Herznacher Rüebli 2016

Transkript

1 Herznacher Rüebli 2016

2 Für de Anfang Melodie: ei du schöne, ei du schöne. Mer chöme jetze nur ganz gschwind, dass nachhär alli zfriede sind. Mer singe hüt nid stundelang, suscht wird s im Ruedi Angscht und Bang. Mer säge euch nur churz hallo und mache-n-is dänn schnäll devo. Ei du schöni - ei du schöni ei du schöni Schnitzelbank. S lauft drum bi eus nüm eso gschmiert, die einte sind halt pensioniert. Au s Burnout isch nid ganz verwunde, müend nochli ruihe - nochli gsunde. Drum hämmer au keis Bild debi also tschüss das wär s jetz gsi. Ei du schöni - ei du schöni ei du schöni Schnitzelbank. Ueken Refr. zur Melodie : Alls was bruchsch uf de Wält Gemeinderat Wer Zytig liest, isch informiert und weiss was z Ueken und passiert. Im Klarttext heisst das -Turbulänze und Eklat und Rücktritt us em Gemeinderat. Drei (bis vier) wänd goh müend aber no bliibe Sie würde aber gärn ihre Chef vertriibe. Doch de chläbt zimmli fescht a sim Poschte. Es isch em au gliich, was das tuet choschte. Tuet s Budget gärn chli strapaziere und en Huufe Spese kassiere. Debi wärs so eifach Alls was bruchsch uf de Wält isch chli Hirni und dass sälber merksch, wenn id Wand ie rännsch. Alls was bruchsch uf de Wält sind es paar Fründe, wo der säge wenn s Zyt isch zum goh.

3 Si müend ne dänn vo Aarau här chli Nochhilfstunde geh. Drum ghörsch denn au es Zytli gar nüt meh. Doch dänn uf ei Chlapf im Januar isch bi dene wieder alles klar: Der eint verspricht är gieng di andere wänd jetze doch bliibe. Demission Rücktritt vom Rücktritt - wird i de Zytig gschriibe Mir glaube eifach zletscht am Änd, die wüsse all nid würkli was si wänd. Mir sind eifach huere froh, isch das Puff z Ueken unde und nid do. Alls was bruchsch uf de Wält isch chli Hirni und dass sälber merksch, wenn id Wand ie rännsch. Alls was bruchsch uf de Wält sind es paar Fründe. wo der säge wenn s Zyt isch zum goh. Silbermünzen Wahnsinn riese Sensation! Uf em Chornbärg vergrabet eine sin Lohn! S isch zwar nid erst gester gsi. Nei, öppe 1700 Johr sind sidhär verbii. De Loosli findt en grosse Schatz und scho stohts Färnseh uf em Platz. Verbreitet uf de ganze Wält, WO gfunde worde isch alts Gält En Riesesach über 4000 Stückli! Z Ueken unde wäres glückli, mer chönnt us dem richtigi Batzeli mache Viellicht würde si denn sogar übers abverheite Budget lache Alls was bruchsch z Ueken und sind es paar Münze, wo en Römer mol dört verbuddlet het. Alls was bruchsch z Ueken und sind es paar Münze und das Dorf isch uf de ganze Wält bekannt.

4 Reto Wenn Märt isch z Frick sind d Strosse gsperrt. Das isch jetz jo nid so verchert. Doch eine schisst das zimmlich a drum het är en Abchürzig gno. Gheit de Blinker use bim A3 Und startet dure Dänkt, über de Radwäg giengs doch au, aber das isch ebe nid so bsunders schlau. Denn z Frick und stönd sini Tschuggerkollege und är muess als Buess 100 Stutz härelege. Im Reto vo Ueke gfallt das nid eso. Aber mir Rüebli mir sind scho no froh. De Reto isch eifach ein vo de liebe Sieche. Mir wüsste nämmli nid was mer suscht mit dere Schnitzelbank mieche. Alls was bruchsch uf de Wält isch de Reto, wo en Schissdräck macht und mer drüber lacht. Alls was bruchsch uf de Wält isch de Reto, är isch immer wieder do für eus.

