Технички прирачник за собирачите на отпадни масла

Transkript

1 Технички прирачник за собирачите на отпадни масла Информации за возачите на возило цистерна за собирање на употребени масла страна 1 од 33

2 Правна белешка Друштвото со ограничена одговорност Karo As Umweltschutz GmbH е компанија на акционерското друштво Ависта Оил (Avista Oil AG), од Долберген, Германија. Avista Oil AG е еден од главните европски чинители во собирањето и рециклирањето на употребените минерални масла. Avista Oil AG потпиша договор со Германската агенција за соработка (GIZ) за проект за јавно-приватно партнерство за поддршка на министерството за животна средина и просторно планирање на Република Македонија со цел подобрување на постоечкиот систем за управување на собирањето и рециклирањето на употребените минерални масла на солиден начин во еколошка и економска смисла. Контакт во Karo As Umweltschutz GmbH: Соња Маестре, Единицата за перзистентни органски загадувачи ПОП беше формирана под покровителство на министерството за животна средина и просторно планирање на Република Македонија во 2002 година и одговорна е за имплементација на Стокхолмската конвенција за перзистентни органски загадувачи (ПОП) во Република Македонија, за координирање на националната експертска мрежа, за иницијативи за подигање на јавната свест и идентифицирање и мобилизација на меѓународна помош и партнерства. Контакт во Единицата ПОП: Марин Кочов: Германското друштво за меѓународна соработка Deutsche Gesellschaft für Internationale Zusammenarbeit (GIZ) GmbH е сојузна организација со глобални операции во целиот свет. Обезбедува поддршка на германската влада на полето на меѓународната соработка за одржлив развој и меѓународната образовна работа. GIZ им помага на луѓето и општествата да ги подобрат нивните перспективи и услови на живеење. Контакт во GIZ (Скопје): г-ѓа Соња Андонова: Автори: Соња Маестре, Изабела Хорват, Катарина Валек, Кирстин Тил, Томас Хајниш, Ханс-Хајнрих Зефер; Karo As Umweltschutz GmbH Волфганг Шимпф; GIZ Фотографии: Волфганг Шимпф; GIZ Каро Ас (Karo As Umweltschutz GmbH, Bahnhofstr. 82, Uetze- Dollbergen), Ице-Долберген, Германија 2012 страна 2 од 33

3 Содржина Вовед 4 Поимник 5 1. Што се тоа отпадни масла? 7 2. Како ќе препознам отпадни масла што можат да се преработат? 7 3. Барања за транспортните возила 9 4. Каква опрема е потребна за безбедност на моето возило цистерна? Упатства Општи правила на однесување 5.2. Полнење и празнење на возилото цистерна 5.3. Работа на возилото 5.4. Прва помош 6. Како да постапам во случај на сообраќајна несреќа или итен случај? 7. Превоз со возила цистерни односно нивна употреба Писмени упатства Контрола пред поаѓање на возилото цистерна Како да го документирам отстранувањето? Разно Законски одредби 30 страна 3 од 33

4 Вовед Отпадните масла се масла кои претставуваат отпад и целосно или делумно се состојат од минерално масло, синтетско или биогено масло. Тука особено се вбројуваат хидрауличните и моторните масла и маслата за подмачкување од индустријата и автомобилската индустрија. По барање на германското сојузно министерство за економска соработка и развој (BMZ 1 ) GIZ 2 и Каро Ас му пружаат поддршка на министерството за животна средина на Македонија со развојно партнерство за да придонесат кон обработка на тони отпадни масла кои настануваат во земјата и со тоа да обезбедат во иднина одржлива заштита на животната средина. Притоа, целта е подигање на свеста за животната средина кај населението во Македонија за да се заштитат природата и здравјето на луѓето, а истовремено да се штедат ресурсите. Понатаму, еден од многуте предуслови за кандидатскиот статус за ЕУ на Македонија е навременото подобрување на законските рамки за заштита на животната средина. Тука спаѓа и управувањето со отпадните масла на еколошки прифатлив начин. GIZ и Каро Ас од германска страна и ПОП единицата на министерството за заштита на животната средина од македонска страна спроведоа еден проект со кој во Македонија се воспоставува систем со кој отпадните масла а особено употребените моторни масла ќе се собираат и ќе се обработуваат по пат на рециклирање. Истовремено, со тоа во Македонија ќе се воведат постоечките стандарди на ЕУ. Во тој поглед изготвен е технички прирачник за возачите на возила за собирање на отпадните масла за да се гарантира безбеден превоз до постројките за рециклирање и со тоа да се овозможи еколошки прифатливо отстранување на отпадните масла во Македонија. Овој прирачник за возачите претставува збирка на техничките податоци и информации на полето на сеопфатниот систем за управување со отпадни масла. Дури и најмалите количини на отпадни масла можат негативно да влијаат врз вкусот на водата и со тоа да ја направат неупотреблива, како за луѓето, така и за животните. Еден литар отпадно масло може да ги направи неупотребливи дури 1 милион литри од питката вода и подземните води. Затоа е важно со отпадните масла да се постапува внимателно. Оваа книга треба да придонесе за постигнување на таа цел. 1 Сојузно министерство за економска соработка и развој на Сојузна Република Германија (Bundesministerium für wirtschaftliche Zusammenarbeit und Entwicklung der Bundesrepublik Deutschland) 2 Друштво со ограничена одговорност Германско друштво за меѓународна соработка ГмбХ (Deutsche Gesellschaft für Internationale Zusammenarbeit (GIZ) GmbH) страна 4 од 33

