SMP 10 S- 58. Aschi lunsch pia tier quei problem, che nus vein era aunc tangau la davosa gada. Datti aunc damondas tier quel? -

Transkript

1 SMP 10 S- 57 Igl emprem vein nus aunc da tractar a fin la davosa frasa dil text da Sabrina. 'La giaglina ha dà ina nauscha egliada per travers' vevan nus aunc tractau. Il 'per travers' fa certas difficultads, perquei ch'igl ei nunusitau, aschia ch'ins sa buc propi co giudicar las pusseivladads da spustada da quella part. Mo era formalmein ei la caussa buc propi clara. Tgei specia da plaids ei 'travers', surs. 'traviers'? En quella funcziun eis ei segir adverb, ed ils biars voc.rom. indicheschan lu era il plaid mo sco adv. Il problem ei lu, che nus vein en gliez cass ina cumbinaziun preposiziun + adverb. Mo da quei dat ei schon, era el tudestg, p.ex. 'seit gestern, von vorne' e da quellas caussas (SD p.244). Cun 'per' dat ei aunc auters exempels romontschs: 'per liung, per lad', e 'per traviers' resp. 'per travers' va a prau cun quellas gruppas. Tenor il Schülerduden (p.362) valan era quellas cumbinaziuns sco 'gruppas preposiziunalas', perquei che la proposiziun ei il nuschegl da quella gruppa, pia buc sco 'gruppas adverbialas'. Lu tier la proxima part dalla frasa, che nus vevan aunc buc tractau: e la vipra, tut schenada, ha declerà [che] 3b: Cheu ei 'tut schenada' puspei enzatgei special. San ins spustar quei? 'Tut schenada ha la vipra declerà'? - va en scadin cass. 'La vipra ha declerà, tut schenada'? va era. 'La vipra ha, tut schenada, declerà'? - va era. Cun quei vegn ei lu empau pli difficultus da tractar 'tut schenada' sco attribut dalla vipra. En scadin cass san ins gie spustar 'la vipra' e 'tut schenada'. Dat ei arguments da tuttina declarar quei aschia? Prendi inaga 'Il sprer' sco subject. 'Il sprer, tut schenaus, ha declerà'. Igl ei pia schon aschia, che quella gruppa 'tut schenà' reaghescha sil subject: sche lez semida, sto el era semidar. In connex cul subject ei pia evidents, mo co ch'el ei lu d'interpretar sintacticamein, ei buc aschi sempel da giudicar. Ei dat denton tuttina in argument da prender ensemen quellas duas parts. Nua fuss schiglioc la fuorma verbala finita ella successiun 'La vipra, tut schenada, ha declerà'? Ella tiarza posiziun, e leu stat la fuorma finita dil verb usualmein gie buc. Lu aunc in'autra damonda. Tgei gruppa ei 'tut schenada'? Tgei ei 'schenau'? In adj., strusch in ptc., perquei che 'schenar' ei buc in verb current. Sco gruppa adjectivala vegn ella effectivamein tractada ellas grammaticas sco attribut. Il Schülerduden tschontscha en tals cass da 'nachgestellte Adjektiv- oder Partizipialgruppe' cugl exempel: 'Die beiden Katzen, zufrieden und wohlgenährt, lagen in der Sonne' (p.380). Era 'zufrieden und wohlgenährt' sa vegnir spustau ed era mess a l'entschatta: 'Zufrieden und wohlgenährt lagen die beiden Katzen in der Sonne.' Pia sch'ins tracta 'tut schenada' tuttina, ei 'attribut tier il subj. 'la vipra'' correct, e cunquei che la fuorma renviescha era al subject, san ins segir far quei aschia. Il problem ei mo, ch'ins ha lu in attribut tiel subj. che sto buc star ella medema part proposiziunala sco lez. 3c: La part verbala 'haja vulì far' ei puspei ina part verbala relativamein cumplexa, denton buc dispet 'cumponida' ella terminologia actuala, mo forsa ston ins reponderar lezza. Il tip 'ha stuì leger' ei tractaus ella grammatica pintga sco 'furma verbala finita, che po "furmar suletta u ensemen cun autras furmas verbalas il nuschegl dalla proposiziun". A quellas ei buc vegniu dau in num aunc. Da 'predicat cumponì' vegn tschintschau, "sche questa furma consista da

