FACULTADE DE FILOLOXÍA DEPARTAMENTO DE FILOLOXÍA CLÁSICA, FRANCESA E ITALIANA Literatura Latina 1 Helena de Carlos Villamarín GUÍA DOCENTE E MATERIAL DIDÁCTICO 2018/2019 1
FACULTADE DE FILOLOXÍA. DEPARTAMENTO DE FILOLOXÍA CLÁSICA, FRANCESA E ITALIANA. AUTORES: Helena de Carlos Villamarín Edición electrónica. 2018 ADVERTENCIA LEGAL: Reservados todos os dereitos. Queda prohibida a duplicación total ou parcial desta obra, en calquera forma ou por calquera medio (electrónico, mecánico, gravación, fotocopia ou outros) sen consentimento expreso por escrito dos autores. 2
ÍNDICE 1. Datos da materia 2. Datos da profesora 3. Obxectivos 4. Contidos 5. Metodoloxía 6. Bibliografía 7. Sistema de avaluación 8. Cronograma 3
1. DATOS DA MATERIA NOME: Literatura Latina 1 (código G5071226) TIPO: Materia ordinaria de grao ( 1º e 2º curso; Maior en Filoloxía Clásica) CRÉDITOS ECTS: 6 CUADRIMESTRE: Segundo DURACIÓN e HORARIO: Para 1º Curso: luns e martes (Aula C06), de 9:00 a 10:00h. mércores (Aula C06) de 9:00 a 10:00 GRUPO A/ de 10:00 a 11:00 GRUPO B Para 2º Curso: luns, martes e mércores (Aula C02), de 14 a 15 horas. DESCRITOR: Estudo e coñecemento da produción literaria latina desde as súas primeiras manifestacións ata a morte de Augusto (14 d.c.) 2. DATOS DA PROFESORA NOME: Helena de Carlos Villamarín DEPARTAMENTO: Filoloxía Clásica, Francesa e Italiana DESPACHO: 427 CORREO ELECTRÓNICO: helena.decarlos@usc.es HORARIOS DE TUTORÍAS: Segundo cuadrimestre: luns e martes, de 10 a 12, mércores de 11 a 13. 3. OBXECTIVOS Coñecer a produción literaria en lingua latina desde as súas primeiras manifestacións ata a morte de Augusto (14 d.c.). Posuir unha panorámica temporal e xenérica desa produción. Coñecer de primeira man, aínda que en tradución, obras compostas ao longo do período 4
acotado. Coñecer os métodos de traballo en literatura latina e os materiais con que podemos contar, nomeadamente bases de datos, repertorios textuais e de manuscritos dixitais, bibliografía xeral e especializada. Desenvolver un sentido crítico e comparado que nos permita aprezar as sustanciais diferencias que existen entre estes produtos culturais e os proprios da nosa época e ámbito espacial. 4. CONTIDOS Introdución: acotación temporal, métodos para o estudo da literatura. Materiais: manuscritos dixitalizados e bases textuais. Tema 1. De Catón a Cicerón: a oratoria de época republicana. Tema 2. De Ennio á Eneida de Virxilio: a poesía épica. As Metamorfoses de Ovidio. Tema 3. De Lucrecio ás Xeórxicas. Tema 4. Catulo. A poesía elexíaca: Tibulo e Propercio. Tema 5. Horacio. Tema 6. Historiadores romanos. Salustio e Tito Livio. Tema 7. Un aceno ao teatro romano: Plauto e Terencio. En función do número de alumnos, os temas 5, 6 e 7 poderían ser preparados polos estudantes e expostos na aula. (Formaranse grupos non superiores a catro persoas). Obras de lectura obrigatoria (en tradución): Salustio, A conxuración de Catilina. Ovidio, libro 13 das Metamorfoses. Virxilio, libro 6 da Eneida. Destas obras haberá un control de lectura a final de curso. Eventualmente, poderán ser expostas oralmente e por grupos na aula. A estas exposicións dedicarase o mes de maio. 5. METODOLOXÍA Esta materia non pretende ser unha mera panorámica da historia da literatura latina do período anterior a Augusto, senón que aspira a ter un carácter crítico baseado na lectura e análise dos textos. Por iso as explicacións da profesora xirarán, por unha banda, arredor da contextualización dos diferentes xéneros, períodos e autores, e pola outra centraranse na apreciación e comentario de textos seleccionados. Estes textos irán sendo incorporados á aula virtual de xeito que os estudantes poidan telos ao seu dispor coa antelación requerida. 5
6. BIBLIOGRAFÍA Os manuais básicos son os seguintes: - von Albrecht, M., Historia de la literatura romana, vol.i, 1997 - Bardon, H., La littérature latine inconnue, I-II, Paris 1951 - Bickel, E., Historia de la literatura romana, Barcelona 1982 - Codoñer, C. (1997) (ed.), Historia de la Literatura latina, Madrid. - Conte, G.B. (e outros) Letteratura latina. Manuale storico dalle origini alla fine dell ' impero romano, Firenze 1992 - Conte, G. B.-Pianezzola, E. (1995), Storia e testi della letteratura latina, 1-3, Florencia. - Kenney, E. J., y Clausen, W. v., Historia de la Literatura clásica (Cambridge University), II. Literatura latina, versión española de E. Bombín, Madrid 1989. Coleccións temáticas: - Lo Spazio letterario di Roma antica (ed. Cavallo ), vol. I-IV, Roma 1989-91 - Aufstieg und Niedergang der römischen Welt (ANRW), edición progresiva desde 1981. Ademais disto, a profesora irá suxerindo bibliografía complementaria que incorporará á aula virtual, que é outro elemento fundamental no seguimento do curso. 7. SISTEMA DE AVALIACIÓN Porcentaxes da cualificación: Asistencia: 10% Exame: 70% Exposicións (sexan de temas, sexan de lecturas): 10% Control escrito de lecturas: 10% No exame final farase tamén o control das lecturas obrigatorias. De non ser posible facer as exposicións, ese 10% sumarase á nota do exame, que daquela contará un 80%. Na segunda oportunidade o exame será similar ao exame final, incluíndo as lecturas obrigatorias, pero terá un valor do 100% da nota. NOTA: Os estudantes que teñan dispensa oficial de asistencia ás actividades presenciais serán avaliados en calquera das dúas convocatorias exclusivamente mediante o exame final, que terá un valor do 100% da nota. 6
8 CRONOGRAMA Esta materia consta de 40 horas, 27 horas expositivas e 13 interactivas, tanto para os estudantes que a cursen en primeiro ano, como para aqueles que o fagan en segundo. As aulas expositivas impartiranse os luns e martes, mentres que os mércores terán lugar as aulas interactivas. De tódolos xeitos, atendendo ao comentado no apartado dedicado á metodoloxía, as aulas expositivas poderán centrarse tamén na análise e crítica dun texto ou na lectura dun manuscrito, non só nun relato de corte historicista. A distribución aproximada do curso sería a seguinte: XANEIRO: 1 hora expositiva e 1 interactiva: Introdución (vid. programa de contidos). Presentación dos materiais e da aula virtual. FEBREIRO: 8 horas expositivas e 4 interactivas: Temas 1 e 2 (1ª parte). MARZO: 6 horas expositivas e 4 interactivas: Temas 2 (2ª parte) e 3 ABRIL: 8 horas expositivas e 3 interactivas: Temas 4, 5 e 6 MAIO: 4 horas expositivas e 1 interactiva: Tema 7. 7