D Europäescht Parlament. Acteur am Numm vun der europäescher Demokratie

Transkript

1 LU D Europäescht Parlament Acteur am Numm vun der europäescher Demokratie

2 IMPRESSUM Responsabelen Editeur: Europäescht Parlament Informatiounsbüro zu Lëtzebuerg Editioun 2017 Gestaltung: Comed Fotoen: Europäesch Unioun, 2016: Säite 4 bis 6, 10 bis 20 a 25 istockphoto.com: Titelsäit, Säiten 2 an 23 L Conception & Design : IDEA Unit Print : Printing Unit DG ITEC, EDIT Directorate European Union, EP

3 INHALT Virwuert... S. 3 D Europäescht Parlament als Acteur, deen Iech nolauschtert... S. 4 D Zesummesetzung vum Europäesche Parlament... S. 6 Déi aner Institutioune vun der Europäescher Unioun... S. 8 D Realisatioune vun der Europäescher Unioun... S. 9 D lëtzebuergesch Membere vum Europäesche Parlament stelle sech vir... S. 10 Den Informatiounsbüro zu Lëtzebuerg... S. 22

4 2 } D EUROPÄESCHT PARLAMENt: Acteur am Numm vun der europäescher Demokratie 2017

5 VIRWUERT An dëser Brochure stelle mir Iech d Europäescht Parlament vir, seng sechs lëtzebuergesch Memberen an den Informatiounsbüro zu Lëtzebuerg. Si ass Äre Schlëssel fir d Europäescht Parlament a bitt Iech d Méiglechkeet, Iech um Lafenden ze halen a mat de Membere vum Europäesche Parlament a Kontakt ze bleiwen. D europäesch Integratioun huet dozou bäigedroen, Konflikter ze verhënneren an e gemeinsame Marché fir méi wéi 500 Millioune Bierger opzebauen. Déi aktuell sozial an ekonomesch Situatioun an Europa wéi och d Flüchtlingspolitik hunn eis awer virun Ae gefouert, datt den Integratiounsprozess vun enger Vertrauenskris iwwerschiet gëtt an dohier kontinuéierlech verbessert muss ginn, fir datt de Suerge vun de Bierger nach méi staark Rechnung gedroe gëtt. D Membere vum Europäesche Parlament sinn all Dag bestrieft, op d Erwaardunge vun de Leit anzegoen. Fir no vir ze kommen, muss Europa capabel sinn, déi Problemer ze léisen, déi fir Iech wichteg sinn. D Europäescht Parlament ass de Forum vun der Demokratie an dem Debat ronderëm den zukünftege politesche Wee vun der Europäescher Unioun. De Fonctionnement vum Europäesche Parlament nach besser ze kennen ass eng wichteg Viraussetzung, fir en Deel zu dësem Debat bäizedroen a gemeinsam d Zukunft vun Europa ze gestalten! Den Informatiounsbüro vum Europäesche Parlament zu Lëtzebuerg } 3

6 D EUROPÄESCHT PARLAMENT ALS ACTEUR, DEEN IECH NOLAUSCHTERT Als eenzeg europäesch Institutioun a multinational parlamentaresch Versammlung, déi direkt vun de Bierger vun der Europäescher Unioun gewielt gëtt, ass d Europäescht Parlament en eenzegaartegt Beispill fir eng multinational a méisproocheg Demokratie. Als Garant vun der Demokratie an de Grondfräiheete spillt d Parlament och eng wichteg Roll bei der Gestaltung vun der Politik vun der Europäescher Unioun a Beräicher, déi den Alldag vun de Bierger betreffen, sief dat am Beräich vun der Sécherheet, der Immigratioun, dem Wuesstem, der Beschäftegung, der Liewensqualitéit oder de Mënscherechter. Nieft dem Ausschaffe vu legislativen Texter an dem Fixéiere vum Joresbudget vun der Europäescher Unioun dës Pouvoiren deelt d Parlament mam Conseil, dee sech aus de Ministere vun de Memberstaaten zesummesetzt huet et ausserdeem Kontroll- an Opsiichtsbefugnisser vis-à-vis vun deenen aneren Institutioune vun der Unioun. Et iwwerwaacht, wéi si schaffen a woufir si d Sue vun de Steierzueler asetzen. Zu gudder Lescht ginn am Parlament d Uleies vun de Bierger diskutéiert, an aktuell Theme ginn op d politesch Dagesuerdnung vun Europa gesat. Déi nächst Europawale sti virun der Dier. Dowéinst muss d Europäesch Unioun d Solidaritéit tëscht de Memberstaate stäerken, eng staark Féierungsroll iwwerhuelen an d Pouvoiren, déi hier duerch den Traité vu Lissabon iwwerdroe goufen, effizient asetzen. 4 } DAS EUROPÄISCHE PARLAMENT: Akteur der europäischen Demokratie 2017

