Charas alpinistas, chars alpinists

Transkript

1 Charas alpinistas, chars alpinists La stà es passada e Vo varat fat dürant las ultimas eivnas fingià ün o tschella bella gita culla spuolvradina toccanta!! Che bellezza dad avair darcheu üna jada ün inviern inandret. No da la suprastanza vain gnü da ns occupar cun divers temas. Da quels allegraivels ed interessants, ma displaschaivelmaing eir cun ün trist. Nossa guardgiana da la chamonna Lischana, Cristina Antonini Enz, es morta davo lunga malatia. Ella ans restarà in buna memoria, impustüt cun seis esser alleger, cun seis temparamaint e culla buna cuschina tagliana. Nossas 3 chamonnas ans tegnan eir adüna vi da la lavur. La stà 2007 es statta fich buna grazcha fich als guardgia chamonnas, chefs ed agüdonts/tas per tuot la lavur prestada!! Quels chi sun stats a la radunanza extraordinaria a Susch han dudi cha no fain fabrica quista stà chi vain. Illa chamonna Tuoi vegnan fattas lavuors da mantegnimaint ed amegldramaint. Il proget es gnü preschantà e la radunanza ha fat bun la proposta da la suprastanza. Implü vaina infuormà davart las trattativas cul cumün da Müstair concernant l Alp Sprella. Davo ün animada discusiun han ils commembers decis cun gronda majorità da surdar a la suprastanza la cumpetenza da trattar inavant. Intanta ha eir la populaziun da Müstair decis da vulair dar l Alp Sprella a nossa secziun. No infuormain alura darcheu, cur cha ls detagls sun avantman. E per finir amo üna novità main allegraivla: Mario Rauch ha decis da schmetter cull actualisaziun da la pagina dad internet. El ha fat quai blers ons ün schlass grazcha fich ad el per tuot la lavur!! Uossa eschan natüralmaing in tschercha dad ün successur. Scha Tü vessast interess da far quella lavur (Mario füss eir pront da dar ün pa instrucziun), schi fa a savair!! Eu giavüsch a tuots ün bun inviern ed a bun ans verer gianna

2 Sur da nossas chamonnas A la radunanza extraordinaria dals 04 october a Susch es gnü preschantà il preproget per il mantegnimaint ed ingrondimaint da la chamonna Tuoi. Quel prevezza sper diversas lavuors da mantegnimaint eir lavuors d adattamaint ed ingrondimaint. Mantegnimaint: - fanestras - uschöls - fatschadas in lain - fuonds da stüva, chadafö e local d inviern - differents dons d ümidità - lavuors da pittur - differentas reparaturas e pitschnas lavuors da renovaziun Adattamaint ed ingrondimaint: - ingrondimaint da la stüva per adattar il nomer da plazzas da mangiar al nomer da plazzas da durmir - entrada e terrassa nouva - colliaziun directa chadafö stüva - müdamaint da las s-chalas internas ed access nouv pels schlers - nouva soluziun per s-chodar il local d invern e da süantar roba - colliaziun cuvernada tanter la tschuffa da laina ed il local dals skis - accumplir differentas pretaisas da la pulizia da fö Ils cuosts totals calculats per l inter proget s amuntan a 580'000 fr.