5 П о и м н и к АДР Европската спогодба за меѓународен превоз на опасни стоки во друмскиот сообраќај (кратенка АДР, од француски Accord européen relatif au transport international des marchandises Dangereuses par Route) содржи посебни прописи за друмскиот сообраќај во однос на пакувањето, обезбедувањето на товарот и означувањето на опасните материи. АДР-сертификат Сертификат кој потврдува стручна оспособеност на возачот за превоз на опасни материи. Отпадни масла Означува општо употребено масло кое повеќе не ги задоволува условите, како што се на пример, мазивост или ладење. Во конкретна смисла, овој поим означува употребено масло со техничка намена, како на пример, моторно масло, менувачко масло или хидраулично масло. BMZ Сојузно министерство за економска соработка и развој на Сојузна Република Германија (Bundesministerium für wirtschaftliche Zusammenarbeit und Entwicklung der Bundesrepublik Deutschland). GIZ Друштво со ограничена одговорност Германско друштво за меѓународна соработка ГмбХ (Deutsche Gesellschaft für Internationale Zusammenarbeit (GIZ) GmbH). Класа 3 Запаливи течни материи. Јаглеводороди Претставуваат главен составен дел на отпадните масла. Податоци внесени како н.п.с. - отпад кој не е поинаку специфициран Се колективни ознаки за материи, мешавини, раствори или предмети кои а. не се спомнати со име во табелите во 3.2 и б. поседуваат хемиски, физички и/или други опасни својства кои одговараат на класата, на кодот на класификација, на групата на пакување и именувањето на податоците внесени како н.п.с.. страна 5 од 33

6 ПХБ Кратенка за полихлорирани бифенили. Тоа се вештачки произведени хлорирани јаглеводороди. Од 1998 година нивната употреба во Сојузна Република Германија е забранета. Налепници Означување на превозот на опасните материи со табличка за опасноста (портокалова табличка за предупредување, правоаголна, на превозното возило) и налепници и големи налепници (налепници, ромбови, на пакетот односно на возилото). Тие даваат информации за составот на превозната стока односно за опасностите кои произлегуваат од неа и служат за брзо одредување на мерките во случај на несреќа со опасните материи. Кодирање на цистерната Код со буква кој ги содржи типот на цистерната, пресметаниот притисок, отворите и сигурносниот вентил и уред. UN број Бројот за означување на опасноста (број на опасноста, Кемлеров број, оригинална службена ознака на француски numéro d'identification du danger, на англиски hazard identification number) е идентификациски број кој е востановен за сите опасни материи. Тое е горниот број на портокаловите таблички за предупредување кои се поставуваат кај секој превоз на опасни материи (таблички за опасност) и ја опишува опасноста која произлегува од превозната материја. За комплетен список со Кемлерови броеви погледнете под Список со броеви за означување на опасноста. Насочување Значи некој да се подучи и да се оспособи со давање насоки. Ова се случува вообичаено по пат на раководење, упатување и покажување. Најчестиот начин на насочување е работното насочување. Под овој поим се подразбира методското пренесување на способностите, знаењата и искуствата потребни за да се исполни некоја задача. Кај насочувањето главното тежиште е поставено на пренесувањето начини на однесување и развивање на свест за одговорноста. Групи на пакување (ГП) ГП I Материи со висока опасност ГП II Материи со средна опасност ГП III Материи со ниска опасност Вискозност Тоа е мерка за вискозитетот на маслото. страна 6 од 33

7 1. Што се тоа отпадни масла? Отпадните масла се масла кои претставуваат отпад и целосно или делумно се состојат од минерално масло, синтетско или биогено масло. Тука особено се вбројуваат хидрауличните и моторните масла и маслата за подмачкување врз база на минерални масла од индустријата и автомобилската индустрија. Отпадните масла се категоризирани како силна закана за водите (класа 3 за закана за водите). Тие негативно се одразуваат врз вкусот и изгледот на водата, го пореметуваат растителниот и животинскиот свет во водата и со нивната отровност негативно се одразуваат врз степенот на ефикасност на пречистителните станици. 2. Како ќе препознам отпадни масла што можат да се преработат? (Квалитет на продуктот кај отпадните масла) Отпадното масло кое е соодветно за преработка во базно масло смее да содржи: - макс. 20 mg/kg ПХБ во согласност со EN (утврдување на ПХБ) и во согласност со EN (утврдување на продукти сродни со ПХБ) - макс. 0,2% вкупни халогени во органска фаза (маслена фаза) - макс. 10% содржина на вода во согласност со ISO 3733 Отпадните масла кои треба да се собираат треба да ги имаат следните својства: Својство Боја Метода на тестирање Спецификација / единица црна Густина на 15 C DIN EN ISO kg/m³ Точка на палење ПМ DIN EN ISO 2719 > 61 C Вискозност на 40 C DIN EN ISO mm²/s Тест за сапонификација склоност кон сапонификација 1 (без сапонификација) Сулфур DIN EN ISO ,70% тежински удел страна 7 од 33

8 Оксидна пепел DIN EN ISO ,00% тежински удел Седименти центрифуга 1,00% волуменски удел Што не смее да содржи отпадното масло? растворувачи течност за сопирачки антифриз (средство против замрзнување) течности што содржат хлор ПХБ бензин масло за греење Отпадното масло треба да се состои исклучително од следните употребени масла за подмачкување и не смее да биде измешано со други масла, како на пример, употребени индустриски масла, масла за обработка на метали или машински масла како ни биолошки лесно разградливи масла за подмачкување: Шифра на отпад Опис на отпад нехлорирани хидраулични масла врз база на минерално масло нехлорирани машински масла, трансмисиони масла и масла за подмачкување врз база на минерално масло синтетски машински масла, трансмисиони масла и масла за подмачкување други машински масла, трансмисиони масла и масла за подмачкување нехлорирани масла за изолација и пренос на топлина врз база на минерално масло Строго е забрането мешање на отпадните масла со ПХБ или отпадни масла што содржат хлор! Бајлштајнов тест (тест за халогени со помош на пиролиза) Зошто и како да го спроведам Бајлштајновиот тест? Дали отпадните масла содржат нечистотии од хлорирани додатоци (ПХБ) лесно може да се утврди со помош на Бајлштајновиот тест и тоа може да го направи возачот директно на лице место. Бајлштајновиот тест е едноставна визуелна проценка на обојувањето на пламенот. страна 8 од 33