2 SMP 10 S- 58 plirs pleds che stattan en stretg connex cun la furma verbala finita". Els exempels eis ei adina autras "specias" da plaids che fuormas verbalas che fuorman in 'predicat cumponiu': 'rir ora, dir giu, sa lamentar, far liber'. Igl ei clar ch'ils dus tips ein differents, mo in tierm per il tip 'ha vulì far' stuess ins forsa era ver. Ella grammaticografia tudestga distingu'ins 'einteilige Prädikate' e 'mehrteilige Prädikate'. Il problem ei mo, che bunameint mintga grammatica metta mintgamai enzatgei auter sut 'einteilig' e 'mehrteilig'. El Duden gries ei il predicat 'einteilig', mo sche la part verbala consista mo dalla forma verbala finita, ed aschia fa era la Hentschel quei. Quei meina lu alla conclusiun, ch'il presens ei in 'einteiliges Prädikat', il pft. denton in 'mehrteiliges'. Quei ei gest quei che jeu less en sesez evitar. La Hentschel fa lu persuenter duas gruppas da 'mehrteilige Prädikate', sco Sabrina ha indicau la davosa gada. Ella distingua 'grammatischer Prädikatsteil' e 'lexikalischer Prädikatsteil'. "Grammatische Prädikatsteile bestehen aus "nicht-finiten, aber verbalen Teilen" des Prädikats; gemeint sind damit nur die Infinitive und Partizipien, die mit einem finiten Teil zusammen eine analytische Verbform bilden" (338s.) Lu di ella vinavon: "Neben dem grammatischen kann auch ein lexikalischer Prädikatsteil zusammen mit dem finiten Verb das Prädikat bilden". Tier quels 'predicats lexicals' pren ella lu era 'Sie fährt Rad', quei ch'ei lu dispitau e cunzun fetg difficultus da distinguer 'Sie fährt ein rotes Rad', che sto lu gie esser object direct. Tier quella gruppa pren ella denton era infinitivs dil tip 'Sie lernten sich in Italien kennen'. Quei pretendess lu puspei dad analisar ils infinitivs avon ch'ins sa metter giudamaun els sco predicat grammatical ni lexical, e gliez less jeu era evitar. Quei che jeu less, fuss in tip, e sche pusseivel ina denominaziun per quei tip, che cumpeglia tut las variantas pusseivlas da cumbinaziuns da fuorma finita + particips ni infinitivs, sco quei ch'ellas ein numnadas en 25. Il Duden gries numna quels cass 'Verbalkomplex'. Quei tierm savess ins schon introducir en 25 La descripziun stuess la ca. esser: La part verbala consista d'almain ina furma verbala finita, damai ina furma conjugada dal verb. Quella po furmar suletta u ensemen cun in particip u in infinitiv il nuschegl da la proposiziun. Sche la furma finita è accumpagnada da talas furmas, discurr'ins d'in cumplex verbal. Cun l'infinitiv po la furma finita er vegnir colliada cun a u cun da. Ins stuess lu era aunc precisar il 26 da maniera che lez cumpigliass lu mo aunc ils cass da cumbinaziuns cun plaids dad autras specias da plaids, aschi ca.: La funcziun sintactica da la part verbala vegn numnada predicat. Sch'il predicat stat en stretg connex cun pleds che na tutgan betg tar las furmas verbalas, discurr'ins d'in predicat cumponì. Quei mo inaga sco emprova. Cun quei ei lu aunc detg nuot dil tip 'far spass', che vegn lu era tractaus en differentas grammaticas en differenta moda e maniera. Sche 'spass' vegn tractau sco object direct, perquei che quels cass ein buc numnai cheu, ei quei en scadin cass era negina disgrazia, quei fan las biaras grammaticas era aschia. Aschi lunsch pia tier quei problem, che nus vein era aunc tangau la davosa gada. Datti aunc damondas tier quel? -