3 Il program da fabrica guarda oura seguaintamaing: - october 07: inoltraziun dal preproget a la cumischin da chamonnas dal CAS Svizzer - november 07: sezzüda e posiziun da la cumischiun da chamonnas dal CAS Svizzer - december 07 schner 08: elavuraziun dal proget da fabrica - 31 schner 08: inoltraziun dal proget da fabrica e dumonda da subvenziun al CAS Svizzer - favrer avrigl 08: progettaziun d execuziun e submissiun da las lavurs da fabrica - avrigl 08: radunanza generala da nossa secziun cun preschantaziun dal proget da fabrica e calculaziun actualisada dals cuosts - gün 08: execuziun da la prüma etappa da fabrica (chamonna serrada) - lügl fin october 08: execuziun da la seguonda etappa da fabrica (chamonna averta) - october fin inviern 08: lavuors da finischun (chamonna serrada) inauguraziun e giubileum 75 ons chamonna Tuoi da nossa secziun Dürant la stà passada vaina pudü registrar las seguaintas cifras da pernottaziun in nossas trais chamonnas: Chamonna Tuoi 1557 pernottaziuns Chamonna Linard 731 pernottaziuns Chamonna Lischana 2345 pernottaziuns Grazcha fich a tuot ils guardians cun lur squadras per la buna lavur da custodimaint. In quist lö lessa comunichar cha no vain stuvü tour cumgià dürant il mais avuost da Cristina Enz-Antonini. Insembel cun seis hom Heinz han els custodi dürant blers ons la chamonna Lischana. A Heinz giavüschaina uossa blera forza ed eir inavant bun success illa chamonna Lischana. Tschlin, november 2007 Cla Duri Janett

4 Charas lecturas, chars lectuors Cun gronds pass avicinaina ans a Nadal. La cuntrada es bel alba e bainbod pudaina darcheu ir culs skis e giodair las bellas gitas cha noss manaders han miss insembel, ün fich bel program. A tuot quels chi han cuntribui alch vi da nos cudeschin dschaina grazcha fich. Ün sten grazcha fichun a Marianna Sempert per tuot quellas bellischmas fotografias ch ella ha tramis a no. Quellas güdan ad imbellir il cudeschin. Ün grond ingrazchamaint eir a tuot ils manaders dal CAS e da l OJ per las bellas gitas cha tuots han pudü giodair la stà passada. A tuots giavüschaina ün bel temp d Advent, bellas Festas da Nadal ed ün bun inviern. Voss redactuors Aita Ursina e Thomas Dietrich Suprastanza 2008 presidenta: Gianna Rauch, Sent actuara: Corsina Feuerstein, Scuol chaschier: Andri Lansel, Sent schef da chamonnas: Cla Duri Janett, Tschlin schef da salvamaint: Jöri Felix, Sent schef da gitas: Christian Wittwer, Zernez schef da l OJ: Chasper Alexander Felix, Sent redacziun gazettina: Aita Ursina e Thomas Dietrich didis2001@bluewin.ch Fotografias: davantvart: davovart: Marianna Sempert Aual giò Pradella Langtaufers

5 Gita da secziun sülla Cima di Piazzi 14/15 avrigl 2007 Cha per quista gita stopcha tuornar tuot, vaiva declerà nos manader Alfons à Porta. E lura è la gnüda l eivna davo Pasqua cun ün di plü bel co tschel. Ed uschè d eira eir in sonda, cur cha no eschan partits da Zernez vers Livigno. Da l OJ d eiran Chasper Alexander Felix sco manader, Rut Martina Janett, Tumasch à Porta e Curdin Kindschi; da la secziun : Alfons à Porta, Simon Salzgeber, Tumasch Planta, Not Buchli, Armon à Porta, Andri Lansel ed Armon Nuotclà. Pro üna cuorta fermativa suot il pass dal Foscagno tilla vaina observada cul spejel, la Cima di Piazzi e Tumasch ha manià: Üna muntogna in uorden. Ingün nu d eira amo stat sü. No pernottain ad Isolaccia. Alfons, Not e Tumasch fan amo la saira ün gir per recognoszar. La dumengia a bunura partina adurezzas culs autos da Simon e da Tumasch aint da Val Lia. Id es amo s-chüra not cur cha no bandunain ils autos e partin cun glüminas sül frunt portond ils skis sülla rain. Subit chi d es pussibel mettaina sü ils skis, ed aintasom la val, cumainza lura la muntada. Ter stip, dür, suotaint para marsch! Üna schaschinada sainza fiers! Davo var 2 uras ans rechattaina lura sül vadret. Ils giuvens van independentamaing da no cun lur manader. I segua üna lunga e per part stantusa muntada e lura ragiundschaina la Cima di Piazzi sün 3439 m.s.m. Üna bellezza! Quist piz es liber da tuot las varts, quai chi ns permetta in ün di sco hoz, üna vista dalöntschezzas. La skiada va il prüm sün puolvra, davo naiv düra, plü tard pakinas cruostas e lura lom e pella val oura marsch. Stanguels, mo satisfats tuornaina in Engiadina. Propcha: Üna muntogna in uorden sco cha Tumasch vaiva dit. Grazcha fich ad Alfons per sia stupenda organisaziun. Armon Nuotclà