9 Вжештена бакарна жица се премачкува со супстанцијата што треба да се испита во однос на халогени и се држи на Бунзенов пламеник во неосветлениот дел од пламенот. Халогените соединенија кои се содржани во супстратот градат со бакарот испарливи бакарни халогениди кои пламенот го обојуваат во зелена или сина боја." Вршење на Бајлштајновиот тест: Со стаклена цевка се зема мала проба (се земаат неколку капки од отпадното масло за отстранување, се прскаат врз бакарна жица и потоа таа се држи во пламенот на Бунзенов пламеник. Ако може јасно да се препознае зелено обојување на пламенот, тоа претставува позитивен показател за присуство на халогена содржина (Бајлштајнов тест: позитивен) во отпадното масло. Тестот треба да се врши на затемнето место за да се осигура точно препознавање. Граници на доказ за присуство на хлор со помош на Бајлштајновиот тест 3 0,1 теж.% хлор многу кратко, многу слабо зелено обојување 0,2 теж.% хлор кратко, многу слабо зелено обојување 0,3 теж.% хлор кратко, слабо зелено обојување 0,5 теж.% хлор јасно зелено обојување 1,0 теж.% хлор интензивно зелено обојување 0,5 секунди и подолго Ако содржината на хлор > 0,2% од вкупен халоген, тогаш отпадното масло не е соодветно за преработка во базно масло. Внимание: За да се отстранат сите туѓи супстанции, бакарната жица мора да се вжешти пред да се почне со спроведување на тестот. Исто така треба да се внимава Бајлштајновиот тест да не се спроведува во непосредна близина на лесно запаливи хемикалии/продукти. Потребни материјали кои треба да ги има возачот Бунзенов пламеник стаклена цевка бакарна жица заштитни очила заштитни ракавици 3 (Извор: Altölratgeber 3. издание 1989 г. од Dr. rer. nat Uwe Jens Möller) страна 9 од 33

10 3. Барања за транспортните возила Пред да се почне со полнење на возилото цистерна, тоа мора внимателно да се провери и доколку се заклучи дека е несоодветно за превоз на опасни хемикалии, треба да се одбие. Општите структурни услови мора да се стабилни и без никакви оштетувања или дефекти, како на пример, неправилни светла или гуми без профил. Надворешните покривки и подот не смеат да имаат дупки или пукнатини и во идеален случај треба да се непропустливи за вода. Вратите мора да функционираат, а уредот за затворање треба да биде во задоволителна состојба. Старите ознаки (на пример предупредувања за опасност) останати од претходно превезување мора да се отстранат за да не дојде до недоразбирања. страна 10 од 33

11 4. Каква опрема е потребна за безбедност на моето возило цистерна? Возилото/возилото цистерна мора да има соодветна дозвола и одобрение. Дали навистина некоја дадена материја смее да се превезува во цистерната зависи од кодот на цистерната (код во вид на букви што го опишуваат видот на цистерната (типот на цистерната). Типот на цистерната зависи од компатибилноста на материјалот наведена во АДР-сертификатот за цистерната (од алуминиум, челик, нерѓосувачки/дуплекс челик). Пример за вообичаени типови на цистерни (LGBF) L G B F Цистерна за материи во течна состојба (течни материи или тврди материи кои се пуштаат во превоз во стопена состојба) Минимален пресметан притисок Цистерна со отвори во подот со 3 капаци за полнење и празнење Цистерна со уред за вентилирање без задржувач на пламен или цистерна отпорна на експлозивен притисок Изедначување на потенцијалите заземјување во согласност со АДР Електричната постројка на возилата цистерни за запаливи материи мора има посебно безбедна и заштитена изведба и помеѓу другото, да биде опремена со прекинувач за акумулаторот. За безопасно одведување на статичкиот електрицитет, неопходно е присуство на приклучоци за заземјување за врска со проводникот за заземјување. Приклучоците за заземјување се наоѓаат во долниот дел на возилото. Возилото цистерна е потенцијален изолиран проводник којшто при непрописно заземјување може да преставува огромна опасност од предизвикување пожар. Затоа пред натоварот, уште со самото отворање на капакот, приклучување на цевките или цревата, возилото цистерна мора да се заземји со кабел за заземјување за да се избегне самозапалување поради статичкиот електрицитет. Поради тоа, возилото цистерна и садот за празнење (бурето) мора да бидат поврзани со еквипотенцијална врска за изедначување на потенцијалите, која мора да биде заземјена. За таа цел, возилото цистерна и садот ќе бидат поврзани со кабел за заземјување, кој од друга страна пак, мора да биде заземјен со стап за заземјување. Каблите за заземјување треба да се опремени со клеми за да може да се воспостави врска што побрзо. Не смее да се отстрани до завршување на натоварот. страна 11 од 33

12 Што значи АДР (барања)? Европската спогодба за меѓународен превоз на опасни стоки во друмскиот сообраќај (кратенка АДР, од француски Accord européen relatif au transport international des marchandises Dangereuses par Route) содржи посебни прописи за друмскиот сообраќај во однос на пакувањето, обезбедувањето на товарот и означувањето на опасните материи. Земји потписнички Засега има 48 земји членки на АДР како на пример: Албанија, Босна и Херцеговина, Грција, Хрватска, Македонија, Црна Гора, Република Молдавија, Романија, Србија, Словачка Република, Словенија, Турција, Унгарија, Со АДР се регулирани, помеѓу другото класификацијата на материите што треба да се превезуваат како опасни материи и соодветните безбедносни мерки означувањето и документацијата како што се товарен лист за превоз на стоки и писмени упатства (упатства во случај на сообраќајна несреќа или итен случај) за превозот на опасни материи градбата на садовите, цистерните, возилата за превоз на опасни материи исклучоци од придржувањето кон прописите на АДР мултимодалниот превоз на опасни материи (патишта - воз, брод или авион) Во АДР се бара, помеѓу другото, во многу случаи возачот да поседува возачка дозвола за превоз на опасни материи, која мора да поседува АДР сертификат (види на наредната страна) сите учесници во претовар и превоз мора да докажат дека имаат стручни знаења за прописите за опасни материи компаниите кои вршат превоз на опасни материи мора да имаат назначено лице советник за опасни материи. Учесниците во превозот на стоки од опасни материи мора да ги преземат сите потребни мерки на претпазливост соодветни на начинот и обемот на предвидливите опасности за да спречат јавување на случаи на штети и во случај на јавување на штета истата да се ограничи на најниско можно ниво. Овде ќе најдете краток преглед на само некои од најважните точки од АДР. страна 12 од 33

