20 onns musica da tscheiver Las Bagordas

Transkript

1

2 20 onns musica da tscheiver Las Bagordas Las Bagordas La musica da tscheiver Las Bagordas ei vegnida fundada igl onn 1985 da 12 persunas propi narras da tscheiver. Numnadamein da: Gabriel Flepp, Werner Manetsch, Corsin Sac, Placi Flepp, Corsin Giger, Battesta Cajacob, Mario Maissen, Florian Lutz, Valentin Schwarz, Ignaz Bisquolm, Franz Bisquolm e Carli Bisquolm. Il diember dils commembers ei carschius dad onn tier onn. Il mument dumbra l uniun 55 commembers activs e ca. 250 commembers passivs. Era numerus donaturs e sponsurs sustegnan noss uniun e s engaschan mintg onn per Las Bagordas. Igl intent da noss uniun ei dapi la fundaziun buca semidaus fetg. Per l ina vulein nus procurar duront il tscheiver per divertiment musical e per l autra vulein nus tgirar la collegialitad denter nos commembers. Dapi la fundaziun sespruein nus, ensemen cun autras musicas ed uniuns da tscheiver, da promover il tscheiver en nossa regiun. Denton prendin nus era mintg onn part a diversas occurrenzas en autras regiuns. Ils davos onns havein nus adina puspei astgau separticipar ad occurrenzas pli grondas sco il til da tscheiver a Turitg, tscheiver a Beringen, Moudon, Neuhausen, Carneval de Mulhouse, tscheiver e til dil gliendisdis tscheiver a Cologna sco era a differentas occasiuns ad Imst e Seefeld el Tirol. Engraziament A vus tuts lein engraziar da cor. In grond e cordial engraziament a tut ils aspectaturs, participonts e gidonters. In cordial engraziament a tut ils ustiers per lur purschidas che dattan adina puspei forza per las liungas e freidas notgs da tscheiver. In grond engraziament a nos donaturs e sponsurs. Senza quei sustegn fuss il far tscheiver buca pusseivels, aschia resta ei vinavon ina caussa da divertiment e plascher. E sco finiziun in cauld e cordial engraziament a tut ils amitgs dil tscheiver che accumpognan nies engaschi cun in car surrir. Preziadas convischinas, preziai convischins La febra da tscheiver ei rutta ora. Selegreis era Vus sin quels dis? Nus - Las Bagordas - essan gia dapi meins vid las preparativas pil tscheiver ed il giubileum 20 onnslas Bagordas. Vies grond sustegn e las bialas regurdientschas dils davos 20 onns ein stai gronda motivaziun duront las preparativas pigl onn da giubileum. En tut quels 20 onns han Las Bagordas prestau gronda lavur per mantener e promover il bi usit da tscheiver. Cun producziuns el vitg da Mustér e contuorn havein nus adina puspei sespruau da procurar per buna atmosfera e tempra da tscheiver en nossa regiun. Ei drova dabia idealissem e tschaffen d in e scadin commember, d unfrir numerusas uras dil temps liber per sepreparar e la finala saver presentar ils fretgs dalla lavur duront in pèr paucs dis ad onn. Sch ins mira co ils interess dil temps liber ein semidai duront ils davos onns, essan nus zun loschs che noss uniun ha saviu mantener, gie adina puspei saviu augmentar il diember da commembers. Quei ei era in bien mussament per la gronda collegialitad, il respect e la buna mischeida da vegliadetgna en noss uniun. Jeu sun loschs sin Las Bagordas. Cun igl agid da nos buns e fideivels commembers passivs, donaturs e sponsurs vein nus mess ensemen in program per igl onn da giubileum che cuntegn entginas surpresas, las qualas nus vegnin a presentar duront il tscheiver. Nies grond di ei segiramein il tscheiver da Mustér cun il concert 20 onns Las Bagordas. Grazia alla buna collaboraziun cun l Uniun da tscheiver Mustér ed il club da Budo Mustér, essan nus perschuadi da presentar a vus in til ed ina sera da tscheiver che vegnan a star en buna memoria. Las Bagordas giavischan bialas e nunemblideivlas uras al tscheiver da Mustér. Vegni, mirei e festivei cun nus! Cun ils megliers salids tscheivrils Las Bagordas Disentis/Mustér il president: Giusep Columberg president actuar cassiera assessurs dirigent vicedirigent dir. ritmica Ils dus ch ein restai tochen oz. Sulet els astgan senumnar Mercedes! giusep columberg marcus lutz ursina fatzer roger sac roland cajacob rico lutz fabian manetsch roland cajacob 2