6 I nu voul adüna ün piz Gita da la secziun dals 14/15 lügl 2007 sur il pass da Silvretta Ün di grisch in november, tschiera sur la val. Cun verer our da fanestra as pudessa bod gnir ün pa melancolic schi nu füssan las algordanzas da la stà passada. E tuot in d'üna jada suna in ün oter lö Üna planüra vasta da naiv, in vicinanza ün spi grippus, ün pa plü dalöntsch muntognas imposantas e davant no ün panorama grondius. Il tschêl es sainza nüvlas, ün ventin agreabel sofla. Minchatant ün pêr pleds o ün rier, inschinà esa quiet. No eschan sül pass da Silvretta, il "piz" da nossa gita. A bunura eschna partits da la chamonna Tuoi e chaminats amunt, passond sper il "lajet vöd" dal Cronsel vöd daspö la bouda chi'd es rivada fin giò la Val Tuoi in avuost da l'on passà (no vaivan vis ils mantuns da crappa vidvart la chamonna). Purtrets impreschiunants intuorn no: a schnestra il Piz Fliana, a dretta ils duos Buins cul couloir tanteraint chi'm fa gnir sturnizi be cun verer sü e pensar cha alpinists curaschus van amunt eir là... Nossa via es main stipa, in sua giaina però listess. Il vadret da Plan Rai para bainschi be üna costa da naiv ma tuot in d'üna jada eschna davant üna sfessa! Sül Plan Mezdi müda la cuntrada, davantvart vezzaina il Verstanclator, a dretta as driva la gronda foppa da La Cudera. No chaminain adüna sün naiv ideala, ni massa düra, ni massa lomma suot la Fuorcla dal Cunfin via e rivain sül pass da Silvretta. Intant cha no fain la posa vain üna pitschna gruppa da tschella vart sü, inschinà eschna sulets in viadi. Lura vaja aval, vers la chamonna Silvretta. Pür massa svelt eschna giosom il vadret eu füss chaminada jent amo lönch sün quista surfatscha alba, in quista quietezza ingio chi's doda be il murmuröz dals milli aualins chi culan aval. Ma uossa ans spetta darcheu ün nouv purtret da bellezza lajets blaus tanter crappa cotschnainta. Quia faina üna bella posa temp per giodair il sguard inavo sül vadret e vers il pass da Silvretta.

7 Davant la fanestra esa amo adüna grisch. Ma eu vez be plü ils purtrets da quel di glüschaint in lügl. Na be il tschêl blau, il sulai e las bellas cuntradas, dal rest. Eir ils mumaints da prüvadentscha dürant la saira in chamonna toccan pro, la posa da cafè illa stüvetta da la chamonna Silvretta ed impustüt l'atmosfera agreabla in nossa pitschna gruppa, nossas discussiuns e baderladas. Grazcha fich a meis cumpogns, Duri e Heidi, e grazcha fichun a nos manader Tumasch! Per mai es quai statta üna gita perfetta, üna da quellas chi restan e fan bain cun pensar inavo per exaimpel dürant ün di grisch in november! Marianna Sempert

8 Gasthaus Mayor 7550 S-charl Geniessen Sie Wildspezialitäten, frische Forellen, Engadiner Gerichte im schönen Arven-Speisesaal oder im Nichtraucherstübli. Ihr Ferien-Zuhause Die Zimmer im Gasthaus Mayor: Einfach rustikal, einfach genial. Tel. +41 (0) Impraisa da fabrica - Lavuors in lain - Lavuors da plattinas Zernez Scuol Marléne Arquint Avant Muglins arquint.g@tic.ch 7550 Scuol Tel: Impraisa da fabrica 7554 Sent tel fax

