Fevrer ONNS [1]

Transkript

1 Fevrer ONNS [1]

2 PLAID DIL PRESIDENT Naturalmein mavan ins era a Ruschein gia avon igl onn 1959 cun skis. Il liug preferiu era gia lu en dadens il vitg, enta Crestas. Denton existeva aunc negina uniun da lezzas uras. Quei ei lu semidau ils 11 da schaner 1959, cu ina roscha giuvens dil vitg ein serimnai ed han fundau il club da skis Crestas. Per quella curascha ed per quei entusiassem lessel jeu oz engraziar zun fetg, cunzun allas treis persunalitads che han surpriu la responsabladad da tgamunar la nova uniun ed aschia formau l emprema suprastonza. Bugen dessel jeu il maun ed engraziass e gratulass persuenter ad Albert Klaiss, Robert Truog e Toni Patt. Ils emprems dus ein deplorablamein buca pli denter nus. Sco mintg`uniun, ha era nies club fatg atras aults e bass ed adina teniu la dira els onns da crisas. Jeu sundel loschs, d`astgar tgamunar quell`uniun ensemen cun mes collegas da suprastonza e tuts auters gidonters ed idealists. In grond engraziament a tuts quels che han luvrau, gidau, susteniu ed ein s engaschai per il club da skis Ruschein duront ils 50 onns vargai! Cun quella caschun less jeu era engraziar a nos sponsurs e donaturs, che han era uonn possibilitau cun lur sustegn finanzial la cumpra da novas monduras da skis. Noss uniun gioga ina rolla principala en vischnaunca per il passatemps liber ed educaziun da nos affons e giuvenils. Per quei vegn nies runal da skis enta Crestas frequentaus stedi dils affons pigns e dalla scoletta. In grond engraziament era alla vischnaunca da Ruschein che ha segidau da realisar quei project. Gia pli baul organisava nies club cuorsas regiunalas si Ladir e pli tard vi Crap Sogn Gion. Suenter entgins onns interrupziun havein tschaffau la curascha el schaner 1995 ed organisau igl emprem slalom parallel digl SST (Ski- e Snowboardteam Surselva) da bellezia relaziuns d unviern, si Ladir sur baselgia. Dapi lu menein nus nuninterrutamein atras l avertura da cuorsas digl SST, mintgamai entschatta schaner el territori da Crap Sogn Gion. Uonn ei quei stau gia per la 15avla gada. Era entras nossas bein organisadas cuorsas, grazia agl engaschi da mintgin, ha nies club survegniu in bien num era sur ils cunfins dalla Surselva. Quella caschun lessan nus era prender el proxim zercladur, cu nus savein beneventar ils responsabels dall uniun grischuna da skis e tut ils delegai dils clubs grischunes. La radunonza da delegai dil BSV vegn numnadamein ad haver liug a Ruschein. Sco finiziun da mia introducziun lessel jeu engraziar zun fetg a mias consuprastontas Cornelia, Catrina e Liliane ed al consuprastont Gian Marco per lur engaschament. Era in grond Dieus pagi agl anteriur president Ewald ed a René, nies fideivel commember in eternum, per lur agid en connexa cun il giubileum. Emblidar astgein naturalmein buc l equipa da trenaders da G+S, che fan fetg gronda lavur cun nos affons e giuvenils. Per noss`uniun giavischel, ch ella sappi aunc ditg s engaschar e prosperir en favur dalla giuventetgna e che speronza biars ch ein cheu presents sappien festivar ils proxims giubileums da 75 e 100 onns Club da skis Ruschein. Il president Gieri Arpagaus [2]

3 NOSTALGIA bruno, claudio, willi e duri sco pli baul [3]

4 LA SUPRASTONZA Cornelia Coray, actuara Jeu sundel dapi igl 2002 ella suprastonza dil club da skis e lavurel bugen cun Gieri, Catrina, Liliane e Gian Marco. Avon in`occurrenza vein nus mintgamai intensivas sesidas. Quellas ein denton interessantas e variontas. Cu jeu mondel cun skis e vesel tons affons cun giaccas cotschnas e caultschas neras sin pista, motivescha quei nundetg da s'engaschar per nies club. Clà, Fabian e Matia ein dapi l'emprema classa egl JO. Els van cun grond tschaffen e plascher als trenaments. Nies club ha super menaders e menadras che muossan buc mo dad ir cun skis als affons, mobein instureschan era en geografia da nies contuorn e dattan vinavon ils buns trics sco vegnir spert e senza incaps tiel damagliar. Suenter marenda fan els attents dad ir sin tualetta, pacheteschan en ils affons cauld e bein, miran che nuot resti anavos e tuornen la sera cun 34 affons sauns e ventireivels a casa. Quei service dat ei da miu manegiar negliu auter! Miu passatemps preferiu: ir cun skis, ir si cuolm, leger ed ir en vacanzas... Quei vaiel buc bugen: ir tiel dentist, ir cun skis cu ei plova, ir a far bogn cu ei bischa... Mes giavischs per ils proxims 50 onns club da skis Ruschein: che Gieri resti sco president dil club da skis e ch'ei ha adina aschi motivai menaders sco tochen dacheu. Catrina Cadruvi, cassiera Jeu sundel la cassiera dil club da skis dapi la sesiun 2007/08. Dapi il 2006 habiteschel a Ruschein e cun quei che mes affons fan part agl JO essan commembers dil club. Mes hobbys ein ir cun skis, Nordic Walking e viagiar. Al club da Skis Ruschein giavischel era per ils proxims 50 onns bia bialas uras e vinavon bien success. [4]