7

8 D ZESUMMESETZUNG VUM EUROPÄESCHE PARLAMENT D Europäesch Unioun ass eng eenzegaarteg wirtschaftlech a politesch Partnerschaft, déi sech aus 28 Memberstaaten zesummesetzt. Déi 751 Membere vum Europäesche Parlament vertrieden iwwer 500 Milliounen EU-Bierger. D Membere sinn net an nationalen Delegatiounen organiséiert. Si setzen sech iwwer déi geographesch Grenzen ewech a bilde Fraktiounen, déi eng gemeinsam politesch an ideologesch Ausriichtung hunn. Fir déi aktuell Walperiod hu sech sou aacht Fraktioune konstituéiert. D parlamentaresch Kommissioune bereeden d Aarbecht vum Europäesche Parlament fir d Plenarsëtzungen an hire jeeweilege Politikberäicher vir. Si schaffe Legislativvirschléi an Initiativrapporten aus, reechen Amendementer dozou an a stëmmen doriwwer of. Déi zwanzeg permanent Kommissioune vum Parlament decken all Beräich vum deegleche Liewen of, vun der Wirtschaft iwwer d Chancëgläichheet bis bei d Gesondheet. Se préiwe Virschléi vun der Kommissioun a vum Conseil a schaffen, wann néideg, Rapporten dozou aus, déi an der Plenière presentéiert a gestëmmt ginn. Eng Kommissioun besteet aus 25 bis 71 Memberen. Hir politesch Zesummesetzung spigelt déi vun der Plenière erëm. D Europäescht Parlament zielt 7660 Fonctionnairen an Employéen. Vun hinne schaffen der 2300 zu Lëtzebuerg, dem Siège vu sengem Generalsekretariat. PRESIDENT VUM EUROPÄESCHE PARLAMENT Antonio TAJANI De President ass den institutionelle Vertrieder vum Europäesche Parlament. Hie vertrëtt d Parlament a senge Relatiounen no baussen a leet d Sëtzunge vun der Plenière wéi och vum Bureau a vun der Konferenz vun de Presidenten. De President gëtt vum Parlament fir eng Period vun 2,5 Joer gewielt a kann eng Kéier erëmgewielt ginn. 6 } D EUROPÄESCHT PARLAMENt: Acteur am Numm vun der europäescher Demokratie 2017

9 D ZESUMMESETZUNG VUM EUROPÄESCHE PARLAMENT NO FRAKTIOUNEN GUE/NGL Europäesch Vereent Lénk/ Nordesch Gréng Lénk S&D Fraktioun vun der Progressiver Allianz vun de Sozialisten an Demokraten am Europäesche Parlament Gréng/FEA Fraktioun vun de Gréngen/ Fräi Europäesch Allianz ALDE Fraktioun vun der Allianz vun den Demokraten an de Liberale fir Europa Eng Fraktioun muss op d mannst aus 25 Memberen aus siwe verschiddene Memberstaate bestoen. Situatioun EVP Fraktioun vun der Europäescher Vollekspartei (Chrëschtdemokraten) EKR Fraktioun vun den Europäesche Konservativen a Reformisten EFDD Fraktioun Europa vun der Fräiheet an der direkter Demokratie 42 ENF Europa vun den Natiounen an der Fräiheet NI Memberen, déi kenger Fraktioun ugehéieren } 7

