100 ons Brauégn Latsch

Transkript

1 LX. anneda nr. 1 schner/favrer 2012 Giazetta per la famiglia bargunsenra in ed our d patria. Cumpera minch oter mais. Abunnamaint fr Cumünanza culturela fr. 5.. Schec postel Ediziun cumünanza culturela Pro Bravuogn. Redacziun: Gruppa redacziunela: U. Nicolay, 081/ Stampa e spediziun: Südostschweiz Presse und Print AG, CH-7007 Cuira Seite ons Brauégn Latsch Aus: «Der Dialekt von Bergün» von Martin C. Lutta «Bergün bildet endlich seit (28. März) 1912 mit Latsch eine politische Gemeinde, wodurch die Verwicklungen und schwierigen Fragen, betreffend ihre ineinander und durcheinander gehenden Gemeindegüter, -rechte und pflichten, einfach gelöst wurden.» 1

2 (Igl vocabulari pa gls pleds sottastrichos as chatt igl eñt igl «Pled da Brauégn») Brauégn a Latsch añ fusiuno, tschient ons kècò ò funcziuno. Ad oz bod tot ò amblido cha simpal nu sarò gl kè sto. Cur ch igls êrs, viêls a pros dad ambas parts èn anscugnos (scugner). Cur ch igls drezs ad igls duègrs nun èn fixos plé anandrèz è gl anzacô er da drizzer par chi s possa as chatter. Par schiner la confusioñ añ ni decis par l unioñ. Kè digra oss eñ tschientiner a cò as po gl bi gratuler. Pol Clo Igls duas schner 2012 se Latsch Soñ chamino anfeñ se Latsch vinarz, grassiñs èñt igl butatsch. La véja propi splattitscheda par égr an chicl bèñ prepareda. Chavriogliñs a las gliogrettas añ faz larg lis pêr chesettas. Piansé chi s regva finelmèñz pi gronds a largs stabilimèñts. La biala vista sen Brauégn è buña paja pa gl schaschéñ. A tar l entred an vischnanchetta l idilla è darcho perfetta. Pol Clo 2

3 Cu es la famiglia da sar Taddeo Tempini riveda a Bravuogn? Nus, Luisa Cavelti-Tempini ed eau vains fat üna visita ad Anna Tempini-Zatti a Zone. Ella ans quinta: Mieu bap Taddeo Tempini es naschieu dal 1883 a Toline/Pisogne al Lago d Iseo. La citedetta Pisogne es situeda a l entreda da la Valle Camonica sper il lej. L an 1893 es Taddeo sto la prüma vouta a Bravuogn cun sieus genituors. El vaiva quella vouta 10 ans, Luis Tempini chi es sto bgers ans paster da nuorsas a Bravuogn eira sieu frer. Dunque cun 10 ans es el chamino cun sieus genituors da Toline/Pisogne a Bravuogn, tres la Valle Camonica; sur il Passo Aprica, gio n Vuclina fin Tirano. Zieva sur il Pass dal Bernina in Engiadina, sur l Alvra fin a Bravuogn. Il viedi düraiva ün eivna. Els pernottaivan in aclas sül fain e survgnivan paun e lat dals purs. Da sted staivan els a Bravuogn e sül fer inviern turnaivan els darcho in Italia. Il nòno lavuraiva i l god e la nonna güdaiva ad implanter pigns e larschs vers Latsch e Stugl. Scu abitaziun vaivan els üna chamanna sper il flüm Alvra. Mieu bap Taddeo giaiva da mat cun üna portantina sün las arains aint in Val Tuors illas aclas per painch frais-ch, quel purtaiva el a Bravuogn e l surdaiva als postigliuns da las charozzas chi giaivan vers l Engiadina. Il painch eira destino pels hotels in Engiadina. Per quista lavur surginv el üna pitschna peja. Cun 37 ans es Taddeo turno a Toline. El nu vaiva fat servezzan militari. Dal 1920 ho el imprais a cugnuoscher mia mamma Caterina Rosetti. Els haun marido a Toline e fat zieva insembel il viedi a Bravuogn, quista vouta cul tren. Cò vaiva sar Guelf Juvalta pissero per ün abitaziun. Mia mamma vaiva 22 ans e mieu bap 37. Mieu bap giaiva a god. Mia mamma ho gieu 5 mats e duos mattas, tuots sun naschieus a Bravuogn Battista, el es disgrazcho cun 24 ans aint il god Giovanni chi ho lavuro a San Murezzan scu muratore eau Anna, marida dal 1950 a Michele Zatti da Zone chi eira rivo a Bravuogn scu prader e vo a ster a Zone Mario, el ho lavuro aint il god cò a Bravuogn e s ho marido. El ho gieu trais iffaunts, Rosana, Virgiglio e Caterina. El es mort dal