5 LA SUPRASTONZA Liliane Vinzens, coach G+S Hobbies: sport en general, jeu dun volleyball, mon naturalmein bugen cun skis, visetel trenaments da cundiziun e forza el center da fitness, mon bugen a pei, leger, tedlar musica, dar poker, sentaupel bugen cun collegs, ir sin viadi ed aunc massa auter. Relaziun tier il sport da skis: Cun skis mondel jeu schon daditg. Jeu erel ca. 3 onns cu jeu sun stada l'emprema gada sin skis. Jeu saiel aunc seregurdar bein sco Patricia ed jeu maven giu crusch cun skis. Da quei temps scheva tat ir il runal giu crusch e nus mavan adina cun el cun skis. Duront il temps dalla secundara haiel jeu inagada giu il sentiment ch`jeu stoppi midar sport ed entscheiver ad ir cun aissa. Quella "carriera" ei denton stada fetg cuorta. Quella aventura ha denton buca teniu giu mei dad ir vinavon cun skis. Tochen oz haiel jeu buca piars il plascher vid igl ir cun skis e passentel aschia massa uras sin pista. Relaziun tier il Club da skis: Naven dalla secunda classa haiel jeu visitau ils trenaments dad JO e sun stada commembra dil Club da skis. Quei era schon da gliez temps in liug da sentupada cun ils camerats da scola nua ch'ins saveva el medem mument far sport ensemen. Per mei ei quei aunc oz aschia. Il Club da skis ei aunc oz in liug da sentupada per ils carschi sco era per ils affons. A mi muncass segir enzatgei sch'ei dess buca pli il club. Uffeci: Dapi entgins onns sun jeu menadra digl JO. Avon dus onns haiel surpriu il post sco coach da giuventetgna e sport. Aschia sun jeu la persuna responsabla per la communicaziun denter il Club da skis e "Graubünden Sport". Vinavon sun jeu era dapi dus onns ella suprastonza dil Club da skis. Giavischs pigl avegnir dil Club da skis: Per nies Club da skis, per ils affons ed insumma per tuts, sperel jeu ch'il club vegn aunc ad exister massa onns. Ei fuss donn, sche nus vegnessan buca da menar atras vinavon las occurenzas nua che gl'entir vitg sa prender part. Naturalmein fuss ei era donn, sch'ins udess buca pli da quellas legras historias da pli baul che la glieud raquenta aunc oz. Gian Marco Menzli, cau da material 23 d uost 1983 Ir cun skis, dar balla, dar golf sun el club da skis dapi affon giavischel ch il club hagi era egl avegnir tons commembers activs [5]

6 CRONICA 50 onns club da skis Ruschein Ils 11 da schaner 1959 fundeschan ils skiunzs da Ruschein il club da skis Crestas Ruschein. Sco emprema suprastonza vegnan ils iniziants elegi: Albert Klaiss sco president, Toni Patt sco actuar e Robert Truog sco cassier. Plinavon vegn concludiu da metter si statutas. Affons da 12 onns ensi san daventar commembers dil club. - Ils 25 d`avrel 1959 vegnan las statutas approbadas dils commembers. - Ils 19. da november 1959 vegn concludiu da menar atras ina cuorsa rapida, da crear in emblem dil club che vegn cusius sin la giacca ni lismer e da prender si giuvnas da 16 onns ensi La cuorsa rapida regiunala ed ina cuorsa dil club en fuorma d`in slalom gigant vagnan menai atras Sep Truog vegn elegius sco niev cassier per Robert Truog. - Il club decida da cumprar in arrivada (Zielband) dalla fa. Ovomaltine. - Vinavon vegn priu il conclus dad ir a Glion el Kino Darms e mirar il film dall olympiada 1960 a Sqaw-Valley. Ils cuosts surpren il club. Il Pantoffelkino a casa era aunc strusch enconuschents. - El medem onn vegnan la cuorsa rapida ed il slalom gigant menai atras Il club concluda d alzar la taxa annuala per juniorsi sin Fr.2.- e per juniorsii e seniors sin Fr La gruppa da cuorsa ( Renngruppe ) vegn fundada. Toni Patt surpren il post sco cau dalla gruppa Enstagl d`ina cuorsa rapida vegn menau atras in slalom gigant dalla Muota giu Ladir. - Sco emprema ga, vegn ina sera hilarica organisada Leo Capaul vegn elegius sco niev president e remplazza aschia Albert Klaiss. - Anselm Patt daventa niev capo dalla gruppa da cuorsa Anselm Patt surpren da siu frar Toni il post d`actuar. Sco niev menader dalla gruppa da cuorsa vegn Christian Coray engaschaus. - Il club pren si contractivas cun SSV per daventar commember. - Per la cuorsa regiunala vegn ina gruppa da damas messa sin peis Frauenpower! Eugen Menzli remplazza Leo Capaul sco niev president. - Niev actuar ei Ludwig Coray Il club decida da cumprar in runal. Il runal Picolo cun motor da benzin cuosta ca. Fr In bal da s. Stiafen vegn menaus atras. - Plinavon vegn concludiu da s unir ( fusionar ) cun il club da skis Ladir. Nova commembranza egl SSV Georges Mathias Casanova remplazza Eugen sco president. - Toni Vinzens remplazza Sep Truog sco cassier. [6]

