Juin 2014 Nummer 03 neiegkeeten. Den Ofschloss-Concert vun de 50 Joer Ligue HMC. De collectif DADOFONIC spillt den Zirkus Sardam

Transkript

1 neiegkeeten v u m G r u p p F o r u m En Interview mam Jean-Claude Koenig Den Ofschloss-Concert vun de 50 Joer Ligue HMC De Gebuertsdags - Timber vun der Ligue HMC ass do! Meine Damen und Herren, spillen hiert Stéck Schwarz Weiss De collectif DADOFONIC spillt den Zirkus Sardam Was ist eine Assemblée Générale? D Pensioun hunn! D Leit aus dem Dagestreff erzielen. Die Redaktion: Wer hat geholfen die Zeitung zu machen? 1

2 neiegkeeten v u m G r u p p F o r u m Top Thema : 50 Joer Ligue HMC. E leschte Réckbléck iwwert dat ganzt Joer. En Interview mam Jean-Claude Koenig. Den Jean-Claude Koenig, President vum Organisations - Comité vun de 50 Joer Ligue HMC, denkt zréck un dat ganzt Joer, wou d Ligue HMC hiere 50. Gebuertsdag gefeiert huet. En Interview vum Aloyse Junck...Seite 3 Den Ofschloss-Concert vun de 50 Joer Ligue HMC, mir ginn an d Philharmonie......Seite 9 De Gebuertsdags-Timber vun der Ligue HMC, 50 Joer ass do!......seite Joer Ligue HMC: D Schauspill - Trupp Meine Damen und Herren, spillt hiert Stéck Schwarz Weiss E puer Andréck vun de Leit vum collectif DADOFONIC......Seite Joer Ligue HMC: De collectif DADOFONIC hat en Optrëtt mam Stéck Zirkus Sardam am Groussen Theater an der Stad. D Leit vum collectif DADOFONIC erzielen wat si erliewt hunn...seite 23 Mir froe no. Mir informéieren eis. Mir soen eis Meenung! Was ist eine Assemblée Générale?...Seite 27 D Pensioun hunn! D Leit aus dem Dagestreff erzielen aus hirem Liewen...Seite 30 Die Redaktion Wer hat geholfen die Zeitung zu machen?...seite 38 2

3 En Interview mam Jean-Claude Koenig, President vum Organisatiouns-Comité vun de 50 Joer Ligue HMC Den Aloyse Junck huet dem Jean-Claude Koenig e puer Froe gestallt. Den Aloyse Junck freet no: Wéi ass dat gaangen dat Dir President vum Organisatiouns -Comité gi sidd? De Jean-Claude Koenig erzielt: Dat ass am Fong ganz komesch gaangen. Mir hunn am Verwaltungs - Rot doriwwer geschwat wéi mer am Beschte sollte virgoe fir d Feierlechkeete vun de 50 Joer vun der Ligue HMC ze feieren. Dunn hate mer déi Idee fir e spezielle Comité ze bilden, dat heescht e Grupp vu Leit déi sech besonnesch vill em d Organisatioun vun de Feierlechkeete këmmeren. Dëse Grupp huet e President gebraucht. A well ech nei am Verwaltungs-Rot war an och vill Kontakter dobaussen hunn, sinn ech gefrot ginn, ob ech wéilt President ginn. 3

4 Den Aloyse Junck freet no: Wat sinn Är Haapt-Aufgaben als President vum Organisatiouns-Comité? De Jean-Claude Koenig erklärt: D Haapt-Aufgab vum President ass et, alles ze coordinéieren an eng «Richtung» virzegesinn. Et muss ee kucken dass all d Leit aus dem Comité averstane sinn, wann ee wëllt eppes organiséieren. Wat ass dat? Coordinéieren, dat heescht: oppassen, datt d Leit gutt zesumme schaffen, datt jidderee wees wat hien ze maachen huet. Als President muss een dann och d Versammlunge leeden an di verschidden Aufgaben opdeelen. Mir haten zum Beispill ëmmer eng Tabell an déi mer agedroen hunn, ween sech em wat këmmert : deen ee këmmert sech em d Iessen, deen aneren em d Invitatiounen an sou weider. Zesumme mam Fernand Reuter hunn ech mech och em Sponsore gekëmmert. Wat ass dat? Sponsoren dat si Leit, déi Sue spenden fir e gudden Zweck. Zum Beispill hu vill Leit der Ligue HMC, fräiwëlleg Sue ginn. Dat heescht, si hunn der Ligue HMC Sue gespend. Mat dese Suen huet d Ligue HMC zum Beispill d Zelt an d Iessen vum Konveniat bezuelt. 4