3 SMP 10 S- 59 Lu anavos tier la proposiziun da Sabrina. 3c: 'haja vulì far' fuss pia tenor quella terminologia in 'cumplex verbal'; el cuntegn mo fuormas verbalas. Tgei fuss ei tenor la Hentschel? In 'lexikalischer Prädikatsteil', perquei che quei ei dapli che mo ina "analytische Verbform". 'haja vulì' e 'haja fatg' fussen pia predicats grammaticals, denton 'haja vulì far' in predicat lexical. Gest sempel da distinguer fussen quels cass pia buc per scolars e scolasts sin quei scalem. Lu il rest: Tgei savess 'mo' esser sintacticamein? 'Abtönungspartikel' ei gie la funcziun, buc la determinaziun sintactica. Effectivamein hai jeu era anflau nuot duvrabel ellas grammaticas pertuccont la determinaziun sintactica da quellas particlas. Era la posiziun ei relativamein fixa, aschia ch'ins sa era strusch tractar ellas sco atgnas parts dalla proposiziun. Da remarcar ei forsa mo aunc, ch'ellas san star denter la fuorma finita ed il particip, quei che buc la massa elements san far, mo auter che da tener en egl quei, sai jeu era buc dir. 'in spass' ei tenor la grammaticografia vertenta effectivamein in cumplement direct. Cun 'che' san ins buc midar la massa, mo senza 'che' dess ei schon pusseivladads da spustar 'in spass': 'In spass hagi ella vuliu far'. 'Mo in spass hagi ella vuliu far' mass dil reminent era, e leu stuess ins eliminar il 'mo' ella sintaxa per ch'il verb stetti en secunda posiziun. Bien, lu engraz'jeu a Sabrina per sia lavur. Interessant eis ei secapescha, sch'ins ha era glieud che vegn d'in'autra tradiziun grammaticografica; quei dat lu adina puspei caschun da reponderar la caussa e lu silmeins precisar ella, sch'ins suonda schon buc las novas ideas. Lu prendin nus gest aunc las treis frasas dil toc 59 da Werner. 1: frasa structurada (crajeva che). proposiziuns: Ina difficultad ei lu da dir, contas proposiziuns ch'ella ha. Ei ha treis fuormas verbalas finitas, pia dat l'emprema analisa treis proposiziuns. Il problem ei mo, che 'e crajeva' ei empau pauc per ina proposiziun; 'crair' stuess ver in object direct: 'crer enzatgei [ad enzatgi]', mo la part preposiziunala sa magari era muncar. Perquei fuss ei lu tier ina analisa pli profunda mo duas proposiziuns: 'che quel faschess daventar ils grauns pli gronds' remplazza igl obj.dir. necessari tier 'crair'. Mo quei schein nus cheu; quei pretenda lu ina analisa dallas valenzas dil verb 'crer'. 1a: Las parts dalla frasa: - aveva chattà - part verbala, predicat - ina giaglina magliadruna: gruppa nominala, subject - il fund d'in magiel: 'fund' ei "funs". Ei dat domisdus el rg, mo senza clara repartiziun dalla semantica. Gruppa nominala, object direct. Pils native speakers sursilvans: Mass: 'Il funs d'in migiel veva ina gaglina anflau'? Va gest, buc fetg current. Mass: 'Il funs d'in migiel veva anflau ina gaglina'? Na! Sch'ins pren buc 'ina gaglina' denter la fuorma finita ed il ptc., san ins interpretar 'ina gaglina' mo sco obj. direct. Lu aunc: Mass: 'Il funs d'in migiel anfla ina gaglina' el prs.? Schon strusch. Igl ei clar, che semanticamein sto la gaglina esser quella che anfla e cun quei subject, mo igl ei cheu mo la semantica che segirescha la capientscha correcta, e lezza buc scochemai. Ella successiun dalla davosa proposiziun interpretesch'ins automa-

