BUDGET Présenté par Vera SPAUTZ Bourgmestre f.f.

Transkript

1 BUDGET 2014 Présenté par Vera SPAUTZ Bourgmestre f.f. Conseil communal du 13 janvier 2014

2 D RIED ZUR PRESENTATIOUN VUM BUDGET 2014 Dat vergaangent Joer 2013 huet hei zu Lëtzebuerg insgesamt, a fir eis hei zu Esch am Besonneschen, eng ganz Rei déifgräifend Verännerunge mat sech bruet! Duerch d'walresultat vun de virgezunne Chamberwalen, an déi doraus entstanen nei Regierungskoalitioun, huet et an enger etlech Gemengen eng Rei Verännerungen um lokalpolitesche Plang ginn. Esou och hei zu Esch. Eis Buergermeeschtesch Lydia Mutsch ass zu Ministeréiere komm. Dofir gratuléiere mär hier hei vun dëser Plaz aus nach emol ganz häerzlech. Déi virgezunne Chamberwalen d lescht Joer, esou ewéi d'koalitiounsverhandlungen vun der Regierung, déi bis an den Dezember gedauert hunn, haten dunn och weider Auswierkungen op d'gemengen. Ursprénglech war virgesinn, dass eisen Escher Gemengebudget fir dëst Joer am Dezember sollt virgestallt, diskutéiert a gestëmmt ginn. Dëst huet awer aus ënnerschiddleche Grënn missen op Januar 2014 verluet ginn. Derbäi kënnt, dass eis Buergermeeschtesch no de Walen direkt mat an de Verhandlungsgespréicher agebonne war an dowéinst als Responsabel vun de Finanzen net méi un de Virbereedungen vum Budget 2014 deelhuele konnt. Ausserdem war et aus organisatoreschen an zäitleche Grënn och am Dezember 2013 net méi méiglech, déi ustehend Verännerungen am Schäfferot duerch d'vereedegungen ze offizialiséieren. Ech wéilt eis als Schäfferot dofir och entschëllegen, dass mär de Budget dës Kéier eréischt am Januar virstellen, an dëst och Méindes mëttes. An dass dës Kéier och ausnamsweis an der selwechter Woch d'diskussioun an de Vote stattfannen. Ech weess, dass déi kuerz Virbereedungszäit den Conseilleren hier Preparatioun erschwéiert. Dëst ass och eng absolut Ausnam a wäert esou net méi virkommen. 1

3 Trotzdem hu mär et fäerdeg bruecht, dass där déi ganz Dokumenter leschte Freide schonns op der Gemeng ofhuele konnt. An dëst ier de Schäfferot de Budget am Gemengerot offiziell virstellt. Jidderee vum Gemengerot huet iwwer de Weekend Zeit gehat, sech all Dokumenter unzekucken an ze analyséieren. Onbelaascht vun der Budgetsried, wou de Schäfferot seng Erklärungen duerzou ofgëtt. Mär wéilten de Gemengerot dann haut och gläichzäiteg doriwwer informéieren, dass mär de Budget 2015 dëst Joer schonn Enn November am Gemengerot virstellen an Ufank Dezember diskutéieren a stëmme wäerten. Duerzou verdeele mär Äerch haut den neie Plang vun de Gemengerotssitzunge vun dësem Joer. Parallel duerzou wäerte mär en Aarbechtsgrupp asëtzen, dee soll mat de Virbereedungen ufänken fir de "Budget Participatif" och fir eis Gemeng anzeféieren. Mär sinn der Meenung, dass déi Escher Bierger sech och zu der Investitiounspolitik insgesamt, an zu de Politikfelder am eenzelnen äussere sollten. Dëst schaaft méi Transparenz a soll den Dialog an de Meenungsaustausch mat eisen Awunner förderen an ënnerstëtzen. Déi grouss Ëmfro, déi mär als Gemeng mat der Uni zesumme bei den Escher Seniore gemat hunn, an déi enorm vill Äntwerten déi mär kritt hunn, huet eis nach emol an eisen Iwwerleeungen ënnerstëtzt, dass de Wee vun der Biergerbedeelegung an der Gemengepolitik, de richtege Wee ass. Ech kommen zeréck op de Budget! Duerch deen enormen Zäitdrock, a virun allem wéinst enger ganzer Rei Onkloerheeten resp. Inconnuen um nationalpolitesche Plang, hu mär och schonn am Dezember d'lescht Joer eng Demande un den Inneminister gemat, fir den Délai vum Budget Pluriannuel, deen am Februar, d.h. den nächste Mount hätt misste fäerdeg sinn, ausgedehnt ze kréien. Ewéi Där als verantwortlech Gemengepolitiker matkritt hutt, huet d'chamber selwer en Iwwergangsbudget bis an den Abrëll dëst Joer gestëmmt, fir déi lafend Ausgabe kënnen ze finanzéieren. Déi nei Regierung ass amgaang un hirem neie Budget fir d'periode vum Mee bis Dezember ze schaffen. Mat dësem neie Regierungsbudget wäert et och dann eréischt méi kloer fir d'gemenge ginn, wou 2

