Schnitzelbanken Baditüüfel 2017

Transkript

1 Schnitzelbanken Baditüüfel 2017

2 A de EM bi de Franzose - langt de Jogi sich i d Hose zellt sini Bölle eis zwei ei ei ei s isch alles ja no da no schnäll schmöcke a de Pfote ja es schtimmt sini Duftnote, di ganzi Wält sie lueged zue erlabt sich dra nöd alli mached das Spili mit drum chömir nämli guet verschtah wieso de Schweini und de Boateng ihri Händ tüend dobe la Liebi Gescht jetzt müend ihr mal verrate was hät öise Gmeindspresi gmeinsam mit däm i de Schtaate und mit em Berlusconi us em Pizzaland alli zäme händ gern - e chüeli Blondi i de Hand

3 Mir warted und warted und warted scho lang mir warted und warted vermuetlich no lang mir warted und warted verlüüret nöd de Muet dass am Schucan sin Garte mal en Gärtner bsueche tuet Sit letscht Jahr git s e nöii Füfzgernote schtolz chasch nöd si druf wänn nämli Schpöiz dra chunnt - löst sich die Note uf und de Euroschnägg isch ---- nöd was ihr meinet ihr chline Färkel e nöiii Föifeuro-Münze und nöd d Angela Märkel

4 Das Theater weg dem une-heliche Chind verleidet eim doch zimli gschwind das mer das nöd gseh hät cho - mir chömed nöd ganz drus mit Sprüng uf d Siite kennt sich CVP ja us Huufe Cholle - grossi Klappe - Dräck am Schtäcke keis Talänt das isch was brucht so wirsch du U.S.-Presidänt alls isch ufgregt di ganzi Wält tuet drüber twittere nur eini hockt rueig uf em Thron und tuet keis bitzli zittere

5 Türgge mit em Erdogan chönnd vo öis no lehre nei mir wännd die nöd zu öisem Syschtem bekehre au bi öis blibt Müll und Güüsel nöd verborge doch tüend mir Uetikär en Dräcksack richtig entsorge De Kim Jong-un, de Dalai Lama de Hollande und de Obama de Papscht, de Venzin, Blocher und de Chnabechor de Gölä und de Justin Bieber, Polo Hofer, Pfarrer Sieber Toni Brunner, Max und Moritz, Chris von Rohr alli gröölet sich kaputt nur de wo sött de lacht nöd mit wänn de Johann Schneider-Ammann sini Red zum Beschte git

6 Zum de See wo mir kauft händ - chöne z finanziere muess Gäld ane mir tüend drum au hälfe mitschtudiere öise Vorschlag isch parat s nöie Gmeindshuus wird verchauft - will s doch mit em homeoffice so wunderprächtig lauft. Apropo Sack da chömir no eine bringe und zwar vom Sächzgliter - dem wo au tuet singe en pflichtbewusste Bürger und es überifrigs Pürschtli dank em Boxler git s für d Füürwehr - bis Wäber s grillierti Würschtli.

7 Zwei verschtaubti Velo schtönd im Gmeindsparkhuus blöd ume für öisi Polizei das isch doch scho bitzli gschpunne in Afrika chönnt mer die bruche die hetted ihri Wöhli a däne tüüre Elektrogöppel inklusiv zwei Löli A de Chilbiguggebar häsch Durscht und drum isch es au klar muesch go schiffe s WC isch grad näbedra ich bin Héctor Chef von Mitte muesch go seiche das gaht nitte Tür isch gschlosse schlaasch der nume d Biire a dänn chunnt e so es Brazilfüdli z gwaggle mit me breite Lache und de Héctor seckled gschnäll zum ihre d Schissitür ufmache.

8 A de Gmeindsversammlig z Meile erhöchets d Schtüüre nöd di Geile bald händ öisi Nachbere defür es Defizit de Röbi Martullo tuet chli prahle verschpricht no paar Millione z zahle die Döcht glaubed däm de Seich das isch doch weich eine dööfer wie de ander de Verschtand isch würkli chli e grossi Schnurre nüt dehinder das müend Lüüt vo Meile si