4 SMP 10 S- 60 ticamein quei che stat avon la fuorma verbala finita sco subj. e quei che suonda sco object. Per cu quella interpretaziun dat buc in senn, vegn ins ad empruar da dar in'autra funcziun allas duas gruppas nominalas. Cheu ves'ins lu, con subtil che la successiun dallas parts dalla frasa ei el romontsch. Tier l'emprema eis ei absolutamein clar, tgei ch'ei subj. e tgei ch'ei obj. Tier la secunda en sesez era, schiglioc savess ins gie buc dir claramein, ch'ella seigi fallida. E tier la tiarza ei quei en sesez era clar, mo ch'ins ha leu aunc la pusseivladad da reinterpretar la proposiziun, sche l'interpretaziun normala fa negin senn. Ella secunda ei quella pusseivladad buc dada; quei che stat suenter il particip sto esser igl obj. direct. 1b: 'e crajeva' frasa contracta, da cumpletar: 'ed ella crajeva'. Quei ei en sesez era schon tut; per l'analisa profunda muossa lu, che la proxima proposiziun s'auda tier las valenzas da 'crajeva'. Era la fuorma verbala ei dependenta dil 'che'; la proposiziun principala corrispundenta fuss gie: 'Quel fa daventar ils grauns pli gronds'. Has analisau gliez? Buc gest aschi sempel; in tip relativamei special. Per tud. ha el magari num 'Gleichsetzungsakkusativ', el Schülerduden era 'prädikativer Akkusativ', tip 'Man nannte ihn Mücke'. Ella grammatica pintga essan nus buc ir en pli bia detagls. Il tip ei numnaus en 36 sut cumplement predicativ cugl exempel: 'La suprastanza ha elegì sia figlia sco scolasta', nua che 'sia figlia' ei obj. direct e 'scolasta' sereferescha sigl obj.dir. Gest fetg frequents ei il tip buc, sco ch'ei resorta da 37, mo tier 'far' e 'schar' + infinitiv eis el relativamein currents, sch'il verb che stat egl infinitiv sa ver in obj. direct, tip: 'Jeu cumprel in cudisch' 'El ha fatg cumprar mei in cudisch' 'El ha schau cumprar mei in cudisch'. Mo en pli bia detagls vi jeu buc ir; quei ei construcziuns ualti cumplexas. Aunc damondas tier l'emprema frasa? 2: Frasa structurada, duas proposiziuns 2a: 'metteva' fuorma verbala finita. 'ella' remplazzament d'ina gruppa nominala; subj. 'sur in graun da panitscha', surs. 'panetscha', "Hirse". Gruppa preposiziunala, indicaziun dil liug. 2b: 'daventava quel' enstagl 'quel daventava', perquei ch'ei va enzatgei ordavon. Lu sto la fuorma verbala finita star en secunda posiziun, aschia ch'il subj. sto vegnir invertius. grond sco in in graun da tird: 'grond' cumplement predicativ, 'sco in graun da terc' cun in secund cumplement predicativ che sereferescha sigl emprem, ina gruppa introducida entras 'sco'. 3: Tuttina sco 2. Quell'emprova cun texts concrets ha tuttina mussau in ni l'auter problem tier l'analisa dallas frasas. Ina caussa ni l'autra, sco las fuormas verbalas cumplexas, vegn ins segir da sligiar en ina moda u l'autra. In problem pli grond ei denton, ch'igl ei pli savens difficultus da spustar igl object direct el romontsch ch'el tudestg. Tier ils cass 'Ina tgirala mulestava ina giaglina' san ins aunc descriver relativamein sempel il problem: sche subj. ed obj. ein animai, va la spustada buc. Pli difficultus da descriver ein denton ils problems ch'ina proposiziun sco? In graun anfla ina gaglina'. Da dir ei denton, che quei mass uss era buc senza difficultads per tudestg, malgrad ch'ils casus lubeschan normalmein d'indentificar subj. ed obj. Tier il graun e la gaglina va quei era buc leu:? Ein Korn findet ein