5 Den Aloyse Junck freet no: Wat war dee schéinste Moment deen Dir dëst Joer bei der Ligue HMC erlieft hutt? De Jean-Claude Koenig äntwert: Dat waren der schonn eng ganz Partie. Wat ech besonnesch schéi fannen, ass di Aart a Weis insgesamt wéi ech hei an der Ligue HMC als «Neien» akzeptéiert gi sinn. Dat ass net selbstverständlech, well di meescht hu mech jo net hei kannt. Dat war wierklech ganz schéin. En anere fantastesche Moment war sécher och d Séance Académique am Mäerz 2013 mat der Grand-Duchesse. Et war just immens schued dass den Dr. Sandt net konnt do sinn. Viru kuerzem hunn ech e Buch mat Fotoe vun dëser Séance Académique maache gelooss, als Souvenir fir mech. E weidere ganz flotte Moment war dat grousst Fest am Summer, de Konveniat hei zu Capellen. A mir hate fantastescht Wieder! 5

6 Den Aloyse Junck freet no: Gëtt et eppes wat net esou geklappt huet, wéi Dir Iech et virgestallt hutt? De Jean-Claude Koenig iwwerleet: Et ginn ëmmer Saachen déi net esou klappe wéi een sech dat virgestallt huet, mee dat gëtt et ëmmer am Liewen. Ech hat am Fong geduecht mir kéinten d Ligue HMC dobaussen nach méi bekannt maachen. Dat fannen ech wichteg. Mir kéinten nach méi no baussen ausstrahlen, dass et d Ligue HMC gëtt a wat si mécht. Wat leider net geklappt huet war, dass mer deen 1. Steen vun deene neie Gebailechkeeten dëst Joer nach net konnte setzen. Den Aloyse Junck freet no: Wéi eng Feierlechkeeten oder Aktioune kommen elo nach? De Jean-Claude Koenig äntwert: Elo kennt nach de Concert de 24. Mäerz an der Philharmonie um Kierchbierg. Dann ass d Joer vun de Feierlechkeeten offiziell eriwwer. Do gëtt och de Gebuertsdags-Timber vun der Ligue HMC offiziell virgestallt. 6

7 Den Aloyse Junck freet no: Wat wënscht Dir Iech fir d Zukunft vun der Ligue HMC? De Jean-Claude Koenig äntwert: Ech wënsche mer, dass di Solidaritéit, tëschent all de Mataarbechter vun der Ligue HMC, déi an dësem Joer entstanen ass, och weider oprecht erhale gëtt. Mir sollen net op e nächste Gebuertsdag musse waarden, fir gutt zesummen ze schaffen a schéi Momenter mateneen ze verbréngen. Wat ass dat? Solidaritéit, dat ass, wa Leit dat Gefill hunn zesummen ze gehéieren, wa Leit déi selwegt Zieler an Idien hunn, wa Leit sech géigeseiteg hëllefen. Aner Wierder fir Solidaritéit: Gemeinsamkeeten hunn, mateneen, verbonne sinn, zesummen halen. 7

8 Den Aloyse Junck huet eng lescht Fro: Wat maacht Dir nom 24. Mäerz, wann all d Feierlechkeeten eriwwer sinn? De Jean-Claude Koenig äntwert: No de Feierlechkeete bleiwen ech natierlech am Verwaltungsrot vun der Ligue HMC. Ech hu mech och gemellt fir bei anere Saachen ze hëllefen, wa meng Hëllef iergendwou gebraucht gëtt. Ech sinn och nach a puer anere Veräiner täteg, wou ech och am Comité sinn. Dat Joer hei an der Ligue HMC huet mer ganz vill Freed, Satisfactioun an Zefriddenheet bruecht. Ech schätzen di Frëndlechkeet vun all de Leit hei, a virun allem vun de Leit mat enger Behënnerung ganz besonnesch. Di familiär Atmosphär huet mer gutt gefall. Et fillt en een sech direkt wuel an et gëtt ee gutt opgeholl. 8