7 CRONICA Muort munconza da neiv vegn negina cuorsa menada atras Marcus Menzli remplazza G.Mathias Casanova sco president. - Sep Antoni Casanova surpren il post da cassier da Toni Vinzens Fundaziun da l uniun Sursilvana da skis cun la finamira da reunir clubs pigns ed aschia saver sustener meglier ils giuvens skiunzs. - In campiunadi Sursilvan vegn menaus atras Eveniment special: Nies runal ( Benziner ) vegn montaus d enzacons commembers dil club sin il glatscher dil Vorab. Quei ei stau igl emprem runal sil Vorab. - La cuorsa regiunala vegn per l emprema gada organisada a Crap s. Gion. 110 skiunzs separtizipeschan a quella cuorsa Christian Coray remplazza il post da Toni Casanova e vegn niev cassier. - Il runal sil Vorab vegn vendius ad ina gruppa d interessents per Fr Ei vegn priu il concluss da buca midar il num en Uniun sportiva ed integrar gimnastica e ballapei. - Commembers dalla vischnaunca da Siat vegnan pri si en nies club Revisiun dallas statutas. - Daniel Coray daventa niev actuar per Ludwig Coray. - Il club baghegia ensemen cun l uniun da traffic in VITA-parcuors si Plontabuora. - Ensemen cun la US Andiast vegn il campiunadi svizzer per skis da pastg (rolcas) organisaus. - In slalom gigant vegn menaus atras si Crap s. Gion. 200 skiunzs fan part dalla cuorsa Albert Darms daventa niev president per Marcus Menzli skiunz serendan duront in jamna d`uost sil pass dil Stelvio ad in camp da trenament. Sco cuschaniera semetta Genoveva Arpagaus da Ladir a disposiziun. - Adrian Maissen, Günther Truog, Reto Beeli e Werner Nay procuran per il pli grond success dil club da skis da Ruschein. Els contonschan il 3. plaz tier il campiunadi svizzer dils clubs da skis a Sedrun. - Il club concluda da cumprar uras electronicas da Heuer per Fr Ewald Vinzens remplazza Daniel Coray sco actuar Ils 18 da schaner perda nies bien amitg Marcel Maissen ( Varallo ) la veta en ina lavina a Crap s. Gion. - La cuorsa vegn menada atras en fuorma d`in slalom enstagl d`in slalom gigant. - Marcus Menzli surpren il presidi d Albert Darms, e lez surpren niev la cassa da Christian Coray. - La primavera pren il club part ad ina sera da recreaziun a Sevgein. [7]

8 CRONICA - Activitads usitadas dil club Robert Menzli daventa actuar per Ewald Vinzens Muort munconza da finanzas ( defizi dil runal da Fr ) ston las cuntribuziuns annualas vegnir alzadas pulitamein: Fr.15.- per singuls e Fr per famiglias, senza las cuntribuziuns allas uniuns tetgalas El decuors digl onn ha l entira suprastonza demissiunau sin radunonza generala. Tut ils commembers ein vegni orientai en ina brev sur dallas eventualas consequenzas. Sche negin surpren in post en suprastonza vegn il club sligiaus si! Alla la radunonza ein 20 persunas cumparidas cun gl intent da menar vinavon il club en in bien futur. Tut ils posts ein vegni occupai. La suprastonza nova vesa ora aschia: president Ewald Vinzens, actuar Rest Gieri Coray, cassier Plazi Coray, cau material Ervin Cadruvi e cau G+S Ursin Cajochen. - Plinavon vegn concludiu da dislocar il runal da Crusch a Crestas sper la halla plurivalenta Revisiun dallas statutas. Alzament dalla cuntribuziun annuala sin Fr Il runal vegn montaus a Crestas - La vischnaunca surpren ils cuost per la forza electrica. - Il club organisescha la fiasta digl 1. d`uost Novas fatschas en suprastonza: Andreas Coray surpren il post da material e Gieri Arpagaus vegn elegius niev sco actuar Midada da scharscha en suprastonza: Andreas Coray (niev cau G+S), Ursin Cajochen (niev cau material). - Ursin Cajochen e Gieri Arpagaus construeschan in cundrez massiv da partenza per cuorsas parallelas, il qual vegn installaus en plirs loghens per far cuorsas Il slalom parallel da notg ch era previus da menar atras el schaner si Ladir ha stuiu vegnir detgs giu ord munconza da neiv. - Per l emprema gada sa nies JO sevestgir cun novas monduras da skis. Quellas vegnan sponsuradas da Marietta Hänggi (Casa Crusch) e Marcus Menzli (Menzli Sport) Puspei ha il previu slalom parallel stui vegnir annulaus ord munconza da neiv. - Persuenter han 95 (niev record) priu part alla bellezia cuorsa dil club cun massa neiv si Gonda. La vegliadetgna ufficiala da G+S vegn midada entras ils uffecis federals da sport sin 10 tochen 20 onns Emprem slalom parallel digl SST si Ladir sur baselgia cun 55 participonts e sut bellezia relaziuns d unviern. - Nova suprastonza: Gieri Arpagaus (president), Retus Spescha (actuar), Bettina Casanova (cassiera), Andreas Casanova (cau G+S) ed Ursin Cajochen (cau material). [8]