3 20 onns musica da tscheiver Las Bagordas BEER Da davos seniester: Ronny Levy, Giusep Columberg, Manfred Sac, Daniel Tschuor, Carlo Albin, Rita Bearth, Ivo Deflorin, Reinhard Sac, Colette Murer, Manuela Dermon, David Lutz, Fredy Caminada, René Arpagaus, Daniela Hosang, Simona Tschuor, Fabian Manetsch, Ursina Fatzer, Pepino Lozza, Marcus Lutz, Hubert Deragisch, Claudia Columberg, Damian Huonder, Flavio Gadola, Cornelia Lutz, Melanie Dermon, Victoria Schmed, Sandro Schuoler, David Manetsch, Roger Sac, Angela Decurtins, Roger Lutz, Rico Lutz, Placi Flepp, Corina Gadola, Miriam Albin, Andrea Tschuor, Viviane Manetsch, Denise Lozza, Sonja Schmed, Sara Huonder, Curdin Albin, Roger Dali, Corsin Sac, Martina Furger, Tamara Levy, Tamara Cavigelli, Andrea Hosang, Roman Beer, Nicole Bühler, Roland Cajacob, Christian Manetsch, Admir Jasarevic, Manuel Flepp Sin fotografia mauncan: Sandra Manetsch, Marco Tschuor center da sport e cultura Mustér 3