13 Општи законски одредби Средното светло мора да е вклучено и во текот на денот. Задолжителна е употребата на сигурносен појас. За време на возењето е забрането не само користењето на мобилен телефон, туку и користењето на направи за телефонирање со слободни раце. Ограничувањето на алкохол за професионални возачи на камион е 0,0 промили. Зимата официјално трае од 15-ти ноември до 15-ти март. За тоа време важи задолжителна употреба на ланци за снег (забранети се профили со шилци за мраз). Возачите на камион мора да носат лопата за чистење снег, зимските гуми мора да имаат профил од најмалку 4 mm. Работните површини на возилата цистерни по кои се оди за време на оперативната работа, мора да бидат опремени, помеѓу другото, со следните безбедносни уреди: - Прекинувачот за прекинување на сите струјни кола мора да биде поставен што е поблиску до акумулаторот. Со овој прекинувач се управува преку дополнителен прекинувач кој се наоѓа во кабината на возачот. Прекинувачот на струјното коло мора да биде лесно достапен за возачот и јасно означен. - На горната страна на цистерната треба да има патека со ширина од најмалку 40 cm за возачот да може безбедно да се движи по цистерната и да врши проверка. - Патеките од возила цистерни кои се два или повеќе метри над земјата и по кои се оди за време на оперативната работа, мора да имаат странични заштитни огради на склопување со висина од најмалку еден метар (во висина на раката). Возачот и совозачот задолжително мора да носат заштитни обувки. Ограничувач на брзината Максималната дозволена брзина во согласност со правилникот за сообраќај на друмските патишта мора секогаш да се почитува. Во согласност со АДР, сите возила цистерни мора да бидат опремени со ограничувач на брзината кога превезуваат опасни материи. страна 13 од 33

14 Заштита од превртување и судири Уредите и деловите од опремата на горната страна на цистерната мора да бидат заштитени против оштетување во случај на евентуално превртување. Задната страна на возилата со фиксни цистерни мора да биде заштитена по целата ширина на цистерната со доволно цврст браник против судир. Заштитна опрема Секое возило цистерна кој превезува опасни материи мора да биде опремено со следната безбедносна опрема: - најмалку еден клинест подметнувач за блокирање на тркалата по возило, соодветен на големината на гумите - два самостојни знака за предупредување (конус, триаголник или трепкачки светла) - лопата (метлата не е во прописите, но е корисна) - прекривка за канален одвод на диплење од полиетилен (ПЕ) - сад за собирање (на пример: кофа) - џепна батерија или друг пренослив уред за осветлување: џепната батерија не смее да биде од метал (од кој би можеле да излетаат искри), за секој член на екипажот треба да има по една џепна батерија. - сигнален елек (во согласност со нормата DIN 471) за секој член на екипажот страна 14 од 33

15 Одредба од АДР Принципи - Не е дозволено да се влегува во место каде што има оган. Батериската лампа нема метална површина (исклучок класа 6.2. и 7) - По една батериска лампа за секој човек во камионот Специјална директива S2 (1), колона 19 од табела A Потребна е дозвола за зона 1 Специјални директиви - Во случај да се превезуваат запаливи течности (број на токсичност 3) и/или запалив гас (број на токсичност 2.1) во затворен камион и некој да мора да има пристап до товарната површина на камионот, батериската лампа мора да има противексплозивна изведба. Независно од видот и количината на опасната материја секогаш мора да се има противпожарен апарат (најмалку 2 kg средство за гаснење), соодветен за справување со пожар. Секој член на екипажот на возилото (возач, совозач) мора кај себе да ја има следната лична заштитна опрема (види под АДР писмени упатства): За отстранување на отпадни масла тука спаѓаат: - течност за плакнење на очите - заштитни ракавици (EN 420) - заштитни очила страна 15 од 33

16 Потребни документи Сертификат За секое возило цистерна, моторно возило цистерна, цистерна приколка и влечно возило со цистерна полуприколка кои се употребуваат за превоз на опасни материи потребен е АДР сертификат. страна 16 од 33

17 5. Насочување Општи правила на однесување (вклучувајќи прва помош), опасности од несреќи и почитување на прописите за превенција на несреќи. Ова насочување е важна обврска на работодавецот. Тој мора да докаже дека соодветно го насочил односно соодветно го обучил вработениот. Насочување Усно поучување во врска со опасностите од несреќи и почитување на прописите за превенција на несреќи. Поради постоечкото законско осигурување против несреќи и соодветните законски одредби, сите возачи на отпадни материи особено нововработените возачи на отпад најмалку еднаш годишно мора исцрпно да се информираат по усмен пат во врска со опасностите од несреќи и ситуациите на итни случаи, како и во врска со строгото придржување кон прописите за превенција на несреќи Општи правила на однесување 1. Пред да почне смената, екипажот на возилото треба да се запознае со сообраќајнобезбедносната состојба на возилото цистерна, а исто така и да се увери дека е комплетна целата опрема која треба да ја имаат за време на превозот. 2. За време на сите активности задолжително мора да носат заштитни обувки. 3. Никогаш да не се влегува во кабината со чевли кои имаат нечистотии од масло поради опасност од лизгање од куплунгот или педалот за кочење. 4. Генерално не смее да се пуши во непосредна близина на возилото со опасни материи. 5. Апаратите за гаснење пожар смеат да се чуваат само во држачите на возилото кои се предвидени за таа цел. 6. Не смеат да се конзумираат дроги и алкохол (да се има предвид и преостанатата количина на алкохол!) ниту други опојни средства. 7. Не смеат да се земаат лица кои не се дел од екипажот. 8. Не смеат да се вршат спасувачки активности на други возила или нивно шлепување. 9. Облеката која е извалкана со масло може брзо и бурно да изгоре во случај на пожар поради ефектот на фитиљ. Затоа многу извалканата работна облека мора веднаш да се смени. 10. Не смеат да се почитуваат упатства кои се противречни на безбедносните прописи. страна 17 од 33

