Roland Binz. Alls im Anke. Schregi, halbwägs erläbti Gschichte. spoken word in Berndeutsch. Mit Müschterli uf CD

Größe: px

Ab Seite anzeigen:

Download "Roland Binz. Alls im Anke. Schregi, halbwägs erläbti Gschichte. spoken word in Berndeutsch. Mit Müschterli uf CD"

Max Philipp Gehrig
vor 5 Jahren
Abrufe

1 Roland Binz Alls im Anke Schregi, halbwägs erläbti Gschichte spoken word in Berndeutsch Mit Müschterli uf CD

2 Inhaltsverzeichnis Aafang 9 Heimat SKA Chappene 13 Fernwehsehaabe 15 Alls wi albe 18 Mir wäre de geng no da! 21 Alls im Anke 22 Chäschpu 24 Alpabgang 27 Das isch dä oder die gsi 28 Jugend Ysrölleli 33 Gälbi Eier 35 Alti Fründe im Commerce z Bärn 38 Ds Reisli im Fumoir vom «Wilde Maa» 42 Im Schangnou hinge 45 Dr jung Lehrer 49 Fröid ha 51 Das cha nid sy 54 Finöggeli 56 5

3 Unfall Zebrastreife 61 Vaterland, e Bildergschicht 63 Spitalbsüech 66 Salbi 68 Dr Byfahrer 70 Itz ha-n-ig de gnue! 72 Museum 73 Läbe Hesch gwüsst 79 Dumms Züüg 80 Am Gottfrid syni Churzgschicht 81 Ir Fyschteri 82 No öppis 84 Dilemma 85 Logisch 87 Morgan-Hymne 88 Hymne vom Brueder Pierre 90 Das isch doch ds Chalb gmacht 92 Alti Mönsche 95 E Chabis 96 Heit dihr e Idee? 98 Gröiig 100 6

4 Wält So isch d Wält 103 Alarm 104 Us myr Gmeindzyt: Eis vo dene Telefon 106 Trachteschmuck 107 Näbenumeha 111 Das isch eso 113 Halt auf Verlangen 115 Schafroths Tod 117 Es Brösmeli 118 Chunsch drus 120 Off oder on, eifach mal zäme wider ds Gliche 122 Gschichtgschichte Solidarität 125 Dr Oberscht Spychiger steit Chopf 128 We me Gilomen hät la mache 134 Schnädere gäng 137 Schreddergarte 140 Oeschbärgschnitt 144 Fridrich Glouser 1896 bis Es myggerigs nöibärndütsches Gschichtli 152 Hans Liechti: «Kunscht isch wi-n-e nobli elteri Dame» 155 E Heimlifeisse 161 Yseleger Ösku u Öttu 162 7

5 Glungnigs Di alti Klara 169 Bruno, bisch es Kamel 170 Mueter u Vater 172 Urgrossvater 173 Alti Fänschter 174 Geng ds Gliche 175 Ds Pfyfferouke macht s eifacher 176 Schlussbuggee Ufem Bänkli schreg vis-à-vis vom grosse Öpfel 179 Lalaga 184 8

6 Alls im Anke Aafang Aafang Es isch glich glunge, wi lang es d Äsche ma ha, i mym Fall über drissg Jahr. I dere Äsche vo denn het s no geng e chli Gluet gha, us dere Gluet het s es Füür gä, us däm Füür het s Gschichte gä, wo-n-ig i de letschte angerhalb Jahr gschribe ha. Ungerem Titel «Alls im Anke» ha-n-ig di chli schrege Gschichte vo halbwägs Erläbtem itz imene Buech versammlet. E Zuefall wär s, we Näme oder ou Handlige identisch wäre mit dr Realität. Einzig d Gschichte übere Hans Liechti und übere Fridrich Glouser mache da e Usnahm. I ha wider dert aagfange, wo-n-i vor drissg Jahr ufghört ha. «Cabaretistische Stichwortbilder» ha-n-ig denn myne Gschichte gseit. De hütige seit me «spoken word». Zu dere Zyt ha-n-ig dr Schwyzerische Kreditaaschtalt gschribe. Ja denn isch e Bank e-n-aaschtalt gsi, e Gsellschaft oder ou e Verein. Hüt nümm! Nei, hüt nümm! I ha dr SKA gschribe, öb si mir würde für myni Schüeler Aaschtaltschappene schicke, aaschtaltslos hei si mir die denn zuegha. Myni Schüeler het s gfröit, mir aber het myni Roger-Stoub- Mütze besser gfalle. 9