4 4

5 5

6 20 onns musica da tscheiver Las Bagordas Tgei plai a ti vid il tscheiver? - L entira atmosfera, tut quellas fatschas rientas (ei buca normal, va ina gada la damaun giu Turitg cun il tram ni il tren a luvrar); - Il star da cumpignia e buca saver cu e co ir a casa; - Ch ins sa far tup e legher e croda gnanc si denter tut quella narradira; - Sunar ensemen cun buns tips, e la buna collegialitad en noss uniun. Co ei la disziplina en Las Bagordas? - Excellenta, ei ina da nossas fermezias. In da quels arguments che fa nus simpatics tier autras guggas ed era tier la populaziun dil vitg; - Genial da fugir. Na ei funcziunescha era cun 55 commembers fetg bein. Nus vein mo magari pintgas discrepanzas, magari da grir, sgiavlar e schizun da sedar. Mo tut priu bien; - Cunquei che tuts ein plitost ruasseivels ed agens, vegn ei buca tschintschau bia. Tiu patratg la gievgia grassa allas cu ti levas? - Jeu level schon dallas 4.00 (nervusadad); - Fuss jeu ius pli baul a letg ier sera; - Igl ei bia memia baul!! - Giuadora ei bia memia freid!! Also: Ideal per dar l entschatta. Lein ir; - Jeu havess la schissa dad ir oz a luvrar (aschi tguntsch sco quei di level gl entir onn buc). Co sesentas duront il tscheiver? - Per la morala, il meglier che jeu sai far. Dil tgierp anora...; - La sera ni la damaun? - Sundel il meglier ed igl entir mund semova entuorn mei; - Buca 100 %. In pèr ein dedicai alla gervosa ed al vinars d ansauna. Tgei ei ina Bagorda? - Ina specia che ha mai avunda, en tut ils graus; - Medium dalla sort carstgaun (engl. human) che fa caussas che auters san mo scurlar il tgau e trenescha aunc 4 meins persuenter; - In substantiv. Tgei has fatg sco emprem suenter la cuorsa da 6,5km (til da Cologna)? - Embratschau tuts, fatg pésch e buca lavau ils mauns; - Pésch e lu grad aunc inagada pésch; - Envidar si la cigaretta che era gia pinada dapi duas uras; - Encuretg il stan per dar giu nies bon, hai aunc oz buc anflau el. Daco sunas magari tuns falli? - Per far dar ora tschels; - Il Rico ha detg da sunar,,voll, e quei fetgi nuot sch ins suni mintgaton falliu, scheiss damonda, proxima; - Jeu sunel ord principi mai tuns falli. Co ei il sesentir en Las Bagordas? - Havein tuts bugen in l auter. - Sundel loschs dad esser ina Bagorda. Aschia haiel silmeins in dus collegas... forsa era sfurzai... mo tgei emporti; - Uss prima e fit gliendisdis tscheiver staunchels. Co dormas duront il tscheiver? - Il bia sin ils bauns e las suppias en halla. Schiglioc en in letg; - Bluts cun ina comba ord letg; - Cun serrau ils egls sco ti ed jeu era; - Sin peis, sco ils cavals. Tgei vid il tscheiver indemnisescha tons exercezis? - Also la buorsa vita suenter tscheiver segir buc; - Tut!!!, semplamein tut; - Indemnisescha? Tgei ei quei? - Cura che ti stattas sin la tribuna e vesas tut la glieud che saulta ed ha in bien temps sei tuttina cons exercezis che nus havein giu. Pervia da mei astgassen nus haver sur onn trenament, ei adina legher. Co ha il Jumbo num endretg? - Gliez savessel era bugen. - Jumbs??? - Jumbo? Tgi ei quei? - Jeu creiel Airline Pepiswiss...mo cunquei ch ei era memia cumplicau da tschintschar ora, han ei adina detg il Jumbo ; - Jumbo, Giusep, Pepi -> Tgi vegn aunc ordlunder cheu? Tgei ei positiv/negativ vid 55 commembers en ina musica da tscheiver? - Positiv: ins sa far da pli biars la petta. Negativ: haiel mintgaton 54 che fan la petta a mi; - Nuot negativ cool per tils e tribunas pli pauc mai pli. Aschia ston ins buca adina «suflar» aschi fetg, schar «suflar» ei bia pli bi; - Tuna geilira, negativ dat ei creiel jeu buc. Co ei il star surnotg els schurmetgs civils? - Bien aschilunsch. Mo la glieud po star ora nuot cu ins vegn baul la damaun e fa intec canera... curios...!! E svegliarins astgan ins era buca metter sin las pli; - Sai buc. Mo buobas che dorman; - Enzatgei meglier dat ei gnanc; - Certins toffan orda bucca, auters van cun töff, auters seruschnan cun sac da durmir per il zuler entuorn, auters sprezzan tissi, aschia saveis far sez il maletg co igl ei da star surnotg en leu. Tgei fas mintgamai duront ils viadis el bus? - Cantar, trer schnupf, tschintschar tup, magari beiber in e semplamein buc empruar da durmir neve Flavs e Fabs. - Far la schissa als auters che han miserabel; - Star grad eri. Tgei ei il bi vid far tscheiver ella regiun? - La sentupada cun glieud ch ins ha schon daditg buca viu pli; - Ch ins ei pli spert a casa? - Schneppas; - Leu san ins nua ch ins ei. Cun tgei sentiments vas ti la sonda sera da tscheiver sin tribuna? - Cun ina certa luschezia d astgar esser ina da quellas Bagordas. Spetgel propi vess sin quei eveniment; - Nervus nervus nervus!!! - Forsa intec nervus, aber quei ei schon en uorden, lu vegn ei il bia bien. Tgei ei il bi vid far tscheiver ordeifer la regiun? - La pusseivladad d emprender d enconuscher nova glieud; - Ch ins ha huora ditg dad ir a casa? - Autras schneppas. - Ins sto star ditg, pertgei durmir san ins tuttina buca. 6