9 RICO LUPPI-SCHERRER BÜRO D ARCHITECTURA CHAUOLS 7551 FTAN TEL FAX NUS RESTORAIN E VENDAIN PLATTAS DA LAIN CORSIN RAUCH ZERNEZ Airport Samedan / St. Moritz Tel info@helibernina.ch Inserats: Texts e signets per inserats esa da trametter a: cundiziuns: Thomas Dietrich 7560 Martina didis2001@bluewin.ch 1. I vegnan publichats be inserats da commembers da la secziun Engiadina Bassa dal CAS. 2. Tuot ils inserats han üna grondezza dad ¼ pagina (56mmx89mm opür 123mmx40mm). 3. Ils texts vegnan publichats per regla be in lingua rumantscha. 4. Il predsch da publicaziun per ün on (2 cudeschins) importa 100. frs. 5. I vegnan publichats il plü da tuot 4-5 paginas inserats pro cudeschin. Ils inserats vegnan resguardats tenor las datas d entrada!

10 Rampignar per giuven e vegl, 3 gün 2007 Anna Barbla tuot chi sgratta Cristina Nesa Cla Duri

11 Niculin Ursina Nesa

12 Ils Traideschins Chars giuvnots! Uei che flot, l inviern es darcheu rivà! Uossa schi cha pudain darcheu far üna bella skiada, trar buorras e travachar tras naiv otezzas! E chi sa scha la cascada ha fingià avuonda glatsch? E sast che cana ad ir qua o là culs skis giò per ün costun o pür fond sagls e piruettas! Tuot quai e bler oter faina pro ls Traideschins! Nus vain preparà ün program ingio cha nus imprendain ad ir culs skis illa naiv lomma, fain bellas gitas in muntogna e spordschain amo bleras otras aventüras. Bainvis es minchün chi ha tanter 10 e 13 ons ( ). Tü poust gnir üna jada a verer, poust cleger oura quel di chi t plascha e gust vessna natüralmaing, scha tü at decidast da gnir suvent! Las Frizzas da l OJ ( ) chi han plaschair, das-chan natüralmaing eir tour part al program dals Traideschins. Nus ans inscuntrain la prüma jada in sonda, als 01 december 2007, per üna rampignada illa sala da Sent. Tü ed eir teis cumpogns eschat cordialmaing invidats da gnir a cuccar e provar. La saira daja lura amo üna flotta sairada da cumpagnia cun da tuottas sorts surpraisas ed üna buna tschaina. Schi lura, a bainbod!! Salüds Jachen Andri Planta Annunzchas: Per tuot ils arrandschamaints esa da s annunzchar la gövgia saira avant la gita tanter las e las pro Chasper Alexander Felix ( ). Cur cha tü telefonast dà Chasper Alexander cuntschaint che chi d es da tour cun sai. E schi t manca alch per ir in gita, schi organisaina quai cha tü douvrast! Scha propcha ningün nu vess da dar resposta, schi telefona al Per l eivna da gitas da Langtaufers esa da s annunzchar cul talun fin als 10 favrer 2008, per l eivna dad Arco cul talun fin als 10 avrigl 2008 (trametter a Chasper Alexander Felix, Saglina, 7554 Sent).

13 Program da gitas inviern december sonda 06 schner dumengia 20 schner dumengia 3 favrer dumengia 16 favrer sonda Rampignar in sala e sairada da cumpagnia Scoula da Sent 5.- Piz Clünas cun instrucziun da baryvox 10.- Mot da las Amblanas Tschlin 10.- Piz Terza Val Müstair 15.- Piz Arina Vnà marz lündeschdi - sonda Eivna da gitas Langtaufers Langtaufers (Reschen) /30 marz sonda e dumengia 13 avrigl sonda Piz Urezzas Chamonna Tuoi 40.- Piz Lagrev Pass dal Güglia avrigl sonda Rampignar sportiv Sasso del Drago mai sonda - sonda Eivna da rampignar Arco rampignar e durmir in tenda Furnitura: manetschas, chapütscha, pullover chod, giacca da vent, ögliers e crema da sulai, gamaschas e sün gitas da plüs dis alch roba per as müdar ed il cudeschin da chant! (Da l OJ as poja retrar skis da tura, liadüras da tura, pels, bastuns, barryvox, palas, sezzins, s-charpellas, zappins, chaplinas, carabiners) Attenziun : Chi chi voul gnir cull assa (cucha, panol,...) sto procurar svess per gianellas ed avair üna buna purziun cundiziun. Il manader da la gita decida schi d es pussibel da gnir cull assa. Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA.