10 DÉI ANER INSTITUTIOUNE VUN DER EUROPÄESCHER UNIOUN DEN EUROPÄESCHE CONSEIL Am Europäesche Conseil leeën national an europäesch Acteuren ënnert der Leedung vum President vum Conseil déi allgemeng Prioritéite vun der EU fest. De Conseil setzt sech aus de Staats- a Regierungscheffe vun de Memberstaaten an dem President vun der Europäescher Kommissioun zesummen. DE CONSEIL VUN DER EUROPÄESCHER UNIOUN De Conseil vun der Europä escher Unioun vertrëtt d Regierunge vun alle Memberstaaten. D Présidence vum Conseil wiesselt all sechs Méint no engem Rotatiounsprinzip tëscht de Memberstaaten. Zesumme mam Europäesche Parlament stëmmt de Conseil iwwert d europäesch Legislatioun an de Budget vun der Europäescher Unioun of. D EUROPÄESCH KOMMISSIOUN D Europäesch Kommissioun ass d Exekutivorgan vun der EU. Si ass responsabel fir d Ausschaffen an d Ëmsetze vun der EU-Legislatioun. Als Gardienne vun den Traitéen iwwerwaacht si déi dagdeeglech politesch Aarbecht vun der EU. DE GERIICHTSHAFF De Geriichtshaff vun der Europäescher Unioun ass dat iewescht Geriicht fir Ugeleeënheeten, déi d EU-Recht betreffen. De Geriichtshaff leet d EU-Recht aus a suergt dofir, datt et an alle Memberstaaten eenheetlech applizéiert gëtt. e D EUROPÄESCH ZENTRALBANK D Europäesch Zentralbank (EZB) geréiert den Euro, schafft d Wirtschafts- a Währungspolitik aus a setzt si ëm. Hir Haaptaufgab ass et, d Präisstabilitéit bäizebehalen, de Wirtschaftswuesstem ze ënnerstëtzen an dozou bäizedroen, nei Aarbechtsplazen ze schafen. DE RECHNUNGSHAFF Den Europäesche Rechnungshaff ass den externe Préiwer vun der EU; hie kontrolléiert also hir Finanzen. De Rechnungshaff dréit zur Verbesserung vun der Exécutioun vum EU-Budget bäi a vertrëtt iwwerdeems als onofhängeg Instanz déi finanziell Interessië vun den EU-Bierger. Weider Informatiounen iwwert d Institutioune vun der EU fannt Dir op dësem Site: 8 } D EUROPÄESCHT PARLAMENt: Acteur am Numm vun der europäescher Demokratie 2017

11

12 GEORGES BACH FRAKTIOUN VUN DER EUROPÄESCHER VOLLEKSPARTEI National Partei: CSV Gebuer den 12. Juni 1955 zu Lëtzebuerg Member vum Europäesche Parlament zënter 2009 Member vun der Kommissioun fir Verkéier an Tourismus vun der Delegatioun fir d Relatioune mat der Schwäiz a mat Norwegen, an der Gemëschter Parlamentarescher Kommissioun EU-Island an an der Gemëschter Parlamentarescher Kommissioun Europäesche Wirtschaftsraum Stellvertriedende Member vun der Kommissioun fir Beschäftegung a sozial Ugeleeënheeten vun der Delegatioun fir d Relatioune mat Kanada KONTAKT Parlement européen Rue Wiertz Altiero Spinelli 11E253 B-1047 Bruxelles T +32 (0) } D EUROPÄESCHT PARLAMENt: Acteur am Numm vun der europäescher Demokratie 2017