7 20 onns musica da tscheiver Las Bagordas partenza tualettas stans da beiber Til da Cologna Archiv da regurdientschas Infos avon la partenza dil til da Cologna - massa stans cun da beiber - bia pausas - til ei patgifics e ruasseivels - tualettas ein stedi avon maun - til cuoza ca. 1-2 uras Dils tscheivers d ordlunder mai mai vegn turnau, senza entginas regurdientschas haver pachetau. Il bus vegn cun diversas caussas emplenius, perquei nies local ha stuiu vegnir engrondius. Grusswort zum 20. Jubiläum der Guggenmusik Las Bagordas Geschätzte Gugger und Fasnächtler aus nah und fern Liebe Leserinnen und Leser Guggenmusik - ein magisches Wort in der Fasnachtszeit! Wer hört und sieht nicht hin, sobald derart kakafonische Klänge ertönen und sich vermummte Gestalten im Rhythmus der Musik bewegen. Nicht nur die Schweiz, sondern schon bald ganz Europa ist von dieser schweizerischen Besonderheit begeistert. 20 Jahre eine lange und dennoch kurze Zeit. Viel Schweiss, Mühe und lange Nächte mögen es gewesen sein, die dazu führten, dass an dieser Fasnacht das 20. Jubiläum von Las Bagordas gefeiert werden kann. Es ist nicht selbstverständlich, dass in der heutigen, schnelllebigen Zeit ein Verein heranwächst und sich etabliert. Ich gratuliere der Guggenmusik Las Bagordas zu Ihrem Jubiläum recht herzlich. Es ist für mich als Präsident des Schweizerischen Dachverbandes der Fasnacht erfreulich, dass sich ein Verein engagiert und am Auf- und Ausbau der Fasnacht mitarbeitet. Die Erfolge und die Teilnahme an den Umzügen im In- und Ausland zeugen von einer regen Tätigkeit eures Vorstandes und der Verpflichtung der Mitglieder. Gerne werde ich Euch an vielen Umzügen und Auftritten hören und sehen. Ich appelliere an Euch, dass ihr diese Tätigkeiten in den nächsten 20 Jahren in der gleichen Art und Weise fortführt und den Namen von Disentis/Mustér und der von Las Bagordas bekannt macht. Ferdi Segmüller, Präsident, HEFARI Helvetischer Fasnachts-Ring Altstätten, Ende November 2004 avon la medischina tils, tils, tils... A caschun da tils han Las Bagordas magari sunau per massa begls, containers, lidimers, bancomats, clavaus, seivs ed aunc bia auter. Ad Überstorf vein nus astgau sunar per 3 casas, 54 clavaus e 13 lidimers. Mo tuttina eis ei stau bi e cunzun legher Vinars d ansauna Nossa medischina encunter schar encrescher. Repertoire 2005 bon per da beiber retrer tier Jumbo suenter la medischina S. Bernardino Heaven Atomic Whole Again Capuns Missing I ll be missing you Pacific Luv Augen zu und durch Latg on Leave a light on for Me Ansauna Heimweh Rom Sex Parisol Eine neue Liebe Nena Anyplace, Anywhere, Anytime Dream I have a Dream Take nus 4 Take on Me Gloria Gloria Lions Lion sleeps tonight Sin viadi Duront in viadi viers Curaglia leva il president Carli si e cloma: Adatg adatg tunnel!!!» En quei mument tut Las Bagordas che tilan en il tgau! Bar dall EX04 A caschun dall aucziun all EX04 han entginas Bagordas ingantau - car e bein - lenna. Giebein ina buora. Ina buora en fuorma d ina bar. Cumponists dalla damaun (1988) Ovomaltina, Ovomaltina, jeu hai aschi bugen, ina Ovomaltina. La damaun, da miezdi e lu la sera suenter la tscheina. Refrain In glas latg, in tec puorla e lu aunc forsa suenter in tec zucher. Refrain OHA... arrivada - lunghezia til - neginas tualettas - scuflas da valanuots - levzas sco curom - til ha cuzzau 4 uras - negins stans da beiber - sitgira - tempo da narr - duvrau negins bons 7