14 Rebombs da l OJ Eivna da rampignar giò l Tessin (mai 2007) L orientaziun tras ün god ars sainza senda e cun tschiera spessa pretenda tuot eir da las guidas. Qua o là daja eir qualche massella e mans nairs...

15 Frizzas e traideschins stübgiond la cumbinaziun da pass, la ruta ed il menü da tschaina...

16 Las Frizzas Ueilà sochis! Vaivat fingià tut pro la giacca choda? La prüma naivina es fingià rivada süls ots ed i nu giarà plü lönch fin chi varà floccà avuonda per tour sü da schler ils skis da gita. Fini pel mumaint cun ir a rampignar vi dal grip, a far camping in gronda cumpagnia ed a nodar in flüms rinfras-chants. Uossa haja nom da spuolvrar e glüschantar ils skis per chi filan lura cur cha nus vulain far nossa prüma skiada tras üna puolvrina suolva. E sast che cana da far ün stizi cun stortinas da bellezza aint in üna costa frais-cha! E lura quellas jassadas e chantadas chi fan star stut a mincha guardgiachamonna! Quai sun aventüras da l OJ! Scha tü hast tanter 14 e 20 ( ) e vöglia da giodair bels mumaints da cumpagnia in muntogna, schi vè tantüna eir tü cun nus. Minchün es fich bainvis e nus vain eir gust da verer tschêras nouvas. Nus ans inscuntrain la prüma jada in sonda, als 01 december 2007, per üna rampignada illa sala da Sent. Tü ed eir teis cumpogns eschat cordialmaing invidats da gnir a cuccar e provar. La saira daja lura amo üna flotta sairada da cumpagnia cun da tuottas sorts surpraisas ed üna buna tschaina. Schi fin a bainbod!! Salüds Chasper Alexander Felix Annunzchas: Per tuot ils arrandschamaints esa da s annunzchar la gövgia saira avant la gita da las a las pro Chasper Alexander Felix ( ). Per l eivna da gitas da Langtaufers esa da s annunzchar cul talun fin als 10 favrer 2008, per las eivnas dal Berner Oberland e dad Arco cul talun fin als 10 avrigl 2008 (trametter a Chasper Alexander Felix, Saglina, 7554 Sent). Attenziun : Chi chi voul gnir cull assa (cucha, panol,...) sto procurar svess per gianellas ed avair üna buna purziun cundiziun. Il manader da la gita decida schi d es pussibel da gnir cull assa.

17 Program da gitas inviern december sonda 06 schner dumengia 12 schner sonda 20 schner dumengia 3 favrer dumengia 16 favrer sonda Rampignar in sala e sairada da cumpagnia Scoula da Sent 5.- Piz Clünas cun instrucziun da baryvox 10.- Cuors da salvamaint d inviern Motta Naluns, insembel cul CAS 0.- Mot da las Amblanas Tschlin 10.- Piz Terza Val Müstair 15.- Piz Arina Vnà marz lündeschdi - sonda Eivna da gitas Langtaufers Langtaufers (Reschen) /30 marz sonda e dumengia 13 avrigl sonda Dreiländerspitz Chamonna Tuoi 40.- Piz Chapütschin Engiadin Ota avrigl sonda Rampignar sportiv Sasso del Drago mai sonda - sonda Eivna da gitas Berner Oberland *) Regiun Concordia mai sonda - sonda Eivna da rampignar Arco rampignar e durmir in tenda *) Chi chi voul gnir a quista gita sto esser stat fingià sün duos otras gitas. Furnitura: manetschas, chapütscha, pullover chod, giacca da vent, ögliers e crema da sulai, gamaschas e sün gitas da plüs dis alch roba per as müdar ed il cudeschin da chant! (Da l OJ as poja retrar skis da tura, liadüras da tura, pels, bastuns, barryvox, palas, sezzins, s-charpellas, zappins, chaplinas, carabiners) Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA.