13 WAT SINN ÄR PRIORITÉITE FIR D EUROPÄESCH UNIOUN A FIR LËTZEBUERG? D Europäesch Unioun steet den Ament virun enger grousser Erausfuerderung. Zënter enger gewëssener Zäit steet d Gestioun vu Krisen op der Dagesuerdnung vun den Institutiounen. Dowéinst sinn d Aarbecht an d Stëmm vum Europäesche Parlament esou wichteg wéi nach ni. Trotz den negative Schlagzeile kënne mir och positiv a ganz konkret Erfolleger opweisen. D Jugendgarantie, déi vun der Kommissioun fir Beschäftegung an d Liewe geruff gouf, dréit Friichten an ënnerstëtzt déi Jonk dobäi, am Beruffsliewe Fouss ze faassen. D Sécherheet an d Gesondheet op der Aarbecht stellen eng Prioritéit an Europa duer a si verstäerkt ginn. D Rechter vun de Fluchpassagéier si geännert ginn, dëst zum Virdeel vun de Passagéier. An Enn 2016 ass de véierten Eisebunns-Pak ugeholl ginn. Dëst huet dozou bäigedroen, d Problemer, déi duerch eng sëllechen national Virschrëfte verursaacht goufen, z iwwerwannen a gemeinsam Norme festzeleeën, déi d Sécherheet an de Verkéier iwwert d Grenzen ewech verbessert hunn. An deenen nächsten zweeënhallef Joer wäerte mir eis virun allem op de Stroos- severkéier konzentréieren. D Sécherheet am Stroosseverkéier, dorënner och déi vun de Foussgänger an de Vëlosfuerer, ass eng wichteg Prioritéit fir d Europäescht Parlament. Déi nächst Generatioun Autoe wäert méi streng Ëmwelta Sécherheetsvirschrëften anhale mussen. De rasanten technologesche Fortschrëtt wäert e groussen Afloss op déi aktuell an déi zukünfteg legislativ Texter hunn. Am soziale Beräich wäert déi gréissten Erausfuerderung doranner bestoen, dofir ze suergen, datt d Direktiv iwwert den Detachement vun den Aarbechter sozial a gerecht Aarbechtsbedingunge garantéiert, an zwar nom Prinzip: déi selwecht Pai fir déi selwecht Aarbecht op der selwechter Plaz. D Virschrëften, déi fir d Camionneure gëllen, sollen och verbessert ginn. Mat der Aféierung vun engem Pilier vu soziale Rechter kënnegt sech eng weider grouss Erausfuerderung un. Ech freeë mech als Member vun der Kommissioun fir Beschäftegung a sozial Ugeleeënheeten an der Kommissioun fir Verkéier, um Opbau vun engem méi sozialen Europa matzeschaffen. } 11

14 MADY DELVAUX FRAKTIOUN VUN DER PROGRESSIVER ALLIANZ VUN DE SOZIALISTEN AN DEMOKRATEN AM EUROPÄESCHE PARLAMENT National Partei: LSAP KONTAKT Parlement européen Rue Wiertz Altiero Spinelli 15G115 B-1047 Bruxelles T +32 (0) Gebuer den 11. Oktober 1950 zu Lëtzebuerg Fréier Ministesch fir Bildung a Beruffsausbildung, sozial Sécherheet, Verkéier a Kommunikatioun Fréier lëtzebuergesch Deputéiert Fréiere Member vum Gemengerot vun der Stad Lëtzebuerg Member vum Europäesche Parlament zënter 2014 Vizepresidentin vun der Rechtskommissioun Member vun der Delegatioun an de Kommissioune fir Parlamentaresch Kooperatioun EU-Kasachstan, EU-Kirgisistan an EU-Usbekistan souwéi fir d Relatioune mat Tadschikistan, Turkmenistan an der Mongolei Stellvertriedende Member vun der Kommissioun fir Wirtschaft a Währung vun der Enquêtekommissioun fir d Bewäertung vu méiglechen Infraktiounen a Mëssstänn bei der Ëmsetzung vum EU-Recht am Zesummenhang mat Geldwäsch, Steiervermeidung a Steierhannerzéiung vun der Delegatioun fir d Relatioune mam Panafrikanesche Parlament 12 } D EUROPÄESCHT PARLAMENt: Acteur am Numm vun der europäescher Demokratie 2017