18 5. 2. Полнење и празнење на возилото цистерна 1. За време на пумпањето задолжително да се носат гумени ракавици. Само на тој начин може ефикасно да се избегнат заболувања на кожата! 2. За време на пумпањето во затворени хали или работилници издувните гасови мора да се спроведуваат во уред за одвод или на отворено. 3. Никогаш да не се влегува внатре во цистерната за нејзино чистење или за да се отстрануваат остатоци постои опасност од акутно труење!!! 4. Посебно да се внимава при отворање на затворени садови или буриња полни со опасни материи коишто претходно биле изложени на високи температури. Има можност загреаната течност (евентуално надразнувачка или штетна по здравјето) да се излие надвор со голем притисок, а со тоа да претставува опасност за лицето и очите. 5. При полнење на возилото цистерна мора да се одржува доволно безбедносно растојание кон туѓи лица и возила. 6. За време на пумпањето не смее да се пуши во непосредна близина на возилото цистерна. Истото важи и при примопредавањето на отпадните масла. Постои опасност од пожар и експлозија!!! страна 18 од 33

19 Приказ на полнењето на отпадни масла според примерот од Македонија 1000 литри метална цистерна за собирање отпадни масла во една гаража во Скопје Возило цистерна за собирање на отпадни масла во Скопје. Возилото цистерна е по потекло од Германија и е посебно набавен за собирање на отпадни масла од страна на компанијата Минол. Испумпување на отпадното масло од садот за собирање во возилото цистерна. Проектот им ги стави овие садови на располагање на различни произведувачи на отпадни масла во Македонија. Возилото цистерна во гаражата пред собирање. Отпадното масло се пумпа од садот за собирање во возилото цистерна. Собирање во Скопје: возачот го контролира цревото на возилото цистерна. 200 литри метални буриња како садови за собирање, за отпадни масла. Отпадното масло потоа се пумпа во возилото цистерна. Пумпата на возилото цистерна. страна 19 од 33

20 5. 3. Работа на возилото 1. Поврзувањето на комерцијални возила е посебно опасно. За време на приближувањето на влечно возило кон приколката не смеат да се наоѓаат лица помеѓу возилата! Поради големата опаснот од несреќи, забрането е приближување на приколката кон влечното возило за да се поврзе со него! Под приближување на приколката во овој контекст се подразбира придвижување на приколката преку тркалање кон влечно возило кое стои во место. Овој начин на работа е спротивен на прописите и често завршува со смртни случаи. 2. Задолжително е строго придржување кон интерните прописи на погонскиот терен, како на пример, носењето на дополнителна лична заштитна опрема (кацига, заштитни очила и дополнителна заштитна облека), ограничување на брзината на погонскиот терен итн. 3. При излегување во рикверц од влезни места мора да е достапно едно дополнително лице за ориентирање и покажување. 4. Возилото мора да се повлече од сообраќајот ако се јават недостатоци по патот кои значително ја загрозуваат работната безбедност и кои не можат веднаш да се отстранат. Исто така и помалите недостатоци кои не ја загрозуваат значително работната безбедност треба доколку е можно веднаш да се отстранат. Недостатоците на возилото треба да се пријават кај одговорното лице. 5. Дефектните електрични делови и уреди не смеат да се поправаат на своја рака исклучок од ова се менувањето на сијалици и осигурувачи. 6. Пумпата за отпадно масло смее да се поправа само за време на потполно мирување на возилото Прва помош 1. Да се почитува Упатството за прва помош во случај на несреќи (се наоѓа во кутијата за прва помош). 2. Во случај на несреќа на работното место, централата треба веднаш да се извести телефонски и потоа писмено да се пријави несреќата со опширен извештај за несреќата. 3. Помалите несреќи како на пример, мали исеченици, шинување, контузии, кои не мора да бидат лекувани од лекар, мора веднаш да се внесат во книшката за прва помош. Само така може во случај на подоцнежно влошување на овие повреди да се бара остварување на правото од законското осигурување на повреди. 4. Треба да се провери дали е комплетна содржината на кутијата за прва помош и да се почитува писменото упатство за прва помош во случај на несреќи. страна 20 од 33

21 6. Однесување во случај на несреќа Во случај Вашето возило да е учесник во сообраќајна несреќа, Ве молиме да ги преземете следните мерки во редоследот што е даден подолу: 1. Имајте преглед на ситуацијата останете спокојни 2. Осигурајте го местото на несреќата преземете први мерки - Вклучете го трепкачкото светло - Ако штетата е мала, одвезете го возилото на страна - Во случај на превезување на опасни материи, особено во случај на истекување на товарот, проценете ја можната закана да се почитува писменото упатство (брошурата за несреќи) 3. Помогнете им на повредените спасете живот - Пружете прва помош без да се доведувате себеси во опасност - Ако има повредени, извлечете ги од зоната со опасности 4. Пријавете ја несреќата почекајте да стигне помош - Ако има повредени лица повикајте го повикувачкиот број 194 (брза помош), 193 (противпожарна служба) - Во случај на физичка штета повикајте го повикувачкиот број 192 (полиција) односно во случај на истекување на товарот дополнително повикувачкиот број 193 (противпожарна служба) да се почитува писменото упатство за стоката што се превезува - a) централа xxx, господин/госпоѓа xxx телефон - б) како и при истекување на товарот дополнително да се извести советникот за опасни материи 5. Во случај на пожар да се почитува писменото упатство за стоката што се превезува 6. Да не се остава возилото без надзор 7. Обезбедете докази Ако самите сте вклучени во несреќата: - Запишете ги имињата и адресите на учесниците во несреќата и евентуалните сведоци - Запишете ги податоците од осигурувањето на другиот учесник во несреќата - Документирајте го текот на настаните од несреќата - Не давајте изјава за признавање на вината односно не потпишувајте таква изјава 8. Извештаи што треба да се подготват: - Полициски извештај за несреќата - Пријава за настаната штета/пријава на несреќа (мора да се испрати веднаш до централа на истиот ден претходно по факс - потоа по пошта!!!) страна 21 од 33