4 ed es sepulieu a Cuira. Emilio es naschieu dal 1925 el ho lavuro a Zurigo aint ils hotels scu portier. Zieva pensiuno e l sto ün per ans a Bravuogn ed ieu zieva gio l Tessin. El es mort a Turich. Mia sour Rina es naschida dal 1927 ell ho gieu duos iffaunts Rinaldo e Silvia, ell es steda bger ans a Cuira, ed es morta in favrer Tomaso (Miggi) es naschieu dal 1929 ed ho lavuro bgers ans illa mitropa (i l vagun da spaisa da la viafier Retica) el vaiva üna figlia e staiva a Cuira. Anna ho survivieu tuot sieus fradgliuns. Ella ho 88 ans e viva bain chüreda da sia figlia Caterina da sted a Zone e d inviern a Fidenza inua cha la famiglia da sia figlia es da chesa. Sieu figl Battista nu vains vis. La mamma dad Anna, duonna Caterina Tempini-Rosetti es morta dal 1949 cun be 51 ans. Ell es steda sepulida a Bravuogn. Sieu bap Taddeo es sto a Bravuogn fin dal 1954, zieva e l ieu a Zone in Italia tar sia figlia Anna. Ella l ho chüro auncha trais ans fin a sia mort. El es sepulieu a Toline, Anna es integreda tuottafat a Zone ed eir a Fidenza. Sün mia dumanda inua ch ella as chatta propi da chesa am respuond la. Il mes cor e a Brauegn!. Cher Anna grazcha fich per l intervista! Ursula Nicolay 4

5 Igl Luis Tempini chi e schto bglers ons pastogr da nuorzas (nurzer) cò a Bravuegn era eñ frer digl Taddeo Tempini. Cò eña fotografia digl sar Luis cun la se famiglia Davosvart Maria, Battista, Angelo, Luis, Pietro Davantvart: igls genituors Donna Adele Tempini naschegda Balestra cugl ses hom Luis Preavis Dumengia als 15 avril 2012, a las predgia rumauntscha a Bravuogn cun ravarenda Ernst Oberli chi sto ad Alvagnè. Sia duonna Verena Oberli suona l orgel. Gratulaziuns 2 marz 2012 a duonna Mengia Ambühl, Latsch/Tusaun per 92 ans 13 marz 2012 a duonna Lina Walser-Roedel Bravuogn/Tusaun per 92 ans 13 marz 2012 a duonna Erika Eggmann-Schmidt, Horgen per 80 ans 25 marz 2012 a duonna Marianne Buff-Weiss Pfäffikon, per 90 ans 13 avrigl 2012 a duonna Irene Ospelt-Jehli Planken FL, per 92 ans 17 avrigl 2012 a sar Otto Bisaz-Tobler Zizers, per 85 ans 22 avrigl 2012 a duonna Hedi Hartmann-Oberli Küblis, per 80 ans 24 avrigl 2012 a sar Giachem Gordon-Steinrisser Silvaplauna per 80 ans Mortori 05 dec 2011 sar Christoffel Veraguth, Aesch BL, cun 85 ans. 5 Sinceras condolaziuns

6 Naschentschas 2011 d iffaunts chi staun a Bravuogn e Latsch Tobias Schmid Latsch Seraina Rosa Steiner Bravuogn dad Ursina e Christian Schmid da Maya e Christof Steiner Gianin Rösli Bravuogn Cheyenne Mathis Bravuogn da Nicole Rösli e Christian Meier dad Andrea Mathis e Claudio Cloetta Als nouvnaschieus giavüschains da cour tout il bun per lur avegnir! 6

7 "La Grischa" sperescha da spordscher lis indigens a lis giasts eña segra divertegvla, a s'allegra sen eña numerugsa preschentscha. KONZERT - VORPREMIÈRE LA GRISCHA mit Corin Curschellas & Ensemble : Albin Brun, Patricia Draeger und Claudio Strebel. Am um 20h IM KURHAUS BERGÜN Noch bevor die neue CD LA GRISCHA offiziell am 3. Mai 2012 in Zürich im Exil getauft wird und das Ensemble auf Konzert-Tournée geht, kommt das neue Konzertprogramm mit rätoromanischen Volksliedern gesungen von Corin Curschellas zuallererst nach Bergün ins Hotel Kurhaus.Begleitet von Patricia Draeger (Akkordeon) Albin Brun, (Sopransaxophon,Schwyzerörgeli, Duduk) sowie Claudio Strebel (Kontrabass ) haucht Corin Curschellas dem traditionellen rätoromanischen Liedgut neues Leben ein. Der kammermusikalische Charakter dieser Musikformation hebt die schönen alten Lieder in eine Dimension, wo sie neue Kraft, Schwung und Tiefe gewinnen. Neu arrangiert wurden die bekannten Volksweisen in fünf Idiomen allesamt von den Musikern selber, La Grischa hofft, den Einheimischen und Gästen damit eine schönen unvergesslichen Abend zu bereiten und freuen sich auf ihren Besuch. 7

8 Invid a la radunanza generela da la cumünanza culturela Pro Bravuogn sanda als 14 avrigl a las illa Pension Schmid Latsch Tractandas: 1. Bivgnaint tres il cuvih Matteus Guidon 2. Rapport annuel da la presidenta 3. Infurmaziuns dal cuvih 4. Rendaquint 2011 e rapport dals revisuors da quint 5. Cuntribuziun annuela da Pro Bravuogn 6. Infurmaziun butietta 7. Donaziuns 8. Program da lavur Müdeda da statuts propostas 10. Orientaziun da la cumischiun Bravuogn e si istorgia (cuntinaziun cudesch Z.Z.Cloetta). Dess l istorgia gnir publicheda in fuorma da cudesch u scu plattafuorma i l internet? 11. Comunicaziuns e varia - conversaziun rumauntscha cun glieud chi ho absolvo cuors rumauntschs - Cuntinuaziun senda parevlas Cordielmaing invida la suprastanza da la cumünanza culturela Pro Bravuogn 8