15 WAT SINN ÄR PRIORITÉITE FIR D EUROPÄESCH UNIOUN A FIR LËTZEBUERG? Mam Enn vum leschte Joer ass och déi éischt Halschent am Europäesche Parlament op en Enn gaangen, a mir kënnen op zwee immens aktiv Joer zréckblécken. Als Rapporteur am Beräich vun der Unerkennung vum Inhalt vun ëffentlechen Dokumenter si mir e gudde Schratt weiderkomm, andeems mir déi administrativ Barrièrë fir d Bierger e Stéck wäit ofbaue konnten. D Digitaliséierung an de Fait, datt a verschiddene Beräicher ëmmer méi Roboteren agesat ginn, dorënner Dronen, medezinesch Roboteren an autonom Autoen, wäerten eis Liewens- an Aarbechtsweis staark veränneren. Wien iwwerhëlt d Responsabilitéit bei engem Accident, wie kann op déi gesammelt Daten zougräifen? Dacks gëtt der Politik virgehäit, si géing net séier genuch reagéieren, mä an dësem konkrete Fall ware mir dat éischt Parlament, dat en Initiativrapport ausgeschafft huet, deen e rechtleche Kader fir d Robotik virschléit. Wéinst deene villen negative Schlagzeile wéi der Flüchtlingskris, dem Brexit an dem Opkomme vum Populismus halen ech gären un engem Message fir d nächst Joer fest, deen d Gewënner vum Sacharow-Preis, d Nadia Murad an d Lamija Adschi Baschar, op impressionnant Aart a Weis vermëttelt hunn, an zwar un engem Message vun Hoffnung a Courage. } 13

16 FRANK ENGEL FRAKTIOUN VUN DER EUROPÄESCHER VOLLEKSPARTEI National Partei: CSV KONTAKT Parlement européen Rue Wiertz Altiero Spinelli 11E210 B-1047 Bruxelles Tel. +32 (0) Gebuer den 10. Mee 1975 zu Lëtzebuerg Member vum Europäesche Parlament zënter 2009 Vizepresident vun der Delegatioun fir d Relatioune mat der Volleksrepublik China Member vun der Kommissioun fir biergerlech Fräiheeten, Justiz a Bannepolitik vun der Enquêtekommissioun fir d Bewäertung vu méiglechen Infraktiounen a Mëssstänn bei der Ëmsetzung vum EU-Recht am Zesummenhang mat Geldwäsch, Steiervermeidung a Steierhannerzéiung Stellvertriedende Member vun der Entwécklungskommissioun vun der Kommissioun fir Wirtschaft a Währung vun der Delegatioun an de Kommissioune fir parlamentaresch Zesummenaarbecht EU-Armenien an EU-Aserbaidschan an an der Parlamentarescher Associatiounskommissioun EU-Georgien vun der Delegatioun fir d Relatioune mam Panafrikanesche Parlament vun der Delegatioun an der Paritéitescher Parlamentarescher Versammlung AKP-EU vun der Delegatioun an der Parlamentarescher Versammlung Euronest 14 } D EUROPÄESCHT PARLAMENt: Acteur am Numm vun der europäescher Demokratie 2017