9 CRONICA Fuffergnadi da snowboard cun Rolf Cadruvi e Christian Maissen. - Cuorsa parallela digl SST ha liug per l emprema gada vi Crap Sogn Gion. - La cuorsa dil club vegn menada atras pér da gliendisdis Pastgas (ell alp da Ruschein). - Nossa gruppa da cuorsas gudogna la concurrenza d equipas dil Siet Alv e dil Super-G a Sörenberg. - Revisiun dallas statutas. - Nova menadra da G+S: Eveline Cadruvi Cuorsa dil club ellas Treis Palas cun 80 participonts ed emprema sera hilarica en halla plurivalenta. - Novas giaccas per igl JO sponsuradas da Menzli Sport, Daniel Coray, Ustria Alpina ed Electro Cadruvi. - Organisaziun fiasta digl 1. d uost cun pizzas ord il fuorn enta Crestas. - Ueli Giger surpren il post d actuar da Retus Spescha Rang da nossa squadra al super-g da Sörenberg Novs menaders da G+S: Curdin Camenisch e Stephan Hänggi. - Emprem slalom parallel da notg (Elektro Cadruvi Cup) vi Murschetg. - Il club cumprau in niev runal da skis per francs Il club baghegia in niev casetg enta Crestas ed uliva il terren dil runal. Las petgas sura e sut vegnan montadas fix. - Ils campiunadis svizzers internaziunals da skis da pastg (rolcas) a Bömmeli, Appenzell vegnan menadas atras dil club da skis Ruschein. - Nova suprastonza: Gieri Arpagaus (president), Flurina Menzli (actuara), Patricia Vinzens (cassiera), Gion Ambrosi Cahenzli (cau material) e Stephan Hänggi (cau G+S). Novas menadras da G+S ein Liliane Vinzens e Romana Casanova. - Niev record da 85 participonts al parallel da notg Niev record da participonts al slalom parallel digl SST, numnadamein Natalie Caderas surpren il post da cassiera da Patricia Vinzens. - Negin successur per la demissiun da Gion Ambrosi Cahenzli sco cau material. - Il club ha priu temps als campiunadis grischunes da Snowboard si Sedrun Igl Electro Cadruvi Cup (slalom parallel da notg) ha stuiu vegnir detgs giu ord munconza da participonts. - Niev cau da material daventa Cornelia Coray. Angi Coray daventa cau G+S e remplazza Stephan Hänggi. - Novs menaders da G+S: Daniela Cadruvi e Cristian Caderas Cunquei che Angi Coray vul buc esser en suprastonza, vegn Hanspeter Caderas elegius sco 5avel. - Novas giaccas da Spyder (sponsurs: Menzli Sport, Daniel Coray, Elektro Cadruvi ed Ustria Alpina). [9]

10 CRONICA Midada en suprastonza: Cornelia Coray remplazza Flurina Menzli sco actuara e Gian Marco Menzli vegn elegius niev sco cau material. - Nova menadra da G+S: Anja Cajochen Magra participaziun (mo 74) al slalom gigant digl SST (probabel pervia dallas licenzas.) Cuorsa dil club si Gonda e sera da recreaziun cun rangaziun en Casa Gonda. - Novas consuprastontas daventan Catrina Cadruvi (cassiera) e Liliane Vinzens (coach J+S). - Novs menaders da G+S: Roger Vetsch e Duri Coray Il club metta neu novas monduras da skis (caultschas e giacca) dalla firma Völkl. Sponsurs ein: Menzli Sport, Daniel Coray, Elektro Cadruvi, Ustria Alpina e niev Robert Menzli e Gusti Schönenberger. Cuorsa dil club 2007 [10]