7 Alls im Anke Aafang Uf ds Mal sy mir bim Schrybe wider di Chappene i Sinn cho. Mi hei si immer no drnäbe dünkt, aber eso, dass si scho wider guet sy, äbe «retro». Unbedingt ha-n-ig so-n-e Chappe wölle. Mit myne Frage nach dere Chappe ha-n-ig di halbi Wält verruckt gmacht. Di meischte hei gmeint, u we si eini hätte gha, hätte si die scho längschtens am Rotchrüz gä. Was ha-n-ig wölle, ds rote Chrüz ha-n-ig nid möge ga frage, nei, i ha-n-es Inserat i dr Tierwält ufgäh. I ha fei e chli Aarüef übercho! 10

8 Heimat

9 Alls im Anke Heimat SKA-Chappene Zersch donnerets bim Wetterhore wi-n-e Moore, dr Mönch gheit i d Arme vor Jungfrou, ds Wetterhore blinzlet, am Binz sys Natel spilt Chopin. «Hie Grindelwald, von Allmen, heit dihr chalti Ohre im Ungerland?» «Wiso?» «Du suechsch SKA-Chappene, i ha dr eini, was zahlsch?» «I weiss es nid.» «Dr Letscht het mir zwöihundertsibezg welle gä, aber das isch mir zwenig!» «So tue se i Tresor, u häb Sorg, sälü.» Zersch donnerets bim Wetterhore wi-n-e Moore, dr Mönch gheit i d Arme vor Jungfrou, ds Wetterhore blinzlet, am Binz sys Natel spilt Chopin. «Du suechsch SKA-Chappene, i ha dr eini, aber de nid vergäbe.» Im Hingergrund het me d Ching ghört: «Vati, verchouf di gruusige Chappene, so chöi mir nöii choufe.» Zersch donnerets bim Wetterhore wi-n-e Moore, dr Mönch gheit i d Arme vor Jungfrou, ds Wetterhore blinzlet, am Binz sys Natel spilt Chopin. 13

10 Alls im Anke Heimat «Da isch Weber, i ha öich drei so Chappene, eini het zwar es Loch, aber d Frou tuet se de no grad flicke, si sy ordeli, di drei Chappene, mir hei Fröid, we dihr ou Fröid heit, meh wei mir nid! So gäbet üs doch öii Adrässe a, mir tüe se de grad uf d Poscht.» Donnere tuet s nümm, alls isch wi geng, ds Wetterhore blinzlet nümm, ou em Binz sys Natel spilt nümm Chopin. Het ächt von Allmen vo Grindelwald sy Chappe im Tresor? I ha myni im Sack, oder ufem Gring, u di angere zwo i dr ungerschte Schublade. 14