9 Den Ofschloss-Concert vun de 50 Joer Ligue HMC De 24. Mäerz 2014 war den Ofschloss - Concert vun de 50 Joer Ligue HMC, an der Philharmonie um Kierchbierg. Opgetruede sinn: Nicola Benedetti, Violonistin an Les Solistes Européens. 9

10 Reaktioune virum Concert Verschidde Leit mat enger Behënnerung ware moies bei der Generalprouf dobäi, e puer Anerer waren owes beim Concert. Hei erzielen si wéi si et erliewt hunn. «Et gëtt bestëmmt mega cool! A mega imposant!» «Ech freeë mech, ech war nach ni an der Philharmonie!» «De Sall war sou grouss, a schéin. Et huet mer gutt gefall.» 10

11 «Ech war erféiert wéi et esou geknuppt huet.» (op der Tromm) «D Pauken hu mir am beschte gefall!» «Mir si gefrot ginn, ob mir wéilte mat an de Concert. Mir kruten en Ziedel fir eis Elteren. An dunn si mir eraus gesicht gi fir mat ze goen.» «Virun allem huet de Solist mir gefall! Si huet esou schéi gespillt!» «Ech war nach ni an sou engem Concert. Ech lauschteren normalerweis Metal, ech spillen och selwer Bass. Dat heite war mol e klengen Austausch.» 11

12 «Déi Männer op der grousser Gei (Kontrabass) hu mir am beschte gefall. Dat war schéin.» «Déi Madame op der Gei an dee mat der Flute fannen ech wierklech schéin, hei wierklech!». «D Fra déi Gei gespillt huet war super soen ech der, einfach super!» 12

13 «Ech war nach ni an der Philharmonie. Vläicht kommen ech elo nach eng aner Kéier erëm.» «Et war schéin. Et ass di zweete Kéier, dass ech an d Philharmonie kommen. Di éischte Kéier war fir e Concert mat Rock n Roll.» «D war awer just eng Prouf gell?! Den Owend sinn se bestëmmt méi schéin ugedoen, oder?!» 13

14 Reaktiounen nom Concert «Et war schéin de Concert. Ech hu nach ni sou eppes héieren.» «De Concert war schéin, schéin fir mol eng Kéier esou eppes mat ze maachen» «Et war schéi Musik, déi Fra mat der Gei, wees de.» 14

15 «Meng Schwëster an mäin Schwoer sinn extra vun Uewerkuer komm.» «Et ass gaangen déi Musik, et ass net richteg meng Musik, ech si méi déi modern. War awer schéin dat emol mat ze maachen.» «Schéin war et, deen deen esou gemeet huet (Geste dirigéieren), wéi heescht den, den Dirigent, deen huet mir gudd gefall, schéin gemaach. Musik war schéin, ganz schéin, huet gudd gefall.» 15

16 «Et war e groussen Sall, ganz schéin. D Musik war ganz flott. Ech sinn zwar elo keen extra fir klassesch Musik, mee dat ronderem an dat alles matt ze erliewen, dat war super.» No dem Concert konnten d Leit nach do bleiwen an e bësse feieren. «Ech hunn et ganz flott fond owes. De Sall war struppevoll. Ech fanne just dat mam Timber huet een net sou matkritt.» 16

17 De Gebuertsdags-Timber vun der Ligue HMC ass do! Fir hire 50. Gebuertsdag huet d Ligue HMC en Timber erausginn. Op dësem Timber gesäit een d Villa vun der Ligue HMC zu Capellen. D Ligue HMC hat e Concours ausgeschriwwen, wou all Leit déi bei der Ligue HMC schaffen, wunnen oder hir Fräizäit verbréngen, konnte mat maachen. Et konnt ee Biller molen, Kollage maachen, Fotoe knipsen an esou weider. 17