4 dës Regierung hier zukënfteg politesch Akzenter setze wäert. A wat dat och finanziell fir eis als Escher Gemeng bedeit. Ewéi Där alleguerte wësst, hu mär eis an der Vergaangenheet oft doriwwer beschwéiert, dass d' Ufuerderungen an d'aufgaben, déi mär als Stad Esch ze leeschten hunn, a kengster Weis vun de vergaangene Regierunge berücksichtegt gi sinn. Eise Gemengerot huet ëmmer erëm op deen absolut intransparente Verdeelerschlëssel fir d'gewerbesteier an de "Fonds de dotatioun" higewisen. Ausserdem hu mär eis och ëmmer erëm iwwer déi net novollzéibar Kritäre vu staatleche Subsiden un d'gemengen insgesamt - an am Besonneschen un eis als Escher Gemeng beschwéiert. Ech erënneren do nëmmen un d'subsidiepolitik vum Staat, betreffend de Bau oder d Ëmbauaarbechte vun eise Schoulen, oder déi staatlech Finanzéierungshëllefe bei de Maison Relais, bei kommunalen Ariichtungen ewéi dem Theater, dem Conservatoire, fir nëmmen déi ze nennen. Dëst wäert sech an de nächste Joeren net änneren. Am Géigendeel, mat der Implantatioun vun der Uni, an deenen domat verbonnen Erausfuerderungen fir eis Gemeng, sief et um Plang vu genügendem an och bezuelbarem Wunnraum fir d'studenten awer och fir eis Escher Bierger, si mär 3

5 enorm gefuerdert. Mär mussen et fäerdeg bréngen, d'interessen, d Fuerderungen an d Rechter vun der Uni Belval an deene vun eise Bierger gerecht ze ginn. Als Escher Gemeng, der zweetgréisster Gemeng am Land, stounge mär an der Vergaangenheet ëmmer erëm viru grousse sozial- a finanzpoliteschen Erausfuerderungen. Mär hunn eis ni eiser Aufgab entzunn, fir e ganz groussen Deel vun eisem Budget an dës fir eis Matbierger a Matbiergerinnen wichteg Projeten ze investéieren. Dëst och wa mär vum Staat do nëmme ganz wéineg bis iwwerhaapt guer net finanziell ënner d'äerm gegraff kritt hunn. Déi nei Regierung huet eng ganz Rei vun neie politeschen a finanzielle Mesuren ugekënnegt, déi awer fir den Ament nach net kloer sinn a vun deene mär bis elo net wëssen, wat dës Mesure fir eis als Gemeng a fir de Budget bedeite wäerten. Déi nei Regierung schwätzt vu "sozialer Selektivitéit" an huet Reformen an deene Beräicher ugekënnegt. Et ass nach net gewosst, wat dat bedeit an a wéi enge Beräicher dës Mesure solle verännert an ëmgesat ginn? Op der anerer Säit sti Verännerungen an de Beräicher Logement, soziale Wunnengsbau, Finanzéierung am Kader vun de Maison Relais, de Schoulen, der Bekämpfung an domat och der Finanzéierung vun Projeten am Beräich vun der Aarbechtslosegkeet un, a villes aneres nach. Gläichzäiteg ass och net gewosst, wéi et mat der ökonomescher Entwécklung weidergeet, a wat dat fir d'zukunft fir eis Gemengenfinanze bedeiten wäert. Wéi eng Richtung schléit d'regierung an Zukunft am Beräich vun der Dotatioun respektiv der Gewerbesteier an? Dofir hu mär eis an der kuerzer Zäit, déi eis als Schäfferot zur Verfügung stoung fir de Budget 2014 opzestellen, an enger Rei vun ugedueten a geplangte Projeten an de Beräicher ewéi Schoulen, Gemengen-an Studentewunnengen, Sport- oder Kulturinfrastrukturen asw. op e Minimum fir dëst Joer beschränkt. Eis Gemeng huet an de leschte Joeren konsequent a massiv an d'renovatioun an de Bau respektiv den Ausbau vun eise Schoulen a Maison Relais investéiert. Dëst trotz der absolut ze niddereger staatlecher finanzieller Ënnerstëtzung vu knapp 20% bei 4

6 den Ausgaben. Fir d Renovatioun vu bestehendem Schoulraum kréie mär bal keng finanziell Ënnerstëtzung. Zënter 2003 hu mär iwwer 60 nei Klassesäll gebaut, dëst ouni Annexen an aner Niewesäll oder Bibliothéiken. Zënter 2001 sinn et insgesamt 80 nei Klassesäll. An dëst obwuel zënter 2003 effektiv gerechent "nëmme" 34 Klassen bäikomm sinn. Et war a bleift awer nach e groussen Handlungsbedarf bei de Schoulen a Maison Relais. Dofir wäerte mär en Haaptakzent op d'planung vun der sougenanntener Zentrumsschoul an der Maison Relais am Quartier Wobrécken leeën, déi mat an eisem Budget ageschriwwen ass. De Schäfferot huet och schonn am Dezember d'lescht Joer eng dréngend Entrevue mat dem Éducatiounsminister Claude Meisch ugefrot. D'Entscheedung vun dëser Regierung, all Beräicher a Kompetenzen wéi d'schoulen an déi schoulesch Begleedinfrastrukturen ënner de Kompetenzberäich vun engem eenzegen Ministère ze stellen, ass absolut richteg an wichteg. Mär wëllen dowéinst dem Minister Meisch eis spezifesch Escher Situatioun ënnerbreeden. Um Beispill vun der Wobréckenerschoul, wëlle mär en integrative Projet-Pilot plangen an ëmsetzen, deen dowéinst och eng wäitaus gréisser staatlech finanziell Ënnerstëtzung kréie muss. Dësweideren mussen d'schoule vum Brouch a Brill och weider ëmgebaut, respektiv renovéiert ginn. Bedingt duerch den neien Schoulplang, deen eng ganz Rei vu wichtegen zousätzlechen Projeten an domat verbonnen och Säll virgesäit, bedeit dëst fir d'gemengen och e méi grousse finanziellen Opwand. Mär wëlle wëssen, wéi eng staatlech finanziell Ënnerstëtzungen et an Zukunft fir dës Projeten wäerte ginn, an hunn dowéinst z.b. de "Projet Global" vun der Brouchschoul mat fir dëst Joer ageschriwwen. De Concours fir dëse Projet Global ass ofgeschloss a mär wëllen och des Schoul dringendst ëmbauen a renovéieren! Och do erwaarde mär eis zefriddestellend Äntwerten aus der Entrevue mat dem neien "Schoulminister", op Grond vun deene mär dann eis Prioritéite festleeë wäerten. 5