18 Rampignar sportiv Rampignar sportiv a Sent (sala da gimnastica) dals 15 schner fin als 22 avrigl 2008 mincha seguond mardi saira Datas: 15.1, 29.1, 12.2, 26.2, 11.3, 25.3, 08.4, 22.4 furnitura: sezzin, slics, carabiners Per l OJ I s allegra Chasper Alexander Felix Rampignar sportiv a Schluderns (sala da rampignar) dal schner fin avrigl 2008 üna jada l eivna tenor cunvegna (normalmaing la gövgia) partenza: Fuldera furnitura: sezzin, slics, carabiners Cuosts: frs. 6.- pel transport ed entrada Annunzchar pro Jachen A. Planta 081/ o Daniel Pitsch 081/ Per tuots (creschüts ed uffants) I s allegran Jachen Andri Planta e Daniel Pitsch

19 Nom: Eivna da gitas OJ Langtaufers Prenom: Adressa: Telefon: Eivna da rampignar OJ Arco 03 fin 08 marz fin 17 mai 2008 Nom: Prenom: Adressa: Telefon: Annunzchar fin als 10 favrer 2008 Annunzchar fin als 10 avrigl 2008 Trametter a: Chasper Alexander Felix, Saglina, 7554 Sent Trametter a: Chasper Alexander Felix, Saglina, 7554 Sent Nom: Prenom: Adressa: Telefon: Eivna da gitas OJ Berner Oberland 03 fin 10 mai 2008 Annunzchar fin als 10 avrigl 2008 Trametter a: Chasper Alexander Felix, Saglina, 7554 Sent

20 Eivna da gitas culs skis illa regiun da las alps da l Oetztal e Cevedale dals avrigl 2oo7 Manader: Not Buchli Da la partida sun stats: Anna Barbla e Jon Buchli, Daniel e Mengelsa Pitsch, Mia Mathis, Regula Buecheler, Aita Dermont, Armon à Porta, Ursina e Michel Rauch, Annina ed Andri Kasper, Christina ed Andri Lansel. La prüma mità da l eivna eschna stats sül Similaun, Hintere Schwärze, Piz Finail, daventda la chamonna Similaun e sülla Palla Bianca ( Weisskugel ) davent da la chamonna Bellavista. Tuottas quatter muntognas as rechattan sül cunfin tanter l Italia e l Austria. Davent da tuot quels pizs vaina giodü üna vista fantastica intuorn ed intuorn. Las muntognas dal Silvretta e dal Bernina ans paraivan daspera per tocker e faivan üna granda parada. Grond impreschiun m han fat ils vadrets gronds e vasts impustüt il vadret nordost dalla Palla Bianca cun sia planüra immensa. Eir in quista regiun alguan ils vadrets ad ögl vezzond e tschessan ad ün cuntin.üna cuverta stiglia da naiv dal inviern passà suoglia perintant amo il glatsch. La seguonda mità da l eivna eschna alura tuornats our da la Val Senale e dischlocats aintasom la Val Martell illas chamonnas Zufall e Martell. Davent da quellas vaina gnü occasiun da far amo trais gitas stupendas, tanter oter il Cevedale e la Cima Marmotta. Il Cevedale es stat sgür per tuots il punct culminant da l eivna. Quai es ün coloss d üna muntogna albischma. Vir e süsom as vezza amo restanzas d üna chamonna da lain, ün post d observaziun dal temp dalla prüma guerra mundiala tanter ils Talians ed Austriacs. Perdütta da quella guerra terribla es pac plü aval ün chanun sül spi. Da l ora nun esa da quintar bler. Mincha di n haja chantà da per mai la chanzun dal cumponist Armon Cantieni: Sün tschêl gnanc üna nüvla e milli fluors sül prà.. o plütöst millieras muos-chinas e pluogls sül glatsch!!! Insomma ün eivna da pumpa cun vista da bellezza davent da mincha piz bod da na descriver. Üna branclada e bütsch al piz m han fat gnir la pel giallina dallas emoziuns. Ursina ed eu eschan stats per la prüma jada in quaista cumpagnia. No ns vain inaccord subit chi s tratta quia d üna gruppa fich omogena in tuots reguards.