5 Densbüren Refr. zur Melodie: übere Gotthard flüüget d Bräme Z oberscht im Staffeleggtal also ganz nöch bi de Stadt wohnt es Völkli, die händs glaub nümm eso glatt. Mit dene paar Fränkli vom Finanzusgliich wärde si z Deischpere schints nümme riich. Und jetz wüsses nid so rächt, wo si häre sölle, oder WER ihres Gmeindskässeli wieder chönnt fülle. En Fusion - das müessti d Rettig si! Nur weli Richtig schlönds ächt i? Si ghöre zwar jo scho no zum Fricktal derzue, aber jetz wänd die doch tatsächlich uf Aarau ue De Wernli seit am Info-Obe: (Da hämmer us dr Zytig - da isch im Fall nid gloge) Wenn mer z Deischpere es Vögeli id Lueft ue loht Was meinet er WO das dänne häre goht? Mir wüsses au nid ganz genau Aber viellicht känne die Vögel das Liedli do au: Über d Stafi, über d Stafi flüüge d Bräme ja ja die Bräme die cheibe Bräme. Wenn si drüber sind denn sind si z Aarau äne die cheibe Bräme - joduliho. So isch das s ganze Johr, nid nur im Summer. So wird s au z Deischpere si das macht eus Chummer, Chummer. Über d Stafi, über d Stafi flüüge d Bräme ja ja die Bräme die cheibe Bräme. Wenn si drüber sind denn sind si z Aarau äne die cheibe Bräme - joduliho. Mir hätte si z Herznach unde jo au gno Aber nitziab wänds umsverrecke nid go. Jä nu - denn lönd mers halt lo go! Über d Stafi, über d Stafi flüüge d Bräme ja ja die Bräme die cheibe Bräme. Wenn si drüber sind denn sind si z Aarau äne die cheibe Bräme - joduliho. So isch das s ganze Johr, nid nur im Summer. So wird s au z Deischpere si das macht eus Chummer, Chummer. Über d Stafi, über d Stafi flüüge d Bräme ja ja die Bräme die cheibe Bräme. Wenn si drüber sind denn sind si z Aarau äne die cheibe Bräme joduliho.

6 Zeihen: Melodie: Dört äne am Bärgli.. Dört äne in Zeihe hets souglatti Lüüt. Was de Gmeindroot wott mache, das zellt für die nüüt. 2. Si ergriffe s Referändum und stimme all NEI. Dass das viellicht en Seich isch merkes meischtens erscht dehei. Holeduuli erst nach 2 Strophen 3. De Chindsgi müends saniere mer flickt dört und do. Und d Plän fürs neue Gmeindshuus händs de Bach ab lo goh. 4. Defür händs en neue Amme i glaub das chunnt guet. De het jo s Regiere scho es bitzeli im Bluet. Holeduuli erst nach 2 Strophen 5. Wäg der Arbet vom Förster macht eine Radau. Im Wald händs z vill gholzet das weiss de genau. 6. Sini Läserbrief die kännt mer die händ dänn Niveau! Simmer froh wohnt de Keller z Oberzeihe und nid do. Holeduuli erst nach 2 Strophen

7 Herznach 1: Melodie: D Seel echli lo bambele loo.. (nur Refr.) Chuum seit de Gmeinderot: Do tüemer loche gseesch au scho d Gägner s Dorf ab bloche. Si schreie weh, sie schreie ach, händ Angscht um d Fisch i jedem Bach. D Löösig händ mir Rüebli glii: Mir stelled dä Dräck im Ricardo ii, dört het scho mänge uf der Wält sin Seich verchauft für ganz guets Gäld. Und denn heissts ganz eifach: Drum muesch dini Seel ä chli la bambälä la, dier öppis gönnä und chli Freud am Läbe ha, - jo u lu lu d Seel ä chli la bambälä la - joholi d Seel ä chli la bambälä la! S git Bsuech im Gmeinhuus, s isch kei Witz. E Ratte zwängt me dur de Schlitz. Me mues drum s Liecht jetz bränne lo, hofft so dä Grüsel chönne z fo. Sogar de Meier wird no vernünftig, schmückt sis Huus mit Liecht ganz zünftig. So tuet är hälfe, chönd ihr das glaube, dass die Gauner d Gmeind nid no chönd beraube. Drum muesch. De Spielplatz isch fertig, es git es Fescht Mir chömed alli und sind Gescht. Das Wärch isch glunge, gaar kei Reed, fürs Würschtli vom Grill längt s Gäld jo denn nid. Ligt d Schuld do ächt bim starche Franke? Mir mached eus do scho Gedanke. Jetz hämmer en Spielplatz mit me Grill und so nes paar Würschtli choschte scho zvill. Drum muesch dini Seel ä chli la bambälä la, dier öppis gönnä und chli Freud am Läbe ha, - jo u lu lu d Seel ä chli la bambälä la - joholi d Seel ä chli la bambälä la!