7 Als Gemeng versiche mär alles, fir an eise Schoulen e gutt a gesond Ëmfeld, anstänneg Raimlechkeeten a Klassesäll fir eis Kanner an awer och fir eist Léierpersonal ze schafen. Mär als Escher wëllen net méi, dass dee vu bal alle Politiker ewéi eng "leier" zitéierte Satz: "eis Kanner a Jugend sinn eis Zukunft, an dofir musse mär alles an hier Zukunft investéieren", eidel Spriechblosen sinn a bleiwen! Och wa Verschiddenes vu Regierungssäit nach net kloer ass, esou iwwerhuele mär weiderhin eis Aufgab a wëlle konsequent an d'zukunft vun all eisen Escher Kanner a Jugendlechen investéieren. Als Beispill dofir wëll ech de Projet vun den ëffentleche Jugendplazen nennen. Esou konnten d'lescht Joer déi éischt Jugendplaz am Quartier Nonnewisen geplangt ginn. Dëst nodeems am Virfeld eng ëffentlech Informatiounsversammlung mat de Leit aus dem Quartier a mat de Jugendleche selwer stattfonnt hat. Well dës Plaz an Zesummenaarbecht mat de Jonken, dem Fierschter an dem CIGL aménagéiert gëtt, muss an de Schoulvakanzen an och bei guddem Wieder dru geschafft ginn. Am Summer dëst Joer kënne mär dann eis éischt "Escher Jugendplaz" aweien. 6

8 Eise Jugendservice mat dem Jugendhaus, dem "Point Info Jeunes", a "4motion" maachen am Kader vun eisem Jugendkommunalplang eng excellent Aarbecht fir eis Escher Jonk. Trotzdem erreeche si wéi och mär, net déi Jonk, déi di gréisste Problemer hunn. Dofir brauche mär ganz dringend "Streetworker" déi op den Terrain ginn. Wa sie mat hire Problemer nett bei eis kommen, dann ass et un eis fir bei si ze goen! E weidere wichtege Projet ass dee vun de Logementer fir Jonker. Mär hunn hei zu Esch eng Rei Wunnstrukturen ewéi déi vun der Wunnengshëllef, déi während enger gewësser Zäit Jonker eng Wunnméiglechkeet ubidden, déi aus diverse Grënn net méi doheem bleiwe kënnen. Am Kader vun dem neien "DIVA-Café", wäerte mär weidere Wunnraum fir déi Jonk schafen. Dëse Projet gesäit eng gemëschte Struktur a Wunnengen fir Escher Jugendlecher an Uni-Studenten vir ( ). Am Laf vun de leschte Joeren hu mär hei zu Esch och eng proaktiv a konsequent Politik an de Beräicher vum sozialen an ëffentleche Wunnengsbau bedriwwen. Niewent dem Renovatiounsprogramm vun eise Gemengewunnengen an dem Kaf vu weidere Logementer an Haiser hu mär awer och an de Kaf oder Bau vu Gebailechkeete fir Studentewunnengen investéiert. Bis 2012 sinn d'studentewunnengen nach mat 100% vum Ministère du Logement finanzéiert ginn, an de soziale Gemengewunnengsbau mat 75%. Zënter 2013 kréie mär fir all dës Projeten just nach 70% Subside vum Staat. Dofir si mär eis am Schäfferot eens ginn, dass et un der Zäit ass, all eidelstoend Haiser a Gebaier, déi am Besëtz vun der Escher Gemeng sinn, op hier zukënfteg Ausriichtung ze iwwerpréiwen. Dëst bedeit am Kloertext, dass mär eis an den nächste Wochen, an och mat dem Bléck op de Budget Pluriannuel musse Gedanken maachen, wei eng Projeten mär an Zukunft iwwerschaffen an dann och realiséieren wäerten oder kënnen. Mär kënnen eis et net weider erlaben, Gebaier iwwer Joeren eidel stoen ze loossen. Dëst aus finanziellen an awer och bautechnesche Grënn. D'Gebaier an d'haiser zerfalen wann se net gehëtzt an ënnerhale ginn, an dat si weider Fraisen fir de Gemengebudget. 7