8 Program da tscheiver 2005 sonda, ils Til da tscheiver a Sursaissa e silsuenter producziuns ellas ustrias da Sursaissa la sera Concert en halla a Sursaissa sonda, ils Til da tscheiver a Glion e silsuenter concert en sala da scola a Glion gievgia, ils Marsch matutin a Mustér (Carcarola-staziun-Raveras-Gonda-Catins-Vitg- Via da Scola-Dulezi-Coop-Vitg) Concert da plaz avon casa communala, Mustér Til da tscheiver a Sedrun silsuenter Producziuns avon ed ell ustria Sudada, Dieni la sera Producziuns ellas ustrias e concert en halla a Sedrun la sera Producziuns ellas ustrias ed en sala da scola a Glion venderdis, ils Avertura dil giubileum 20onnsLBM en Sala Fontauna, Mustér (per envidai) sonda, ils Presentaziun dil niev repertoire - Presentaziun dalla nova mondura - Undraziuns da commembers - Musica da sault Duo Desertina - Differentas surpresas Til da tscheiver a Trun silsuenter Concert da plaz avon casa da scola e producziuns ellas ustrias da Trun la sera Concert en halla a Trun venderdis, ils Producziuns avon il hotel Sax, Mustér Producziuns avon il Globihotel Disentiserhof, Mustér Producziuns avon il hotel Rhätia, Mustér Producziuns avon il hotel Alpsu e la Pizzeria Surselva, Mustér Producziuns avon Stiva Diva / Postigliun, Mustér Concert da plaz avon la Stiva Grischuna, Mustér ensemen cun Las Fifferlottas da Segnas Ei vegn offeriu in refrestg!!! silsuenter Finiziun dalla sera ell ustria Casa Cruna, Mustér ensemen cun Las Fifferlottas da Segnas e tut tgi che ha tschaffen!!! Engraziel fetg!!! Solver dalla gievgia grassa offerius da: Letizia Schmed, S. Gions Angelina Tschuor, Disla Blandina Bundi, Mumpé Medel Margrita Schnoz, Cons Transports d instruments: Bus mess a disposiziun da Renata e Toni Goldmann, pasternaria Refrestg avon la Stiva Grischuna / uras Refrestg avon igl Eurospar / uras offerius da: fam. Maissen, Stiva Grischuna offerius da: fam. Caminada, Eurospar fam. Lozza, mazlaria Renata e Toni Goldmann, pasternaria sonda, ils Producziuns avon il Buffet dalla staziun, Mustér Til da tscheiver a Mustér 20onnsLBM e silsuenter concert el center da sport e cultura Mustér Producziuns avon il hotel Baur, Mustér Producziuns el hotel Brunni, Mustér Concert cun tut las musicas da tscheiver avon casa communala, Mustér Concert da giubileum 20onnsLBM el center da sport e cultura Mustér naven da Solver da giats ell ustria Casa Cruna, Mustér (per in e scadin) gliendisdis, ils Differentas producziuns el vitg, Mustér Concert per scolas e seniors, Mustér silsuenter Producziuns el hotel Furka, Mustér Producziuns communablas cun Las Fifferlottas da Segnas avon igl Eurospar, Mustér Ei vegn offeriu in refrestg!!! Dertgira nauscha a Mustér Concert en halla Cons, Mustér sonda e dumengia, ils 12 / Tscheiver ad Arbon TG comité d organisaziun 20onnsLBM avertura giubileum roger lutz til da giubileum sonja schmed bal da tscheiver giusep columberg, ivo deflorin pr/gasetta/internet placi flepp, roger sac, flavio gadola, fabian manetsch