18 Zum Schluss ass ofgestëmmt ginn, wee gewonnen huet. Den éischte Präis huet de SAJ, dat heescht de Service d Activité de Jour, gewonnen. Hei hunn e puer Leit mat enger Behënnerung zesumme mat hiren Educateuren e Mosaique gemaach an als Motiv d Villa vun der Ligue HMC geholl. Déi Responsabel Persounen vun der POSTE Philately hunn d Saach dunn an d Hand geholl an aus dem Mosaique eng Foto an dono en Timber gemaach. Den 24. März ass den Timber an der Philharmonie, nom Concert virgestallt ginn. De General - Direkter vun der POST, de Claude Strasser, huet der Ligue HMC den Timber dunn offiziell iwwerreecht. Fir den Aloyse Junck war dat e ganzt besonnegt Ereignis. Den Aloyse Junck hat 2012 schonn d Iddie fir en Timber ze maachen, hien hat also déi ganz Saach ugestiwwelt. 18

19 Duerfir krut hien dann als perséinlech Errennerung eng agerummte Versioun vum Gebuertsdags-Timber iwwerreecht. 19

20 50 Joer Ligue HMC: D Schauspill - Trupp, Meine Damen und Herren, spillt hiert Stéck Schwarz weiss Fir hier 50 Joer huet d Ligue HMC eng Schauspill - Trupp aus Däitschland invitéiert, fir hei zu Lëtzebuerg op ze trieden. Des Schauspill - Trupp heescht Meine Damen und Herren a kënnt aus Hamburg. D Schauspiller déi an deser Trupp Theater spillen hunn eng Behënnerung. Den 21. Februar 2014 hunn si hiert Theaterstéck Schwarz Weiss am Studio vum Groussen Theater an der Stad opgefouert. De collectif Dadofonic war d Stéck kucke gaangen. Hei e puer Andréck vun de Leit vum collectif DADOFONIC. Wat war besonnesch un der Show Schwarz Weiss? Collectif DADOFONIC: Am Stéck gouf et eng Äis-Zeen. Et war e Mann mat engem Föhn - Kostüm op der Bühn. Säi Kostüm huet seng Hoer geföhnt. 20

21 Mir hunn d Stéck ganz gutt fonnt. Si hunn och Glacen am Publikum verkaf. Et war eng Liebes - Geschicht dobäi. Hien hat eng Äis-Fra gären. D Äis-Leit hunn him de Stecker eraus gezunn. Du ass et him kal ginn. Jacqueline: Et gouf live Musek vun 2 Museker gespillt. De Pianist a Sänger war blann. Eng Fra huet sech während dem Stéck ëmmer op de Buedem geluecht. Raphael: Si hunn eng Verfolgungs -Juegd mam Auto op der Bühn gehat. Du koum e Walfësch an huet se all gefriess. Collectif DADOFONIC: Et goufen och Ausser- Ierdescher am Stéck. An e verréckte Professer. Zwee Kampf - Roboter hu geboxt. Si hunn och mat Schwäerter gekämpft. Do koum eng Botz - Fra an huet den Här Müller gebotzt. Dat huet och zum Stéck gehéiert. Firwat huet d Stéck Schwarz Weiss geheescht? Armin: Et koum ëmmer ee mat engem Schëld mat Text drop op d Bühn. Jacqueline: Et huet alles ausgesi wéi an engem ale Schwaarz-wäiss Film. 21

22 D Regisseuren an d Schauspiller hunn all schwaarz-wäiss Filmer gekuckt fir Iddien ze kréien. Dat war hier Inspiratioun. Si waren zu 13 Schauspiller, mee am Ganze waren si zu 24. Si haten 2 Museker, 13 Schauspiller, Techniker, Betreier, Si hunn all an der Jugend-Herberge geschlof. Si haten 2 Deeg laang ganz vill Aarbecht fir Freides owes hiert Stéck weisen ze kënnen. Hutt dir vum collectif DADOFONIC di aaner Kënschtler kenne geléiert? Jo, dat si ganz fein Leit. Owes no hirem Stéck hu mir eppes mat hinne gedronk a giess. Kënschtler-Coachen, Video-Kënschtler a Beliichter dobäi. An e grousse Camion. Si si vun Hamburg komm. Dat ass an Däitschland. Si waren 10 Stonnen am Zuch gereest. Et ware vill Leit vun der Ligue HMC kucke komm. Et war flott ze kucke, wéi eng aner Schauspill-Trupp dat mécht. Mir si frou dat si komm waren. Si hunn vill méi Erfahrung wéi mir. Si maache säit 15 Joer Theater. D Dagmar an de Claude hunn hinne vill nogekuckt, och hannert der Bühn. 22