21 La bunura cul cling dal svagliarin, be ün sigl our da let, miss insembel las cuvertas, fat tualetta, pardert buscha e skis e miss sü las pels, tuot quai in ün batter d ögl. Apaina culazchunà d eiran tuots davant chamonna pronts per partir, sco ls chavagls davo il giatter da partenza. Per furtüna vaina no duos gnü ün tschert bonus d età! Amunt sun its lura tuots ün davo tschel bainin in colonna, disciplinà davo Not, il prüm las duonnas e davo ils homens ( quels main disciplinats! ). Duonnas sco homens sun skiunzas e skiunzs chi san ir in tuot las naivs. Eu n ha propcha pudü admirar e giodair ils bels stizis laschà inavo illa naiv. Insomma minchadi skiadas d üna bellezza sainza fin. Per Jon, Armon e Daniel esa stat amo difficil a chattar spuondas propcha stipas avuonda cun puolvra o glatsch viv!!! Per furtüna cha Daniel vaiva tuot il material toccant illa buscha. La davomezdi e la saira vaina passantà cun star da cumpagnia. Ils üns han giovà a chartas ils oters sun entrats in discussiuns da tuots geners, p. ex. RG o politica cumünala fin federala. Chantà vaina da cour e ris da schloppar cun tadlar impustüt ils vizs da Daniel. Ün ingrazchamaint sincer pertocca a nos manader Not Buchli per quaista bellischm eivna e per seis grond ingaschamaint a favur da nossa secziun d EB sco eir ad Anna Barbla per tuot l administraziun e sustegn moral. Jon es stat ün bun agüdont da seis bap. El ha controllà minuziusamaing mincha bunura la funcziun dal barryvox. Ün otra funcziun ha l gnü sco expert per examinar la grossezza dal glatsch süls lajets e puozs chi d eiran da traversar cun ir o tuornar da las gitas. Las consequenzas nu s vöglia tradir!!! Per finir ün schlass grazcha fichun a tuot la flotta cumpagnia. A revair Michel

22 Jon, hast peis bletschs?

23 paress cha giovar a Mäxxli es tuot lustig Fotografias Daniel Pitsch

24 Berggasthaus Hof Zuort Vnà - Sent Punct da partenza o böt da fich bellas gitas da muntogna d instà o d inviern stanzas, duschas / WC Chatrina e Geri Ritzmann 7554 Sent tel / fax info@zuort.ch Previsiun da l ora alpina dal bindel (sfr.1.-/ min) dal fax (sfr. 2.-/ min) Freizeit Bergwetter Alpenwetterbericht Schneeprognose

25 Radüner Rothorn Pass da Silvretta Marianna Sempert

26 Program da gitas CAS inviern 2008 data gita manader indicaziun 6 schner dumengia Cuors da skis aint illa naiv lomma Oramai cha tuots sun stats uschè inchantats da l ultim cuors, ans muossa Andri darcheu a far stortinas e stortunas tras la naiv lomma. Andri Poo instrucziun 12 schner sonda Cuors da salvamaint infuormaziuns cura e che pro l chef da salvamaint. Jöri Felix instrucziun Munt Griatschouls 2769 m 20 schner dumengia Not Armon muossa sia nouva patria. Sün quistas bellas costas largias ha eir il 100 avel skiunz lö per trar bellas schlernas aint illa naiv lomma. Not Armon Willy m / me h 1100 m 27 schner dumengia. Gita da surpraisa Forsa esa il Matterhorn, forsa il Piz Clünas in vardà saraja in ün lö tanteraint. Not Buchli Fil da Tuoi 2867 m 2 favrer sonda Davent da Guarda, da la Val Tuoi aint e lura sü a dretta Da quist temp esa pelplü üna bella puolvrina per giodair üna skiada da pumpa. Stefan Felix m / me h 1200 m 17 favrer dumengia Piz Malmurainza 3038 m Partind da Tschlin, adüna insü fin bod sün tschêl Forsa esa lura fingià il prüm sulz. Tumasch Planta m / me - da h 1500 m Piz Salteras 3111 m 24 favrer dumengia Davent da Preda, passaina aint da la Val Tschitta, tras ün bel god da pins sü vers il piz. Tuornar sül listess traget, mo na aint ils listess stizis. Alfons à Porta m / me - da h 1400 m