5 SMP 10 S- 61 Huhn' ei era buc da distinguer tenor il casus. Mo schizun 'Einen Wurm findet ein Huhn', nua che la caussa ei grammaticalmein clara, para schon era strusch pusseivel per tudestg. Probablamein ha il fatg, che subj. ed obj.direct ein era buc da differenziar el tudestg tier il feminin e neutrum, tuttina era schon menau ad ina restricziun dallas pusseivladads da spustada era el tudestg. Els detagls dat ei lu aunc ina caussa ni l'autra che fa difficultads, p.ex. la negaziun, ni lu era, tgei far cun da quellas caussas sco 'ella crajeva che', nua che l'analisa dad 'ella crajeva', senza la proposiziun subordinada, ei en scadin cass buc fetg instructiva. Mo da selecziunar las frasas empau, vegn ins probablamein schon aunc a riva. Aunc damondas ni remarcas tier l'emprova d'analisa? - Lu mein nus oz igl emprem aunc tier la Grammatica cumplessiva per vegnir cun lezza tematicamein tochen tier 'Las funcziuns sintacticas', ch'ei lu il tema dil proxim paragraf dalla grammatica pintga. Nus eran vegni tochen p.20 dalla GC, part 2.2.2, 'Las parts da la frasa e lur members'. Saveis tgei che quei ei? La GC ha tractau tochen uss mo il predicat, e sin basa da l'emprema frasa dallas 'Remartgas generalas' quenta ella buc lez tier las 'parts da la frasa'. Quei ei lu buc repriu ella grammatica pintga; tenor lezza ein las 'parts verbalas' ina part da la proposiziun, ed ei dat lu aunc autras. Las parts dalla frasa ein gruppas che dependan directamein dil predicat tenor la definiziun dalla Grammatica cumplessiva, ferton che la grammatica pintga fa buc schon a l'entschatta quella distincziun, sco nus vein viu. Lu pren la grammatica cumplessiva puspei gest dus scalems enina egl alinea tiel secund streh: quellas autras parts dalla frasa han in nuschegl, sco nus vein era gia viu. Quei nuschegl sa denton aunc cuntener autras gruppas da plaids ch'ein subordinadas al nuschegl, p.ex. 'Las grondas vaccas brinas', che san lu aunc esser dil pur da muntogna, mo quei tonscha. Il nuschegl da quella gruppa ei vaccas, pia in nomen, pia setracta ei d'ina gruppa nominala. Mo igl ei clar, che 'las', 'grondas' e 'brinas' ein lu era aunc enzatgei ch'ins sa analisar, e quellas parts ston lu era survegnir in num. Quellas parts numna la GC lu 'members dalla part da la frasa'. Pia 'vaccas' ei il nuschegl da quella part dalla frasa, e quei ch'ei schiglioc aunc en quella part dalla frasa, pia 'grondas' e 'brinas' ein lu ils members da quella part dalla frasa. Vesis, co quels han num per tudestg? Quei ha num leu 'Gliedteile'. Per tudestg ei la terminologia pia 'verbale Teile' 'Satzglieder' 'Gliedteile'. Per romontsch vein nus ' 'parts verbalas' '(autras) parts dalla proposiziun' ni era 'cumplements', ed uss vegness il proxim tierm, ella GC pia 'members dalla part da la frasa'. Ella grammatica pintga essan nus buc i aschi lunsch cun l'analisa, mobein schau lezza sil scalem dallas parts dalla frasa. Ei vegn bein aunc indicau ella grammatica pintga, 42 e 43, ch'ils plaids ch'accumpognien il nuschegl vegnien numnai attributs. Quels attributs vegnan denton buc analisai pli exact; ei vegn mo detg, ch'ei sappien ver differentas fuormas. Mo sch'ins mass lu pli lunsch, stuess ins era anflar ina denominaziun per quei: 'parts dallas parts dalla proposiziun' va effectivamein buc fetg bein. Mo cunquei che nus essan uss sil nivel dils plaids e savein ir suenter pli lunsch mo cun prender dapart ils plaids en morfems, para 'element' a mi forsa in tierm ch'ins stuess ponderar en quei connex. Quei dess lu 'ils elements dalla part dalla proposiziun', quei che