23 50 Joer Ligue HMC: De collectif DADOFONIC hat en Optrëtt mam Stéck Zirkus Sardam am Groussen Theater an der Stad. De Claude vum collectif DADOFONIC huet mat de Kënschtler geschwat. D Leit vum collectif DADOFONIC erzielen wat si erliewt hunn. Dat war di éischte Kéier an der Stad. Den Optrëtt war am Studio vum Theater, dat ass e bësse méi e klenge Sall. Wéi war ären Optrëtt Sonndes am Groussen Theater? De Filis huet erëm Musek mam Fränz Hausemer gemaach. Mir haten eng Virstellung am Groussen Theater mat eisem Stéck Zirkus Sardam. Mir haten e puer Saachen um Stéck geännert. Mir hu Verbesserungen agebaut. Mir haten eis Rollen nach besser verstan. D Letita huet mam Fräncki gedanzt a gerëselt. De Raphaël huet mat de Béchse jongléiert. Den Dan Tanson huet de Bierger Vertunov gespillt. Hien huet nach ëmmer gestéiert. Dat ass jo seng Roll. 23

24 Mir haten d Stéck viru bal 3 Méint schonn eng Kéier gespillt. Dat ass laang hier. Dofir hu mir missen 3 Woche prouwen fir et erëm ze kënnen. Mir hunn dofir och de Video gekuckt an den Text gelies. D Ela, eis Regisseurin, huet eis och erëm gehollef. Mir konnte just een Dag virum Optrëtt an der Stad op der Bühn prouwen. Ween huet gespillt? D Lelita war eng Fakirin an huet dem Nathalie säin Aarm fort gezaubert. De Laurent war e Muskel - Mann. De Fräncki huet vill Text missen opsoen. Virun allem nodeems den Aquarium gebrach ass. Dunn war de ganzen Theater ënner Waasser. Du koum d Pinkie, eng Hai - Fësch - Madame, an huet gesongen. Déi Stëmm ass vun der Opern - Sängerin Anja. 24

25 De Cristiano war de Robert Robertovic an huet balancéiert. Den Här Olek huet alles misste botzen. Dat war dem Armin seng Roll. D Nathalie war eng Dänzerin a Ballerina. Säin Numm am Stéck war Arabella Muhlen- Puhlen. Et goufen och Clownen, 3 mol 3 Stéck. Déi goufe gespillt vum Fräncki, vum Filis a vum Jacqueline. De Pedro an den Acácio hunn d Roll vum Kruksin a Kluksin gespillt. D Laura war d Mathilda Huu-is-Huu. Hat huet ëmmer d Pinkie gesicht. Et ass Schued datt d Sandra net konnt matmaachen. Hatt hat sech beim Prouwen de Fouss gebrach. Am Groussen Theater hate mir vill Freed op der Bühn. Eist Publikum huet Sonndes souguer während der Show geklappt. Et waren erëm vill Leit vun der Ligue HMC komm. Owes hu mir den Theater schonn erëm eidel geraumt. 25

26 26

27 Was ist eine Assemblée Générale? Die Assemblée Générale ist eine Versammlung. Sie wird auch Haupt- Versammlung genannt. In jedem Verein gibt es eine Assemblée Générale. Zum Beispiel: Welche neuen Mitglieder in den Verwaltungs - Rat der Ligue HMC kommen wollen. Was passiert in der Assemblée Générale? In der Assemblée Générale wird die Arbeit des Verwaltungs - Rates und der Direktion vorgestellt. Es wird auch über Sachen abgestimmt. Wenn alle einverstanden sind, wird geklatscht. Oder wieviel Geld die Ligue HMC ausgegeben hat. Oder was die Ligue HMC alles mit dem Geld gemacht hat und machen wird. Jeder darf dazu seine Meinung sagen. 27

28 Wer darf in der Assemblée Générale mit-machen? Jeder der interessiert ist, darf bei der Assemblée Genérale dabei sein. Wie oft ist eine Assemblée Générale? Die Assemblée Générale muss 1 mal im Jahr stattfinden. Aufgepasst! Nur die Leute die bei der Ligue HMC Mitglied sind können abstimmen und mit entscheiden. Das heißt, sie müssen eine Mitglieds-Karte haben. 28