11 Alls im Anke Heimat Fernwehsehaabe Walter u Ideli sitze ufem Sofa, wi geng ab de halbe achte het är d Fernbedienig i dr Hang, Walter waltet düre Fernsehaabe. Ds Ideli schiebt Bier u Nüssli nache, lismet u luegt, wi s Walter wott ha, u das scho gly füfzg Jahr. A däm Abe isch öppis vo Schwyzer cho, wo färn oder vorfärn i ds Usland usgwanderet sy: D Betribsökonomin het ihres Gäld ines Agriturismo gsteckt, het drum gärn Tier, Söi, Hüener, Geisse u sit letscht Jahr het si ou e Maa. Uf d Frag, öb si wider würd uswandere, seit si, klar, aber jedi Medallie heig zwo Syte. Vo dr angere Syte het si nüt gseit. Aber sit dass si hie im Piemont läbi, göng es ihre all Tag besser. Dä, wo uf Brasilie isch, fingt das e gueti Sach, ds Uswandere. Zwüschine chöm är hei cho bügle, u de längi das guet zum Läbe z Brasilie. Aber ds Uswandere müess de scho guet überleit sy, das syg de äbe di angeri Syte vor Medallie. Z Brasilie läb är vil besser, me gsei s hie nid eso äng. 15

12 Alls im Anke Heimat Di Zwöi, wo vo de Ching wäg uf Thailand si ga es Hotel boue, hei ou vo dr Medallie gredt. Uf dr einte Syte di korrupti Behörde, u d Ching, wo eim fähle, u uf dr angere Syte ds blaue Meer u di farbige Schiffli, u das jede Tag, ou am Wärchtig, das syg äbe scho das, wo si geng gsuecht heige. U de no dä z Alaska mit syre Familie. Är wär ja e Löu, we är zrüggchäm. Z Alaska heig är als Holzfäller dopplet so vil Lohn wi i dr Schwyz, u z Alaska syg alls drü Mal billiger. Aber über syni Mueter, wo si im Fernseh ou zeigt hei, wöll är nüt gseit ha, schliesslech heig är no drü angeri Gschwüschterti, wo das Huus deheime chönnte übernäh, u we d Mueter sägi, dr Vater heigi gseit, är heig alls für ihn ufbout, usgrächnet für ihn, wo doch scho sit drissg Jahr uf Alaska heig wölle. Aber itz syg är ändgültig aacho z Alaska u gieng nümm wäg, ou we jedi Medallie zwo Syte heigi. «Warum rede ächt alli vo dere Medallie?», fragt ds Ideli. «Wüll jedi Medallie zwo Syte het», seit Walter. «Dasch doch längwilig», seit ds Ideli. «Du hesch das wölle luege.» «Du hesch ja dr Drücker.» «Ja, aber du seisch geng, was i söll drücke!» 16

13 Alls im Anke Heimat Nachem aabetleche Ritual, wo bi ihne geng ds gliche Gschtürm isch gsi, isch Walter i ds Bett, het sech mit dr letschte Schwyzerarmeewuledecki zuedeckt, mit dr zwöitletschte het d Tochter Handtäschli gmacht gha. U so isch Walter fridlech ygschlafe, u het vomene angere Land tröimt. Ds Ideli het glismet. Vo de Ching het si zur Wiehnacht e Huuffe Wulewungerchrungeli übercho, für dass si für d Grossching Chappene chönn lisme, u das i de Schwyzerfarbe. U wüll dr Schwigersuhn am Bankschalter vo dr Crédit Suisse schaffet, het s no es blaus Wullewungerchrungeli äxtra gä. Wo di drei Chappene sy glismet gsi, isch ou ds Ideli i ds Bett, u het vomene angere Land tröimt. Am angere Morge het me gfragt, wi me gschlafe heigi, vom Tröime het me nüt verzellt, i ihrer Familie isch ds Tröime nie es Thema gsi. Aber stolz het ds Ideli em Walter di drei glismete Chappene zeigt. Dr Walter meint: «Settigi het s früecher gratis gä, Heimatschtärneföifi!» 17

Ähnliche Dokumente

Konfirmationspredigt 2014 Dein Angesicht suche ich. Liebi Konfirmandinne und liebi Konfirmande,

Liebi Konfirmandinne und liebi Konfirmande, Konfirmationspredigt 2014 Dein Angesicht suche ich mir hei vorig vo euch ghört, wie dir d Lüt uf dr Strass syt ga frage, was ne zu däm Satz i Sinn chunnt, dass