9 Ausserdem mussen mär als Gemeng och mat dem gudde Beispill virgoen, wa mär ab Juli dëst Joer d'reglement vun den Taxen op eidelstoende Wunnraum applizéiere wäerten. Mär wëllen an de kommende Méint doriwwer entscheeden, wei mär mat eidelstoend Gebaier an Haiser ewéi z.b. der Maison Stein, der aler Museksschoul, dem Haus vun de Bridder, dem Hotel Mercure, dem Gebai vun der ADEM op der Brillplaz, der Maison Wadlé um Belval, asw. ëmgoe wäerten a wéi mär déi séier enger Notzung zouféieren kënnen. Parallel duerzou mussen mär iwwerpréiwen, wou et der Gemeng u Büroen a Raimlechkeete feelt, a wou mär fir den Ament nach fir deiere Loyer Büroflächen lounen. Den "alen" Hotel Mercure, dee fir Studentewunnengen virgesinn ass, genéisst Prioritéit. Dëst well en am Escher Stadzentrum läit. Et ass 1. kee schéint Bild am Zentrum vun Esch, wann esou e grousst Gebai laang eidelsteet. 2. Mär wëllen d'studenten op Esch an an eisen Zentrum kréien. 3. Dëst war en Hotel mat Restaurant, an domat loossen sech mat wéineger Geld Renovatiounsaarbechten realiséieren, ewéi bei engem totalen Ëm-oder Neibau. 4. Sollt do och gepréift ginn, op mär direkt deen ugekënnegten "Student Leisure Room" mat aplangen kënnen. ( ) Mär sinn och der Meenung, dass et an Zukunft sollt méiglech sinn, mat am Virfeld genau definéierten finanziellen "Enveloppen" a Rahmeprogrammer nei Wunn-, Schoul- an aner Projeten ëmzesetzen. Dëst gehéiert alles an d'gesamtiwwerleeungen an Diskussioune vum Schäfferot. Genau esou ewéi déi domatter verbonne Mesuren am Beräich vun den Energiespuermoosnamen. Mär wäerten de Gemengerot doriwwer informéieren. De Schäfferot huet och dowéinst décidéiert, déi Projeten an de Budget 2014 ze setzen, déi schon amgaang sinn a fäerdeg musse gemat ginn. Duerzou gehéiert ënner anerem och de Projet " DIVA", wou erëm e Café dëst Joer seng Dieren opmaachen wäert. 8

10 Ewéi scho gesot, entstinn do och Studentewunnengen a Logementer fir Escher Jugendlecher déi aus diverse Grënn net méi an hire Familljen wunne kënnen. Also e weideren interessante Projet am Zentrum vun Esch. Am leschten Joer hu mär awer och d'haus vum "Logement Encadré" vum Foyer de Nuit "Abrisud" an der J.P.Michelsstrooss aweie kënnen. 12 Wunnengen sinn do fir Leit aus dem Abrisud entstanen, déi als Iwwergangsléisung virgesi sinn, bis dës Leit erëm eegestänneg liewe kënnen. D'Michelshaus, wéi et genannt gëtt, huet vu senger sozialer Konzeptioun hier grouss Bewonnerung an Ënnerstëtzung vun der eemoleger Familljeministesch M.J. Jacobs fonnt. Net ze vergiessen ass och weiderhin eise groussen an ambitiéise Wunnengsbauprojet mat dem Fonds du Logement an den Nonnewisen. An nëmmen 3 Joer sinn an dësem Quartier 200 nei Wunnenge gebaut ginn. Weider 700 Wunnenge wäerten an den nächste Joeren an den Nonnewisen derbäi kommen. Dëse Wunnengsbauprojet huet eis am Virfeld vill Geld kascht wéinst der Virfinanzéierung. Dëst Joer steet dann elo d'vente dovunner am Budget, mat enger Recette vun 23 Mio. Am Kader vun dem Pacte Logement, dee mär de 14. November 2008 ënnerschriwwen hunn, a wou d'gemeng sech verflicht huet, innerhalb vun 10 Joer neie Wunnraum fir op mannst 15% nei Awunner ze schafen, leie mär elo innerhalb 9

11 vu 5 Joer bei engem Wuesstem vun iwwer 12%, d.h. e Plus vun neien Awunner (Enn 2013). Och wann dat gutt esou fir eis Stad ass, musse mär awer trotzdem an Zukunft eis Populatiounsentwécklung an den Ae behalen. Dëst wéinst deenen domat verbonnenen Infrastrukturkäschten ewéi Schoulen, Stroossen asw. Awer och wéinst der Liewensqualitéit, déi mär den Escher Bierger och weiderhin bidde wëllen. Zu dëser Liewensqualitéit gehéieren fir eis och eis Escher Kulturinstitutiounen. Esou wäert de "Centre Sociétaire", am alen italienesche Konsulat och dëst Joer fäerdeg ginn. Dofir sti am Budget extraordinaire. Mär hoffen a si voller Zouversiicht, dass wéi et vun der Regierung ugekënnegt ginn ass, no joere/joerzéngtelaangen Diskussiounen a Verzögerungen, den "Nationalen Resistenzmusée" op der Brillplaz elo och endlech substantiell vum Kulturministère ënnerstëtzt gëtt, fir déi dréngend noutwenneg Aarbechten a Renovatiounen an Ugrëff ze huelen. Am Mee dëst Joer wäert do déi grouss "Nelson Mandela Ausstellung" hier Plaz bis an den November hunn. Mär ginn alleguerten dovunner aus, dass ganz vill Leit aus dem In- an Ausland sech dowéinst op Esch déplacéieren wäerten. Fir op mannst déi 10