29 Dieses Jahr wurde über viele Dinge gesprochen. Zum Beispiel: Die Ligue HMC hat ein Haus in Bonnevoie gekauft. Nächstes Jahr, 2015, werden die Ateliers in Capellen neu gebaut. Warum ist die Assemblée Générale wichtig? Die Assembée Générale ist wichtig, damit alle Mitglieder wissen, was in der Ligue HMC passiert und was sich ändert. Die letzte Assemblée Générale der Ligue HMC war am 27. März Herr Müller hat die Pläne kurz gezeigt. Zum Schluss wurde eine Gedenk-Minute für Herrn Marcel Ruppert gehalten. Herr Ruppert war lange im Verwaltungs- Rat der Ligue HMC. Er ist letztes Jahr gestorben. 29

30 Pensioun hunn: D Leit aus dem Dagestreff erzielen aus hirem Liewen Wann een d Pensioun huet dann hält een op mat schaffen. An den Dagestreff zu Bierden komme Leit mat enger geeschteger Behënnerung, déi net méi schaffe ginn, déi d Pensioun hunn an net wëllen oder kënnen alleng doheem sinn. Aloyse Nico Doheem bleiwen, Zwëschent den do kritt een d Zäit net eegene Maueren do ass et erëm. langweileg. Den Dagestreff ass Méindes, Dënschdes a Mëttwochs op. D Leit komme géint 10 Auer moies mam Bus un. Nico Ech sinn awer net ëmmer ausgeschlof! Nico 10 Auer ass net ze fréi. Charel Dat ass an der Rei. Ech géing och um 3 Auer heem goen. An da meng Wäsch maachen an dann een huele goen. 30

31 Als éischt gëtt zesumme Kaffi gedronk a gepotert. Et gëtt nëmme Kaffi gedronk an näischt giess. Heiansdo iesse mer dann och emol e Stéck Uebst Um 12 Auer gëtt zu Mëtteg giess. Si gi géint 4 Auer mëttes erëm heem. De Kach Programm fir d Woch gëtt zesummen iwwerluet. Jidderee ka soe wat hie léiwer hätt, jidderee ka Virschléi maachen. D Pensionären aus dem Dagestreff hëllefe beim Kachen an och beim Dësch decken a Raumen. Dëst maachen si ofwiesselnd. Jidderee kennt eng Kéier drun. Mir kucken de Kach Plang zesummen, mat Fotoen. D Iesse schmaacht ganz gutt. Jo net fetteg. Besser wéi an der Kantin. Et gëtt awer net all Dag Dessert. Fernand Ech kache gären an hëllefe gären dem Éducateur. 31

32 Am Dagestreff kann ee vill verschidde Saache maachen : kachen, baken, Fernseh kucken, e Buch liesen, Zeitung liesen, Keele spillen, schlofen, Musek lauschteren, bastelen, an de Musée goen a Villes méi. D Ariane kënnt mat eis turnen. D Natacha mécht mat eis e Buch, eis Biographie. D Geschicht vun eisem Liewen, mat Fotoen. Do steet mäi Liewenslaf dran, wou ech virdru gewunnt hunn, wat ech gären hunn, wat ech net gär hunn. Mir gi mat dem Mupp spazéieren, mam Sandy. 32

33 Wat de Pensionären net sou gutt gefällt dat ass fir jidderee verschidden : de Nico molt net gären, de Charel kacht net esou gären, spullen an den Dësch ofmaachen dat gefällt kengem sou richteg. Mir kenne keen am Duerf, mir begéine mol ee Noper. Wat hinnen all gefällt, dat ass zum Beispill: d Ariane dat d Fangere masséiert, fir datt si sech entspanen a fir beweglech ze bleiwen; spazéiere goen am Duerf bis bei d Kierch. Den Dagestreff ass net all Dag op. D Pensionnären maachen och nach vill aner Saachen, nom Dagestreff. Donneschdes a Freides ass keen Dagestreff, da maachen d Pensionnären aner Saachen. Aloyse Ech kucken de Fernseh. Dënschdes ginn ech Piano spillen. 33

