Augustrede 1.August 2015

Transkript

1 Augustrede 1.August 2015 Hallo zämme Ich has irgendwie gschafft mir izbrocke das i das johr d Auguschtred döff halte. Wie das genau gange isch weisi nümme Uf jede Fall, hani necher gmerkt, das i gar ned weiss was e Auguscht-Red isch. I ha no nie i mim Lebe en Auguschtred ghört oder gseh. Also wird das won ich euch e de negschte paar Minute werde verzelle vilech ned ere erscht Auguschtred entspreche wie n ihr sie kenned. andersch gseit: Die Veranstalter übernehmen keinerlei Verantwortung bei Unfällen, psychische eingeschlossen, und sonstigen Nebenwirkungen dieser Augustrede. Versicherung ist Sache der Zuhörenden. Bitte tragen sie Ihre Wertsachen auf dem Körper und lassen Sie sie nicht in der nicht vorhandenen Garderobe. Bei Diebstählen wird nicht gehaftet, und auch fürs Verhaften ist die Polizei zuständig, also beklagen Sie sich nicht bei uns. Ah jo genau, wenn öbber Müeh hett mit mim Dialekt, das esch beabsichtigt. Ich han es gmix us allne verschiedene Dialekte us der Schwiiz, und zwar ned, willi alli Dialekte gliich guet chan, nei, sondern will i kenne so richtig beherrsche. Aber dur das isch denn au gwährleischtet, das es fair für alli isch, es verstönd mi denn alli gliich schlecht. Um einigermasse verständlich zbliibe hani immer wider Düütschi Abschnitte i minere Red drinne. Damit der au merked welles die Düütsche Abschnitt si, das sind die wo kursiv gschribe si. Viilech hend sech jo es paar gfrogt, werum das mer D Jugend loot lo rede, also wahrschinlech het eifach niemer anderscht Luscht gha, und denn het mer notgedrunge uf d Jugend müesse Zrugggriife. So, um zum Thema zcho: D schwiizz. D Schwiiz isch jo bekanntlech es sehr chliises Land. Nei, nenne mers ned chlii, nenne mers überschaubar.

2 Ich ha zu der überschaubarkeit vor Schwiiz es Gedicht Gschribe. Es isch, passend zum Thema, es sehr chliises Gedicht, also der Titel isch S längschte am Gedicht, und das Gedicht heisst: Die Durchreise durch die Schweiz Ein sehr kurzes Gedicht Aaaa, schau mal, die Schweiz! Was, Wo? Och, schon vorbei. Bis du bemerkst, dass du dich in der Schweiz befindest, Stellst du fest, dass du ihr schon wieder entschwindest D Schwiiz isch also sehr chlii. Aber was macht d Schwiiz süsch no uus? De Pedro Lenz het e mol gseit, das d erscht Auguschtrede d Schwiiz usmache. Das chönnt scho no stimme, denn rein statistisch gseh gits niene e so viel erscht Auguschtrede wie e de Schwiiz. I ha versuecht, e chli gnauer z ergründe was denn d Schwiiz usmacht. I ha das in Lischteform gmacht, es isch e Lischte über d Schwiiz, under d Schwiiz, für d Schwiiz, vor d Schwiiz zu der Schwiiz und no vieles meh mit de Schwiiz. Warnung: Diese Liste kann Spuren von Ironie beinhalten. 1. D Schwiiz isch chlii. Sorry, das hani nomol müesse erwähne. 2. D Schwiizer wettere immer über d unpünktlichkeit vor SBB, will si um die zwoi Minute verspötig het. Im Internationale vergliich isch das gar ned eso vil. In Dütschland zum Biispil gits uf der Strecki zwüsche Aachen Hauptbanhnhof und Düren vo 107 Fahrte 51 verspötige, das sind 48%.