6 SMP 10 S- 62 para meglier a mi che 'member', che vegn uss tuttina relativamein fetg dil tudestg. La classificaziun formala da quellas parts dalla frasa inclusiv ses elements vein nus era gia tractau, silmeins las empremas quater. Tier la 'gruppa adjectivala' indichescha la GC era gest 'participial', quei ch'ei segir correct; ils biars particips san era vegnir duvrai sco adjectivs. Ella grammatica pintga ei quei evitau, perquei ch'ils particips han tuttina en emprema lingia la funcziun da formar las fuormas cumponidas, s'audan pia tier la 'part verbala dalla proposiziun'. Sch'ins metta cheu aunc 'participial', resc'ins ch'ils ptc. verbals ed adjectivals vegnan scumbigliai. Il medem vala per la 'gruppa adverbiala e gerundiala'. Ils cass cul gerundi ein relativamein specials, tip: 'Ella vegn a cantond da via giu'; buc grad enzatgei ch'ins di mintga di. Mo 'sgrasond' vein nus tuttina era giu el text da Sabrina. La gruppa conjuncziunala ei era schada naven, mo lezza cun empau schliata cunscienzia. La raschun, pertgei ch'ella ei schada naven ei, ch'ins capescha sut 'conjuncziun' tradiziunalmein enzatgei auter ella grammatica romontscha, numnadamein particlas sco 'e, ni; che, sche' e da quellas caussas, pia gest buc quei che ei manegiau cheu. 'Konjunktiunalgruppe' ei per tudestg mo ils cass sco 'Frau Loser arbeiter als Narkoseärztin, Er verhielt sich wie ein Idiot. Anita rannte scheller als ihr Bruder' (cf. Schülerduden p.262). El romontsch drov'ins perquei adina 'sco', mo 'sco' vala ellas grammaticas romontschas sco adverb, buc sco conjuncziun, aschia che tut ils Romontschs vessen en scadin cass igl emprem inaga ina fallida impressiun, tgei che s'auda tier ina 'gruppa conjuncziunala'. Ellas grammaticas tudestgas dat ei bein era aunc autras 'Konjunktionen'. Cun quei tierm vegna las 'conjuncziuns da coordinaziun' designadas, pia 'und, doch'. Mo leu vegn lu detg scochemai (p.257): "Den beiordnenden Konjunktionen rechnet man ausserdem die Wörter als und wie sowie statt, anstatt und ausser zu, wenn sie bei einer Wortgruppe ohne Verb stehen. Man nennt sie dann Satzteilkonjunktionen. Cheu survegn ins lu problems, sch'ins parta dalla sintaxa e stuess duvrar tiarms grammaticals ch'ein buc usitai el romontsch, ch'ein denton era aunc buc vegni tractai. Ella grammatica pintga san ins pia en scadin cass buc prender quella denominaziun cheu, ed in'autra denominaziun hai jeu era aunc buc anflau. El romontsch entscheivan quellas gruppas usualmein cun 'sco', mo jeu revegn lu aunc a quei problem, cu che quellas gruppas vegnan lu tractadas en detagl. Aunc damondas tier quella part dalla Grammatica cumplessiva? - P.21 tracta la structura dallas parts dalla frasa resp. proposiziun, pia il tric culs schinumnai'members' ni 'elements'. Cunquei che quei ei buc tractau ella grammatica pintga, lasch jeu quei. Ei sa vegnir relativamein cumplex, sco quei ch'ins vesa lu p.22, nua ch'ei drova 4 scatlas per metter giu da maun 'dal pur da muntogna'. Ni manegias ch'ins stuess era tractar quei ella grammatica pintga, Irina? - Lu vegn la 'Distincziun formala da las parts da la frasa e da lur members', che corrispunda a 28 dalla grammatica pintga, mo secapescha puspei pli exhaustiv. Tier la gruppa nominala duessen ualti tuttas pusseivaladads d'ina gruppa nominala esser numnadas ella GC, ferton ch'igl ei ella grammatica pintga mo las pli frequentas: subject, object ed indicaziun adverbiala. Lu vegnan sin p.23 sisum la 'gruppa preposiziunala', nuot special. Lu la 'gruppa adjectivala u participiala', mo 'adjectivala' ella grammatica pintga. Igl exempel "participial" ei: 'Las stgalas schubregiadas', cun il ptc. da 'schubregiar' duvraus sco adj. 'participial' ei buc numnaus ella gramma-