12 sanitär Anlagen an Toiletten hygiènesch an zueleméisseg an d'rei ze setzen, gesi mär am Budget fir. Vun der Kultur ass et dann och just en "Sprong" eriwwer bei den Sport. An dësem Beräich brauchen mär eis och näischt virwäerfen ze loossen. Esou ass an den leschte Joeren eis Escher Schwemm mat Saunaberäich komplett renovéiert ginn. An der Nonnewiseschoul ass eng Schwemm matgebaut ginn. D'Schwemm vun der Brillschoul ass beim Neibau vun der Maison Relais och komplett renovéiert ginn. Des Schoulschwemmen stinn och diverse Veräiner zur Verfügung. Déi nei Vestiairen um Stade E.Mayrisch sinn am Budget 2014 ageschriwwen. Am Kader vum nationale Beachvolley-an regionale Fechtzenter an der Hiehl, stinn als éischt emol do och d'vestiairen vu ronn am Budget. Mär wëllen als Schäfferot awer och dëse grousse Projet iwwerdenken. Eis Idee ass, en multifunktionellen Zentrum doraus ze maachen. Ähnlech ewéi d'coque an der Stad, villäicht besser a manner deier. An dowéinst froe mär och eng Entrevue bei dem zoustännege Sportsminister Romain Schneider un. A schlussendlech stinn och divers Aarbechten ewéi den Dach an d'mise en conformité vum Centre Omnisport Henri Schmitz zu Lalleng mat Ronn am Budget Als Gemeng däerfe mär am Kader vum Schutz vun der Ëmwelt nett alleng Fuerderungen un eis Bierger stellen. Mär mussen als Gemeng mam gudde Beispill 11

13 virgoen. Esou sollte mär eis d'kulturfabrik mat hirer Promotioun vun den "green events" als Beispill vun all eise Veranstaltungen huelen. An och all Vereiner doropper opmierksam maachen. E weidere wichtege Punkt, dee mär an eiser zukënfteger Politik selbstverständlech als Prioritéit gesinn, ass dee vun der Aarbechtslosegkeet an Esch. Zënter mär als Gemeng net méi de Recensement fiscal maachen, kréie mär och fir Esch spezifesch keng Donnéeë méi. D.h., déi lescht publizéiert Zuele vum STATEC (2012) weisen e Chômagetaux vun 12,75% fir Esch aus, fir d'ganzt Land loung dëse bei 7,18% ware 24,25% vun den Escher Jugendlechen am Chômage, dëst géigeniwwer vu 15,40% am ganzen Land. Dës Zuelen wäerten sech och net verännert hunn, an dofir wäerte mär als Gemeng och weiderhin eis Aufgab iwwerhuelen, an déi Associatiounen (Colabor, CIGL Esch, Initiativ Rëm Schaffen an Zarabina) déi an dësem Beräich täteg sinn, weiderhin finanziell ënnerstëtzen. ( ) Doniewent bezilt eis Gemeng nach u Steieren an den Fonds pour l'emploi. Virun iwwer engem Joer hu mär als Schäfferot e Bréif un di deemoleg Staats-, Finanz- an Aarbechtsminister geschriwwen : als Escher Gemeng investéiere mär 1 Mio a Projeten, déi mär zesumme mat diversen Organisatiounen zesumme géint d'aarbechtslosegkeet ausgeschafft hunn. Des Projeten hunn e groussen Erfolleg. An dësem Bréif hunn mär als Schäfferot di deemoleg Regierung gefrot, dass eis Engagementer géigeniwwer vun eise Projeten, sollten am Kader vun de Steieren fir de Fonds pour l'emploi berücksichtegt ginn. Mär hunn ni eng Äntwert kritt, emol keen Accusé de réception! Mär wäerten net labber loossen, a bei der neier Regierung nach emol intervenéieren. No den bekannte Problemer, déi mat dem Objectif Plein Emploi entstane waren, huet den CIGL vun Esch sech mat der Ënnerstëtzung vum Ministère du Travail an eiser Gemeng "eegestänneg" gemat. Niewent hiren schon existéierende Projeten kann elo och endlech de Geméisgaart oder Zäreprojet, wéi en och genannt gëtt, an Ugrëff geholl ginn. Domat kënnen dann am Laf vun dësem Joer 12 weider Chômeure beim CIGL agestallt ginn. 12

14 Och COLABOR ass mat hirem "Hochbeetprojet" ganz gutt ukomm. Si hu schonn d'lescht Joer vill méi Commanden fir Hochbeeter kritt, ewéi si sech dëst virgestallt haten, an dat ass e vollen Erfolleg. Si brauche méi Plaz fir hiren Holzatelier, fir dass si all d Commanden kënne séier genug realiséieren. Dëst bedeit dann och weider Méiglechkeeten fir Escher Chômeuren anzestellen. Doniewent huet d'gemeng Esch Kontakt mat der Unidirektioun an der ADEM opgeholl, fir e Plang oder eng Charte auszeschaffen, bei Personalausschreiwungen vun a ronderëm Servicer vun der Uni fir verstäerkt op Chômeuren aus dem Süden zeréckzegräifen. Weiderhin wëlle mär awer och an d'verschéinerung vun eiser Stad investéieren. Ech wéilt do als éischt eisen "Escher Déierepark" nennen. Nodeems d'lescht Joer fir de 50. Joresdag vun dësem Park schonn eng Rei Renovatiounsaarbechten stattfonnt haten, gëtt mat dësem Programm och weidergefuer. Dëse Park erfëllt en enorm wichtege Beitrag fir d'sozialt Liewen an eiser Stad. Mär hunn vill Leit an Esch wunnen, déi kee Gaart oder eng aner Méiglechkeet hunn, sech dobaussen an der Natur opzehalen. Dee selbstverständlech gratisen Zougang zu dësem immens schéine Park, mat all sengen Déieren an aner geplangten Attraktiounen, ass och e wichtege Beitrag fir d' Mateneen-Liewen. A wien sech déi 3 kleng Wäschbieren, de Bierchen a Ranka hunn eng Frëndin bäikritt, d'thorunn wat schweierverletzt am Éislek fonnt gi war, nach net ukucke war, muss dëst dringend nohuelen! Elo geet et weider mat der Realiséierung fir den didaktesche Bauerenhaff am Déierepark.( ) 13