3 3. D Schwiiz isch wahrschinlech die Nation wo d Sitzplätz i de Züg am heftigschte verdeitigt werde, will niemer wott, das öbber Frömds is gliiche Zugabteil sitzt. Um das z erreiche gits verschideni Taktike: a) Man stelle die Tasche neben sich auf den freien Sitzplatz und strecke die Füsse durch das ganze Abteil, sodass das absitzen zu einem Hindernislauf wird, der den Hindernisläufen im Militär durchaus nicht unähnlich ist. Damit wäre dann auch geklärt wieso so viele Militär Männer ÖV benutzen. b) Man stinke. c) Man komme aus dem Militär zurück. d) Man komme stinkend aus dem Militär zurück, wobei das natürlich fast immer der Fall ist. e) Man rauche E-Zigaretten und sage dann, wenn man angesprochen wird so etwas wie: Elektro Zigarette sind gar kei richtigi Zigarette und somit stoht im SBB-Reglement au nüt defo, dass mer si im Zug ned döff rauche. Wenn sis stört das i rauche, suechet sie sich doch eifach es anders Abteil. f) Wenn jemand fragt: Isch do no frei antworte man wahlweise mit: Ik nikt verstehe was du wolle. mit Nei, do isch bsssetztt, do sitzzzt mis Ego. g) Man Buche erste Klasse. 4. In ere Schwiizer Milchschoggi chas Luut Verpackig Spuren von Milch beinhalten. 5. E Schwiizer Milchschoggi bestoht us: 51%Gezuckerte Kondensvollmilch, Zucker, Kakaobutter, Kakao, Butterreinfett, Emulgatoren und Vanilleextrakt. 6. En Schwiizer isch nid rassistisch will sich jo Rassismus uf ei ganz bestimmti Bevölkerigsgruppe würd bezie, nei, en Schwiizer het eifach alli Usländer gliich ungärn. 7. Das würkt sich denn au uf d Neutralität uus. En Schwiizer verstoht unter Neutralität uf alli Siite usse z Boxe, z Kämpfe, z nerve wo sie numme chöi. Das löst bir EU aber denn numme es Ihh, das kitzelt! uus. 8. Es Git für en Schwiizer zwoi Sorte vo Usländer, Tourischte und kriminelli Usländer. Beidi sii ned gern gseh.

4 Tourischte zelle no als Notwendigs übel, sie si quasi die nervig Lebensgrundlag vo de Schwiizer. Die andere Usländer sind kriminelli Usländer, will sie üs d Arbeit wegnehme oder nid gönnd go Arbeite. 9. Wenn hingege en Schwiizer is Usland goht, isch er kenn Tourischt, nei, er isch Forschigsreisende! 10. S Ziiil vomene Forschigsreisende isches Unzivilisierti Gegende z Zivilisiere. 11. S Ussland isch unzivilisiert. 12. Der erschti Schritt i dere Schwirige Uufgab isch es, die Gheliigti Sproch i färni Länder z träge. Die Mission wird so bewältigt, das en Schwiizer sogar in Indie uf Schwiizerdütsch bstellt. Das het meischtens kenn erfolg, aber en Schwiizer isch bekanntlecherwiis stadhaft, und so wiederholt ers nomol ganz Langsam, mit dütlicher betonig uf s, z und t so dütlich das de oder die wo visavis stoht am obe nümm muess Dusche. 13. En Schwiizer isch ken Schwiiiizer, nei, en Schwiizer isch ebe en Eidgenoss. Das Genoss im Eidgenoss het denn kenn Kommunistische Ursprung, genau gliich wie s rot uf de Schwiizerfahne, das isch alls en blöde Zuefall, Kommunismus füehrt jo schlussendlich immer zunere Diktatur, obwohl emene Eidgenoss e Diktatur wahrschinlech lieber wär als Kommunismus. 14. En Eidgenoss erwähnt grundsätzlich nid, dass es au so öbis wie en Wiibliche Eidgenoss git. hend sie scho mol öbbis vonere Eidgenössin ghört? Jo, das würd denn au soublöd döne, wenn mer seit Liebi Eidgenosse, Liebi Eidgenöössiiinnne. Wahrschinlech würdi denn irgendöbber Gsundheit sege. So wird eifach immer vo eme Eidgenoss gredet, und d Froue sind dodemit au gmeint. ebe nid. 15. En Eidgenoss toleriert das. 16. En Schwiizer stimmt so ab als wer er en Milionär. D Erbschaftschtür isch miner Meinig nach s beschte Biischpil derfür. Wer über einere Million het won er cha vererbe isch minere Meinig nach kenn Chliiunternehmer meh, aber das isch natürlich Asischtssach. Tuet mer Leid Schatz, i cha mer grad kenn Helikopter me leischte, es isch scho alles Geld druufgange für de Düüsejet, i ha numme no ei Million uf em Konto, und es muess no bis am endi vo dere Wuche länge.