11 GI DA SKIS DAMAS Miez schaner ha ei num per nus dunnas e giuvnas da montar ils skis e far in gi da seriusa scolaziun cun nossa versada mussadra Angi. Il tema ei mintgamai "carving". Mintg`onn profundein nus nossa savida danovamein. Ei sa schabegiar ch'ina ni l'autra piarda la damaun la posta, damai ch'igl um ha buca destadau ella, ni ch'ina ha aunc da colurar las levzas stgir cotschnas avon che serender dalla pista teissa. Ei sa era dar ch'enquala va a beiber café avon che ver sentiu la neiv sut ils skis. Il sescaldar en amiez la pista dils tagliors a Crap s. Gion vegn denton praticau mintg`onn cun dira disciplina da ualti mintgina. Suenter ver cauld ils ventrels e ver contemplau la garderoba e frisura/capellina d`ina e scadina vegn (suenter ver priu in bien schluc aua da Marlis) priu la pista viers Alp dado. Il gi vegn creaus suenter il meini e gust da tuttas. Ei vegn concludiu comunablamein cu far tgei e cu ir nua. Suenter che Angi ha era mussau las variantas neiv nova e la dretga tenuta da hocke per tener ora la rapida Siala - Fuorcla, savein suenter in refrestg egl elefant cun buna cunscienzia serender dalla pista da casa tochen a Ladir. Las dunnas da Ladir ein creativas cun offerir in apèro da moda nobla giu Gonda-era sch'igl arva butteglias maunca. Quei lai sgular la fantasia aschia ch'ei sa schabegiar ch'enquala sbaglia e va enstagl a pei sin in'autra moda e maniera viers casa Crusch. Leu spetga aunc in apèro cun in cantun da sminca per serender bialas e frisadas ell'ustria Alpina ad ina buna tscheina. Dil reminent: Damai ch'ei vegn concludiu da crear in aschi numnau "Datenschutz" per quei gi el schaner, san sclariziuns pli detagliadas vegni retratgas tier la suprastonza dil club da skis (partiziun "dunnas"). Tut ils nums che vegnan avon en quei text sebasan sin nums da fantasia ed han da far nuot cun Marlis Cajochen ed Angi Coray! In viva sil gi da skis da damas! [11]

12 GI DA SKIS SENIORS Mintg onn, el schaner ni fevrer selegran ina roscha umens, la gronda part da Ruschein, sil di da skis dils seniors. Sut il democrat comando da Gion Mathias han els plazzau lur bein-formai bodys ella posta da skis dallas uras ed ein serendi tochen a Murschetg. Muort che 16 d els eran presents, han tuttina legendas sco Werner Nay, Toni ed Ewald Vinzens, Ignaz Caduff, Robert Menzli, Gusti Schönenberger ed aunc biars auters muncau. La gliesta vegness imens liunga da numnar tuts. Suenter il warm-up-run a Curnius ha ei giu num da seconcentrar sil percuors da portas ellas Treis Palas. Il slalom gigant che Deja haveva stitgau ha dau ad enqualin da morder. La pista davos giu encunter il Plaun pareva lu buca pli aschi pretensiusa ed exact en quella situaziun ha ei dau in rencontre denter in cutgnist ed in da nos fideivels commembers. Claudio Cadruvi, suenter che las steilas eran puspei svanidas avon ses egls, ha stuiu constatar ch in péz da ses Atomics era pli rodunds che l auter. Sia schuiala sesenteva sco in furmicler. Ils schinumnai seniors, per part cun tgaublut, per part cun cavels tochen sin las unglas dalla dettapei, ein lu, suenter haver victorisau il Stretg giu Flem, seplacai ensemen si l alp Nagens e gudiu il bienmarcau Fondu ellas stallas dal alp da Laax. Ei era schizun in (MM) denter els, che pretendeva, che la cazetta cun il suplement seigi tuttina gronda sco l emprema purtiun. Sch ins mira mo sil prezi, fuss ei tgunsch stau pusseivel!!! Cunquei che la schinumnada death-line, pia la finiziun da redacziun per il cudischet, ei curdada en avon ch il di da skis, respectivamein avon igl après-ski dils umens ei ius a fin, eis ei buca pli pusseivel da dar aunc auters comentaris e raports. Denton sperein fetg, che nus sappien era egl avegnir tenir si quei bi di da cumpignia. Ir cun skis fa fom! [12]

13 PLAID CAU GS In per patratgs sur d igl JO Ruschein 50 onns Club da skis Ruschein! Quei ei bunamein aschi encunuschent sco las cuorsas a Wengen e Lauberhorn. Jeu sperel che las proximas construcziuns seigen pli sinceras. L`aveina gronda dil club da skis porta il num Jo Ruschein ni "G+S", quei che vul gir "organisaziun Giuventetgna e Sport". Senza quella petga eisi per in Club fetg grev da surviver egl avegnir. Ils giuvens portan bia veta ed ein commebers, che han ina buna relaziun tiel club. Gie, dapi decennis ein ils menaders promts da dar vinavon cun engaschi e plascher ina buna basa sin skis. Ei dess biars nums da menaders ch ins savess menziunar cheu. Mo cunqei ch`il prighel d`emblidar zatgei ei gronds, less jeu scriver si negins. Auter che in, il qual ei dapi fetg biars onns (ed entochen oz) activs e d`il qual nus savein profitar da bein enqual cussegl. El num dil club da skis Ruschein lessel jeu emetter in grond "engraziel" ad Andreas Coray! Denton maretan era ils ulteriurs menaders e menadras in grond engraziament per lur buna lavur. Lein turnar anavos tier la basa sin skis! Tier il "G+S" Ruschein ei la finamira da vegnir skiunz da professiun buc il pli impurtont. Il motto "far cun vala dapli" ei quei che quenta. Quei vul buca gir, che nus sespruassen buc da contonscher buns resultats culs affons. La finala vein nus sur tut ils onns giu buns skiunzs en nossas retschas. Tuttina savein nus ch`igl ei impurtont, da schar promover ils giuvens cun talent extraordinari en in auter club, che mantegn pli grondas structuras. Per quella via ha il club da skis adina giu capientscha ed ha sustegniu ina tala promoziun dils affons. En las retschas dil "G+S" Ruschein havein nus sur ils onns adina puspei giu affons che han saviu profitar dil trenament dil "G+S" e saviu far grond progress. Entgins daquels, suondan aschia suenter sco menaders ni menadras tiel club e dattan cun lur lavur anavos fetg bia da lur profitau. Per ils proxims onns sperein nus ch`il diember da naschientschas ella regiun Surselva possi aunc crescher empau e che nies "G+S" stetti aschia aunc bia onns en veta. Il cau "G+S", Cristian Caderas [13]