15 Dëse Projet huet elo schonns e groussen Erfolleg. Den Heemelwee am Déierepark ass ganz gudd vun eise Schoulklasse besicht. E pedagogescht an didaktescht Konzept ass ausgeschafft ginn a wäert als Basis gëllen, fir all Aktivitéite vum Bauerenhaff ze begleeden. Am Beräich vum Volontariat wäerten elo och Jugendlecher d'méiglechkeet kréien, am Park éischt Erfahrunge mat der Aarbechtswelt ze maachen. Dëst ass och eng Ënnerstëtzung fir d'équipe um Terrain. Mä och am Zentrum vun Esch wäerten dëst Joer weider Ustrengungen gemat ginn fir eis Stad weider ze verschéineren. Am "Plan vert" vum Budget sinn dëst Joer weider virgesinn. An der Brillstrooss wäerten dëst Joer am Kader vun deem neie Konzept fir de Quartier Brill déi éischt Olivebeem bléien. D'Gemeng beméit sech weiderhin, eis Stad fir eis Bierger ze verschéineren. Dëst ass awer nëmme méiglech, wann och jiddereen mat duerzou bäidréit, déi ëffentlech Plazen, Parken, Bëscher a Stroossen ze respektéieren. An de leschte Joeren hu mär vill Geld an de "Service de proximité", an an déi Servicer investéiert, déi dofir suergen, dass mär zu Esch eng gesond an awer och eng propper Liewensqualitéit hunn. Dëst gëtt och vun der Majoritéit vun eise Matbierger oder Visiteuren zu Esch respektéiert. D'Aufgab vun der Gemeng kann et net sinn, deene "Knaschtpittien" mat der Schëpp an der Biischt hannendrun ze lafen, déi sech respektlos verhalen. All Escher Bierger bezilt "Steieren, d.h. Taxen", mat deenen déi vun der Gemeng ugebuede Servicer ewéi d Équipe de proximité oder eis Botzéquipen oder d'müllabfuer bezuelt ginn. Dëst sinn ewéi gesot héich Fraisen. An Esch gëtt et e gutt ausgebaute System vun der Müllentsuergung. Mär hunn déi schwaarz Dreckskëscht fir den Haushaltsdreck (1 x d'woch). Dann hu mär déi gréng fir organesche Müll, déi blo fir de Pabeier an déi brong fir d'glas, an nach déi blo PMG-Säck fir Plastik. An zum Schluss och déi kleng wäiss Dreckstuten, déi een an den Escher Geschäfter kafe kann. De Schrott an de Sperrmüll ginn vun der Gemeng virun der Hausdier ewech geholl. 14

16 Fir all dës ugebueden Servicer och an Zukunft kënnen ze garantéieren, musse mär eng Upassung vun dësen Taxen virhuelen. Dëst wäert ab Juli dëst Joer a Kraaft trieden. Déi lescht Upassung war am Joer Eng EU-Direktive verflicht d'länner, hire Verpakungsmüll ze reduzéieren. Dëst betrëfft also och déi wäiss Dreckstuten, an deenen oft de ganzen Offall ongetrennt entsuergt gëtt. Mat eise Bannhidder kontrolléieren mär d illegaalt Entsuerge vun Dreck asw waren 190 Infractioune vu Persounen, déi eng Facture fir d Fraisen geschéckt kritt hunn, well hiren illegal deponéierten Dreck vun der Gemeng oder engem anere Service huet missen ewech geholl ginn. Dëst kascht pro Entsuergung ronn 130,00 a méi. 40 Geriichtsprotokoller sinn ausgestallt ginn. Am Joer 2013 waren et 112 Infractiounen a 26 Geriichtsprotokoller. Säin Offall richteg ze recycléieren ass weiderhin e wichtege Beitrag fir d'ëmwelt, an awer och fir Onkäschten ze spueren. Den Dreck illegal ze entsuergen gëtt, wann een erwëscht gëtt, richteg deier. De Waasserpräis ass zënter 2010 net méi ugepasst ginn. Virun allem déi Leit, déi mat eidelem Wunn- a Geschäftsraum spekuléieren, wëlle mär mat enger Erhéijung vun der Fixetaxe ab Mëtt 2014 erreechen a sou dëser Form vu Spekulatioun entgéintwierken. Eng Taxenerhéichung bedeit fir eis och ëmmer, dass mär deene Leit entgéint kommen, déi finanziell net esou gutt gestallt sinn. Zënter Joeren bezuele mär eng "Taxe de compensation" un dës Leit aus. Mär wäerten dëst Joer och zesumme mat dem Office Social dem Gemengerot eng erweidert an adaptéiert Berechnung vun dëser Taxe, souwéi dem "Gromperegeld", virschloen. Zu den Haaptaufgaben vun enger Gemeng gehéiert et och, mat differenzéierten Angeboter deene Leit eng Hëllef unzebidden, déi um sougenanntene Rand vun der Gesellschaft liewen. Den Neibau vun eisem Nuetsfoyer Abrisud haten mär op dëser Plaz schonns en puer Mol am Gemengerot zur Diskussioun a Vote. De Spuetestéch fir dës Infrastruktur 15