22 7. Превоз со возила цистерни односно нивна употреба Постапка при користење на возило цистерна a) важечка лична карта б) важечка возачка дозвола в) важечки АДР-сертификат 1. Дали имате лични документи? г) важечка возачка картичка (при користење на возило со дигитален тахограф) д) обврски за носење на снимките од времето на возење и одмори a. возачка картичка, записни листови, рачно извршени записи и исписи за тековниот работен ден и за претходните 28 календарски денови, за кои морало да се направат записни листови, рачно извршени записи и исписи. б. потврда во согласност со параграф 20 од германскиот закон за возачкиот персонал (гер. Fahrpersonalverordnung, скр. FpersV ) 2. Дали имате документи за возилото? ѓ) сообраќајна дозвола (евентуално за приколката, во согласност со германскиот закон за патниот сообраќај, Straßenverkehrs-Zulassungs-Ordnung, скр. StVZO ) е) важечка потврда за проверка на цистерната за превоз на опасни материи (проверка на цистерна) важечка дозвола за одобрение на возила за превоз на одредени опасни материи (T9 сертификат) ж) важечки записник од последната безбедносна проверка (БП) з) важечки записник од последниот главен преглед (ГП вкл. контрола на издувни гасови) ѕ) важечки извештај за проверка на противпожарниот апарат 3. Дали имате документи во врска со товарот? Писменото упатство лесно може да се најде во возачката кабина Превозниот документ за празни, неисчистени цистерни е налогот за отсранување од последното преземање (на пример од претходниот ден). Внесените податоци во превозниот документ на пример се: НЕ Е ОПАСНА МАТЕРИЈА односно UN 3295 ОТПАД ЈАГЛЕВОДОРОДИ, ТЕЧНО, н.п.с., група на пакување III, опасно за животната средина Треба да се применува постапката на доставница со повратница. Треба да се провери точноста на внесените податоци во доставницата со повратница. Тука се вбројуваат и податоците за опасните материи. страна 22 од 33

23 4. Подготовка за патувањето / контрола пред да се тргне на пат Не смеат да се конзумираат дроги и алкохол (да се има предвид и преостанатата количина на алкохол!) ниту други опојни средства Функционирање на оперативните и безбедносните уреди Правилно функционирање на постоечките направи против паѓање Капакот за покривање на отворот, затворачот со направа за мерење на содржината, приклучоците за полнење кај сите направи за затворање се цврсто затворени Подните вентили се затворени Инсталациите и заштитните капаци се затворени Одводните цевки на танк ваната на горниот дел и на преградата со инсталации се затворени, садот за собирање на искапувања е празен Преградата со инсталации е чиста (нема валкани крпи за чистење) Осветлувањето на преградата со инсталации е соодветно и во најдобар ред Не се користат оштетени црева и инсталации Поставени се соодветни и добро читливи портокалови ознаки (таблички за предупредување) o o o Кај цистерните со повеќе комори, кога се превезуваат различни производи, на поединечните комори странично мора да се постават портокалови таблички за предупредување на кои ќе стојат шифрите за означување на производот што се наоѓа во конкретната комора. Во тој случај, напред и позади на возилото потребни се неутрални таблички за предупредување без шифри за означување. Превоз со празна неисчистена цистерна Табличките за предупредување со шифрите за означување на последниот превезуван производ. Превоз со празна неисчистена цистерна и инсталација Само со потполно покриени таблички за предупредување и налепници за опасност Поставени се и читливи соодветни налепници за опасност (класа 3) како и симболот мртва риба/мртво дрво Достапни се сигнален елек/сигнална облека за секој член на екипажот Заштитната опрема во согласност со писменото упатство е во најдобра состојба Заштитни обувки со спроводлива функција (S3 во согласност со DIN EN 345) Заштитен шлем Најмалку 1 клинест подметнувач за секое возило Присуство на 2 проверени противпожарни апарати, секој по 6 kg во согласност со DIN EN 3 (противпожарните апарати мораат да бидат запечатени и обележани со датумот на наредниот преглед, лицето кое го извршило прегледот мора да е потпишано или мора да постави на нив сопствена плакета прегледот се врши на секои 2 години) 1 бакарен или гумен чекан Средства за впивање на масло (за посипување) за минерални масла или хемиски врзувачки средства за други опасни материи и кофа со волумен од најмалку 5 литри Прекривка за канален одвод 1 соодветна лопата со кофа и метла Не е дозволено да се земаат други лица (освен ако не припаѓаат на екипажот) Материјал за укажување прва помош Чисти крпи за чистење Дали се спроведени пропишаните прегледи за возилото цистерна (трупот на цистерната и деловите од опремата) (проверка на внатрешната и надворешната состојба, проверка на водниот притисок, проверка на густината, проверка на функционирањето на сите делови од опремата)? Дали е проверена работно-сигурносната состојба на возилото цистерна еднаш годишно од страна на стручни лица? Тест на сопирачките страна 23 од 33