17 WAT SINN ÄR PRIORITÉITE FIR D EUROPÄESCH UNIOUN A FIR LËTZEBUERG? Verschidde Memberstaate wéi Ungarn a Polen hunn d Erausfuerderungen, mat deenen d Europäesch Unioun den Ament konfrontéiert ass, dorënner d Immigratioun an den Terrorismus, als Virwand geholl, fir géint ee Grondrecht vun der EU ze verstoussen: de Respekt vun der Rechtsstaatlechkeet. Engersäits huet d Europäesch Unioun immens vill Instrumenter, mat deenen d Politik am Beräich vun der Kompétivitéit an der Zesummenaarbecht vu Police a Justiz duerchgesat gëtt, anerersäits gëtt et kee stabilt Instrument, dat dofir suergt, datt d Regierungen d Grondwäerter vun der EU respektéieren. Et dierf net vergiess ginn, datt sou Feelgrëff an der Gouvernance zu enger Diktatur féiere kënnen. D Kommissioun fir biergerlech Fräiheeten, Justiz a Bannepolitik huet sech mat dëser Fro befaasst, an ech hunn am Numm vun der Fraktioun vun der Europäescher Vollekspartei den detailléierte Contenu vun enger Resolutioun ausgehandelt, déi de 25. Oktober 2016 vum Europäesche Parlament votéiert gouf. Fir mech ass et wichteg, e Mechanismus ze kreéieren, deen op den Traitéë baséiert a séier ëmgesat ka ginn. D Grondiddi besteet doran, eng Aart rechtlech Iwwerwaachung vun de Memberstaaten (op der Basis vun Indicateure wéi Gewaltentrennung, Fräiheet a Pluralismus vun de Medien an Zougang zu der Justiz) duerch en Expertegrupp duerchzeféieren, dee sech aus Verfassungsriichter, déi vun de Memberstaate benannt ginn, an aus zéng Experten, déi vum Europäesche Parlament designéiert ginn, zesummesetzt. Op der Basis vun den Observatioune vun dësem Expertegrupp verfaasst d Kommissioun e Rapport mat konkrete Recommandatioune fir all Land an organiséiert en interparlamentareschen Debat mat de Volleksvertriedunge vun de Memberstaaten. De Rapport vum Sophie in t Veld, iwwert deen de 25. Oktober 2016 an der Plenière ofgestëmmt gouf, erméiglecht et der Kommissioun, op der Basis vum Artikel 7 vum Traité iwwert d Europäesch Unioun ze agéieren, an zwar vun der Ouverture vun engem Dialog mat dem concernéierte Memberstaat bis zu enger fréizäiteger Warnung, ier et zu enger schlëmmer Infraktioun kënnt an d Stëmmrecht vum Memberstaat am Conseil opgehuewe gëtt. } 15

18 CHARLES GOERENS FRAKTIOUN VUN DER ALLIANZ VUN DE LIBERALEN AN DEMOKRATE FIR EUROPA National Partei: DP KONTAKT Parlement européen Rue Wiertz Altiero Spinelli 9G157 B-1047 Brüssel T +32 (0) Gebuer de 6. Februar 1952 zu Ettelbréck Member vum Europäesche Parlament vun 1982 bis 1984, vun 1994 bis 1999 an zënter 2009 Fréiere Minister fir Entwécklungszesummenaarbecht, humanitär Moossnamen, Ëmwelt an Defense Fréieren nationalen Deputéierten Member vun der Entwécklungskommissioun vun der Ënnerkommissioun Mënscherechter vun der Delegatioun an der Paritéitescher Parlamentarescher Versammlung AKP-EU Stellvertriedende Member vun der Budgetskommissioun vun der Kommissioun fir konstitutionell Froen vun der Delegatioun fir d Relatioune mam Panafrikanesche Parlament } D EUROPÄESCHT PARLAMENt: Acteur am Numm vun der europäescher Demokratie 2017

19 WAT SINN ÄR PRIORITÉITE FIR D EUROPÄESCH UNIOUN A FIR LËTZEBUERG? Déi éischt Halschent vun dëser Walperiod war vun enger Rëtsch Erausfuerderunge geprägt: Klimawandel, Ongläichheeten, déi ëmmer méi grouss ginn, Migratiounskris, Krich an der direkter Noperschaft vun der Europäescher Unioun, Grexit a Brexit. De Brexit ass Realitéit, an d Kris hält weiderhin un. Zwar konnt de Grexit verhënnert ginn, allerdéngs hu mir et mat enger verdeckter Kris ze dinn. D Barbarei an der Peripherie vun der Europäescher Unioun an d Flüchtlingskris si matenee verbonnen. Dobäi kennt, datt dës zwou Krise weisen, datt d Memberstaate bei der Aussepolitik éischter zeréckhalend sinn a bei der Bannepolitik net genuch Solidaritéit opbréngen. De Fait, datt d Ongläichheeten ëmmer méi grouss ginn, ass dorop zeréckzeféieren, datt d Globaliséierung net maîtriséiert gëtt. Wat de Klimawandel betrëfft, ass et der EU ze verdanken, datt d Ofkommes vu Paräis ugeholl gouf. Dofir meng Konklusioun: Mat manner Europa ass d Katastrof virprogramméiert. Et war nach ni esou wichteg wéi elo, den Acquis ze konsolidéieren a gläichzäiteg eng Visioun auszeschaffen an d Funktionéiere vun den Institutiounen ze verbesseren. Wann déi 28 et wierklech wëllen, kënne si och eppes erreechen. } 17