17 sollt schon den 1.September 2013 stattfannen. Kuerz virdrun si mär vum Familljeministère informéiert ginn, dass dëse Projet nach emol misst iwwerschafft ginn. Baulech, fir nach méi Schlofméiglechkeeten ënnerzebréngen, an dann och finanziell. Dësen Dossier gëtt elo schonns iwwer ee Joerzéngt diskutéiert a geplangt. Mat mëttlerweil dem 3. neie Minister oder Ministesch. Mär verschléissen eis kenger Diskussioun, mä iwwer d'konzept ass alles gesot an décidéiert ginn och mam Accord vun der ehemooleger Familljeministesch M.J. Jacobs. Och hei mussen mär dann elo ofwaarden, wat déi nei Regierung, d.h. déi nei Familljeministesch Corinne Cahen an dësem Dossier virgesäit. Mär hunn dëse Projet dëst Joer mat agesat. D'Planung vum "Centre pour toxicomanes" ass am Oktober 2013 fäerdeg ginn a steet mat am Budget. Des Virbereedungsaarbechten konnte séier a gutt mam Ministère de la Santé an der Jugend- an Drogenhëllef organiséiert an décidéiert ginn, esou dass mat den Aarbechten och dëst Joer scho kann ugefange ginn. Weiderhin steet dëst Joer och d'ausschaaffung vun dem Escher Seniorekommunalplang un. Am Laf vum Joer wäerte mär och d'resultater vun der Ëmfro ënnert den Escher Senioren kënne virstellen. Bal 30% vun de Senioren hunn op de Froebou vun der Gemeng an Zesummenaarbecht mat der Uni geäntwert. Dëst op Froen iwwer de Logement, Fräizäitgestaltung, Sport, Kultur, Infrastrukturen fir Senioren a villes méi. Domat kënne mär mat der Ausschaffung vum Escher Seniorekommunalplang ufänken, fir dann am Budget vum nächste Joer déi éischt Mesuren an Projeten fir 2015 virzegesinn. Dat selwecht gëllt fir den neien Escher Sozialbericht, dee fir eis zukënfteg Politik a Beräicher ewéi der Schoul, der Jugend an dem Développement Social et Urbain e wichtegt Instrument wäert sinn. Dëst Joer huet mat enger Rëtsch Verännerungen fir eis alleguerten ugefaangen. Am Schäfferot, wou den Dan Codello de Mëttwoch als Schäffen an ech selwer als Buergermeeschtesch vum Inneminister vereedegt wäerte ginn. 16

18 E weideren neie Schäfferotsmember leeft sech am Ament waarm. De Martin Kox wäert de Posten vum Muck Huss iwwerhuelen, deen eis leider verloosse wäert. An domat kommen dann och nei Kolleginnen oder Kollegen an de Gemengerot. Um nationale Plang hu mär eng nei Regierung, an der et gläich 3 Escher Ministere ginn. 2 Ministeren (Ministesch) dovunner kommen aus de Reie vun eisem Gemengerot. Ech sinn iwwerzeegt, dass weder eis fréier Buergermeeschtesch Lydia Mutsch nach de fréiere Schäffen Félix Braz vergiessen wäerten, vu wou si hierkommen. Esch, an d'zukunft vun den Escher wäerten hinnen weiderhin um Häerz leien. Genau esou ewéi eisen "alen" oder neie Schäffen oder Conseilleren. Den Engagement an den Asatz fir ALL eis Biergerinnen an Bierger muss weiderhin parteiiwwergreifend eis Prioritéit sinn. An dësem Sënn well ech als "zukënfteg" Buergermeeschtesch mat Iech ALL zesumme mäi Bescht ginn! REKTIFIZIERTER HAUSHALT 2013 UND HAUSHALT BUDGET RECTIFIE 2013 : Der rektifizierte Haushalt 2013 sieht im ordentlichen Teil Einnahmen von ,12 und Ausgaben von ,64 vor. Bleibt also für das Jahr 2013 ein voraussichtlicher ordentlicher Überschuss von ,48. Zählt man den Überschuss der Konten des Jahres 2012 hinzu ( ,90 ), ergibt sich daraus ein ordentlicher Gesamtüberschuss von ,38. Im rektifizierten außerordentlichen Haushalt von 2013 sind Einnahmen von ,98 und Ausgaben von ,49 vorgesehen. Das bedeutet ein Malus von ,51. Zieht man letzteres vom ordentlichen 17