34 Charel Ech gi mëttes ëmmer an de Pontalize een drénken, vun 2 bis 4 Auer. Nico Donneschdes moies ginn ech mam Mini Bus, mam Personal vum Baastenduerfer Haus, akafen an de Cactus op Angelduerf. Jacqueline Donneschdes ginn ech an den Day Center an d Staat a Freides bleiwen ech doheem a raschten. Lucien Ech botze meng Kummer. Ech sinn deen eenzegsten doheem an der Pensioun. Marceline Donneschdes bleiwen ech am Foyer. Freides ginn ech meng Sue sichen a botze meng Kummer. All 14 Deeg (2 Wochen) ginn ech an den Day Center an der Stad fir ze kachen. Aloyse Donneschdes ginn ech mat hinnen (Personal vum Baastenduerfer Haus) akafen, bei de Bäcker, meng Sue sichen an 1 Mol de Mount ginn ech op Capellen an de Grupp Forum. 34

35 Charel Ech gi normalerweis aleng Kaffi drénken, aleng bei den Dokter an an d Relaxatioun a mäi Chèque sichen. Donneschdes ginn ech och emol an den Day Center an d Stad. Fernand Donneschdes lauschteren ech Musek. Freides ginn ech akafen. Wann een an der Pensioun ass, gesäit een dann nach seng Frënn a Kollege vu Fréier? Aloyse Wann ech op Capellen ginn, da jo. Nico Wann ech an de Cactus akafe ginn, heiansdo. Jacqueline Neen, just bei Foi & Lumière, do ginn ech nach hin a gesi Leit. Fernand Just wann ech op Besuch ginn, op Réiden. Heiansdo kommen och Leit bei eis an den Dagestreff op Besuch, Leit déi elo am Altersheem wunnen. Mir gi si och besichen, op d Rhum an d Stad a bei d ALA op Ierpeldeng. 35

36 Wat denken d Pensionären aus dem Dagestreff vum Altersheem? De Charel huet sech am Altersheem zu Berbourg ugemellt. Charel Do muss ech nach waarde bis eng Platz fräi ass. Ech war an d Altersheem kucken. Ech war do an d Vakanz. Do ass et flott, well een do nei Leit kenne léiert. Am Altersheem ass et e bëssen d selwecht wéi am Dagestreff. Do si mir akafe gaangen. Do hu mir Bingo gespillt. Nico Ech well am léiwste guer net an d Altersheem goen. Aloyse Ech well nach net an d Altersheem goen. Et ass nach ze fréi. 36

37 Nico Ech hoffen dat geet nach laang mat mir am Foyer. Ech falen oft an dann déi Trapen. Si hëllefe mir awer vill am Baastenduerfer Haus. De Nico iwwerleet vill a mécht sech Suergen. Lucien Nee, Nee, ech bleiwen do wou ech sinn. Dem schléissen sech och d Jacqueline an d Marceline un. Fernand Ech well gären an en Altersheem goen... fir ze kucken... wéi et do ass. 37

38 Wir haben Pictogramme benutzt von: Ligue HMC: Daniel Mamer Wir haben Fotos benutzt von: Ligue HMC Collectif DADOFONIC Meine Damen und Herren net/ Christof Müller Jean-Luc Becker Jean-Claude Koenig Paulo Lobo Carlo Ruppert Jeannine Thill Diese Zeitung wurde gedruckt von: Ligue HMC, Bureau Service, Daniel Mamer Wir sagen den Personen Danke die uns geholfen haben Artikel für diese Zeitung zu schreiben, indem sie zum Beispiel: Interviews gegeben haben oder ihre Meinung zu einem Thema gesagt haben oder uns etwas erklärt haben. Jean-Claude Koenig Den Personen die in der Philharmonie beim Konzert oder bei der Probe dabei waren Den Artisten aus dem Collectif DADOFONIC Claudine Nosbusch Den Personen die in den Dagestreff der Ligue HMC gehen Wir haben zusammen gearbeitet damit diese Zeitung zu Stande kommt, das heißt: einige haben geschrieben, andere haben sich Fragen überlegt und Interviews gemaacht oder die Texte überlesen oder ihre Meinung zur Auswahl der Bilder gesagt: Aloyse Junck Bianca Gary Boris Stencel Carlo Ruppert Françoise Unsen Isabelle Mousset Jean-Marie Weishaar Livio Domini Maggy Reding Mireille Schock 38