5 17. D Schwiiz het en Unglaublich komplexi Bürokratie, was zu gwüsse Verzögerige cha füehre. Guete Tag, isch do s Amt für Umwelt? Jawoll, was chan ich für sie tue? Mer hend Radioaktive Abfall i üsem Garte gfunde. Ja. I ha welle Froge, öb sii das bitte chönnte Entsorge, so schnell wie möglich wenn möglich. Jo, i wird es wiiterleite, aber in Anbetracht vo de Tatsach, das mer eh no ke lösig fürs Lagere vo de Radioaktive Abfäll het, esch das eigentlich gar ned schlecht, wenn mol öbber druufufpasst. Füüf Johr Spöter: Grüessech, mer Lüüte a, wege ihrem Ruumigs gsuech, das isch definitif abglehnt worde. De Staat macht ene aber de Vorschlag, das mer i ihrem Garte chönnt es Endlager errichte, mer würd sie natürlich au dementsprechend entschädige. 18. En Schwiizer isch grundsätzlich stolz uf sini Herkunft, au wenn er scho lang uusgwanderet isch. Min Grossvater zum Biispil wohnt in Bayern und fahrt en Hürlimaa-Traktor und, als öb das nonig gueg wer, hänkt er no e Kutsche hinde an Traktor und pappt ufs Ganze no e Schwiizerfahne druuf, damit mer au merkt wers erfunde het. 19. D Schwiizer Armee isch wiit über Landesgrenze uus bekannt. Jo, es isch die Einzig Armee vor Welt wo Ricola schleckend i d Schlacht zieht. 20. En Schwiizer isch patriotisch, cha aber trotz allem d Nationalhymne nid uswendig, wahrschinlech will sie Hochdüütsch isch. Und wenn denn öbber meint, er chönn sie und Luuthals Trittst im Morgenrock daher singt, döff mer ihn uff keifall druuf hii wiise das das villech eventuell es bitzi falsch seg, süsch würd me jo sin Nationale Schtolz verletzt. 21. S Schwiizer Nationalgetränk isch Rivella, d Schwiizer Nationalschpiis isch Fondue. 22. S Fondue het sini Tradition verlore siits au vo de Japaner gesse wird.

6 Wenn mer so die Lischte ghört isch es plötzlich nachvollziehbar werum imene Uralte Duden wo de Grossmuetter vomene Kolleg vo mer ghört, underem Stichwort, SCHWEIZER stoht: Ein wildes Bergvolk in den Schweizer Alpen. Jo, das sind jetzt numme die Schlechte Sache gsii, woni i dere Auguschtred erwähnt han. Wahrschinlech isch si au darum e chli atypisch. Die Durchreise durch die Schweiz Ein nicht mehr ganz so kurzes Gedicht Schau mal, die Schweiz! Wow, das ist aber ein schönes Land! Hast Recht. Wenn du dich in der Schweiz befindest, Einmal Schokolade probierst, Bis du Langsam zu nem Schweizer wirst, Und der Schweiz nie wieder entschwindest.