19 Gesamtüberschuss ab, bleibt für das Jahr 2013 ein Restüberschuss von , BUDGET 2014: Für das Jahr 2014 sind im ordentlichen Haushalt Einnahmen von ,60 und Ausgaben von ,26 eingeschrieben mit einem ordentlichen Überschuss von ,34. Rechnet man den voraussichtlichen Restüberschuss des Vorjahres hinzu ( ,87 ), entsteht ein ordentlicher Gesamtüberschuss von ,21. Die für 2014 geplanten außerordentlichen Einnahmen belaufen sich auf ,28 und die außerordentlichen Ausgaben auf ,44. Daraus ergibt sich ein Malus von ,16. Zieht man dieses Malus vom ordentlichen Gesamtüberschuss ab, ergibt sich Ende 2014 ein voraussichtlicher Restüberschuss von ,05. Die außerordentlichen Einnahmen des Jahres 2014 enthalten eine Anleihe von 12,5 Mio, welche dazu dient einen Teil der Finanzierung der vorgesehenen außerordentlichen Ausgaben zu gewährleisten. Von der im laufenden Haushaltsjahr 2013 eingeschriebenen Anleihe von 20 Mio. wurden deren 2013 lediglich 17 aufgenommen. Daraus ergibt sich für Ende 2013 eine Gesamtschuld von 74,6 Mio und bei einer Aufnahme der im Haushalt 2014 eingeschriebenen Anleihe Ende 2014 eine Gesamtschuld von 81,8 Mio (+7,2 Mio ). In diesen Zusammenhang bleibt hervorzuheben, dass im ordentlichen Haushalt von 2014 eine halbe Jahresrate für die neu geplante Anleihe von 12,5 Mio vorgesehen ist. Bei Aufnahme des Gesamtkredites von 12,5 Mio. würde sich unsere Schuldenlast, verglichen mit den ordentlichen Einnahmen, bei ganzer Annuität auf 5,8% belaufen, inklusive der Raten einer eventuellen Bürgschaft für die beiden Parkhäuser Stadthausplatz und Place de la Résistance. Ohne die Bürgschaft wären es lediglich 4,6% der ordentlichen Einnahmen. Positiv auf diese Ratio wirken sich die derzeit sehr niedrigen Schuldzinsen und die in den letzten Jahren stetig steigenden ordentlichen Einnahmen aus. 18

20 Weil weiterhin ungewiss ist wie sich die ökonomische Lage in den kommenden Jahren entwickeln wird, und welche weiteren Auswirkungen diese auf die kommunalen Finanzen haben wird auch im Hinblick auf die beiden Haupteinnahmequellen von Gewerbesteuer und Dotation, hat der Schöffenrat beschlossen seine augenblickliche vorsichtige und weitsichtige Planung des ordentlichen Haushalts fortzuführen. Gewerbesteuer: Die derzeitige Tendenz weist landesweit eher auf rückläufige Einnahmen in Sachen Gewerbesteuer hin. So mussten in den Jahren 2012 und 2013 die im Haushalt vorgesehen Einnahmen dieser Steuer stets nach unten revidiert werden: im Jahre 2012 von 28,6 auf 26,8 Mio (Kontensituation), also ein Minus von 1,8 und im Jahre 2013 von 28,6 auf 24,5 (budget rectifié) also ein Minus von 4,1. Auch im Jahre 2014 ist diese Steuer mit geschätzten 23,6 Mio weiter rückläufig. Fonds communal de dotation financière: Die Einnahmen aus diesem Fonds der hauptsächlich von Mehrwertsteuer und Gehältersteuern gespeist wird, sind nach den Schätzungen der Ministerien weiterhin steigend. Und trotzdem ist die Situation schwierig einzuschätzen, da substanzielle Änderungen im Bereich der Mehrwertsteuer anstehen (MwSt. elektronischer Handel ab 2015, Anhebung MwSt. 2014). Gegenüber dem Jahr 2012 (60,1 Mio ) steigen die Einnahmen im rektifizierten Haushalt 2013 auf 64,8 Mio und im Haushalt 2014 auf 69,3 Mio, dies gemäß den Vorgaben des Rundschreibens des Innenministeriums. Der ab 2014 für alle Gemeinden obligatorische Fünfjahresplan sollte diesen Ausführungen Rechnung tragen. Eine große Hilfe dabei wird sicherlich der ab dem Haushaltsjahr 2013 neu eingeführte Kontenplan sein, da dieser eine bessere Analyse und Einschätzung unserer ordentlichen Einnahmen und Ausgaben ermöglicht. Da es sicherlich keine einfache Aufgabe ist, in Zeiten eines wirtschaftlich schwierigen Umfeldes unser augenblickliches hohes Investitionsvolumen beizubehalten, kann nur ein straff geführter ordentlicher Haushalt dies 19

21 gewährleisten. Dies auch im Hinblick auf den ständig allgemein wachsenden Aufgabenbereich der Gemeinden und insbesondere unserer Stadt mit der bevorstehenden Eröffnung der Universität auf Belval. Eine unserer Hauptaufgaben sollte also darin bestehen auf eine zukunftsorientierte Entwicklung unserer Stadt und auf eine Verbesserung der Lebensqualität unserer Bürger in ihrer gesamten Vielschichtigkeit hinzuarbeiten. MERCI Zum Ofschloss vu menger éischter Budgetsvirstellung muss ech enger Rei Leit e ganz grousse Merci soen! Dem Solange Ecker an dem Claude Fleming fir hir gutt Nerven mat der neier Équipe vum Schäfferot, an hirer grousser Ënnerstëtzung! Den "alen" an den neie Schäffen fir hir Disponibilitéit a Bereetschafft mat mär zesummen a ganz kuerzer Zäit de Budget 2014 ze erstellen! An dem Luc Schloesser, Jeff Dax a Gilles Kommes fir hir "Zaubereien" déi si fäerdeg bruecht hunn, dës Ried an eng iwwersiichtlech Form ze bréngen! 20