument. Spéider, am 16. Jorhonnert, ass si och a Frankräich, Italien an Däitschland bekannt ginn. Si huet 6 Säiten déi mat den Fanger gezupft ginn. D Gittar ass e Soloinstrument fir dat virun allem spuenesch Komponisten wonnerschéin Wierker geschriwwen hunn. D elektresch Gittar (die E-Gitarre, la guitare électrique) Se änelt der klaschecher Gittar immens vill, huet och 6 Säiten, mä well se net huel ass an dofir keen Resonanzkierper huet, muss se verstäerkt ginn mat engem Gittarsverstärker. Deen muss natierlech un den Stroum ugeschloss ginn an dofir den Numm elektresch Gittar. Se ass een Begleed- an och Soloinstrument an mir fannen se an der Rock-an Pop Musek an och am Jazz. D bass Gittar (der E-Bass, la guitare basse) D bass Gittar fonctionnéiert ähnlech wei d elektresch Gittar an muss och verstäerkt ginn. Se huet baal dei selwecht Form wei d'elektresch Gittar mee se klengt awer vill méi déif an huet och nemmen 4 Säiten déi zelwecht gestemmt sinn wéi déi vun der Bassgei. D bass Gittar ass een Begleedinstrument an mir fannen se an all Rock-an Popband, oft an der Jazz Musek an och hautdesdaags manchmol an den Blosorchestren. (min. 12 Joer) (branche enseignée uniquement à l Ecole de Musique Gemeng Käerjeng)

10 D Stëmm als Instrument D Stëmm ass dat natierlechst Instrument. Mir benotzen ons Stemm all Dag fir ze schwätzen an genausou kennen mir och ons Stëmm gebrauchen fir ze sangen. Sangen ass eppes wat mir alleguer kennen. Beim Sangen ginn d Stëmmbänner bannen am Hals a Bewegung gesat duerch d Loft déi mir ausootmen. Gesang spillt eng ganz wichteg Roll an der Oper, an der Kierchenmusek, an der klassescher Musek, an der Jazzmusek an och an der Rockmusek. Ganz populär ass och den Chouer, waat een Ensemble ass deen nemmen aus Sänger besteet. Mir ënnerscheeden tëschent 4 verschidden Stemmen: * D Sopran Stëmm : déi héich Fraestëmm * D Alt Stëmm : déi déif Fraestëmm * D Tenor Stëmm : déi héich Männerstëmm * D Bas Stëmm : déi déif Männerstëmm Waat kann ech nach alles léieren? Harmonie Kontrapunkt Transpositioun Kammermusik Ensembelmusik Orchester Chouer Theater Improvisatioun Combo...

11 Noute léieren Solfège (formation musicale - Notenlehre) Mindestens dräi Joer Solfège plus ee Joer Préparatoire sinn obligatoresch fir en Instrument dierfen ze léieren. Am Solfège léiert een Noute liesen a schreiwen, sangen a lauschteren. Eveil Musical (éveil musical musikalische Früherziehung) Eveil Musical ass eng Preparatioun op d Musek fir déi ganz Kleng. Hei gëtt gesongen, gedanzt, mat Instrumenter gespillt a spilleresch éischt Nouten- a Rhythmuskenntnisser erléiert.

12 ! Dësen Depliant ass an Zesummenaarbecht mat der Iechternacher Musekschoul entstanen Fir méi Informatiounen iwwert déi verschidde Couren: Fir Informatiounen iwwert d Musekschoul an d Aschreiwung: 159, avenue de Luxembourg L-4940 Bascharage Tel.: / Fax: diane.kayser@kaerjeng.lu