24 5. Натовар и истовар Да се почитува o вкупната тежина o осовинското оптеретување o вертикалното оптеретување Да се заземји возилото цистерна преку означениот приклучок за заземјување Да се проверат сигурносните направи против преполнување или претекување Да се почитува забраната за пушење за време на натовар и истовар (во близина на возачката кабина и во неа) На лицата кои не се од компанијата да им се укаже на забраната за пушење Да се носи заштита за главата Да се врши постојан надзор на процесот на натовар и истовар Да не се носат метални предмети во џебовите или облеката Видливо да се маркираат положените црева и цевки Да се имаат предвид висината и ширината на транспортниот пат за проодност на возилото Придржување до највисоката дозволена точка на полнење Местата извалкани со масло веднаш да се третираат со посипување на средство со врзувачки агенс. 6. Запирање и паркирање на возилото Зависно од теренот o Да се користи рачната сопирачка o Да се префрли во најмалата брзина o Да се користат клинестите подметнувачи (потребни се 2 парчиња кај триосовински или повеќеосовински возила и влечни приколки) o Да се исклучи моторот При напуштање на возилото, да се осигура од неовластено користење и лизгање односно поместување Да се паркира само на подлоги со доволна носивост Да се користи сигналната облека при вршење активности како шлепување, поправање или спасувачка работа. страна 24 од 33

25 7. Разно / правила на однесување Треба да се почитуваат упатствата на оперативниот персонал (работна заштита, советник за опасни материи, советник за отпад, и сл.) во местото на потекло на отпадот. Да се вози во рикверц без да се загрозуваат другите; евентуално потребно е лице за ориентирање и покажување. Екипажот на возилото мора да носи обувки што целосно го покриваат стапалото. Кај моторни калеми за намотување на црево да се избегнуваат места со притисок и тангенцијален напон, ограничување на влечната сила. Вратите од преградата со инсталацијата мора да се држат безбедно во отворена состојба. Кај запаливи продукти, преградата со инсталацијата да се означи со знаци за забрана ( Забранети се оган, отворено светло и пушење! ). Начинот на возење да се прилагоди на состојбите условени од времето, сообраќајот, видливоста и состојбата на патиштата. Да се користи задолжителниот сигурносен појас. За време на работната смена o o да се набљудува возилото дали има некои недостатоци што можат да се воочат, ако се воочат недостатоци кои ја загрозуваат оперативната безбедност, да се престане со работата. Да се користат направи за качување/држачи/скали за качување за да се достигнат работните површини. При качување на цистерната, да се постават направите за заштита од паѓање (заштитна ограда и сл.). Апаратите за греење на возачката кабина при нивното работење не смеат да предизвикуваат опасности од оган, експлозија и опасности по здравјето. Не смее да се ограничува видното поле со предмети (ознаки со името, знаменца, автомати за кафе и сл.). За време на контроли од страна на полицијата, неодложно треба да се извести работодавачот ако се јават некои нејасности. Во случај на парична опомена од страна на полицијата, неодложно треба да се извести работодавачот, како и во случај на доставување на образец за сослушување (рок за поднесување приговор е една недела). Возилото цистерна не смее натоварено да се паркира; дозволено е само во исклучителни случаи за тоа треба да се добие одобрение од централата. 8. Писмено упатство Во превозот на опасни материи важи прописот дека возачот треба да ги има кај себе Писмените упатства. Тие содржат важни информации за возачот во врска со управувањето со опасните материи и начинот на постапување во случај на несреќа, како и во врска со означувањето на возилото. Писменото упатство се состои од 4 страници. Овие 4 страници возачот мора комплетно да ги има кај себе. (мора да бидат на јазикот на земјата и на јазик разбирлив за возачот) Означување и налепници на транспортери на опасни материи Правилното означување е задолжително кога точката на палење е под 61 C односно клиентот бара означување за опасни материи Мерки и податоци за броевите за ознаките (UN таблички): страна 25 од 33

26 Позадина: портокалова Големина: долна линија 40 cm, висина 30 cm Рабови и попречна црта: црн раб и црта со ширина од 1,5 cm Броеви на ознаките: црни цифри со ширина на цртата од 1,5 cm; висина на цифрите 10cm. Возилата-цистерни се означуваат со таканаречени големи налепници ( placards ). Минималната големина на големите налепници ( placards ) изнесува 250 mm x 250 mm, а исто така мора да имаат една линија која минува паралелно на работ на растојание од 12,5 mm. страна 26 од 33

27 Пример за означување / возило за отпад со вшмукување / цистерна со една комора Превоз на отпадни масла, број на ОН: UN 3295, ОТПАД јаглеводороди, течно, н.с.п., 3, ГП III, опасно за животната средина, возило за отпад со вшмукување - Голема налепница 3 и опасност за живтната средина лево, десно и на задниот дел од возилото - Портокалова налепница со броеви на предниот и задниот дел на возилото Оваа ознака го има следното значење кога отпадните масла треба да се превезуваат како опасни материи во согласност со АДР: ознаката UN 3295 и бројот на опасност 30 значат UN 3295 значи ЈАГЛЕВОДОРОДИ, ТЕЧНО,Н.П.С. бројот 30 е број на опасноста, при што бројот 3 ја означува запаливоста на течностите (гасови/ испарувања), бројот 0 означува без особена опасност ; средната налепница означува запаливо; течности и десната налепница означува материи опасни за животната средина. страна 27 од 33