14 IN LUF RAQUENTA JO - mes patratgs Jeu mon bugen ad Jo perquei ch ins fa bia sport e quei plai a mi. Sch ins va bia ad JO, lu sa ins buca callar dad ir. En las gruppas d unviern sun jeu tier ils lufs. Tier ils lufs sa ins trenar bia statgnas ed empren bia. Perquei ch jeu mon gia ditg ad JO hai jeu fatg grond progress quei vegn mo cun ir bia. La stad trenein condiziun per igl unviern. Quei che plai a mi ei che nus mein cun velo, a viagiar e fagein leghers giugs tut quei dat condiziun. Era sch jeu hai giu in per ga buca bien ad JO hai jeu stuiu morder atras. Perquei ch jeu mon bugen ad JO e hai era bien cun tuts ei miu giavisch da vegnir trenadra dat JO. Aschia sas muossar ad affons dad ir cun skis e quei fa plascher a mi, da veser ch ils affons san ir cun igl agid dad ins cun skis e far caussas ch els savevan aunc bua far aschi bein, cu els han entschiet ad ir ad JO. Ed ei fa era plascher che mia gruppa ha aschi buns trenaders aschia savein emprender bia e pli tard dar vinavon ei. Jeu mon ad JO perquei ch ei fa bein a mi ed a miu tgierp! Bianca Bleuler, 12 onns Quei ch ei era fetg bi, ei che nies president e trenader Gieri ha adina buna luna avon ed era suenter las cuorsas. [14]

15 LAS LIEURS ED ILS LUFS Sandro, Rilana, Larissa, Alexandra, Jan davon: Bianca, Fabian, Sandra, Matteo, Clà, Dominic, Nino davos: Deja, Gieri, Sandro [15]

16 ILS MAMMUTS davon: Sandra, Ivo, Daria, Giulia, Raffael, Fabrizio davos: Lara, Curdin, [16]

17 ILS MENADERS Roger Vetsch Flem, 1987 Surselva Skitag gie quei sun jeu, ina da mias empremas cuorsas d OG. Cun 11 onns haiel aunc buca astgau decider mez la marca da mes skis. Entgins onns pli tard mavel lu cun Kästle. Naturalmein sco miu grond idol Pirmin Zurbriggen. Aschia fuss era detg con buns ch ins leva vegnir!!! Plein engaschi e cun plascher haiel mintga minuta libra trenau sin la pista da Treis Palas. Ina da mias pli bialas regurdientschas era cun 15 onns. Dus camerats da skis ed jeu havein survegniu liber in jamna dalla scola per trenar la cuorsa rapida da FIS a Laax. Nus eran mo precuriders, mo nus sesentevan sco stars. Cun 17 onns vaiel renconuschiu ch ei tonscha buca dad esser culs Kreks. Aschia vaiel schligiau si mia licenzia per cuorsas da puncts. Mo mia motivaziun visavi cuorsas popularas ed il plascher vid il sport ei mai sminuius. El medem temps vaiel fatg ils cuors da skis da Giuventetgna e Sport. Dar vinavon miu saver als affons e muossar tgei cuntentienscha che sport porta, ei per mei enzatgei fetg bi. Suenter ver giu menau igl OG e cunquei era in per onns ella suprastonza dil club da skis e snowboard Crap Sogn Gion, vaiel fatg ina pausa. Per saver porscher in intressant e variabel trenament drova ei ina roscha menaders ch unfreschan lur temps liber. Cunquei ch il club da skis Ruschein ei organiasaus aschi bein, eisi stau per mei negina greva decisiun da tuornar sco menader d OG. Jeu sperel che vus affons haveis era idols, finamiras e plascher da quei sport che vus praticheis. Nus vegnin segir aunc ad haver enqual mument legher ensemen. In grond engraziament less jeu far alla suprastonza dil club da skis Ruschein e buc sco davos a ti Gieri per quella grondiusa lavur che vus fageis per nos affons. Anja Cajochen Hobbys : Oravontut sport, malegiar, leger Professiun : Studenta ed en 4 onns scolasta secundara. Relaziun tiel sport : Jeu hai adina fatg fetg bugen sport. Perquei hai jeu era elegiu per miu studi il rom sport. Relaziun tiel club da skis : Tiel club da skis hai jeu ina buna relaziun. Senza quella pusseivladad vess jeu mattei mai empriu dad ir schi bein cun skis. Gia da pign enneu erel jeu adina dalla partida. Sco affon denton empau pli stedi che sco menadra dad JO Giavisch pigl avegnir dil club da skis : el mument ha il club bia affons che vegnan ad JO. Jeu sperel che quei vegni era el futur ad esser il cass. [17]