7 SMP 10 S- 63 tica pintga per evitar scumbegls cul pft. cumponiu. Tgei ei 'schubergiau' p.ex. en ina frasa sco: Las scalas ein schubergiadas. ptc. ni adj.? Probablamein adj. En scadin cass sto 'Ella ha schubergiau las scalas' esser particip. Tier verbs che vegnan conjugai cun 'esser' fuss la fuorma denton la medema: 'Ellas ein stadas giu Cuera', sco 'ellas ein schubergiadas'. Jeu less pia buc stuer dir, schebein 'ein schubergiadas' ei uss particip ni adjectiv mo gest aschia. La gruppa adverbiala u gerundiala vein nus era gia tractau; ils exempels cul gerundi ein adina dil medem tip. Era dalla gruppa conjuncziunala vein nus gia discurriu; cheu metta la GC las indicaziuns che vegnan introducidas cun 'sco', che jeu hai buc saviu sedecider d'integrar ella grammatica pintga pervia dil problem dil tierm 'conjuncziunal'. Quei ch'ins savess eventualmein far, fuss da dir a quella gruppa semplamein 'gruppa introducida da sco'. El tud. corrispundan duas "conjucziuns" al 'sco': 'als' e 'wie'. Cun 'sco' vess ins segir per dabia ils biars cass. Il SD indichescha aunc '(an)- statt' ed 'ausser' tier quei tip, quei che fuss per romontsch 'El ha priu il tren enstagl (d')igl auto', e 'tuts ein stai ad uras, dano il scolast'. Mo cun 'sco' vess ins segir tractau ils cass ils pli frequents ed ils pli impurtonts. Manegias ch'ins stuess schon era tractar quei ella grammatica pintga? Ei vegn lu aunc indicau in tric per eruir il nuschegl dalla frasa, il test d'omissiun. Prendesses era 'emprova d'omissiun' enstagl 'test d'omissiun'? Per tud. ha el num 'Weglassprobe'. 'weglassen' ei 'schar naven', secapescha sut influenza dil tudestg. Il problem tier quels verbs cun particla ei lu, ch'ins sa buc far in abstract el romontsch sin basa da 'schar naven'; la *schada naven' va buc fetg bein. Quei test vegn normalmein duvraus per eruir las valenzas obligatorias d'in verb, mo el funcziuna era cheu. Ella grammatica pintga eis el buc numnaus, perquei che lezza ha negins exempels aschi liungs tier las gruppas nominalas, e las valenzas vegnan buc tractadas en lezza grammatica. Aunc damondas tier quella part dalla grammatica cumplessiva? - Legi forsa sin l'autra gada aunc p Suenter sursiglin nus lu ils detagls e mein aunc tier pagina 50ss. che pertuccan "La successiun da pleds posiziuns dalla part dalla frasa", in capetel ch'ei aunc buc tractaus ella grammatica pintga e che jeu sai aunc buc, sch'ins duess era tractar el leu ni buc. Mo quei vesin nus lu forsa aunc. Per l'autra gada hai jeu denton aunc in pensum. Mirei inaga, contas frasas pli u meins correctas che vus vegnis da far culs elements suandonts: Mia sora/ha scrit/da las vacanzas/mintga di/ina brev/a ses ami. Quei ei sis, ed ei va secapescha per anflar las restricziuns pusseivlas da spustar las parts dalla proposiziun. Empruei da far 10 exempels, igl emprem ils corrects, mo sche quei dat lu buc 10, saveis era prender dubius ni falli, mo cun indicaziun, sco vus giudicheis vos exemepels.