8 Herznach 2 Melodie: Meine Tante aus Marokko Bauamt Mit em neue Bouamtsfahrzüg gohts jetz fix. Alli Arbet macht mer jetz null Komma nix. Ja denn sit im letschte Summer macht ne s Schaffe dört kei Chummer. Das neu Autöli das fahrt jo wie de Blitz Singing ei ei jupi jupi ei Alles funktioniert jo beschtens und ganz guet, doch mir glaube jetz packt si der Übermuet. Jetz will mer nomol ein astelle, wo dört chli muess schaffe welle. Jo do lüpfts im Stüürezahler fascht de Huet! Singing ei ei jupi jupi ei Senn Unterdorf Eine müend mer jetze halt scho wieder bringe. Im Unterdorf chönes vo dem es Liedli singe. Är het bschtändig öppis motze wäg jedem Seich es isch zum chotze. Frogt sich nur werum isch de uf Herznach cho! Singing ei ei jupi jupi ei Wenns im Leue echli z lang und z luut tüent schnurre, tuet uf em Poschte z Frick grad sofort d Leitig surre. En Tschugger muess cho Ornig mache sälbscht de Gmeirot het nüt z lache. Mit Polizeischutz wärdes vo de Terasse gfüehrt. Singing ei ei jupi jupi ei

9 Herznach 3 Refr. zur Melodie: bring mir Glück Schornsteinfeger SM Steinstossen Do z Herznach isch im Fall öppis los. Im Organisiere vo Fäschter do simmer gross. S letscht Johr hämmers aber fascht chli übertriebe, nid nur einisch händs i de Zytig vo eus gschriebe. Im Septämber, a de Schwizermeisterschaft im Steistosse Händs bi eus Stei umegrüert di ganz grosse. Jede hätt gärn wölle Schwizermeister si und de Hunzi und de Chnütsch stimme sich mit dem Liedli do i: Bring mir Glück Chemifäger bring mir Glück Lueg dass mis Steindli flüügt es grossis Stück Ich ha lang gnueg trainiert. Jetz sölls laufe wie gschmiert. Bring mir Glück Chemifäger bring mir Glück. SM Wettpflügen Wer glaubt het, s seig jetz mit dene Meischterschafte verbii, isch sicher nid uf em Chornbärg obe gsi. De Häse wott sis Land umefahre und das goht halt schnäller mit meh als eim Chare. Drum wird d Schwizermeisterschaft im Wettpflüege organisiert und es sind en Huufe Buure und Zueschauer amarschiert. Aber wichtig sind nid nur d Traktore und s Achere gsi. Nenei euse Färnsehstar, de Fritz, isch nämmli au debi. Sini neu Flamme tuet är grad au no mitbringe. Bim Bauer ledig sucht het är nachhär sicher dewäg afo singe: Bring mir Glück Chemifäger bring mir Glück I mim Härzli do fehlt es grossis Stück Bi scho lang gnueg elei glaub i nim jetz eini hei Bring mir Glück Chemifäger bring mir Glück

10 Wurstsalat WM E Schwizermeischter isch doch fascht nüt, wenn me weiss, dass es z Herznach au no en Wältmeischter git. Mir händ ihn zwar no gar nie gseh, und underdesse het är sin Titel schints scho wieder müesse wiitergeh. Ihr wüssed nid um was es goht? He um d Wältmeischterschaft vom Wurschtsalot! Jaja, do stuhnt mer scho e bitz, sogar derig verruckti Sache gits! De Kandidat vo Herznach het sicher ganz lang mit sich grunge Und bim Wurscht-salot-sauce-rezäpt-probiere immer wieder gsunge: Bring mir Glück Chemifäger bring mir Glück Probier vo mim Wurschtsalot es chlises Stück Und säg zu der Schüri s seig der allerbeschti gsi Bring mir Glück Chemifäger bring mir Glück Steffen Michi Am Silväschter fiiret es Grüppli im (Ueker)Wald. Die einte wänd hei, sind müed scho bald. De Steffen Michi spielt Chauffeur, doch won är zrugg chunnt, passiert s Maleur: Suuber parkiert är im Berty sin Chare, gseht aber nüm so gnau, won är tuet häre fahre. Merkt au nid, dass die Fackle, wo underem Auto liit, immer no es paar Fünkli vo sich git. Bis plötzli eine rüeft: Hey Fründe, Do wott glaub öpper s Auto azünde! Im Michi gheit fascht s Härz id Hose. I sim Hirni ghörsch es chrose. Är überchunnt en huere Bimmel und schickt das Stossgebätt zu Himmel: Bring mir Glück Chemifäger bring mir Glück. Suscht chunnt s Berty mit dem Auto nümme zrügg. Mach nid dass es explodiert, suscht stohn ich dänn do wie gschmiert Bring mir Glück Chemifäger bring mir Glück.

11 Zum Schluss: Melodie: im Aargau sind zwöi Liebi Do z Herznach gits vier Rüebli. Zwöi Meiteli und zwöi Büebli. Die händ dichtet und gsunge so gärn gärn gärn. Die händ dichtet und gsunge so gärn. A mänger Fasnacht sind s id Rüeblihose gstiege. Händ Schnitzelbänk und Liedli gschriebe. Es isch toll gsi s het Spass gmacht i allne vier. Es het Spass gmacht i allne vier. Doch jetz nimmt die Gschicht e Wändi. Es lüütet hüt de Rüebli ihres Änd i. Mir verlöhnd euch und säge good bye bye bye. Es isch fertig mir säge good bye.