27 2 marz dumengia Piz Lad 2807 m Aint da la Val Roja giaina sü vers quist bel piz giosom l Engiadina per giodair üna bella vista sur ils trais pajais oura. Cla Duri Janett m / me h 1000 m 8 / 9 marz sonda e dumengia Piz Davo Lais 3027m Piz Mottana 2927 m Davent da l era Champatsch sül Piz Davo Lais e lura üna skiada fin giòn chamonna da Fenga. Bettina e Günter fan sgüra üna buna tschaina. Il di davo ans mettaina in viadi vers il Piz Mottana. Skiada tras la Val Chöglias fin giò n Zuort. Andri Lansel annunzchas: fin als 9 favrer l - m / p - me h 700 m / 700 m 29. / 30. März Samstag Sonntag Piz Kesch 3418 m Von Madulain geht es hoch zur gemütlichen Es-chahütte. Am nächsten Tag über die Porta d Es-cha die Skier auf dem Rucksack. Weiter über den Vadret da Porchabella zum Skidepot. Mit Steigeisen geht es eindrücklich, aber nicht allzu schwierig hoch zum Gipfel. Christian Wittwer Anmelden: bis 1. März m - g / me h 800 m / 800 m Wildspitze 3774 m 6 avrigl dumengia A bunura bod cul auto fin aint il Pitztal. Sainza far bler e süar vaja cul Pitzexpress vaira amunt. Üna cuorta skiada fin pro l vadret e lura trais uras plü tard ragiundschaina il punct il plü ot dal Tirol. Christian Wittwer m - g/ me h 700 m avrigl dumengia fin sonda Regiun dal Tödi Quista cuntrada es cuntschainta per blera naiv e per far bellischmas gitas d inviern. Clariden, Gross Scharhorn e natüralmaing il Tödi quell nu das-cha mancar. Sco minch on spera Not sün bell ora, flotta cumpagnia e bleras risadas. Not Buchli annunzchas: fin als 20 marz m / me

28 Indicaziuns: R rampignar sül grip l leiv p chaminar pac G rampignar sül glatsch m mezdan me chaminar media C cumbinà grip/glatsch g greiv da chaminar dalöntsch fg fich greiv Attenziun!!! Annunzchas: Per tuot las gitas cun pernottaziun esa da s annunzchar pro l manader da gita fin a la data fixada sül program Per tschellas gitas s annunzchar sco fin uossa, fin il plü tard 4 dis avant la gita e quai directamaing pro l manader. Indemnisaziuns: - Per mincha gita vaina inchaschà 15.- sfr da mincha partecipant(a) - Per gitas cun manaders o guidas implü ston ils partecipants surtour ils cuosts! - Las spaisas (cuosts da transport, pernottaziun) dal manader da gita surpiglian ils partecipants! Charas alpinistas, chars alpinists, scha vus vulais infuormaziuns a reguard las gitas o far propostas pel program da quista stà chi vain, am pudaivat sainz oter dar ün telefon ( ). Eu ingrazch fich a tuot ils manaders per lur ingaschamaint e giavüsch a tuots üna buna stagiun d inviern. Beiträge über Touren in Bild und/oder Text sind stets willkommen. Diese nehmen unser Redaktionsteam Aita Ursina und Thomas Dietrich gerne entgegen. Christian Wittwer, schef da gitas