20 VIVIANE REDING FRAKTIOUN VUN DER EUROPÄESCHER VOLLEKSPARTEI National Partei: CSV Gebuer de 27. Abrëll 1951 zu Esch-Uelzecht Member vum Europäesche Parlament vun 1989 bis 1999 an zënter : Member vun der Europäescher Kommissioun : Vizepresidentin vun der Europäescher Kommissioun, zoustänneg fir Justiz, Grondrechter an EU-Biergerschaft Member vun der Kommissioun fir internationalen Handel vun der Delegatioun an der Parlamentarescher Kommissioun Cariforum-EU Stellvertriedende Member vun der Kommissioun fir konstitutionell Froen vun der Delegatioun fir d Relatioune mat Australien an Neiséiland KONTAKT Parlement européen Rue Wiertz Altiero Spinelli 11E202 B-1047 Bruxelles T +32 (0) } D EUROPÄESCHT PARLAMENt: Acteur am Numm vun der europäescher Demokratie 2017

21 WAT SINN ÄR PRIORITÉITE FIR D EUROPÄESCH UNIOUN A FIR LËTZEBUERG? Zënter 2014 hunn ech mech ouni Paus engagéiert: fir eis gemeinsam Wäerter géint d autoritär Tendenze vu verschiddene Länner an der EU an an hirer Noperschaft zu verdeedegen; fir eis digital Rechter zu stäerken, dorënner de Schutz vun de perséinlechen Donnéeën an d Ofschafe vun de Roaming-Käschten; fir d Globaliséierung mat internationalen Normen a méi staarken handelspoliteschen Instrumenter ze reguléieren. An den nächste Méint wäert ech mech weiderhi fir kloer Reegelen asetzen, déi d europäesch Intressië verdeedegen (virun allem als Rapporteur iwwert d Ofkommes iwwer den Handel mat Déngschtleeschtungen, TiSA) an d europäesch Kreativ-Industrie virun der Muecht vun Internetplattforme schützen. All dës europäesch Moossname geschéien natierlech och am Intressi vun de Lëtzebuerger Entreprisen a Bierger. Fir den Terrorissem ze bekämpfen, si gemeinsam an engagéiert Moossnamen néideg hat Europa mat der Kreatioun vun engem neien europäesche Grenzkontrollsystem seng Handlungsfäegkeet ënner Beweis gestallt. D Joer 2017 markéiert de 60. Gebuertsdag vum Traité vu Roum an ass dohier entscheedend fir d Zukunft vum europäesche Projet. Onofhängeg vum Austrëtt vum Vereenegte Kinnekräich muss sech Europa reforméieren, fir u Wierksamkeet a Visibilitéit ze gewannen. } 19