28 9. Контрола пред поаѓање на возилото цистерна месец: Возило цистерна / влечно возило интерен бр. број на дозвола приколка / приколка за камион ден 1 Работна облека, заштитен шлем, заштитни обувки 2 Лична карта и документ за регистрација на возилото Задолжително носење на картичка за тахограф за контрола 3 на брзината и време на возење то Ако е потребно, вода за миење на очите, заштитни очила, 4 заштитни ракавици 5 Документација за превозот Сигнална лампа и триаголник на склопување, рачна џепна 6 батерија 7 Прекинувач за акумулаторот / функционална проверка 8 Електрично осветлување вкл. опрема Предна шофершајбна, функционални бришачи на 9 шофершајбна 10 Опрема за гуми без оштетувања, надворешна проверка Нема остатоци од течности, загадување надвор од 11 цистерната 12 Портокалова метална табличка и налепница за опасност 13 Знал за заземјување вклучувајќи двострано заземјување 14 Читлив знак за оперативна работа, знак за чиста цистерна 15 Лопата, четка, подметнувач Затворена одводна цевка, клема, капак за покривот 16 проверен дека не прокапува, функционално црево Танк вана на горниот дел за задржување на преливања, врзувачко средство за истурени масла,прекривка за 17 канален одвод 18 Преграда со инсталација чиста / затворена 19 Функционална заштитна ограда 20 Тест на сопирачки 21 Комплетна документација на возачот Да се прави месечно: Возило цистерна (влечно возило) Длабочина на профил на гуми поглед од напред: поглед од средина: поглед одзади: Тахограф со важност до: 2 противпожарни апарати со важност до: Возачка картичка за тахограф со важност до: Наредна проверка на цистерната: ГП МП T9 сертификат со важност до: Генерален преглед со важност до: Важечка возачка дозвола да не Безбедносна проверка со важност до: 1 комплет за прва помош со важност до: Да се прави месечно: приколка / приколка за камион Длабочина на профил на гуми поглед од напред: поглед од средина: поглед одзади: Наредна проверка на цистерната: главен преглед ГП меѓувремен преглед МП Генерален преглед со важност до: T9 сертификат со важност до: Безбедносна проверка со важност до: противпожарен апарат со важност до: Датум: Име: Потпис: Од безбедносни причини, оваа листа треба да се пополнува секој ден пред поаѓање. Тоа е за заштита на сопствената личност, но исто така и како доказ за работодавачот дека се исполнети обврските на вршење самоконтрола и самонадзор. страна 28 од 33

29 10. Како да го документирам отстранувањето на отпадните масла Ова е само еден пример за можна доставница која би можела да се користи при отстранувањето на отпадните масла. страна 29 од 33

30 11. Разно Постапка при извоз на отпадни масла Производство Собирач Рафинерија за отпадни масла Коментари Документи Записи Работен процес Одговорност Д = оперативна одговорност М = со-согласност И = дава информации Достапна е извозна дозвола / известување Известување во согласност со регулативата на ЕУ бр. 1013/2006 Документ за прекугранично движење Собирачот ја известува рафинеријата за отпадно масло за испораката Известување/меѓународна служба: Собирачот ја најавува испораката кај релевантните служби и рафинеријата за отпадно масло со официјалниот документ за прекугранично движење 3 дена пред датумот на подигање. Д = Собирач Д = Собирач М = Рафинерија за отпадни масла M = Министерство за животната средина во Грција & Македонија Документ за прекугранично движење Рафинеријата за отпадно масло им потврдува на собирачот и на грчкото и македонското министерство за животна околина дека испораката стигнала во рафинеријата за отпадно масло. Д = Рафинерија за отпадни масла M = Собирач M = Министерство за животната средина во Грција & Македонија Фактура од собирачот до рафинеријата за отпадни масла страна 30 од 33

31 Месечен извештај на државната служба (месечен извештај до ПОП единицата) (предлог) Овој извештај треба да се изготвува еднаш месечно од страна на собирачот на отпадното масло. месец: Датум на земање Станица на преземање на возилото Волумен (m³) Код на отпадното возило Собирач на отпадното масло датум/место потпис на собирачот на отпадни масла страна 31 од 33

32 Ограничувања на брзината во Македонија Патнички моторни возила, мотори Приколка Камиони Населени места 40 km/час* 40 km/час* 40 km/час* Локален пат 80 km/час 80 km/час од 3,5 t - 80 km/час од 7,5 t - 70 km/час Пат резервиран за сообраќај на моторни возила Магистрални патишта 100 km/час 80 km/час од 3,5 t - 80 km/час од 7,5 t - 70 km/час од 3,5 t - 80 km/час 120 km/час 80 km/час автопати од 7,5 t - 70 km/час * Во случај на соодветно означување исто така и 60 km/час Поврзани линкови за Македонија:» Итни телефонски броеви во Македонија» Граници на промили во Македонија» Барања што треба да носи & прописи во Македонија» Упатства за патување, безбедносни упатства за Македонија» Давачки на патарина во Македонија 12.Законодавство Подолу стои список со законите и регулативите за отстранување на отпадните масла кои се применуваат или треба да се преземат во националното право: Линкови за законските текстови: Директива на ЕУ 2008/98/ЕЗ, http//eurlex.europa.eu/lexuriserv/lexuriserv.do?uri=oj:l:2008:312:0003:0030:en:pdf Регулатива на ЕУ бр. 1013/2006: Директива на ЕУ 75/439 ЕЕЗ променета од 87/101 ЕЕЗ: et,fi,fr,hu,it,lt,lv,mt,nl,pl,pt,sk,sl,sv,&val=388685:cs&page Accord européen relatif au transport international des marchandises Dangereuses par Route, верзија на германски јазик Europäisches Übereinkommen über die internationale Beförderung gefährlicher Güter auf der Straße страна 32 од 33

33 Завршен дел Јасно е дека има и други начини за отстранување на отпадните масла наместо во природата да се собираат и предаваат во постројки предвидени за таа намена. Отпадните масла се категоризирани како силна закана за водите (класа 3 за закана за водите). Откако ќе стасаат во почвата, ги загадуваат подземните води, а питката вода ја прават неупотреблива. Тие негативно се одразуваат врз вкусот и изгледот на водата, го пореметуваат растителниот и животинскиот свет во водата и со нивната отровност негативно се одразуваат врз степенот на ефикасност на пречистителните станици. Овој прирачник покажува дека отпадните масла кои можат да се преработуваат можат да се собираат без поголеми напори. Со почитување на мерките дадени во прирачникот и со едноставни помошни средства, Македонија во рамките на отстранувањето на отпадните масла ќе достигне една важна одредница ориентирана кон иднината и ќе ги исполни прописите на Европската Унија. страна 33 од 33