18 ILS MENADERS Andreas Coray Sandro Bleuler Hobbys: gl`unviern ir cun skis, la stad ed igl unviern ir Motocross (e sch`ei resta aunc temps: Sonja) Atgnadads: sun adina ca. 1 ura memia tard Marca da skis: el mument Head. Mes emprems skis eran ord lenn ed havevan neginas cantas. Pli tard havevan ellas cantas d`ossa. Ella 4. classa hai jeu giu ils emprems skis da metall dalla marca Atomic. Suenter sundel jeu ius cun Head, K2, Elan (mo ina sesiun). E lu puspei K2, Atomic Menader da G+S: cun ca. 22 onns haiel jeu entschiet mia carriera sco menader. Oz gidel jeu pil bia mo pli ora. Carriera: deplorablamein haiel jeu buc dumignau tochen el cader da SWISS-SKI ( e sun era buc vegnius campiun mundial) Giavischs per il club: Che tuts seigien vinavon activs cun bia plascher, engaschi ed ambiziuns. Aunc inaga 50 onns club da skis Ruschein fuss super. E grazia a ti Gieri ed a tia gronda lavur ei il club vegnius tier in enconuschent num en nossa regiun. Engraziel fetg per tiu engaschi! hobbys: ir cun skis, ballapei tier USSI, Unihock la gevgia sera, sortida venderdis e sonda (sche pusseivel era auters gis =) ) e far giu cun collegs. Il sport da skis munta a mi schon dapi che stundel sin skis fetg bia. Era practicar quei sport el club da skis da Ruschein ei adina stau per mei in fetg grond plascher. Savevel strusch spitgar giu ei tochen che vai ella secunda classa astgau ir per l'emprema ga ad JO. Ed ussa sundu cun grond plascher trenader da nies JO ch`ei per ils affons da scola zatgei fetg impurtont. Jeu haiel empriu dad ir cun skis tiel club da skis Ruschein ed ussa lessel saver da vinavon enzatgei da quei che vaiel empriu als pli giuvens cun miu post da trenader. Per il club sperel ch`el sappi festivar en 50 onns aunc ina bia pli gronda fiasta che uonn e giavischel al club ed a tut il commembers tut bien pigl avegnir. [18]

19 ILS MENADERS Angi Coray Zur Person: Beruf: Hobbys: Skiclub: Verheiratet 2 Kinder (Lara und Elea) zur Zeit Familien-Managerin Sporttherapeutin -Sport allgemein skifahren und reiten sind meine Favoriten - lesen und pockern JO Leiterin J+S Expertin Duri Coray Besonderes: halte die Frauen von Ruschein und Ladir in Form!!! Hobbys: Igl unviern practicheschel jeu miu pli grond hobby, igl ir a skis. Quei vul gir skis alpin, naven dil carving entochen il freestyle. La stad brattel jeu ils skis cun la buis d assagl e mon era plein motivaziun cun la societad da tir Vorab Ruschein a sittar 300m. CS Ruschein: Ell emprema classa sun jeu, sco lu usitau, entraus egl JO e cun quei era el club da skis. Hai passentau cugl JO bia bials gis en cumpignia, nua ch jeu sun vegnius instruius excelentamein sur digl ir a skis, e quei entochen la sisavla primara. Silsuenter sun extraus digl JO denton buc dil club. Hai adina teniu contact cul club e cun 20 onns haiel jeu decidiu da visitar ils cuors da menader d J +S. Aschia ch jeu sai uss dar vinavon sco menader miu grond plascher, vid nies sport d unviern, als affons da Ruschein e contuorn. Jeu giavischel al club tut bien sils 50 e sperel ch el stetti sin quella buna via sco tochen da cheu. Era in engraziament al tgau dil club che sengascha mordio. Silvana Menzli Passatemps preferiu: ir cun skis, tennis, ballapei, literatura Quei hai jeu bugen : Nadal cun bia neiv, perschuader cun plaids, tras Turitg cun tram, stivas cun pegnas scalegl, affons cun egls tarlischonts Quei hai jeu buc bugen : Schnippo senza Ketsch-Up, giaccas senza sacs, meinis senza arguments e tuschas senza aua caulda Jeu dun JO perquei che 1. jeu hai bugen affons 2. jeu hai bugen il sport 3. perquei che la cumbinaziun dad affons e sport ei ina buna garanzia per in gi plein surpresas! [19]