22

23 WAT SINN ÄR PRIORITÉITE FIR D EUROPÄESCH UNIOUN A FIR LËTZEBUERG? Déi éischt Halschent vun der Walperiod war schwéier, an dat aus verschiddene Grënn, dorënner de Konflikt an der Ukrain, de Krich a Syrien, de Brexit an d Presidentschaft vum Donald Trump. An awer dierfe mir d Etappenziler, déi mir erreecht hunn, net vergiessen, virun allem an enger Zäit wéi dëser. An dësem Zesummenhang géing ech gären op zwee Erfolleger hiweisen, déi mir um Häerz leien. Zesumme mat der Zivilgesellschaft konnte mir d Verlängerung vun der Autorisatioun vum Herbizid Glyphosat ëm 15 Joer blockéieren. Iwwert déi europäesch Biergerinitiativ, déi viru Kuerzem an d Liewe geruff gouf, musse mir weiderhin Drock op d Kommissioun maachen, fir en definitiivt Verbuet ze erreechen. Wéinst dem Drock, dee mir, déi Gréng, an deene leschte Joren ausgeübt hunn, ginn an Europa keng ëffentlech Gelder méi fir de Bau vun Atomkraaftwierker agesat. Als Rapporteur vum Europäesche Parlament wäert ech an den nächsten zwee Joer Reegele fir d Energieunioun mat den 28 Memberstaaten aushandelen a mech fir en Enn vun de knaschtegen Energië wéi zum Beispill Atomkraaft a Kuelen asetzen. A verschiddene Grënnerstaate vun der EU fanne geschwënn wichteg Wale statt, ënner anerem an Däitschland, a Frankräich an an Holland. Déi nächst Méint a Jore sinn immens wichteg fir d Verdeedegung vun eisen demokratesche Wäerter. Souwuel beim Referendum an England wéi och bei de Walen an Amerika koum et zu ganz knappe Resultater. D Demokratie lieft vu Mënschen, déi sech engagéieren. An dësem Sënn musse mir an den nächste Méint fir all Stëmm kämpfen. } 21

24 DEN INFORMATIOUNSBÜRO ZU LËTZEBUERG Den Informatiounsbüro zu Lëtzebuerg stellt Informatioune bereet an ass fir d Kommunikatioun an d Ëffentlechkeetsaarbecht zoustänneg. D Aufgab vu sengem Team besteet doran, d Aarbecht vum Europäesche Parlament a senge lëtzebuergesche Memberen duerzestellen. Den Informatiounsbüro steet a stännegem Kontakt mat de Medien, de sozioekonomeschen a kulturellen Acteuren, dem Educatiounsberäich an den nationalen a lokalen Autoritéite vu Lëtzebuerg a vun der Groussregioun D LEGISLATIV ROLL VUM EUROPÄESCHE PARLAMENT VERSTOEN Zesumme mat de concernéierten Acteure vu Lëtzebuerg organiséiere mir regelméisseg Tableronden a Seminairen iwwer legislativ Dossieren, déi e staarken Afloss op d lëtzebuergesch Ekonomie a Gesellschaft hunn, dorënner den Detachement vun den Aarbechter, d Homologatioun vun den Autoen an de Beräich vun der Defense. STUDENTEN A JONK AARBECHTER AN D EUROPÄESCH DEMOKRATIE ABEZÉIEN Och an de Lycéeë vum Land si mir present. Sou organiséiere mir zum Beispill Renconteren tëscht Europadeputéierten a Schüler a bidde Schüler a jonke Beruffstätegen d Méiglechkeet, un Diskussiounen a Rollespiller deelzehuelen, bei deenen d legislativ Aarbecht vum Europäesche Parlament simuléiert gëtt. FIR D WÄERTER VUM EUROPÄESCHE PAR- LAMENT SENSIBILISÉIEREN Den Informatiounsbüro zu Lëtzebuerg bezitt Iech an Diskussiounen a Gespréicher iwwert d Wäerter vum Europäesche Parlament an; dozou zielen d Gläichstellung vun de Geschlechter, d Europafest am Mee, de LUX-Filmpräis an d Mënscherechter am Kader vum Sacharow-Präis fir geeschteg Fräiheet. INFORMATIOUN A KONTAKT Den Europäeschen Informatiounszenter am Rezde-Chaussée vum Haus vun der Europäescher Unioun ass eng eenzegaarteg Informatiouns- Plattform, déi all Är Froen iwwert d Europäesch Unioun beäntwert. 22 } D EUROPÄESCHT PARLAMENt: Acteur am Numm vun der europäescher Demokratie 2017

25

26 NOTIZEN 24 } DAS EUROPÄISCHE PARLAMENT: Akteur der europäischen Demokratie 2017

27

28 EUROPÄESCHT PARLAMENT Informatiounsbüro zu Lëtzebuerg Haus vun der Europäescher Unioun 7, rue du Marché-aux-Herbes L-2929 Luxembourg T F Parlement européen au