20 ILS MENADERS Curdin Camenisch Romana Casanova Hobby Sport da skis Relaziun tier il club da skis Giavischs per il club Hobbys: da lez fagess jeu il pli bugen l`entira jamna. P.ex. ir a skis, cun velo ni a catscha Relaziun tiel sport da skis: pli baul durmevel jeu cun in per skis dalla marca Authier. Oz sundel sfurzaus da metter els giu en tschaler. Relaziun tiel club da skis: jeu sundel activs mo perquei ch`jeu astgel buc permalar miu aug Gieri. :-) Tuttina sundel dil meini che nus vein in club cun in grond spert da cuminonza. Con ditg commember: Gliez saiel jeu buc pli. Quei sto esser silmeins aschi ditg sco quei che nies president actual ei en uffeci Uffeci: empovel mintgaton da reussir sco menader dad JO Giavischs pigl avegnir dil club: reussir, exister, sviluppar, furma e vinavon bia commembers. Skis, Turas da skis, Inline Reiver, Karate, Ir per bulius Viagiar Skis ei per mei libertad, tschentar giu ils patratgs e guder Menadra Lavurel fetg bugen enzemen cun affons Esser mussadra dad a mi cuntentienscha, igl ei bi da veser il svilup ed ils plaschers dils affons. Che Gieri resti aunc ditg president Ils sponsurs dallas giaccas [20]

21 ILS MENADERS Gieri Arpagaus Num: Gieri Arpagaus (giu Ruschein vegnel era numnaus bia gadas Gieri da Ladir, tier ils purs plitost enconuschents sco Gieri multè e tier ils conscolars dalla scola secundara giu Glion Gieri tomata. Ei ha schizun dau in trenader da ballapei che scheva Gieri granata. Duront entgins onns formavan Deja e mia paucadad la truppa da retard!!! Vegliadetgna: En scadin cass sesentel in bien ton pli giuvens che 44 Stand civil: Professiun: Hobbys: Maridaus dapi 1994 cun Vreni. Dus affons, Tatjana (14) e Matteo (9) Diagnosticher d automobils. Cau-luvratori ella garascha Alpcar, Cuera. Sport en general, la stad ballapei, ir cun velo da muntogna, viagiar en nossas bialas alps. Pli baul saltavan la Vreni ed jeu Rock n roll, per part schizun cun success. Mia gronda pissiun ei denton il sport da skis, numnadamein nies giubilar, il club da skis Ruschein (sundel commember dapi 1974) Cristian Caderas Mes hobbys ei cuorer e secapescha ir cun skis. Less far in pign patratg da mia affonza. Da quei temps era per mei ir cun skis in stuer. Mo adina puspei enta Crestas sil bot fagevi magari era a mi plascher. Ei era forsa buca las grondas curvas, mobein il pli grond temps eran nus fatschentai cun smaccar neiv. Quei deva fom sin tscheina, e fageva staunchels per durmir. Jls onns ein vargai, la relaziun tiel sport da skis ei vegnida fetg gronda. Perfin hai era jeu sefatg en, ch`ei dat in schi numnau Club da skis Ruschein. Dapi 2001 sun cau e menader dalla Giuventetgna e Sport. Mias ambiziuns per ils trenaments tonschan buca per far in(a) campiun(a) mundial(a). Mo per mei ei la valeta dar far ina scola dapli sin skis grad a schi impurtonta. Cun tut las regurdientschas bunas e schliatas igl esser en cumpignia sin skis, da bial aura e maccort aura. Quei ei buc adina per tuts affons aschi sempel. Sil pli tard la sera en stiva caulda ein ils affons pli cuntents, ch`ei han fatg in ni l`auter tgaubriechel ella neiv. Sperel ch igl JO Ruschein hagi aunc grond cuoz per igl avegnir, ils menaders ed affons in grond engaschi e plascher. [21]

22 EN ACZIUN Excursiun silla Sulzfluh, primavera 2007 [22]

23 EN ACZIUN La suprastonza enquera la perfetga mondura da skis Tura sil lag da Gurletscha, atun 2008 Viadi silla tegia da Segnas, atun 2007 Visetta el menaschi da producziun d aua da Val, stad 2008 [23]

24 PREVISTA 4 da avrel: finiziun dad JO ell`alp Ruschein cun grillada ed ovs da Pastags 29 da matg tochen igl emprem da zercladur: camp polisportiv el Tessin 13 da zercladur: radunonza da delegai dall`uniun grischuna da skis (BSV) en halla plurivalenta Ruschein Uost: entschatta program G+S cun cuorsa urbana tral marcau da Glion October: radunonza generala Atun: excursiun cul G+S silla camona dil Vorab Il club da skis Ruschein perda mai la survesta [24]

25 Legacy 2.0R AWD Swiss Celebration ab Fr Symmetrical AWD 4-Zylinder-16V-Leichtmetall-SUBARU-BOXER 1994 cm 3, DOHC 150 PS (110 kw) Dual-Range 2x5 Gänge oder Automat mit SPORTSHIFT ABS mit EBV und Bremsassistent Fahrer-, Beifahrer- und Seitenairbags vorne, Kopfairbags vorne und hinten 1649 Liter Ladevolumen Radio-CD-Gerät mit MP3-/WMA-Leser und 6-fach-CD-Wechsler Automatische Zweizonen-Klimaanlage inkl. Pollenfi lter Solange Vorrat Kein Kauf ohne unsere Offerte! [25]

26 [26]